જીવન ઝરમર

Dr. CHANDRAVADAN MADHAVBHAI MISTRY M.D.

                            ડો. ચંદ્રવદન માધવભાઈ મિસ્ર્ત્રી

  

જીવન મંત્રો 

·        પ્રભુ જે થાય, ન થાય એમાં તારીજ ઈચ્છા છે ! અને એ પ્રમાણે મારો સ્વીકાર છે.

 ·        “રામ, ક્ર્ષ્ણ, શ્રી હરિ” પ્રભુ તું એક છે !

 ·        જન્મ :  ઓક્ટોબર ૧૯૪૩, હિન્દુ તીથી પ્રમાણે શરદ પૂનમ નો દિવસ..

· કુટુંબ : પિતાશ્રી- સ્વ. માધવભાઈ ગાંડાભાઈ મિસ્ત્રી

·        માતુશ્રી- ભાણીબહેન

·        પત્ની –  કમુબહેન

·       ભાઈ/બહેનો- ભાઈ: છગનલાલ (મોટાભાઈ) (મારા બે ભાઈઓ અને બે બહેનો   નાની બાળ અવસ્થામાં ગૂજરી ગયેલાં)

· સંતાનો – ચાર દીકરીઓ (1) નીના (2) વર્ષા (3) વંદના (4) રૂપા (વર્ષા-વંદના TWINS છે.)

·  જ્ઞાતિ – પ્રજાપતિ

·  અભ્યાસ – * M.B.B.S.

                   CUTTAK, ORISSA ની S.C.B.MEDICAL COLLGE માંથી ફાઈનલ M.B.B.S  પરિક્ષા ૧૯૬૯માં પાસ કરી

             * INTERNAL MEDICINE RESIDENCY TRAINING, PITTSBURGH, Pennsylvanic (1977-1980)

જીવન ઝરમર

·      ૧૯૪૩માં વેસ્મા ગામે જન્મ થયા બાદ ૧૯૫૪ સુધી વેસ્માની ગુજરાતી શાળામાં અભ્યાસ.પાંચ ધોરણ પાસ કરી છઠ્ઠા ધોરણમાં પ્રવેશ – આફ્રિકા જવાનું થતાં શાળા છોડી. 

·      ૧૯૫૫-૫૭ ત્રણ વર્ષમાં પ્રાથમિક અંગ્રેજી શાળામાં ભણી પાંચ ધોરણ પાસ કર્યા.

·      ૧૯૫૮-૧૯૬૧ હાઈસ્કુલનો અભ્યા અને કેમબ્રીજ ‘ઓ’લેવલ પરિક્ષા પાસ કરી

·      ૧૯૬૨-૧૯૬૪ ભવન્સ કોલેજ અંધેરી મુંબઈમાં બે વર્ષ અભ્યાસ કરી Inter Science ની પરિક્ષા પાસ કરી.

·      ૧૯૬૪-૧૯૬૯ M.B.B.S.નો અભ્યાસ કટક શહેરની કોલેજમાં

·      ૧૯૭૦ થી—લુસાકા, ઝામ્બીયામાં આફ્રિકાની  UNIVERSITY TEACHING HOSPITAL માં એક ડોક્ટર તરીકે નોકરી.

·      ૧૯૭૩-૭૪ ઈગ્લેન્ડમાં મેડીસીન ડીપાર્ટમેન્ટમાં નોકરી.

·      ૧૯૭૫-૭૭ ફરી લુસાકા, ઝામ્બીયામાં રહી અમેરીકા આવવા માટેની પરિક્ષા પાસ કરી.

·      ૧૯૭૭-૮૦ Internal Medicine Residency Training

·      ૧૯૮૧ … મે ૧, ૧૯૮૧ ના રોજ LOS ANGELES COUNTY હોસ્પીટલના મેડીસીન ડીપાર્ટમેન્ટમાં એક ડોક્ટર તરીકે નોકરી શરૂ કરી અને ૨૫ વર્ષ બાદ નિવ્રુતી લીધી (૩૦ મે ૨૦૦૬)

·      ૨૦૦૬ માં એક ડોક્ટર તરીકે નિવ્રુતી જીવન ની શરૂઆત

·      ૨૦૦૭ માં કોમ્પ્યુટરની જાણકારી દ્વારા E-mail અને Web Sites પર સર્ફ દ્વારા અનેકની નવી ઓળખાણ જે ચાલુ છે.

·

બીજી પ્રવ્રુતિઓ :-

·  વેસ્મા ગામ પ્રત્યે ઉંડો પ્રેમ. જ્યારે જ્યારે ગામમાં પ્રગતિનાં પંથે પ્રવ્રુતિઓ હોય ત્યારે હોંશેથી સહકાર આપવાની પ્રભુએ તક આપી તે માટે આનંદ અનુભવ્યો.

· (૧) પ્રજાપતિ મહોલ્લે ‘પ્રજાપતિ ભવન’ નું બાંધકામ માટે ઉત્સાહ રેડ્યો અને એ મકાન પિતાશ્રી અને મોટાભાઈના સ્મર્ણાથે થયું (૧૯૭૬-૭૭)

· (૨) પ્રજાપતિ મહોલ્લે મબાળમંદિર ચાલે તે માટે ‘બાળભવન’ ના બાંધકામમાં સહકાર આપવાની તક.

· (૩) ગામનું ધર્માદા આયુર્વેદીક દવાખાનુ કરવા માટે ઉતેજન સહીત સહકાર આપતાં એ દવાખાનુ પિતાશ્રી/માતુશ્રીના સ્મર્ણાથે થયું

· (૪) જુની સાર્વજનીક પુસ્તકાલય ભંગાર હાલતમાં હોવાથી તોડી નવી પુસ્તકાલય બાંધવાનો સવાલ આવ્યો ત્યારે સારુ દાન-ઉઘરાણું શક્ય કર્યુ અને પુસ્તકાલયનું નામકરણ પત્ની કમુબહેન ના નામે શક્ય થયું.

· (૫) કુમાર શાળા જેમાં હું ભણ્યો હતો ત્યાં ઈનામી યોજના શરૂ કરી જેથી બાળકોને શિક્ષણ માટે ઉતેજન મળે.

· (૬) રામચંદ્રજી મંદિરની પવિત્ર ભૂમી પર સંતો માટે રહેવા તેમજ સતસંગ માટે હોલની જરૂરત લાગી ત્યારે સહકાર કરવાની તક મળી અને હોલનું નામ ‘ચંદ્રકમુ રંગ ઉપવન’ હોલ થયું.

· (૭) ગામમાં સાર્વજનીક હોસ્પીટલ બાંધવાનું થયું ત્યારે MATERNITY WARD માટે સહકાર આપ્યો.

· (૮) ગામની માધ્યમીક શાળા,મંદિરો તેમજ અનેક જ્ઞાતિના કાર્યો માટે ફુલ નહીં તો ફુલની પાંખડીએ સહકાર

·  પ્રજાપતિ જ્ઞાતિ માટે અધિક પ્રેમ કારણે ગુજરાતની જુદીજુદી જ્ઞાતિ સંસ્થાઓ માટે સહકાર દ્વારા, ઈનામી યોજના દ્વારા, શિક્ષણ અને લેખો દ્વારા જ્ઞાતિમાં સુધારા લાવવા માટે પ્રયાસ. તેમજ દર્દીઓ, ગરીબ બાળકો, વિધવા નારી ને સહકાર.

·  ઓક્ટોબર ૧૯૮૯ માં હાર્ટની બાયપાસ સર્જરી કર્યાથી જીવતદાન પ્રભુએ આપ્યુ ત્યારબાદ કાવ્ય લખાણ માટે પ્રભુ પ્રેરણા મળી અને કાવ્ય સંગ્રહ રૂપે બે પુસ્તિકા (૧) ત્રિવેણી સંગમ (૨) ભક્તિભાવના ઝરણા.

·  એપ્રિલ ૧૯૮૮ માં માતુશ્રી ગુજરી ગયા બાદ એમનાં સ્મર્ણાથે એક ભજન-પ્રાર્થનાની પુસ્તિકા શ્રી ક્રષણ લીલામ્રુત નામે પ્રગટ કરી પ્રસાદીમાં વહેચી.

·  ગુજરાતી શાળામાં યોજનાની સફળતા બાદ,આજ સ્કુલમાં અંગ્રેજી અભ્યાસ શરૂ કર્યા તેનું ઋણ ઉતારવા ફરી ફરી વિચારો આવતાં, ૨૦૦૩ માં ત્યાં શિક્ષણ ઉતેજન માટે AWARDS શરૂ કર્યા.

ભવિષય માટે વિચારો ભરી આશાઓ

·  ન પ્રગટ કરેલ અનેક કાવ્યોને એક પુસ્તક રૂપે નિહાળી રહ્યો છું.

·  શક્ય થાય તો ભવંન્સ કોલેજ, અંધેરી મુંબઈ તેમજ મેડીકલ કોલેજમાં કંઈક શિક્ષણ ઉતેજન માટે ઈનામી યોજના શરૂ કરવી

·  જનક્લ્યાણનાં માર્ગે પ્રભુસેવા સમજી જીવન સફર ચાલુ રહે એજ મારી પ્રભુ ભક્તિ…આ ભક્તિ પંથે આગેકુચ કરવા પ્રભુ શક્તિ બક્ષે એવી પ્રાર્થના

  

 હું કોણ ?

 હું કોણ, એ હજુ જાણી શક્યો નથી !

 જન્મ એક માનવ સ્વરૂપે મળ્યો ,

માનવતા હૈયે ખીલી કે નહી, એની ખબર નથી !

                                    હું કોણ…. (૧)

માત-પિતા સહીત પત્ની બાળકો જીવને મળ્યા,

કર્તવ્ય પાલન કર્યુ કે નહી, એની ખબર નથી !

                                    હું કોણ…. (૨)

 ડોક્ટર તરીકે જનસેવાની તક મળી,

ફરજ ખરેખર બજાવી કે નહી, એની ખબર નથી !

                                     હું કોણ… (૩)

“કાવ્ય જેવા” લખાણો પણ રચ્યા,

કવિ બન્યો કે નહી, એની ખબર નથી !

                                      હું કોણ… (૪)

બસ, હવે, ચંદ્ર પ્રભુભક્તિમાં રંગાય રહ્યો,

પ્રભુશરણું મળે કે નહી, એની ખબર નથી !

                                      હું કોણ… (૫)

 

કાવ્ય રચના

ઓક્ટોબર ૨૮, ૨૦૦૭               ડો. ચંદ્રવદન

 

  તમે ‘ચંદ્ર પૂકાર’ ની વેબસાઈટ પર પધારી મારી જીવન ઝરમર વાંચી તે બદલ ખુબ ખુબ આભાર. 

 જગતમાં બે બિન્દુઓ- એક જન્મબિન્દુ અને બીજું મ્રુત્યુબિન્દુ. આ બે બિન્દુઓ વચ્ચે છે માનવીનું જીવન. આ માનવ જીવનયાત્રા માં ફક્ત બે જ પંથો.એક સતકર્મના માર્ગે સત્યનો પંથ અને બીજો અધર્મ માર્ગે અસત્યનો પંથ. જીવનમાં અનુભવો સત્યનાં માર્ગ તરફ દોરે છે. મોહ માયા સ્વાર્થ છોડી જનક્લ્યાણનો માર્ગ અપનાવતા તમો જરૂરથી ભક્તિપંથે હશો. જન્મ પહેલાં કે મ્રુત્યુ પછી શું હશે એવી ફીલોસોફી થી દૂર રહી કર્મયોગના માર્ગે પ્રભુને પામવાની કે શરણું લેવાની એકજ ઈચ્છા હૈયે રાખી આગેકુચ કરવાની છે.

  મારા જીવનમાં અલ્પ થયું કે કંઈજ ના થયું એવી વિચારધારામાં હું નિરાશાનો કેદી બનવા માંગતો નથી…અને, ઘણું કર્યું કે સારૂ કર્યુ એવા વિચારોના ‘હું પદ’ થી દૂર ભાગુ છુ. એથીજ , મારા જીવન ઝરમર ના લખાણ કરતાં ‘હું કોણ?’ કાવ્યભાવનો સ્વીકાર કરવા સૌને નમ્ર વિનંતી.

 

 તમે હોમ પેજ (HOME) વાંચ્યુ હશે. તો, હવે મારા કાવ્યો, સુવિચારો, ટુંકી વાર્તા વિગેરે જરૂરથી વાંચશો એવી અંતરની આશા. અને હા, મારા હ્રદયભાવના લખાણમાં કંઈક તમોને ગમશે કંઈક તમોને ના ગમશે. વાંચી જે કંઈ તમ હૈયે થાય તેને “બે શબ્દો” ભરી કોમેંન્ટસ ( COMMENTS ) માં પ્રગટ કરવા નમ્ર વિનંતી. તમ હૈયાના શબ્દો વાંચી મને ખુબજ આનંદ થશે.

 ડો. ચંદ્રવદન મિસ્ત્રી