Archive for ઓગસ્ટ, 2013

અમેરીકાના મોહમાં આવે ભારતીઓ અમેરીકા !

 

અમેરીકાના મોહમાં આવે ભારતીઓ અમેરીકા !

આજની આ વિચારધારા માટે પ્રેરણા મળી છે એક લેખ આધારીત.

એ લેખ લખનાર છે અમદાવાદ,ગુજરાતના રહીશ મારા મિત્ર શ્રી જનકભાઈ શાહ,

એમણે એક “ફાઈલ” રૂપે આ લેખ મને ઈમેઈલથી  મોકલ્યો.

અને એ જ લેખ હ્યુસ્ટન અમેરીકા રહેતા મારા બીજા મિત્ર શ્રી વિજય શાહે એમના બ્લોગ પર પ્રગટ કર્યો એ વાંચ્યો.

કાંઈ ચર્ચા કરીએ તે પહેલા એ લેખ વાંચવો ખુબ જ અગત્યનું છે. તો, તમો નીચેની “લીન્ક” દ્વારા એ વાંચો>>>>

http://www.vijaydshah.com/2013/08/28/ek-rajakan-suraj-thavane-shamane/

આ લેખનું હેડીંગ હતું “એક રજકણ સૂરજ થવાને શમણે “.

એક સુંદર લેખ, સત્ય ઘટના આધારીત.

વાંચી, હું પણ પ્રભાવીત થયો.

અને આજની “ચંદ્રપૂકાર”ની પોસ્ટ “ચંદ્રવિચારધારા”ની કેટેગોરીમાં “અમેરીકાના મોહમાં આવે ભારતીઓ અમેરીકા”.

સારંગ અને આશાવરીના જીવનની આ વાત છે.

શિક્ષણ મેળવી ગુજરાતમાં રહેતી આશાવરીના ભાગ્યમાં અમેરીકા સ્થાયી થયેલ સારંગ જીવન સાથી…બંને નોકરી કરે અને ખુશીમાં.

જોડીયા બાળકીઓનો જન્મ. એમના ભવિષ્યનો સવાલ અને અહીંની સંસ્કૃતિ અને ભારતની સંસ્કૃતિ વચ્ચે ચર્ચા,અને અંતે અમેરીકાનો મોહ છોડી ફરી અમદાવાદમાં વસવાટ.

આ વાર્તા પહેલા. જનકભાઈ કેવી કેવી રીતે ભારતીયો અમેરીકા જવાના સ્વપનાઓને સાકાર કરવા શું શું કરે તેનો ખ્યાલ આપ્યો…અનેકને થયેલી નિરાશાનો અને દુઃખભરી કહાણીનો ખ્યાલ આપ્યો.

હવે ચર્ચા કરીએ તો સવાલો મનમાં આવે છે >>>>

(૧) જે સારંગ અને આશાવરીએ સંતાનોના ભવિષ્ય માટે અમેરીકા છોડવાનો નિર્ણય લીધો તે યોગ્ય કહેવાય ?

(૨) જેઓ ભારત છોડી અમેરીકા આવી સ્થાયી થયા તેઓએ લીધેલો નિર્ણય યોગ્ય કે એ એમની ભુલ છે ?

(૩) અમેરીકા રહેતા ભારતીઓએ ખરેખર શું કરવું જોઈએ ?

હવે આ ત્રણ પ્રષ્નો પર વિચાર કરીએ !

(૧) સારંગ અને આશાવરીએ એમેરીકાનો મોહ છોડી ભારત ફરી સ્થાયી થવાનું નક્કી કર્યું એમાં એમણે “અમેરીકન સંસ્કૃતિ”અપનાવવામાં બાળકો વડીલોને માન સનમાનનો ભંગ તેમજ અન્ય “ભારતીય સંસ્કૃતિ” ગુણોનો નાશ થતો નજરે આવ્યો. એથી જ, એમનો ભારત ફરી જવાનો નિર્ણય હતો. મારા ખ્યાલે એ યોગ્ય જ હતો.

(૨) અમેરીકામાં ઉચ્ચ અભ્યાસ કારણે ભારતીઓએ આવવું.

   અહીં આવી નોકરીની કદર, ભાવી સુધારવાની ક્ષણો….અને અહીં ગમે તેવું કામને “હલકું” ના ગણવાની વૃત્તિ, અને કાયદા કાનુનને માન આપવું એ જરૂર “સારી” વાતો છે.

આ અપનાવવા જેવી વાતો છે.

પણ, જ્યારે ભારતવાસી ભારતમાં જે થાય તેની ટીકા કરવાનું જ રાખે….અમેરીકન ઢબે જ રહેવું એમાં જ “મહાનતા” અને ડોલરના “લોભ”માં પરિવારમાં બાળકો માટે પણ પુરતું ધ્યાન ના આપવું  વિગેરે સ્વભાવમાં આવી જાય તો એ “પતન”ના પંથે જઈ રહ્યો હોય છે.

અહીં મળતી “સ્વતંત્રતા”  સાથે નારી વિચારધારાએ “સમતોલનતારૂપી હક્ક”ની માંગ, અને બાળકો વધુ પ્રમાણની “છુટ” માટે આગ્રહ રાખવો કે પછી માતા કે પિતાની સેવા “ભારરૂપી” બની જાય ત્યારે જાણવું કે તમે “પતન”ના પંથે છો.

કારણ કે ભારતીય સંસ્કારરૂપી “મુલ્ય” ઓછું થતું જાય છે

એક માનવ તરીકે કે એક ભારત સંસ્કૃતિના ઘડાયેલ માતા કે પિતા તરીકેની ફરજ અદા કરવાનું ચુકી ગયા છે.

(૩) તો…અમેરીકામાં રહેવું હોય કે જેઓ સ્થાયી થઈ રહે છે તેઓએ શું કરવું ?

તો, ભલે અમેરીકામાં રહો પણ ભારત અને એની સંસ્કૃતિ મુલ્યને કદી ના ભુલો….બાળકોમાં “ભક્તિભાવ” જાગૃત કરવાના પ્રયાસો ચાલુ રાખો . અહીં પણ વૃદાવન અને કૃષ્ણ તત્વ હોય શકે. હવે જેમ ભારતીઓનો વસ્તી વધારો થાય છે, મંદીરો પણ બને છે તેનો લાભ લઈ શકાય છે. અહીં રહી પણ તમે ભારતમાં રહેતા દુઃખીઓ દર્દીઓ અને ગરીબોના સાહક બની શકો છો.આવી  હાલતે તમે હોય તો અમેરીકાની “કર્મભૂમી”માં તમે યોગ્ય છો.

મેં તો મારી વિચારચારા દર્શાવી દીધી.

તમે શું કહો છો ?

એવું નથી કે જે મેં કહ્યું એ જ યોગ્ય કહેવાય…ના ના, તમે તમારો અભિપ્રાય જરૂર આપજો !

હું અનેકના “નવા વિચારો” વાંચવા આતુર રહીશ !

 

ડો. ચંદ્રવદન મિસ્ત્રી.

FEW  WORDS…

Today’s Post is in the Category of “CHANDRA VICHARADHARA”

Today’s Topic is ” Attraction to America & Indians Residing in America “.

I am of the opinion that it is NOT a crime to come to America.

Those who “totally ignore the Eastern Culture or the Indian Culture” often have the Path towards the “Self Destruction”.

Adopt what is “good” in America & also “preserve” the old traditions of the Higher Values.

There are some who had chosen to leave America for the “Future ” of their Childeren or some other personal reasons.

Those who choose to stay, have the “greatest responsibility” to preserve the “Indian Identity” and at the same time be “proud” of what America had given to them.

Your OPINION is important.

Give as your COMMENT for this Post.

Dr. Chandravadan Mistry

ઓગસ્ટ 30, 2013 at 12:53 એ એમ (am) 15 comments

કળિયુગમાં શ્રી કૃષ્ણ વિચાર !

કળિયુગમાં શ્રી કૃષ્ણ વિચાર !

હવે, ફરી જન્મવું કે ના જન્મવું ?એ પર કાનો  વિચાર કરે,

વિચાર કરતા, કાનો તો તો ખુબ જ મુજવણોમાં પડે,

ઈચ્છા નથી હવે, ધરતી પર જાવા મુજને !…….(૧)

 

નથી રહ્યો ધરતી પર પ્યારો અર્જુન મારો,

અરે ! નથી રહ્યો ધર્મરક્ષક ધર્મરાજ મારો,

ઈચ્છા નથી હવે, ધરતી પર જાવા મુજને !…..(૨)

 

એક કંસ જગાએ અનેક કંસો હું નિહાળી રહ્યો,

નથી પાંડવો ‘ને કૌરવરૂપી માનવો હું નિહાળી રહ્યો,

ઈચ્છા નથી હવે, ધરતી પર જાવા મુજને !….(૩)

 

અરે ! વૃદાવન અને ગોકળીયું પણ ના રહ્યું,

ગામડાઓ બદલે શહેરો બનેલા, તે જ જોવાનું રહ્યું,

ઈચ્છા નથી હવે, ધરતી પર જાવા મુજને !…..(૪)

 

હવે નથી ગોપ ગોપીઓ અને રાધાજી મારા ધામે,

માખણ છે અતુલ નામે, રાસ જગાએ “ડીસ્કો” જામે,

ઈચ્છા નથી હવે, ધરતી પર જાવા મુજને !…..(૫)

 

નેતાઓ અને પ્રજા ભ્રષ્ટાચારની આગમાં જલી રહ્યા,

તો, કોણ સાંભળશે ? સૌ તો કૃષ્ણ કે કાનાને ભુલી ગયા,

ઈચ્છા નથી હવે,ધરતી પર જાવા મુજને !……(૬)

 

જે કહેવું હતું તે તો મેં કહી દીધું હતું “ગીતા” પાઠે,

જે કહ્યું હતું છે એ મિઠ્યા, જો આજે ગીતા મારી ના ખોલે,

ઈચ્છા નથી હવે, ધરતી પર જાવા મુજને !……(૭)

 

અંતે ચંદ્ર કહે ઃ “જન્મ દિવસ છે આજ તારો, ઓ,કાના, મારા પ્યારા,

છોડી હઠ તારી,કળિયુગે આવજે વહેલો વહેલો ઓ, પ્રિતમ, મારા પ્યારા,”

ઈચ્છા બદલી, ભક્તો કાજે કાનો મારો જગમાં આવે !…..(૮)

 

કાવ્ય રચનાઃ તારીખ ઓગસ્ટ,૨૬,૨૦૧૩                    ચંદ્રવદન

 

બે શબ્દો…

આજની પોસ્ટ છે “પી.કે.દાવડા”ના કાવ્ય આધારીત.

જે કાવ્ય ઈમેઈલ દ્વારા મળેલું તે છે>>>>

નથીજન્મલેવો

(ઢાળઃપુરીએકઅંધેરીનેગંડુરાજા)

 

કહે  કૃષ્ણ  મારે  નથીજન્મલેવો,

નથીઆજગીતાતણો પાઠકહેવો.

હવે   ચોરવા  માખણ ક્યાં વધ્યુંછે

ઈજારો બધોઅમૂલને દઈદીધોછે

હવે  ગોપીઓને  નબંસી  જગાવે,

હવે  સેલ  ફોનો  તણાં   સાદઆવે.

હવે  ગોપીઓ   રોજ  કોલેજ  જાતી,

નવાકા’ન શોધી  નવાગીતગાતી.

હવે    ચૂંટણીમા લડે  કંસ  જાજા,

લડે  ચૂંટણીઓ  મૂકી સર્વ  માજા.

હવે    પાંડવો  કૌરવો  એક  ખૂંટે,

લડે  ચૂંટણી  ને  પછીરાજ લૂંટે.

કહોઆજમારૂં અહીંકામશું છે?

કયાંધર્મરાજા? એ અર્જુનક્યાંછે?

             -પી. કે. દાવડા

તો, મારી રચના સાથે ઉપરની દાવડાજીની રચના માણો.

સૌને આ વર્ષની “જન્માસ્ટમી” માટે  આનંદભરી શુભેચ્છાઓ.

ડો. ચંદ્રવદન મિસ્ત્રી.

FEW WORDS…

Today it is Birthday of Lord Krushna.

It is 28th August 2013.

A Poem in Gujarati was created after the inspiration from a Poem sent to me by P.K. Davda by Email. That Poem is also published in this Post…so that the Readers can enjoy both Creations.

HAPPY JANMASTMI to All !

Dr. Chandravadan Mistry

ઓગસ્ટ 28, 2013 at 12:35 એ એમ (am) 12 comments

“શ્વેતા”…મારી એક પુસ્તક-વાંચન યાત્રા !

શ્રી પ્રવીણ શાસ્ત્રી

શ્રી પ્રવીણ શાસ્ત્રી

PRAVIN SHASTRI…..Author  of the Book SWETA

 
“શ્વેતા”…મારી એક પુસ્તક-વાંચન યાત્રા !
 
 
શ્વેતા”નામનું પુસ્તક પોસ્ટ દ્વારા સોમવાર અને જુલાઈ,૧,૨૦૧૩ના દિવસે મારા હાથમાં હતું.
એ પુસ્તકના ન્યુ જર્સી રહીશ શ્રી પ્રવિણભાઈ શાસ્ત્રીએ મને પ્રસાદીરૂપે મોકલ્યું હતું.
પુસ્તક મળ્યા બાદ, તરત જ મેં વાંચવાનો લ્હાવો લીધો.
 
એ લાલ કલરના પુસ્તક કવર પર લેખકના નામ તેમજ પુસ્તક નામ “શ્વેતા”સાથે એક સુંદર નારીનો ચહેરો હતો.
કવર ખોલી, એક પછી એક પાના ધીરે ધીરે વાંચ્યા.
 
આ નવલકથાની શરૂઆત પાન ૧૦થી થાય તે પહેલા, પ્રવિણભાઈના શબ્દો “મારી વાત”, અને ત્યારબાદ,”મિત્રને વધાઈ”રૂપે હરનિશભાઈ જાનીના વિચારો અને છેલ્લે ડો. હરિકૃષ્ણ જોષીના થોડા શબ્દો વાંચી આનંદ અનુભવ્યો.
 
પણ મનમાં એક જ પ્રષ્ન હતો ઃ પ્રવિણભાઈની “શ્વેતા”ખરેખર કોણ ?
એ જાણવા માટે આતુરતા હતી. પાન ૧૦થી શરૂ થયેલ ચેપ્ટર ૧ થી પાન ૨૨૪એ પુર્ણ કરતો ચેપ્ટર ૨૯ વાંચી આનંદ થયો.
નવલકથાની શરૂઆતે સુહાગરાત્રીએ પતિ અક્ષયની વાટ જોઈ રહેલી “શ્વેતા”ના દર્શન થાય છે.પણ, અક્ષય કોણ ? એનું જણાવતા, એના પિતા સુંદરલાલ શેઠ અને માતા સુવર્ણાબેનના દર્શન સાથે શેઠની કંપનીમાં કામ કરતા શ્વેતાના મોટાભાઈ યોગેશભાઈ શ્રોફની ઓળખાણ પણ થઈ.
શ્વેતાને એક સંસ્કારી છોકરી જાણી, સુંદરલાલે એમના દીકરા અક્ષય માટે શ્વેતાનો હાથ માંગતા,શ્વેતાના મંજુરી સાથે, યોગેશભાઈએ શ્વેતાના લગ્ન અક્ષય સાથે કરાવ્યા હતા.અક્ષય એસએસસી ભણેલો અને શ્વેતા હોંશીયાર ઈકોનોમીક્સ સાથે “એમબીએ”હોવા છતાં આ લગ્ન માટે રાજી હતી.દારૂના નશામાં સીગરેટ પીતા અક્ષયે લગ્નની પહેલી રાતે જ એના કેથી સાથેના સબંધોની જાણ કરી અને સાથે સ્વીઝરલેન્ડના હનીમુન પ્રવાસની ચેતવણી આપી.
બીજે ચેપ્ટરે સ્વીઝરલેન્ડ ટ્રીપ અને સાથે હતી અક્ષયની પ્યારી કેથી. ત્યાર બાદની ઘટનાથી ભયભીત થયેલી શ્વેતાએ રીટ્ર્ન ટિકીટનો ઉપયોગ કરી, મુંબઈ “સુવર્ણ વીલા”માં જઈ સુંદરલાલના પગે પડી અને બધી જ સત્ય ઘટના કહી ત્યારે સુંદરલાલ અને સુવર્ણાબેને એને વહું ના ગણી અને પોતાની જ દીકરીરૂપે સ્વીકારી.શ્વેતાએ એનો સ્વીકાર કર્યો.
આ નવલકથામાં અનેક પાત્રોનો સમાવેશ થાય છે…અનેક ઘટનાઓ થાય છે.
શ્વેતાને શેઠની કંપનીમાં જવાબદારી….કેથીને “દ્રગ”ના કેસમાં ધરપકડ, અક્ષયથી દુર કેથી, અને ધીરે ધીરે અક્ષય શ્વેતાને ચાહતો થઈ પોતાની ભુલો માટે માફી માંગે, પણ અંતે અત્માહત્યા કરે એટલે શ્વેતા ખરેખર વિધવા થઈ.અને,અક્ષયના મૃત્યુના આઘતે સુવર્ણાબેનનું હાર્ટએટેકથી ગુજરી જવું.ત્યારે શ્વેતાએ પીયર જવા ઈનકાર કરી સસરાની સેવા માટે જીવન અર્પણ કર્યું.
એવી સેવા સમયે, સુંદરલાલ નિકુળ સાથે શ્વેતાને નિહાળી એમના લગ્ન થઈ જાય એવા વિચારે હતા..વાર્તામા નિકુળને લાવતા, સાથે એની ટ્વીનબેન “નિરાલી” એન પતિ ડોકટર રાજુભાઈ તેમજ રાજુભાઈના માતાપિતા પાર્વતિબેન અને શિવભાઈ વગેરે આવ્યા. અને, સુંદરલાલના પ્લાન પ્રમાણે  બે કંપની જોડી શ્વેતા અને નિકુળ કામ માટે લંડન ગયા. ત્યારે શ્વેતાને આઘાત…નિકુળ એક યુવાન સાથે અને એ પછી સત્ય જાણી શ્વેતાને પુરૂષદેહમાં સ્ત્રી તત્વને આકાર આપવા જરૂરીત સર્જરી માટે શ્વેતા તૈયાર હતી…નિકુળ સમાજથી ડરતો હતો ત્યારે એના જીજા ડો. રાજુભાઈએ હિંમત આપી અને એણે હા પાડી. એથી, વાર્તામાં પ્રવેશ કરે છે પ્લાસ્ટીક સર્જન ડો. આદિત્ય આડવાની, જે ન્યુ યોર્કમાં પ્રેકટીશ કરતા હતા.
નિકુળમાંથી “સેક્ષ ચેઈન્જ” સાથે “નિકિતા” થઈ.
અને ત્યારબાદ, આવ્યા સોનાલીબેન આડવાની યાને ડો. આદિત્યના માતાજી.
સોનાલીબેન અસલ મુંબઈના રહીશ અને સુંદરલાલ શેઠના પાડોશી, અને એવી જાણમાં સુવર્ણાબેન પીયર હતા ત્યારે થયેલી એક ભુલના કારણે સોનલીબેન ગર્ભવતી થયા અને, ગણપતકાકાની સલાહે મુંબઈ છોડી અમદાવાદ સેટલ થઈ હતી અને ત્યાં જ આદિત્યનો જન્મ થયો હતો. આવા વિચારે સોનાલી શ્વેતા અને આદિત્યને ભાઈ અને બેનના સ્વરૂપે નિહાળતી હતી ત્યારે સત્ય બહાર આવ્યું ઃ અક્ષય એ સુંદરલાલ અને સુવર્ણાબેનનો દ્ત્તક પુત્ર હતો, અને એથી ભાઈ-બેનનો સબંધનો સવાલ રહેતો ના હતો.
ડો.મોના મહેતા મેનેજર કુંદનલાલની દીકરી અને એના ભણતર માટે સુંદરલાલ શેઠએ મદદ કરી હતી.એના લગ્ન પારશી  દીડો.ફીરોઝશાનાકરા મોહિત સાથે થયા હતા.આદિત્ય અને શ્વેતાના લગ્ન થઈ ગયા. પાર્ટીમાં પાર્વતિબેનના દીકરા રાજુના વર્તનથી નારાજ હતા.પણ, નિરાલીના મરણ વિષે વત કરી,ત્યાર નિપુલની નિરાલીનો ભેદ ખોલી રાજુએ વિગતો સુંદરકાકાને કહી.
ત્યારે બધુ જાણી, સુંદરલાલ શેઠે પ્લાનીંગ કર્યું અને જુનવાણીના પાર્વતિબેને નિકિતાને પ્રેમથી સ્વીકારી..ત્યારબાદ ભેદ ખોલી સત્ય જણાવ્યું.ત્યારબાદ, ત્રણ યુગલ કપલો ( આદિત્ય-શ્વેતા, રાજુ -નિકિતા, અને મોના-મોહિત )આ લગ્નખુશી સાથે પાર્ટી..અને શ્વેતા અને આદિત્ય હનીમુન માટે હવાઈ, મોના અને મોહિત અમેરીકા અને રાજુ અને નિકિતા ન્યુઝીલેન્ડ.
અને અંતે….
“ડી.એન.એ”ની ટેસ્ટ થી આદિત્યને સુંદરલાલ જ એના પિતા છે એવી જાણ થઈ..અને શ્વેતા ગર્ભવતી હતી એથી કુળે એક બાળ હશે. અને એક કવરમાં મમ્મી અને પપ્પા ( સોનલી અને સુંદરલાલ) માટે ૭૭ દિવસનો પ્રવાસ મુંબઈથી શરૂ કરી એક શણગારેલી લીમોઝીનમાં તૈયાર હતા…જેનાં પર લખ્યું હતું “ટુગેધર ફોર એવર”.
આ રહી પુર્ણ વાર્તા !
 
પણ…એ પછી હતા માધવી દવે તરફથી પુસ્તકના સારરૂપે શબ્દો.અને એમાં છેલ્લે લખ્યું હતું ઃ”સિત્તેર વર્ષે લેખન કાર્ય શરૂ કરનાર આ યુવાન લેખક પ્રવિણકાંતને અને તેમની પહેલી પ્રકાશીત થતી લઘુનવલ વહેતી વાર્તા “શ્વેતા”ને આવકારતા, હર્ષ અનુભવતા વાચકગણોમાંથી એક અહીં પણ સ્વાગત કરતા ગૌરવ અનુભવું છું “
હું મારા પુસ્તક વાંચન બાદ, એટલું કહું છું કે પ્રવિણભાઈને બાળપણે જે સાહિત્ય પ્રેમ હતો તે જ ફરી સરસ્વતી માતા કૃપાથી જાગૃત થયો છે. અને એના જ પરિણામે આ સુંદર નવલકથાનું લેખન શક્ય થયું છે. એમને મારા અભિનંદન !
 
ડો. ચંદ્રવદન મિસ્ત્રી.
 
 
 
બે શબ્દો …
 
 
આ પુસ્તક વાંચવાનો લ્હાવો મળ્યો એનો આનંદ છે !
ફક્ત એક કલ્પીત નવલકથારૂપે ના નિહાળતા, આ વાર્તામાં સંસારની અનેક ઘટનાઓનો સમાવેશ કરી, લેખકે સંસારી મુઝવણોનો કેમ સામનો કરવો તેની સમજ આપી છે. જુનવાણીને કડક પાલન કરતા હોય તેઓને “નવા વિચારો”ને અપનાવવાની શીખ છે.સંસારમાં “ગમતું કે ના ગમતું ” જે કાંઈ થાય છે તેમાં પ્રભુ ઈચ્છા નિહાળી સ્વીકાર કરતા જ મનને “શાંતી” મળે છે.
ભલે, આ પુસ્તકની નવલકથામાં “શ્વેતા” મુખ્ય પાત્ર છે, તેમ છતાં, સુંદરલાલ શેઠનું પાત્ર ખુબ જ અગત્યનું છે. એઓ પૈસેદાર વ્યક્તિ, અને અનેકને પ્રાભાવિત કરે એવી એમની શક્તિ હતી ..એ શક્તિ દ્વારા એમણે અનેકને લાભ થાય એવું કાર્ય સિધ્ધ કર્યું. એમાં જ એમની મહાનતા છુપાયેલી છે.
મેં તો પુસ્તકનું વાંચન કર્યું.
જે કોઈને એ વાંચવાનો લ્હાવો મળશે તો મારૂં માનવું છે કે આ નવલકથા ગમશે જ !
 
ડો. ચંદ્રવદન મિસ્ત્રી.
 
 
FEW WORDS…
 
Today’s Post is my view of a Gujarati Book “SWETA”.
It is a book on one  Individual by the name SWETA. She gets married to less educated boy,AXAY a son of a rich person SUNDARALAL SHETH.
This son is Alcohic & a Drug Addict who is in love with KATHY, a Secretary.
Sweta learning of this, wanted the Divorce.
Accepting Sweta not as a Daughter-in-law but as their own daughter,Sweta chose to stay & change Axay…In keeping him away from Kathy Sweta is successful but eventually he committed suicide..his mother SUVARNABEN died from the Heart Attack because of the shock of her son.
Then…the Story brings lots of EVENTS in Sweta’s life.
The 2nd Husband to be was a Male with Female biochemistry…Sweta was  ready to help him to have the Sex-change Sugery.
She is introduced to another Person Dr.Aditya who happens to be the illegitimate child of Sunderalal.
Then, the revelation of late AXAY was an ADOPTED Child.
The introduction of Dr. Raju who had married the sister of NIPUL….Nipul became NIKITA by the sugical change…and eventually RAJU marries NIKITA who can not give birth to a child but ready to take care of the PURVI ( daughter of Raju).
Then there is Dr. Mona Mehta who gets married to a Parsi Boy.
SONALIBEN ( the Mother of Aditya) was the one SUNDERLAL had pregnated …they too, marry eachother & go out on the World Tour.
SWETA -ADITYA & others couples go for the HONEYMOON at different places after a big Party.
 
One can see there is DEEP MESSAGE of the ACCEPT the CHANGE in the SOCIETY.
 
Dr. Chandravadan Mistry
 

ઓગસ્ટ 26, 2013 at 12:34 પી એમ(pm) 6 comments

પ્રેમના પ્રતિકરૂપે એક બાંયવાળુ લાલ સ્વેટર !

one lovers caucasian couple man and woman walking hand in hand in studio silhouette isolated on white background Stock Photo - 14683120

   TWO  LOVERS

PHOTO via GOOGLE SEARCH

 

પ્રેમના પ્રતિકરૂપે એક બાંયવાળુ લાલ સ્વેટર !

 

પહર્યું લાલ સ્વેટર એક બાંયનું,

શાને એવું સ્વેટર યુવાને પહેર્યું ?…..(ટેક)

 

એ જ યુવાન પત્ની સંગે દરરોજ ટ્રેઈન સફર કરે,

ત્યારે, પત્ની એની વાતો કરતા, સ્વેટર ગુંથતી રહે,

 

નિત્ય ક્રમે, ટ્રેઈન સફરે આ સ્વેટર ગુંથાય છે,

વાતો કરતા, હસતા પતિ પત્ની ખુશ દેખાય છે,

 

વાતો વાતોમાં બે હૈયેથી પ્રેમ છલકાય છે,

દર્શન એવા કરનાર પણ ખુબ હરખાય છે,

 

એક દિવસ, પતિ એકલો ટ્રેઈન સફર કરી રહે,

નથી પત્ની સાથે અને ના વાતોમાં મુજાય છે,

 

એક બાંયનું સ્વેટર એના દેહ પર દેખાય છે,

દર્શક પેલો પૂછે ઃ” કેમ આજ તું એકલો છે ?”,

 

યુવક ના બોલ્યો કાંઈ, એ તો મૌન રહ્યો,

ત્યારે, દર્શક ફરી ફરી એને પૂછી રહ્યો,

 

ત્યારે યુવાન કહે ઃ “પત્ની મારી કેન્સરની દર્દી હતી,

બાકી ટુંકા જીવનમાં પળ પળે સંગે રહેવાની આશ હતી,

 

એથી જ નોકરી માટે  ટ્રેઈન સફર હું કરૂં,

ત્યારે સંગે બેસી, હું હૈયે એના આનંદ ભરતો રહું,

 

વાતો સાથે એ તો સ્વેટર ગુંથતી રહે,

ગુંથતા ગુંથતા, એક બાંય બાકી રહે,

 

ત્યાં તો, પ્રભુધામથી એનું તેડુ આવે,

એક બાંયનું આ સ્વેટર છે આજે મુજ પાસે,

 

મારી પત્નીનું પ્રેમ પતિક, છે એ જ આજે,

પહેરીશ,અને રાખીશ યાદ એની મુજ હૈયે આજે”,

 

ચંદ્ર કહે ઃ “દર્શક નયને તો આંસુઓ વહે,

પ્રેમ કહાણીના પતિ-પત્ની માટે પ્રાર્થનાઓ રહે” !

 

કાવ્ય રચના ઃ તારીખ ઓગસ્ટ,૨૦,૨૦૧૩                          ચંદ્રવદન

 

 

બે શબ્દો…

આજની કાવ્ય રચના વિનોદભાઈ પટેલે પ્રગટ કરેલી પોસ્ટ “એક બાંયનું રંગીન સ્વેટર- એક યુવાન યુગલના અદભૂત પ્રેમની સત્યકથાનો વીડીયો” આધારીત છે. હું વધુ ના કહીશ….પણ તમો જરૂરથી એ પોસ્ટ વાંચશો અને એ વીડીયો જરૂરથી નિહાળશો…એ માટે “લીન્ક” છે>>>

http://vinodvihar75.wordpress.com/2013/08/19/293-%e0%aa%8f%e0%aa%95-%e0%aa%ac%e0%aa%be%e0%aa%82%e0%aa%af%e0%aa%a8%e0%ab%81%e0%aa%82-%e0%aa%b0%e0%aa%82%e0%aa%97%e0%ab%80%e0%aa%a8-%e0%aa%b8%e0%ab%8d%e0%aa%b5%e0%ab%87%e0%aa%9f%e0%aa%b0/

 

 

વિનોદભાઈની પોસ્ટ ગમી જ હશે.

અને, આશા છે આ કાવ્ય-પોસ્ટ પણ ગમી હશે !

 

ડો. ચંદ્રવદન મિસ્ત્રી.

 

FEW WORDS…

Today’s Post is a Poem in Gujarati based on the Post No.293 on Vinod Vihar.

The LINK to that Post with a VIDEO Clip is given above. Please read that Post.

I hope you like this Post with the Poem .

 

Dr. Chandravadan Mistry.

ઓગસ્ટ 21, 2013 at 3:51 પી એમ(pm) 8 comments

રક્ષાબંધન દિવસે બે બેનોની યાદ !

રક્ષાબંધન દિવસે બે બેનોની યાદ !
 
 
રક્ષાબંધનનો શુભ દિવસ છે આજ,
મારી બે બેનોની યાદ આવે છે આજ !…..(ટેક)
 
 
હું ના  હતો જ્યારે જગમાં, હતી બેન “ડાહી” નામે,
કદાચ, જન્મી નાઈરોબી ‘ને આવી’તી વેસ્મા ગામે,
થોડા સમયના મહેમાન જગમાં બની,
એ તો ગઈ’તી પ્રભુધામે એક પરી બની !…………રક્ષાબંધનનો….(૧)
 
 
હજુ,હું ના હતો આ જગમાં, અને હતી બેન “ચંચળ” નામે,
જન્મ હતો એનો જરૂર, પ્યારા વેસ્મા ગામે,
થોડા સમયના મહેમાન જગમાં બની,
એ તો ગઈ’તી પ્રભુધામે એક પરી બની !……રક્ષાબંધનનો………(૨)
 
 
વહી ગયા વર્ષો અનેક, ‘ને ૧૯૪૩ની સાલ આવે,
જન્મી, જીવી ગયો હું તો વેસ્મા ગામે,
પ્રભુએ રાખ્યો મહેમાન જગમાં મુજને,
બેનોને યાદ કરી, કહાણી કહેવા સૌને!…..રક્ષાબંધનનો…….(૩)
 
 
રક્ષાબંધન દિવસ તો આવશે અને જાશે,
વર્ષે વર્ષે બે બેનોની મીઠી યાદ જરૂર લાવશે,
ચંદ્ર કહે ઃ રહે બેનોની યાદ જીવનભર મુજ હૈયે,
એવી ભૈયાની યાદોને સ્વીકારી લે, બેનો પ્રભુધામે !…..રક્ષાબંધનનો….(૪)
 
 
કાવ્ય રચનાઃ તારીખ જુલાઈ,૨૬,૨૦૧૩                 ચંદ્રવદન
 
બે શબ્દો…
 
આજે છે “રક્ષાબંધન”નો શુભ દિવસ.
હું નાનો હતો ત્યારે જાણ્યું હતું કે મારા જન્મ પહેલા, ૨ બેનો અને ૨ ભાઈઓ નાની બાળવયે ગુજરી ગયા હતા.
૧૯૩૪માં મારા પિતાશ્રી અને માતૃશ્રી મારા મોટાભાઈ અને એક નાની બેન સાથે વેસ્મા હતા.
એ નાની બેન તે જ બેન “ડાહી”.
એક સ્ટુડીયો ફોટોમાં એ ડાહીબેનને મેં નિહાળી હતી.
એ કારણોસર બાળમાંદગીમાં ગુજરી ગઈ.
ત્યારબાદ, બીજી બેન “ચંચળ”નો જન્મ.
એ પણ નાની બાળવયે ગુજરી ગઈ.
મારા મોટાભાઈ બાદ બે ભાઈઓ અને બે બેનો ગુજરી ગયા હતા.
અને ૧૯૪૩માં મારો જન્મ.
મારી જીવનદોર પ્રભુએ સંભાળી.
આજે, “બે બેનો”ની યાદ તાજી કરી આ રચના શક્ય થઈ છે.
એ જ મારી એઓને “અંજલી” છે !
તમોને પોસ્ટ ગમે એવી આશા.
સૌને રક્ષાબંધનની શુભેચ્છાઓ !
 
ડો. ચંદ્રવદન મિસ્ત્રી.
FEW WORDS…
It is 2013.
This year the RAXABANDHAN Day is on 20th Aug.2013.
Today, I have a Kavya Post on the SISTERS.
Even before my birth, there were 2 sisters (Dahi & Chanchal) who had died very young.
I had my Elder brother. And NO SISTER to play with.
This Poem is bringing back those “old memories”.
Every Raxabandhan Day, I eagerly wait for the RAXA from my distant Cousin Sisters.
HAPPY RAXABANDHAN DAY to All !
Dr. Chandravadana Mistry

ઓગસ્ટ 20, 2013 at 12:27 એ એમ (am) 11 comments

જયકાન્ત પટેલ કોણ છે ?

gulab1

યકાન્ત પટેલ કોણ છે ?

જયકાન્ત પટેલ કોણ છે

જાણવું હોય તો પૂછો એ કોણ છે ?…..(ટેક)

 

 

એ તો, વદોડરાના એક રહીશ છે,

ખેતી પ્રેમી માત-પિતાના રંગે એ ખેડુત છે,

એવા ગુજરાત ખેડુત રત્નને ચંદ્ર વંદન કરે !….જયકાન્ત ….(૧)

 

વદોડરાની “સંદેશ” દૈનિક આવૃત્તિ માટે જે કામ કરે,

“સીનીઅર એડીટર”પદ ચીમન શેઠ સંગે એ નિભાવે,

એવા પત્રકાર રત્નને ચંદ્ર વંદન કરે !….જયકાન્ત…..(૨)

 

અમેરીકા આવી, હ્યુસ્ટને સ્થાયી જે થાય છે,

આવી, ૨૦૧૧માં જે “સરેન્ડર સર્ટીફીકેટ” વિરોધ જંગ કરે છે,

એવા આંદોલન કરનાર રત્નને ચંદ્ર વંદન કરે !….જયકાન્ત….(૩)

 

અમેરીકામાં રહી, જયકાન્ત હૈયે ગુજરાત રાજ્ય પ્રેમ છે,

“એન.આર. આઈ.” સ્વરૂપે ગુજરાત ચુંટણીમાં જેનું બલીદાન છે,

એવા રાજકિય -પ્રેમી રત્નને ચંદ્ર વંદન કરે !…જયકાન્ત….(૪)

 

ભલે, રાજકિય કાર્ય એમના જીવનનું એક અંગ છે,

આધ્યમિક્તાના પંથે “મોરારી બાપુ કથા” આયોજનમાં એમનો ફાળો છે,

એવા જનસેવક રત્નને ચંદ્ર વંદન કરે !…..જયકાન્ત….(૫)

 

ચંદ્ર તો પ્રદીપ રાવળ દ્વારા જયકાન્તને રે જાણે,

નથી મળ્યો, પણ ફોન પર એમને સાંભળી સૌને કહેઃ

“જયકાન્ત તો મારો મિત્ર છે !” અને શબ્દો એવા ગુંજી રહે !….જયકાન્ત…(૬)

 

 

કાવ્ય રચના ઃ તારીખ જુલાઈ,૧૪,૨૦૧૩               ચંદ્રવદન

બે શબ્દો…

આજની પોસ્ટ વિષે વધુ શું લખું ?

જે જયકાન્તભાઈ વિષે જાણ્યું તેને જ કાવ્યરૂપે જણાવી દીધું છે.

હ્યુસ્ટન, ટેક્ષાસમાં રહેતા, આ ગુજરાત-પ્રેમીના જીવન વિષે આ ફક્ત “ઝલક” રૂપે જ છે.

“જન ફરિયાદ”ન્યુઝપેપરના તંત્રીશ્રી પ્રદીપભાઈ રાવળ દ્વારા એમની ઓળખાણ થઈ એમાં પ્રભુની ઈચ્છા હશે.

આ પોસ્ટ દ્વારા તમે એમને પહેલીવાર જાણ્યા….તો કોઈ એમને એ પહેલા પણ જાણતા હશો.

પધારી, તમે પોસ્ટ વાંચી, તે માટે આનંદ અને આભાર !

 

ડો. ચંદ્રવદન મિસ્ત્રી.

FEW WORDS…

Today’s Post is about an individual by the name JAYKANT PATEL who is a resident of HOUSTON,TEXAS.

Before coming to U.S.A. he was residing at VADODARA, GUJARAT,INDIA.

He has been a JOURNALIST and even now his passion & love is for GUJARAT,where he was born.

I salute him via a POEM that I had written in Gujarati & which is the POST today .

Dr. Chandravadan Mistry

ઓગસ્ટ 17, 2013 at 1:05 પી એમ(pm) 7 comments

હું છું ગુજરાત ! કહાણી મારી હું કહું !

                                               GUJARAT MAP via GOOGLE
હું છું ગુજરાત ! કહાણી મારી હું કહું !
હું છું ગુજરાત ! કહાણી મારી હું કહું !
તમે સાંભળો ! તમે સાંભળો !………….(ટેક)
 
 
આજ ભારતમાતા ધરતી નિહાળી, જે દર્શન કરે,
ઉત્તરે રાજસ્થાન, દક્ષિણે મહારાષ્ટ્રની હદો રહે,
પક્ષિમે પાકિસ્તાનનું સિંધ ‘ને પુર્વે અરબી સાગરનીર વહે,
મારી આ વિશાળતાને જરા સમજી લ્યોને !……હું છું…..(૧)
 
 
મુજ દેહમાં ફેરફારો થયા છે અનેક,
રાજ-રજવાડા ‘ને મોગલ અંગ્રેજ રાજે વધઘટ અનેક,
સ્વતંત્રત ભારતનું મહાગુજરાત મટી, ૧૯૬૦માં બનેલું છે હું ગુજરાત,
મુજને હવે તમે જરા ઓળખી લ્યોને !….હું છું ……(૨)
 
 
મોટામાં મોટું શહેર અમદાવાદ પ્રથમ રાજધાની બની,
થોડે દુરે “ગાંધીનગર”તે છે હવે રાજધાની મારી,
નાના મોટા શહેરે અને ગામે ગામે રહે નજર મારી,
સૌ રહીશોમાં મુજને તમે પહેચાણી લ્યોને !…હું છું……(૩)
 
 
કુદરત મુજ સંગે  પ્રેમ દઈ જરા રમી રહે,
મેઘ પાણીથી ભીંજવે, સુર્ય તપાવી, વસંતે ફળફુલો ખીલવે,
ધરતીકંપ અને ઉભરાતી નદીએ રેલો સહી છે મેં ભીની આંખે,
મારા હૈયાને તમે જરા સમજી લ્યોને !…..હું છું ……(૪)
 
 
હરિયાલીની લીલી ચાદરે જંગલ ખેતરો હસી રહે,
ગીર જંગલે, સિંહરાજ ગર્જના કરી સૌને જગાડે,
નદી-ઝરણા નીરે સ્નાન કરી, ખુશીઓથી હૈયું મારૂં નાચે !
એવા ખુશીભર્યા દર્શન મારા કર લ્યોને !…..હું છું …..(૫)
 
 
સાબરમતી સંગે વિશાળ નર્બદા, તાપી નદીઓ વહે,
સોમનાથ ‘ને દ્વારિકા મંદિરોમાં શીવ કૃષ્ણ બિરાજે,
અંબાજી ડાકોરજીને કોઈ કેમ ભુલી શકે ?
એવા પવિત્રતા મુજમાં નિહાળી લ્યોને !……હું છું …..(૬)
 
 
હવે, મારા પ્યારા બાળસંતાનોની હું વાત કરૂં,
ગાંધી, સરદાર પટેલ જીવન ભારત આઝાદી માટે ગયું,
તાતા સારાભાઈ જીવને સ્વતંત્ર ભારત મજબુત થયું,
એવા મારા વિરલાઓને યાદ કરી લ્યોને !….હું છું……(૭)
 
 
સર્વ ધર્મો છે સમાન સુત્ર એવું મારૂં રહે,
હિન્દુ-મુસલીમ લડ્યા ભુલથી ,મનડે અફસોસ એનો રહે,
પણ, “સૌ ગુજરાતી” મુજ હૈયે બાળ હંમેશ પ્યારા રહે,
સૌમાં “પ્રેમ એકતા”ના દર્શન કરી લ્યોને !……હું છું….(૮)
 
 
આજે, ખેતરરૂપી ભૂમી અન્ન પાકોભરી નિહાળી,સૌ મારા રહીશોને છે ખુશી,
આજે, સુંદર સુધરેલા રસ્તાઓ નિહાળી, વાહનહાંકનારાઓને છે ખુશી,
પ્રગતિના પંથે, ખીલેલી સુંદરતા નિહાળી, મુજ હૈયે છે ખુશી,
એવા વિચારે, આનંદીત મુજને માની લ્યોને !…..હું છું ….(૯)
 
 
આજે છે નરેન્દ્ર મોદીજી, પણ મુજ સેવા કાજે હતા અનેક,
સૌના બલીદાનથી જ બનેલી ગુજરાત છું હું એક,
ભારમાતાની લાડલી સ્વરૂપે હું તો છુ સૌમાં એક,
એવા ભાવે મુજને તમે સ્વીકારી લ્યોને !…..હું છું….(૧૦)
 
 
મારા રહીશો ગર્વથી કહેઃ”જય ગુજરાત મારી !”
ભારતવાસીઓ ખુશીથી કહેઃ “જય ગુજરાત અમારી !”
વિશ્વભરમાં સૌ કહે ઃ જય ગુજરાત પ્યારી !”
એવા શબ્દોમાં “ચંદ્રવાણી” જાણી લ્યોને !….હું છું…..(૧૧)
 
 
કાવ્ય રચના ઃ તારીખ,૮, ઓગસ્ટ, ૨૦૧૩                   ચંદ્રવદન

બે શબ્દો…

આજે છે ૧૫મી ઓગસ્ટ,૨૦૧૩.

૧૫મી ઓગસ્ટ એટલે ભારતનો “સ્વતંત્રતા દિવસ”.

તો, આજે ગુજરાતના ઈતિહાસ વિષે કાવ્ય રચના પોસ્ટરૂપે કેમ ?

તો…પ્રથમ જાણો>>>>

મિત્ર ગોવિંદભાઈ પટેલનો ફોન આવ્યો. ન્યુ જર્સીમાં ગુજરાત વિષેનું સંમેલન છે…ગુજરાત વિષે કાવ્ય હોય એવો વિચાર દર્શાવ્યો.

કાવ્ય તો બન્યું..ગોવિંદભાઈને પ્રસાદીરૂપે મોકલ્યું. મન મારૂં શાંત હતું.

પણ થોડા દિવસો બાદ, મારા મનમાં ફરી એક વિચારઃ “આ કાવ્ય મારા જ બ્લોગ પર હોય તો ?”

ત્યારે, બીજો પ્રષ્ન ઉભો થયો ઃ પણ પ્રગટ કરવું ક્યારે ?

મનમા એ વિષે રમવા લાગ્યું.

અંતે થયું >>>>જ્યારે ૧૯૪૭માં ભારતને અંગ્રેજ રાજ હટાવી ભારતને “સ્વતંત્રતા” મળી ત્યારે સૌએ ખુશી અનુભવી. ત્યારે, ગાંધીજી અને સરદાર વલ્લભભાઈ પટેલનો ફાળો ખુબ જ અગત્યનો હતો. એથી, બે ગુજરાતીઓના માતૃપ્રેમને વંદન કરવાનો આ દિવસ છે. સ્વતંત્ર ભારતે પ્રગતિ કરી છે.

પણ હવે નેતાઓ માતાને ભુલી ગયા હોય એવું લાગે છે.

નવા માર્ગદર્શનની જરૂરત છે.

એવા સમયે, આજના ગુજરાતને નિહાળતા, અનેક પ્રગતિઓથી ભરપુર ગર્વની કહાણી છે.

આજનું ગુજરાત ફરી દયાભાવ સાથે માતા તરફ નિહાળી રહ્યું.

બસ…આ વિચાર સાથે ગુજરાતના ઈતિહાસનું કાવ્ય એક પોસ્ટરૂપે આજે ૧૫મી ઓગસ્ટના શુભદિવસે પ્રગટ કર્યું છે.

આશા છે સૌને ગમે !

 

ડો. ચંદ્રવદન મિસ્ત્રી.

FEW WORDS…

Today it is 15th August & it is the Independence Day of India.

Reminded of the Role of Gandhiji & Sardar Patel in that Independence struggle, we can also remember Gujarat. Now, observing the PROGRESS in Gujarat. let that be the INSPIRATION to all in INDIA on this day. Therefore, the decision to publish this Poem on the HISTORY of GUJARAT on 15th August 2013.

Hope you like the Poem & the Post.

Dr. Chandravadan Mistry.

ઓગસ્ટ 15, 2013 at 12:25 એ એમ (am) 17 comments

Older Posts


Enter your email address to subscribe to this blog and receive notifications of new posts by email.

Join 174 other followers

તાજેતરની પોસ્ટ્સ

Top Rated

શ્રેણીઓ

અમી નજર ભરેલી મુલાકાત બદલ આભાર..ફરીથી પધારજો

Locations of visitors to this page <input type="button" value="Type Gujarati" onclick="win = window.open('','Comment', 'toolbar=0,menubar=0,location=0,width=550,height=550'); win.document.write(' var id='TEXTAREAID';'); win.focus();">

Blog Stats

  • 268,449 hits

Disclimer

આર્કાઇવ્સ

ઓગસ્ટ 2013
સોમ મંગળ બુધ ગુરુ F શનિ રવિ
« જુલાઈ   સપ્ટેમ્બર »
 1234
567891011
12131415161718
19202122232425
262728293031