પ્રભુભજન ના ગાઈ શકું !

પ્રભુભજન ના ગાઈ શકું !

પ્રભુ તારા ભજન ના ગાઈ શકું,

કંઠે સુર નથી,તો હું શું કરૂં ?

ના ગાઈ શકું તો શું હું રડું ?

ના રડું ‘ને પ્રભુ માટે કાંઈ કરવા વિચારૂં,

બસ…આવા વિચારે, મન મારૂં શાંત કરૂં !……………….(૧)

 

મનમાં તો પ્રભુનામના દર્શન કરૂં,

ફક્ત પ્રભુ વિચારોમાં હું તો રહું,

ના ગાઈ શકું….ના રે હું તો રડું,

 પ્રભુને મનમાં હું કેદી કરૂં,

બસ,આવા વિચારે મન મારૂં શાંત કરૂં !………………….(૨)

 

ભક્તિભરેલા વિચારો મનડે ભરૂં,

વિચારોને શબ્દ-સ્વરૂપ ધરૂં,

ના ગાઈ શકું ….ના રે હું તો રડું,

શબ્દે શબ્દે પ્રભુને હુ તો ભજું,

બસ, આવા વિચારે મન મારૂં શાંત કરૂં !…………………(૩)

 

ભક્તિભાવે શબ્દો પેપરે લખું,

લખી લખી ખુશીઓ હૈયે ભરૂં,

ના ગાઈ શકું….ના રે હું તો રડું,

લખેલા શબ્દોમાં પ્રભુદર્શન કરતો રહું,

બસ, આવા વિચારે મન મારૂં શાંત કરૂં !………………….(૪)

 

લખેલા શબ્દોમાં કાવ્ય રચનાઓ નિહાળું,

લોકો એને કાવ્ય ના કહે તો ના ડરૂં,

ના ગાઈ શકું…ના રે હું તો રડું,

લખ્યું જે તે પ્રભુજીને અર્પણ કરૂં,

બસ, આવા વિચારે મન મારૂં શાંત કરૂં !…………………(૫)

 

અંતે ચંદ્ર સૌને કહે ઃ

કંઠે સુર હોય તો પ્રભુ ગુણલા ગાઓ,

ના ગાઈ શકો તો, ગુણલા એવા કાને ધરો,

મુખે પ્રભુનામ કે શબ્દે શબ્દે પ્રભુ-સ્મરણ કરો,

બસ, આટલું કરી તમ જીવન ધન્ય કરો !…………………(૬)

 

કાવ્ય રચના ઃ તારીખ,ઓક્ટોબર,૨૯,૨૦૧૪                   ચંદ્રવદન

 

 

બે શબ્દો…

આજે સવારે બેડમા સવારે જાગ્યો.

ત્યારબાદ પત્ની કમુ કહે “ભજન ગાઓ”

કંઠે સુર નહી….ના ગાઈ શકું….ત્યારે કમુએ અનેક ભજન/પ્રાર્થનાઓ ગાઈ અને મારા હૈયે ખુબ જ આનંદ થયો.

નીચે કોમ્યટર રૂમમા આવ્યો….મનના વિચારોને શબ્દ-સ્વરૂપ આપતા એક રચના થઈ તે જ આજે પોસ્ટ છે.

તમોને ગમી ?

ડો. ચંદ્રવદન મિસ્ત્રી.

 

FEW WORDS…

This is a Poem in Gujarati informing of the “inability of singing” & not able to sing the Bhajans or the Devotional Songs.

Facing this….What to do ? Should I cry ? The answer was NO.

The DECISION was to think, write the THOUGHTS into WORDS…..& even the POEMS.

This brought the HAPPINESS.

The Poem narrates this feelings.

Dr. Chandravadan Mistry