Archive for ફેબ્રુવારી, 2011

ભાઈ, માંદા પડો !

A black and white version of a vintage illustration of a nurse tending to a patient photo

ભાઈ, માંદા પડો !

તમે માંદા પડો તો, ડોકટરી ધંધો ચાલે,

ભાઈ,માંદા પડો ! ભાઈ, માંદા પડો !………(ટેક)

ડોકટરી કાર્ય તો એક સેવા રહી,

નવ જમાનામાં એ તો “બીઝનેસ”બની,…..તમે માંદા ….(૧)

ડોકટર તો પહેલા દર્દીના ઘરે જતા,

હવે તો ઓફીસ બોલાવી,માંગે પૈસા પહેલા,…..તમે માંદા….(૨)

નવજમાનામાં પણ છે ડોકટરો એવા,

એઓ તો પારખી,રોગ નાબુદ કરે તેવા,….તમે માંદા……(૩)

સલાહો રીટાયર્ડ થયેલ ડોકટરોની લેજો,

પરસનલ ડોકટરને કદી ના ભુલી જાશો,…..તમે માંદા….(૪)

માંદગી માંગે તેથી કદી ના રે આવે,

ના કરો દેહની કાળજી,તો એ વહેલી આવે,…..તમે માંદા….(૫)

ચંદ્ર કહેઃ કદી તમે માંદા જો પડો,

તો, ડોકટરને તમે જલ્દી મળો !…..તમે માંદા ……(૬)

 

તારીખ ફેબ્રુઆરી, ૨૬,૨૦૧૧              ચંદ્રવદન.

 
 
 

બે શબ્દો…

૨૬મી ફેબ્રુઆરીનો દિવસ..અને ગિરીશભાઈ પરીખ “ચંદ્રપૂકાર” પર પધાર્યા. એમણે એ સમયે પ્રગટ કરેલી
પોસ્ટ “ભૂલે ચૂકે ના પડશો માંદા” વાંચી, અને પ્રતિભાવરૂપે સલાહ આપી કે “માંદા પડો  તો મારો ધંધો ચાલે” એવા ભાવોભર્યું
કાવ્ય પ્રગટ કરો. એવો વિચાર મનમાં ના હતો.
હું તો રીટાયર્ડ થઈ ગયો હતો….ના નોકરી કે ધંધો !
છતાં…..
ગિરીશભાઈના શબ્દોએ  “એક વિચાર” આપ્યો..અને પ્રભુએ “પ્રેરણા” આપી !
અને ૨૬મી તારીખે જ શબ્દો વહી ગયા, અને આ “કાવ્યજેવી” રચના શક્ય થઈ.
અને, આજે તમે એ વાંચી રહ્યા છો.
આ રચનામાં ભુતકાળના ડોકટરોની સાથે “નવયુગ”ના ડોકટરોની સરખામણી કરી.
સાથે એવો પણ ઉલ્લેખ કર્યો કે આજે નવા ડોકટરો નવા નવા ઈલાજો પણ જાણે છે.
આપણે જાતે દેહની કાળજી લેવી એ અગત્યનું છે..અને, જ્યારે પણ “માંદગી” આવે ત્યારે
જલ્દી ડોકટરની સલાહો લેવી કે સારવાર સમયસર થઈ શકે !
બસ, આ જ એક સંદેશો હતો !
આશા છે કે આ પોસ્ટ સૌને ગમે….ગિરીશભાઈ આવશોને વાંચવા ?
  
ડો. ચંદ્રવદન મિસ્ત્રી .
 
FEW WORDS
  
Today’s Post is the result of the SUGGESTION of Girishbhai Parikh…and the INSPIRATION from the God.
It is in contrast to the Prevously published Post “BHULE CHUKE NA PADSHO MANDA “
It must be read with the DEEPER MEANING conveyed within.
One must PERSONALLY take the responsiblity to take care of one’s Body & prevent the ILLNESS…..if you are not well, you must seek the Doctor;s advices early.
I hope you like this Post !
 
DR. CHANDRAVADAN MISTRY.
 

ફેબ્રુવારી 27, 2011 at 1:30 પી એમ(pm) 19 comments

ભૂલેચૂકે ના પડશો માંદા !

 

 
 

Child In Bed With Thermometer Clipart Image
 
 
A black and white version of a vintage illustration of a nurse tending to a patient photo
 
 
 
Doctor Listening To Patients Heart Beat - Royalty Free Clipart Picture

પડશો માંદા !

ભૂલે ચૂકે ના પડશો માંદા,
પડશો તો,તમારૂં આવી બન્યું ના, રહો સાજા !……(ટેક)
  
સગાવ્હાલા અને મિત્રો આવશે વહેલા વહેલા,
શુભેચ્છો બની, આપશે સલાહો,જાણે અનુભવીઓ હોય તેવા !
ત્યારે….. તમારો પિત્તો આકાશે જાશે,
અને, ગુસ્સો મનમાં દબાવી, “થેન્ક યુ”કહેતા જરા શાંતી આવે !……ભૂલે ચૂકે…(૧)
  
અરે, જાણે પોતે ડોકટર હોય એવી ભાષા બોલે,
“પડીકી” કે “કંઠમાળા”રૂપી ઈલાજોની પોલ ખોલે !
“એલોપથી”દવાઓ કદીના ફાયદાકારક કહી,
પીરસે “હોમીઓપથી”કે “ઊંટવૈદુ”ની કઢી !
ત્યારે…ઘરવાળા જો સાથ આપે ,
તો, ધક્કો મારી બહાર કાઢવાના વિચારો મનમાં લાવે !…..ભૂલે ચૂકે…(૨)
  
“કેન્સર”જેવો રોગ જાહેર કરી,
કોઈ ઈલાજો હવે નથી એવું કહી,
“લાંબુ આયુષ્ય”ના આશિર્વાદો દેતા,
 સાથે, “વીલબીલ”કર્યાનું પૂછવા હિંમત લેતા,
ત્યારે…..આંખે આંસું તમે અટકાવી,
“ભગવાન જે કરે તે હવે”કહી, વાતોનો અંત લાવે !……ભૂલે ચૂકે…..(૩)
  
દર્દી ઘરમાં ના હોય તો, મરણ સમયે  આવી,
લાગણીઓનો “દેખાવો” કરતા, સલાહો આપી,
મ્રુત્યુ સમયે ના કહેવા જેવી વાતો કરી,
દીલમાં દર્દ વધારી, લાવે એમના “ડાહપણ”ની પ્રદર્શન ઘડી,
ત્યારે….તમે કહો”પ્રાર્થનાનો સમય થયો છે”
અને, છટકવાના બહાના કાઢી, એઓ તો ઘર બહાર છે !……ભૂલે ચૂકે……(૪)
  
પ્રારંભ વ્યવ્યસ્થિત વાતાવરણથી કરનાર છે માનવી !
વ્યવસ્થામાં અવ્યવસ્થા કરનાર છે માનવી !
અવ્યવશામાં વ્યવસ્થા  કરનાર છે માનવી !
આ બધું જ શક્ય થવાનો “આધાર” જ માનવી !
ત્યારે….અંતે માનવી જ કહે……
“આવું ના હોય તો જન્મ- મરણ સુધી સમય કાઢવો મુશકીલ રહે !” ….ભૂલે ચૂકે….(૫)
  
  
કાવ્ય રચના..તારીખ સેપ્ટેમ્બર ૧૧, ૨૦૧૦           ચંદ્રવદન
  
  

બે શબ્દો…

આ કાવ્ય તમે વાંચ્યું ?
  
અહી શબ્દો બધા મારા નથી !
  
અહી, “સુરેશ દલાલ”ના એક લેખ દ્વારા પ્રેરણા મળી છે …અને એ લેખ છે>>>>
 
 

ભૂલેચૂકે તમે માંદા પડ્યા તો આવી જ બન્યું. સગાવ્હાલાં, મિત્રો, શુભેચ્છકો માંદગીને મહોત્સવ બનાવવા તૈયાર જ હોય છે. એમાં જો માંદગી ગંભીર હોય અને લાંબી ચાલી તો આવી જ બન્યું.

 

આવતાંની સાથે જ પૂછેઃ શું કમળો થયો છે? જો જો હં…અ… કમળામાં બહુ સંભાળવાનું. કમળામાંથી કમળી ક્યારે થાય એ કહેવાય નહીં. આપણા પેલા ગમનભાઈ નહીં એને કમળામાંથી કમળી થઈ અને તરત જ ઊપડી ગયા. કમળામાં બહુ જ ધ્યાન રાખવું પડે.

 

ડૉક્ટરની દવા પર બહુ આધાર જ રખાય નહીં. ભૂલેશ્વરમાં પડીકી મળે છે. કંઠમાળ પહેરો છો કે નહીં? કહેતા હો તો કાલે જ લાવી આપું. કંઈ કામ હોય તો વિના સંકોચે કહેજો.

 

અમારા એક ઓળખીતાને એવી ટેવ કે જ્યારે મળવા આવે ત્યારે એકની એક રેકર્ડ મૂકે. કહે કે કાળી રાતે પણ કામ પડે તો કહેજો. એક વાર મેં એમને કહ્યું કે એટલી જ પ્રાર્થના કરો કે કાળી રાત ન પડે.

 

તમે Allopathy કરતા હો તો, એ તમને Naturopathy નો માર્ગ બતાવે, Homeopathy, Acupressure, Acupuncture જાતજાતના નુસખા બતાવે. અનેક પ્રકારના ડૉક્ટર્સનાં નામ સૂચવે, Sympathy Wave શરુ થઈ જાય.

 

કેટલાક તો એટલે સુધી કહે કે ભગવાન તમને લાંબુ આયુષ્ય આપે પણ વિલબીલ કર્યું છે કે નહીં? જિંદગીનો કોઈ ભરોસો નથી. એમાં વળી Cancer થયું. જીવલેણ રોગ છે. આમ જોઈએ તો દુનિયા આગળ વધી  છે પણ  Cancer ની કોઈ અકસીર દવા ક્યાં શોધી શક્યું છે?

 

માની લો કે કોઈકને ત્યાં મરણ થયું. ખબર હોય કે છેલ્લા છ મહીનાથી મરનાર હૉસ્પીટલમાં હતાં. છતાંયે પૂછે કે કેમ કંઈ અચાનક?

 

નખમાંયે રોગ નહોતો.

 

હકિકત એ હોય કે આખું શરીર રોગિસ્તાન થઈ ગયું હોય પણ આ તો બોલવા ખાતર બોલવાનું.

 

કોઈ મરણ પામે ત્યારે મરણનો પણ મોભો જળવાવો જોઈએ. મૌન એ કદાચ મોટામાં મોટી પ્રાર્થના છે.

 

લોકોને લાગણીનો દેખાડો કરવો છે. સારા-માઠા પ્રસંગનો અખાડો કરવો છે.

 

જતાં જતાં કંઈ કહેતા ગયા? છેલ્લી ઘડી સુધી ભાનમાં હતાં? જોકે, અગમચેતી હતા એટલે Will તો કર્યું હશે? છેલ્લે એમની પાસે કોણ હતું? આ તો લેણદેણની વાત છે. જેનો અહીં ખપ તેનો ત્યાં પણ ખપ. જોકે બે પાંચ વરસ ખેંચી કાઢ્યાં હોત તો સારું. પહાડ જેવો પહાડ ફાટી પડ્યો. મરનારની ઉંમર એંશીની હોય કે પચ્ચીસની. લાગણીશુન્ય વાક્યોના ખડકલા સામાજીક વહેવાર. કોઈને નાહવા-નિચોવવાનું હોય નહીં. છતાં પણ લૌકિક ખાતર આવવાનું.

 

મરનારનો છાપામાં ફોટો છપાય. અંગત શોકની જાહેરાત થાય. ગુણગાન ગવાય. આ બધું નિયમ પ્રમાણે. બધું જ ઉપરછલ્લું. જિંદગી પણ અને મરણ પણ. કશું જ અંદરછલ્લું નહીં.

 

પ્રારંભ વ્યવસ્થિત વાતાવરણથી કર્યો. આ વ્યવસ્થામાં અવ્યવસ્થા કરનારા પણ આપણે અને અવ્યવસ્થામાં વ્યવસ્થા કરનારા પણ આપણે. આપણે આવું બધું ન કરત તો મરણ સુધીનો આપણને જે સમય મળ્યો છે તે કેમ કરીને પસાર થાત?

 

લેખકઃ સુરેશ દલાલ

 

હવે મારે એટલું જ કહેવું છે કે.>>>>>સુરેશ દલાલને તો સૌ ગુજરાતી એક લેખક તરીકે જાણે જ છે….તમે ઉપર પ્રગટ કરેલો એમનો લેખ પ્રથમ વાંચો ! એ લેખ મને કોઈના ઈમેઈલથી મળ્યો હતો, અને એ વાંચી, મેં મારી પાસે રાખી મુક્યો હતો…એ ફરી વાંચતા,  એમના શબ્દો ચુંટ્યા, મારા શબ્દો જોડ્યા, અને જે સ્વરૂપ નિહાળો છો તે માટે પ્રભુ-પ્રેરણા સહીત સુરેશભાઈ દલાલનો આભારીત છું ….અને જેણે મને ઈમેઈલથી જાણ કરી હતી તેનો પણ આભાર !

>>>>>ચંદ્રવદન
 
FEW WORDS….
  

 

Today this is another New Kavya Post.
For the 1st time I am publishing 2 Posts on the same day..and the day is  25th February 2011.
This Poem is inspired by a Lekh in Gujarati by SURESH DALAL well-known in the GUJARATI SAHIITYA.
I hope you like this Rachana.
  
Dr. Chandravadan Mistry

ફેબ્રુવારી 25, 2011 at 9:45 પી એમ(pm) 15 comments

દીકરી તો દયાની મૂર્તિ !

 

Sunday School Illustration - Royalty Free Stock Photo
 
 
 
Father and Daughter On A Carousel - Royalty Free Clipart Picture

દીકરી તો દયાની મૂર્તિ !

દીકરી તો દયાની મૂર્તિ કહેવાય,

જેને હોય દીકરી એ તો ભાગ્યશાળી કહેવાય !…..(ટેક)

દીકરી, પિતા ઘરે રહી,પિતાની સેવા માટે આતુર રહે,

દીકરી,પ્રેમ ઉભરાવી,પિતાની ચિંતાઓ દુર કરે,

અરે,દીકરી તો પિતાના હૈયે વસે !

ખરેખર,દીકરી તો છે બાપનું હૈયું રે !……દીકરી તો દયાની…..(૧)

દીકરી પરણે ત્યારે કન્યાદાન સમયે પિતા રડે,

જાણી, પોતાનું જ હૈયું હશે દુર, એ તો રૂદન કરે,

અરે,દીકરી તો પિતાના હૈયે વસે !

ખરેખર,દીકરી તો છે બાપનું હૈયું રે !……દીકરી તો દયાની…..(૨)

પિતા ઘર છોડી,દીકરી તો પતિ ઘર જાય જો,

મા-બાપના સંસ્કારો બળે,જીવન એનું વહેતું જાય જો,

અરે,દીકરી તો પિતાના હૈયે વસે !

ખરેખર,દીકરી તો છે બાપનું હૈયું રે !….દીકરી તો દયાની….(૩)

માતા હરિદ્વાર, પિતા પ્રયાગ, દીકરી નજરે,

અને,પતિ બને ગંગાસાગર,દીકરી નજરે,

અરે,દીકરી તો ગંગા-સ્વરૂપે, પિતા-હૈયે વસે !

ખરેખર,દીકરી તો છે બાપનું હૈયું રે !……દીકરી તો દયાની….(૪)

અંતે,ચંદ્ર કહે….

મુરારીબાપુ મુખે”દીકરી દેવો ભવ !”ના શબ્દો વહે,

દીકરીના પિતા સ્વરૂપે એવા મોરારી વંદન રહે,

અરે,ચાર દીકરીના આ પિતા દીકરીઓને હૈયે ભરે,

“ખરેખર,ખુબ જ ભાગ્યશાળી હું”ના ચંદ્રશબ્દો ગગને ગુંજે !…..દીકરી તો દયાની…..(૫)

કાવ્ય રચના…તારીખ ડીસેમ્બર,૩૦,૨૦૧૦         ચંદ્રવદન.


 

મારી દષ્ટિએ મા એ મમતાનીમૂર્તિ છે, પિતા વાત્સલ્યમૂર્તિ છે, પરંતુ દીકરી એ દયાની મૂર્તિ છે. એ મમતા છોડીને પતિગૃહે જાય છે. એના વાત્સલ્યનું સ્થાન પણ બદલાતું હોય છે, પરંતુ એનું દયાપણું અકબંધ રહે છે. અને તે ખાસ કરીને પિતા તરફથી એની દયા, મારા અનુભવમાં, ખૂબ જ વિશેષ હોય છે.
દીકરી જીવનની તમામ ઘટનાઓને પોતાના વિવેક અને મા-બાપના સંસ્કારના બળે સહી લેતી હોય છે
, જીરવી લે છે, પરંતુ એના બાપને કાંઈ થાય એ એના માટે સદાય અસહ્ય હોય છે. કોઈ એને કહે કે તારા પિતાની તબિયત બરાબર નથી. બસ,
દીકરીની સ્થિતિ દીકરી જ જાણે.
મારી સમજ કાંઈક એવી છે કે પુત્ર એ પિતાનું રૂપ છે
, પરંતુ પુત્રી એ તો પિતાનું સ્વરૂપ છે. પુત્રએ બાપનો હાથ છે, પરંતુ દીકરી એ બાપનું હૈયું છે. અને એટલે જ તો બાપ જ્યારે કન્યાદાન આપતો હોય ત્યારે, એ દીકરીનો હાથ જમાઈના હાથમાં આપતો હોય છે, પરંતુ વાસ્તવમાં તો એ પોતાનું હૈયું જ આપતો હોય છે. અને એટલે જ તો આપણા સમર્થ લોકકવિ શ્રી દાદભાઈએ કાળજા કેરો કટકો મારો હાથથી છૂટી ગ્યો
આવી અનુભૂત વાત ગાઈ છે.
દીકરીને વળાવે ત્યારે બાપની ઉંમર હોય એના કરતાં થોડાં વરસ વધી ગઈ હોય એવું અનુભવાય અને લોકોને લાગે પણ
, પરંતુ એ જ દીકરી સાસરેથી બાપને મળવા આવે ત્યારે બાપ પાછો હોય એટલી ઉંમરવાળો દેખાય અને ગામડાંમાં તો દોડી પડે, મારો બાપ આવ્યો….મારો દીકરો આવ્યો….

એમાંય દીકરીને ત્યાં બાળકમાં દીકરીનો જન્મ થાય ત્યારે બાપ વધારે નાનો (નાના) થઈ જતો હોય છે. જુવાન દીકરી વૃધ્ધ બાપની મા બની જતી હોય છે. અને મા જેમ બાળકને આગ્રહ કરીને જમાડે
,
સાચવે વગેરે ભાવ દીકરી બાપ તરફ વહાવતી હોય છે. એટલે દીકરીવાળો બાપ ક્યારેય નમાયો નથી હોતો.
ઘરથી દૂર હોવાનું મારે ખૂબ બને છે. કુટુંબીજનો મારા સાંનિધ્યથી દૂર હોય છે
, પણ તેનાથી લાગણીનાં બંધનો વધુ મજબૂત થયાં છે. મારી દષ્ટિએ એ અપવાદ પણ હોઈ શકે, કારણકે હું શરિરથી બહાર ફરતો હોઉં છું, પણ મનથી તેમના તરફ અને એ લોકો મારા તરફ વધારે રહ્યાં છે. એથી અમારું મમતાનું બંધન વધુ મજબૂત થયું છે. અને મારું રામકથાનું જે આ સતત અભિયાન છે, આ પરંપરા છે, મિશન છે, તેમાં સમગ્ર પરિવારનું બહુ જ મોટું યોગદાન છે. નહીંતર મને બરાબર યાદ છે, મારી સૌથી નાની દીકરી શોભના, નાની હતી ત્યારે વડોદરાની કથામાં હું જઈ રહ્યો હતો. મારો નિયમ છે કે હું કથામાં જાઉં ત્યારે બધાં બાળકોને મળીને જાઉં. વહેલું નીકળવાનું હોય તો તેમને જગાડીને કહેતો જાઉં કે હું જાઉં છું. એક વખત શોભનાએ મને પૂછેલું ત્યારે મને આંસુ આવી ગયાં. પ્રશ્ન ખૂબ જ કરૂણાથી ભરેલો હતો. એણે મને એમ જ પૂછયું, “આ બધી કથાઓ મોટાભાઈ તમારે જ કરવાની છે ?”
શોભના મને મોટા ભાઈ કહે છે. ત્યારે હું સમજી શક્યો હતો કે એને મારું અહીંથી જવું ગમતું નથી. પણ મારા જીવનકાર્યમાં શોભનાનો ખૂબ સહયોગ રહ્યો છે.
રામચરિત માનસમાં લખ્યું છે
– “પુત્રી પવિત્ર કિયેઉ કુલ દોઉ” યાનિ પુત્ર બાપના એક જ કુળને તારે છે, પરંતુ દીકરી બન્ને કુળને, એટલું જ નહીં, ત્રણેય કુળને તારતી હોય છે. ગંગાજીના ત્રણ મહત્વના વિશેષ પાવન સ્થાનો હરિધ્વાર, પ્રયાગ અને ગંગાસાગર. દીકરીરૂપી ગંગા માટે અથવા ગંગા જેવી દીકરી માટે, મા હરિધ્વાર છે,
બાપ પ્રયાગ છે અને પતિ ગંગાસાગર છે. એ ત્રણેયને ધન્ય અને પવિત્ર કરે છે આવું મારું દર્શન છે.
હા
, દેશ, કાળ અને વ્યકિતને લીધે આમાં અપવાદો હોઈ શકે, પરંતુ મારી અંત:કરણની પ્રવૃત્તિ આવું કહે છે :

દીકરી (દુહિતા) દેવો ભવ.
  
  

બે શબ્દો…

આજની કાવ્ય-પોસ્ટનું નામ છે “દીકરી તો દયાની મૂર્તિ”.
જે કંઈ કાવ્યરૂપે લખ્યું તે માટે મોરારી બાપુએ લખેલા શબ્દોએ પ્રેરણા આપી છે.
આ કાવ્યમાં દીકરી અને પિતા ના સ્નેહસબંધની વાત છે.
આશા છે કે આ પોસ્ટ સૌને ગમે.
વાંચી “બે શબ્દો” અભિપ્રાયરૂપે લખશો એવી આશા.
ડો. ચંદ્રવદન મિસ્ત્રી.
  
FEW WORDS…
Today’s Post is a Post on Daughter & Father Relationship.
It is filled with the “special love” which often can not be told in words but only “experienced by the Father or the Daughter”
The Post was inspired after reading a Gujarati Article on this subject written by Shree MorariBapu.
Hope you like this Post.
Dr. Chandravadan Mistry

ફેબ્રુવારી 25, 2011 at 12:50 પી એમ(pm) 17 comments

નિતાબેન અને સાસુસેવા !

 

નિતાબેન અને સાસુસેવા !

સાસુને સાસુ નહી પણ મેં તો મા કહ્યા !
મા સ્વરૂપે નિહાળી, મેં તો અંતર ખોલી એને વ્હાલ કર્યા !…..(ટેક)

 
જનેતા સાથે રહી, હું તો મોટી રે થઈ,
સાસુની છત્રછાયામાં હું તો માતા બની,
પતિને અને સંતાનોને વ્હાલ કરી,
ઘરને મંદિર કરી, મેં તો હૈયે ખુશી ભરી !
લીલા છે પ્રભુ તારી અતી ન્યારી !…….સાસુને…..(૧)

 
આજ સાસુજી માંદા, અને છે ખાટલે,
દર્દ એમનું મુજ હૈયે મુજને સતાવે,
સેવા કરવા દેજે શક્તિ મુજને પ્રભુજી,
હશે ભુલો તો કરજે માફ, ઓ મારા પ્રભુજી !
લીલા છે પ્રભુ તારી અતી ન્યારી !……..સાસુને……(૨)

 
દવા આપી, દર્દ એમનું હું હલકું કરૂં,
તકલીફો એમની એને હું તો મારી ગણું,
ઉપરવાલા છે તારી જ ઈચ્છા એક સાચી,
નીચે રહેનાર હું ફક્ત અદા કરૂં ફરજ મારી !
લીલા છે પ્રભુ તારી અતી ન્યારી !…….સાસુને….(૩)

 
જે કર્યું કે કરૂં તે હું તો દીલથી કરૂં,
છોડી અફસોસ, પ્રભુજી તને વિનંતી કરૂં,
હવે તો છું હું શરણે તારી,
ના માંગુ છુટકારો, સંભાળજે સહન-શક્તિ મારી !
લીલા છે પ્રભુ તારી અતી ન્યારી !…….સાસુને…..(૪)

 
 કાવ્ય રચના…તારીખ ઓકટોબર, ૨૮, ૨૦૧૦        ચંદ્રવદન


બે શબ્દો…

આજની કાવ્ય-પોસ્ટ છે ” નિતાબેન અને સાસુસેવા” !
આ પોસ્ટ ખરેખર “સત્ય ઘટના” આધારીત છે.
પણ…..
આ ફક્ત નિતાબેનને જ ના લાગુ પડે !
જ્યારે પરિવારમાં સાસુ અને વહુના સબંધોનો સવાલ આવે ત્યારે ત્યારે વિચારો લાવે !
અને…”સાસુ વહુ કહાણી” બને !
જ્યારે વહુ પોતાને “દીકરી” સમજી સાસુને નિહાળે ત્યારે એને એની સાસુમાં “માતા”ના દર્શન થાય !
જ્યારે સાસુ વહુને “દીકરી” સ્વરૂપે નિહાળે ત્યારે એ સાસુ મટી “માતા” બની જાય છે !
જ્યારે પણ પરિવારમાં આવું “પરિવર્તન” શક્ય થાય ત્યારે ફક્ત “પ્રેમ” જ વહે છે !
અને….જ્યારે “સાસુ” સંજોગો કારણે “સેવા”ની આશાઓ મનમાં જાગ્રુત કરે તે પહેલા “વહુ” કદાચ પોતાની દીકરી કરતા પણ ઉંડા “ભાવ” સહીત સેવા આપે !

આ મારી કાવ્ય રચનાનો ફક્ત એક જ સંદેશ છે….સાસુએ “સાસુપણા”ના મોહનો ત્યાગ કરી, પરિવારમાં

આવેલ “વહુ”ને પોતાની જ “દીકરી” ગણવી….જો આટલી પહેલ સાસુની હશે તો વહુ પણ એની વ્રુત્તિ

બદલીને જરૂર “દીકરી” બનશે જ !…..જ્યાં જ્યાં આવું “પરિવારીક- પરિવર્તન”  હશે ત્યાં “પ્રેમ અને આનંદ”ના

દર્શન હશે !

આ સંસાર છે !….અનેક પરિવારોથી બનેલો છે….અને દરેક પરિવારમાં “નર-નારી”નો ફાળો છે …

પણ,…….નારી પાસે જ શક્તિ છે કે એ ઘરને “મંદિર” બનાવી શકે !…એવી શક્તિ “ખોટા પંથે”તો

એવા ઘરનો “નાશ કે અંત” !

આશા છે કે તમો સૌને આ પોસ્ટ ગમે !
મેં “ફક્ત મારા જ વિચારો” દર્શાવ્યા છે….અન્ય પાસે “બીજા વિચારો” હોય શકે.
તો…જરૂરથી આ પોસ્ટ વાંચી, તમે મારા વિચારોથી સહમત ના હોય તો પણ જણાવશો !

ડો. ચંદ્રવદન


FEW WORDS

Today’s Post ” Neetaben ane Sasuseva” is a Kavya-Post (Poem).
It examines the “Relationship of Daughter-in-Law and Mother-in-Law” with the Poem as a BASE of an Ideal Daughter-in-Law  (NEETABEN ) and her SEVA (Service)  towards her Mother-in-Law.
The MESSAGE is ” If a Daughter-in-Law (VAHU)regards herself as a DAUGHTER of the Mother-in-Law (SASU) & that the Mother-in-Law sees her own DAUGHER in the Daughter-in-Law…then there will be ALWAYS LOVE & UNITY in that Family”.
I hope like this Post & the Message !

DR. CHANDRAVADAN MISTRY

ફેબ્રુવારી 23, 2011 at 2:26 પી એમ(pm) 27 comments

હરીષ ભીમાણીની કહાણી

 

 
Pink Cymbidium Hybrid Orchid

 

હરીષ ભીમાણીની કહાણી

અરે, હરીષ ભીમાણીને જાણો તમે ?

કહું છું કહાણી એમની, સાંભળો જરા ધ્યાનથી તમે !……(ટેક)

એક મારવાડી કુટુંબે જન્મ જેનો થાય,

ભણીને કેમીકલ એન્જીનીયર જે થાય,

એવા વિરલાની આ વાત છે,

તમે  સાંભળો તો જરા !……….અરે…..(૧)

કેમીકલ એન્જીનીયર તરીકે નોકરી જે સ્વીકારે,

ત્યારે,”રેડીઓ એનાઉન્સર”થાવું મન જેનું પૂકારે,

એવા વિરલાની આ વાત છે,

તમે સાંભળો તો જરા !…….અરે……(૨)

“આકાશવાણી”ના ઓડીશન માટે પ્રથમ પગલું જે ભરે,

“યુવાની”થી”જનરલ”કરતા, ફીલ્મો તરફ જે વળે,

એવા વિરલાની આ વાત છે,

તમે સાંભળો તો જરા !…..અરે….(૩)

વિનય ગુપ્તાજી, બાળગોવિન્દ શ્રીવાસ્તવજી ‘ને વિનોદ શર્માજીનું માર્ગદર્શન જેને મળે,

સ્ટેજ પર આવવું, અને “સુર સંગીત” તરફ જે વળે,

એવા વિરલાની આ વાત છે,

તમે સાંભળો તો જરા !…..અરે….(૪)

કામ નાનું કે મોટું હોય, રસથી જે કરે,

રવિવારના ન્યુઝકાસ્ટર તરીકે એ તો સૌને ગમે,

એવા વિરલાની આ વાત છે,

તમે સાંભળો તો જરા !……અરે….(૫)

“કોહીનુર”સીરીઅલ સાથે અન્ય સીરીઅલોના ડાયાલોગો જે લખે,

શ્રીધર ક્ષીરસાગરના ટીવી સીરીઅલનો આધાર હરીષ રહે,

એવા વિરલાની આ વાત છે,

તમે સાંભળો તો જરા !…..અરે……(૬)

લતાજી પ્રેમથી કોલાપુર પ્રોગ્રામ માટે જેને બોલાવે,

એવા લતાજી વિદેશની ટુર માટે આવવા આગ્રહ જેને કરે,

એવા વિરલાની આ વાત છે,

તમે સાંભળો તો જરા !……અરે….(૭)

એડવર્ટાઈઝની દુનિયામાં હરીષ-આવાજ છે પ્યારો.

મહાભારતના સીરીઅલમાં ડાયાલોગો અને “સમય”માં છે હરીષ પ્યારો,

એવા વિરલાની આ વાત છે,

તમે સાંભળો તો જરા ! …….અરે…..(૮)

“જ્યાં દામ કે નામ નહી, ત્યાં કામ નહી”

ઉંડો કામનો રસ હોય જ્યારે, મળે હરીશને બધુ જ જગમાં અહી,

એવા વિરલાની આ વાત છે,

તમે સાંભળો તો જરા !…..અરે….(૯)

ફેબ્રુઆરી,૧૫,ના શુભ દિવસની આ વાત છે,

જ્યાં “હરીષ ભીમાણી”ના બર્થડેની વાત છે,

એવા વિરલાની આ વાત છે,

તમે સાંભળો તો જરા !……અરે….(૧૦)

જુગ જુગ જીવો હરીષભાઈ તમે !

ચંદ્ર અભિનંદન સ્વીકારજો તમે !

એવા વિરલાની આ વાત છે,

તમે સાંભળો તો જરા !….અરે…..(૧૧)

 

કાવ્ય રચના…તારીખ ફેબ્રુઆરી,૧૫મ ૨૦૧૧          ચંદ્રવદન

લેન્કેસ્ટર, કેલીફોર્નીઆ, અમેરીકા

The LINK for VIDEO CLIP of HARISH BHIMANI
 
http://www.youtube.com/watch?v=udRDK84W98U&feature=player_embedded
 
 

બે શબ્દો…

આજની પોસ્ટ છે કાવ્યરૂપે “હરીષ ભીમાણી” વિષે !
  
સુરતથી પિયુશભાઈનો ઈમેઈલ આવ્યો.
  
હરીષભાઈની બર્થડે માટે એમણે “ઈન્ટરવ્યુ”..જે વીડીઓ ક્લીપ્સમાં હતું.
જે જાણ્યું તે મેં કાવ્યરૂપે પ્રગટ કર્યું છે.
  
પિયુશભાઈએ આ માહિતી એમના “બ્લોગ” પર મુકી હતી તેની
“લીન્ક” નીચે છે>>>>
 
 
See Harish Bhimaniji’s interview by me on occasion of his Birthday on the link given bellow.
देखीये श्री हरीष भीमाणीजी का साक्षात्कार उनके जनम दिन पर ।
જુઓ, શ્રી હરીષ ભીમાણીજી સાથે એક વાર્તાલાપ તેઓનાં જનમ દિન પર. .
 
http://radionamaa.blogspot.com/2011/02/blog-post_15.html
 
FEW WORDS
 
Before the Email of PIYUSHBHAI…I did not know about HARISH BHIMANI.
He was the VOICE of SAMAY of MAHABHARAT TV SERIES.
Knowing about his life,I was impressed & so this Post.
Hope you like it !
 
DR. CHANDRAVADAN MISTRY
 

ફેબ્રુવારી 19, 2011 at 1:48 પી એમ(pm) 23 comments

લાલ ફુલોભર્યો ડ્રેસ

 

Red Roses Petite Size Ladeis Summer Dress 

લાલ ફુલોભર્યો ડ્રેસ

સફેદ ડ્રેસમાં એક બાળકી નાની,

લાગતી હતી, સુંદર અને પ્યારી,

ફક્ત સફેદ છે આ ડ્રેસ મારો,

છતાં,કંઈક બદલવાનો છે  વિચાર મારો,

બાગમાં લાલ ગુલાબ ફુલો નિહાળી,

એવા ફુલોને બાળકી સ્વપ્નમાં લાવી,

નાના લાલ ફુલોને સફેદ ડ્રેસ પર મુકી,

પહેરી લાલ ફુલોભર્યો સફેદ ડ્રેસ, જરા હસી,

હાસ્ય એનું પળભરમાં થયું ગાયબ,

દેહને કદરૂપો માની, બની પાગલ,

હ્રદય દર્દના આંસુઓ નયને લાવી,

કરી એણે પ્રાર્થનાઓ પ્રભુને પૂકારી,

દેહ નાજુક,કુદરતે કારામત જો કરી,

લાગતી હતી સુંદર, જાણે એક પરી,

હતી એ લાલ ફુલોભર્યા સફેદ ડ્રેસમાં,

લાગે રાજકુમારી જેવી, એવા ડ્રેસમાં,

ખરેખર, જગતમાં આવી ઘટના બને ?

કે પછી, એ તો ફક્ત ચંદ્ર-સ્વપ્નમાં રહે ?

કાવ્ય રચના..તારીખ ફેબ્રુઆરી ૧૦, ૨૦૧૧             ચંદ્રવદન

બે શબ્દો…

સર્યુબેને એમના બ્લોગ “ગંગોત્રી” પર  ફેબ્રુઆરી,૯,૨૦૧૧ના દિવસે  જીવનની “સત્ય ઘટના” આધારીત  એક પોસ્ટ
અંગ્રજીમાં પ્રગટ કરી…એનુ નામ હતું ” A White Dress With Red Flowers “. અને,પ્રજ્ઞાજુબેન વ્યાસનો એક ઈમેઈલ આવ્યો, અને એ પોસ્ટ વાંચવાનો
લ્હાવો મને મળ્યો. પોસ્ટ વાંચી મને ખુબ જ આનંદ થયો જે મેં મારા પ્રતિભાવ દ્વારા દર્શાવ્યો.
આ પોસ્ટ અંગ્રેજી લખાણમાં હતી….એમણે એમના બચપણમાં બનેલી ઘટનાનું વર્ણન ખુબ સુંદર રીતે કર્યું હતું….એક સફેદ ડ્રેસ જેના પર નાના લાલ ગુલાબફુલો
હતા એની વાત હતી…..પણ એની સાથે એમણે બચપણની “અન્ય વાતો” ગુંથી હતી…..પણ મારા મનમાં “એક લાલ ફુલોભર્યો ડ્રેસ” રમવા લાગ્યો..અને જે દિવસે
સર્યુબેનની એ પોસ્ટ વાંચી તે જ દિવસે, આ રચના શક્ય થઈ.
ત્યારબાદ, મે નિર્ણય કર્યો કે જ્યારે પણ આ પોસ્ટરૂપે પ્રગટ કરૂં ત્યારે પ્રથમ એમને ઈમેઈલથી જાણ કરીશ !
આ ઘટના “સત્ય ઘટના” હતી છતાં મે સ્વપ્નબાગમાં પ્રવેશ કરી, લખી……અને રચનાના અંતે સવાલ કર્યો “ખરેખર, આવું જગતમાં શક્ય હોય કે ફક્ત એક કલ્પનારૂપે ?”

સૌને સર્યુબેનની પોસ્ટનો પુરો ખ્યાલ આવે એ માટે અહી  એમનું પોસ્ટ લખાણ પણ નીચે પ્રગટ કર્યું છે.

http://saryu.wordpress.com/2011/02/09/a-white-dress-with-red-flowers/

http://saryu.wordpress.com/

Above is the LINK to read that Post on GANGOTRI.
Please do read this Post !

આજની પોસ્ટ  સૌને ગમે એવી આશા.
  
ડો. ચંદ્રવદન મિસ્ત્રી.
  
FEW  WORDS…
 
Today’s Post is based on the recently published Post of ” A White Dress with Red Flowers” on the Blog “GANGOTRI” of SARYUBEN PARIKH of TEXAS.
I was touched by her Post in English, telling about her childhood.
 I imagined a “small Girl who is in the White Dress”….and then she wishes for a a White Dress with Red Flowers…and the God grants her Wish….yet she is NOT HAPPY as she sees her as a “fat & ugly Girl”…and prays for a “better slim body”….ang the God grants her the 2nd Wish….she is now HAPPY….and as a Poet I ask “Can this be a REALITY or just an IMAGINATION (DREAM )?
Read the ORIGINAL POST of Gangotri (Reality) or this Kavya as a (Dream) !
I hope you like the Post !
  
DR. CHANDRAVADAN MISTRY
 

ફેબ્રુવારી 16, 2011 at 3:02 પી એમ(pm) 22 comments

લખાણ મારૂં કાવ્ય બન્યું કે નહી ?

 

 

 https://i1.wp.com/www.business-clipart.com/business_clipart_images/graphic_showing_a_pen_and_paper_writing_a_report_0515-0909-2722-3528_SMU.jpg

લખાણ મારૂં કાવ્ય બન્યું કે નહી ?

લખાણ મારૂં કાવ્ય બન્યું કે નહી ?

એવું જાણવાની ચિન્તા નથી મને !

લખાણ દ્વારા હ્રદયભાવો પ્રગટી શક્યા કે નહી ?

એવું જાણવાની ઈચ્છાઓ છે મને !……………………(ટેક)

સાહિત્યકારો અને કવિઓની પરિષદ હતી,

હાથમાં લખાણભર્યા કાગળો સહીત હાજરી મારી હતી,

કોઈએ થક્કો માર્યો તો, હું હતો સ્ટેજ પર જરા,

કોણ જાણે કેમ બીક ના હતી મુજ હૈયે જરા !

કાગળના લખાણોને કાવ્યરચનાઓ માની,

પીસરી દીધો મુજહ્રદયભાવોનો ખજાનો જાણી સૌ જ્ઞાની !

તો,અચાનક તાળીઓના બદલે હતો સભામાં હાહાકાર,

હસી કોઈ કહેઃ”કાવ્ય જેવો નથી કોઈ આકાર !”,

તો,કોઈ કહેઃ”નથી આને જરા પણ ભાષાજ્ઞાન”,

“નહી કાવ્યની આવડત તો શાને કવિ પરિષદમાં કરે અભિમાન ?”

શબ્દો આવા સાંભળી, સભા બહાર હતો હું ઉંડા વિચારે,

હ્રદયભાવો મારા કેમ કોઈ ના સ્વીકારે ?…….લખાણ મારૂં……(૧)

નિરાશામાં બેઠો હતો, ત્યાં લોકોનું ટોળું થયું,

“ભાઈ, હ્રદયનું કંઈક કહો, સાંભળવું છે અમે એવું !”

શબ્દો આવા સાંભળી, નિરાશા મારી દૂર ભાગી,

ફરી મારા લખાણોભર્યા કાગળો હાથમાં રાખી,

શબ્દે શબ્દે હ્રદયનો ભાવ છલકાવી, વાચા મારી ફૂટી,

લખાણોમાં ન ફેરફારો હતા, છતાં લઈ લીધા સૌના હૈયા લુટી !…..લખાણ મારૂં….(૨)

“કાવ્ય નિયમોનું પાલન નથી”કહે કોઈ સાહિત્ય જ્ઞાની,

પણ સાથે ઉમેરી કહેઃ “હ્રદયભાવના પ્રસાદનો અસ્વીકાર કરનાર છે અજ્ઞાની”

“ખરેખર આ બધા કાવ્યો જ છે”કહે અનેક સાધારણ માનવીઓ,

“સરળ શબ્દોમાં  સત્ય કહેવું છે કઠીણ”કહે સૌ માનવીઓ !

સંવાદ એવો સાંભળી, હૈયું મારૂં ખુશીમાં ન્રુત્ય કરે,

“છંદ, અછંદ કે પધ,ગધની ચિન્તાઓ મારી દૂર રહે,

“ચંદ્રપૂકાર”માં કાવ્ય કે અકાવ્યરૂપે તમે જરૂર વાંચતા રહેશો,

“ચંદ્ર”ના હ્રદયભાવોની પ્રસાદી જરૂર સ્વીકારતા  રહેશો !……લખાણ મારૂં …..(૩)

 

કાવ્ય રચના…..તારીખ ફેબ્રુઆરી,૫, ૨૦૧૧                          ચંદ્રવદન

 

બે શબ્દો…

“મારે એક કવિતા લખવી છે !” નામે એક કાવ્ય પોસ્ટ તારીખ ૨૬મી જાન્યુઆરી,૨૦૧૧ના દિવસે  પ્રગટ કર્યા બાદ, એ પોસ્ટ માટે

અનેક પ્રતિભાવો મળ્યા…અને એ સર્વમાં એક પ્રતિભાવ માં “કાવ્ય રચનાના નિયમો ” વિષે જરા ઉલ્લેખ હતો. એ પ્રતિભાવ આપનારને

મેં એમની શીખમાં “ગુરૂતત્વ”નિહાળ્યું….પણ એમણે એમાં ભરેલી “મિત્રતા” વિષે લખ્યું.

એમના જવાબમાં એમણે એક મિત્ર તરીકે હાથ લંબાવ્યો, અને મેં એને પકડી લીધો…..આ “પ્રેમપુષ્પ”ના છોડ પર  અત્યારે અમારી

“મિત્રતા”ની કળી છે..એ કળી સમયના વહેણમાં એક “સુંદર પુષ્પ ” બને એવી આશાઓ મારા હૈયે છે !

બસ, એ પ્રતિભાવ બાદ, મારા મનમાં “કાવ્ય કેમ હોય શકે ?”ના વિચારો રમવા લાગ્યા…અને એક દિવસ એવા જ વિચારોમાં હતો ત્યારે

થોડા શબ્દો વહી ગયા….ફરી વિચારતા, થોડા બીજા શબ્દો..અને ફેબ્રુઆરી ૫, ૨૦૧૧ના દિવસે એક રચના “લખાણ મારૂં કાવ્ય બન્યું કે નહી? “

શક્ય થયું. આ રચના હું સીડનીમાં હતો અને શક્ય થઈ..એકવાર તો મનમાં થયું કે આજે જ પોસ્ટરૂપે પ્રગટ કરૂં…પણ ત્યારે યાદ આવ્યું કે

“સંસારના પાત્રો” રૂપી પોસ્ટ પ્રગટ કરવાનો નિર્ણય લીધો હતો..અને એક પોસ્ટ “શાને કહો છે આવું ?” તારીખ ફેબ્રુઆરી,૭, ૨૦૧૧ના

દિવસે પ્રગટ કરી. …અને, અમેરીકા જઈશ ત્યારબાદ, આ રચના પોસ્ટરૂપે પ્રગટ કરીશ.

આજે લેન્કેસ્ટર, કેલીફોર્નીઆથી  આ રચના પ્રગટ કરતા ખુબ આનંદ થાય છે !

મારી આ રચનામાં મેં શબ્દોની ગોઠવણ કરતા “હદયભાવો”ને મહત્વ આપ્યું છે…પણ એનો એ અર્થ એ કે જે કોઈ નિયમોનું “પાલન”કરી.

“ભાષા ભંડાર”માંથી સુંદર રચનાઓ કરે એ પણ યોગ્ય કહેવાય.

આજની આ પોસ્ટ સૌને ગમે એવી આશા !

 જે કોઈ આ પોસ્ટ વાંચે તે “બે શબ્દો” લખી અભિપ્રાય પણ આપે એવી આશા !

ડો. ચંદવદન મિસ્ત્રી.

FEW WORDS

Today. it is 12th February.Today’s Kavya-Post is “LAKHAN MARU KAVYA BANYU KE NAHI?”…It is a question asking the Readers whether my Creations are Kavya OR Poems or not . The message here is that “the feeling from the Heart” can be expressed “in any format”& even if not “following the Norma or the rules” of the Poetry..it can still be a Poem……I hope those of you who can read the Poem in Gujarati will like my message.

DR. CHANDRAVADAN MISTRY

ફેબ્રુવારી 13, 2011 at 2:48 એ એમ (am) 15 comments

Older Posts


Enter your email address to subscribe to this blog and receive notifications of new posts by email.

Join 174 other followers

તાજેતરની પોસ્ટ્સ

Top Rated

શ્રેણીઓ

અમી નજર ભરેલી મુલાકાત બદલ આભાર..ફરીથી પધારજો

Locations of visitors to this page <input type="button" value="Type Gujarati" onclick="win = window.open('','Comment', 'toolbar=0,menubar=0,location=0,width=550,height=550'); win.document.write(' var id='TEXTAREAID';'); win.focus();">

Blog Stats

  • 270,804 hits

Disclimer

સંગ્રહ

ફેબ્રુવારી 2011
સોમ મંગળ બુધ ગુરુ F શનિ રવિ
« જાન્યુઆરી   માર્ચ »
 123456
78910111213
14151617181920
21222324252627
28