Archive for ઓગસ્ટ, 2009

પરિવારીક કર્તવ્ય પાલન

 
 

     
 

પરિવારીક કર્તવ્ય પાલન

ધરતી પર જન્મ લેતા,
મળ્યા મુજને માત-પિતા,
મુખડું પ્રભુનું નિહાળી,
સેવા, પુજા કરી એમની !…….(૧)
માત પિતાએ આપ્યો ભાઈ એક,
“મોટાભાઈ”કહી, પુજ્ય ગણી,
જ્ઞાના પાલન કરી એમની !……(૨)
પરણતા, ભાગ્યમાં હતી પત્નિ પ્યારી,
પત્નિ સંતાનો સંભાળતા,
કર્મયોગે કરી સેવા એમની !……(૩)
સંસારી સબંધે રહેતા,
મળ્યા મુજને સગાસબંધીઓ અનેક,
પ્રેમ સબંધે કરી કદર, સેવા એમની !…..(૪)
જાતી કુળ પ્રભુએ દીધુ,
તે સ્વીકારી,કર્યું કર્મ સગડું,
ચંદ્ર હ્રદયભાવે રહી,
નિહાળી જનસેવા, કરે સેવા રે સૌની !….(૫)
 
કાવ્ય રચના……ઓગસ્ટ,૧૭,૨૦૦૯           ચંદ્રવદન.
 
 
 

બે શબ્દો

મારા જીવનની કાવ્યરૂપે એક ઝલક વાંચ્યા બાદ, આ વિષયે આ બીજુ કાવ્ય “પરિવારીક કર્તવ્ય પાલન” વાંચી, તમે જરા અચંબો પામી રહ્યા હશો. તમે વિચારશો કે પરિવાર બારે કહી, આ વ્યક્તિ શા માટે”જનકલ્યાણ”શબ્દનો ઉલ્લેખ કરે છે……જન્કલ્યાણનું કાર્ય તો એ હોય કે એ કાર્ય અન્ય માનવીઓ માટે હોય, ના કે આપણા પોતાના પરિવાર માટે હોય……..એ વિચાર સાથે એક રીતે હું સહમત છું, કિન્તુ, હું એ પણ સાથે કહું છું કે “જેને તમે પોતાના ગણો ” એ પણ ખરેખર તો માનવીઓ ને ? તો, એવી કબુલાત તમે કરો તો “કોઈ પણ માનવી માટે કઈક સારૂં કરવું” એ યોગ્ય કહેવાય કે નહી ?.બસ, આવા વિચારો સાથે મેં મારા વિચારૉ આ પોસ્ટરૂપે જણાવ્યા છે અને, કદાચ તમે મારી સાથે સહમત હોય કે નહી, છતાં, અહી વધું લખુ છું .
મારો જન્મ વેસ્મા ગામે, ગુજરાતમાં પ્રજાપતિ જ્ઞાતીમાં થયો હતો. માતાપિતારૂપે જે મારા ભગ્યમા મળ્યા તે માટે પ્રથમ પ્રભુનો પાડ માની, એમને પુજ્ય ગણી, કંઈક સેવારૂપે કર્યું , અને એમાં મેં મારી ફરજ નિહાળી. બચપણના પ્રથમ વર્ષો માતા સાથે હોવાના કારણે, માતા પ્રત્યે મારો પ્રેમ ઉંડો હતો, અને એ અભણ હોવા છ્તાં જ્ઞાની હતા, અને પ્રભુભક્તિથી ભરપુર હતા. એમણે ભક્તિનું બીજ રોપી, મારા જીવને “ભક્તિનું બીજ “મુકી મારા જીવનને માર્ગદર્શન આપ્યું તો એ સનાતન સત્ય છે ! અને, આવા ઘડતરના કારણે, મોટાભાઈને “માન” પત્નિ, સંતાનો માટે “કંઈક કરી પરિવારનું ગુજરાન કરવું ” કે પછી, સગા-સ્નેહીઓને “પ્રેમભાવ ” આપવો કે પછી, અન્યને ” સ્નેહ ” આપવો …આ બધું જ શક્ય ” માતાના ઉપકાર” ના પરિણામરૂપે છે !
દેહની સંભાળ, એ એક વ્યક્તિની જવાબદારી કહેવાય…..પ્રથમ માનવીએ એના દેહની સંભાળ લઈ, દેહની શક્તિનો ઉપયોગ અન્યના લાભ માટે કરે તો એ સ્વાર્થ ના કહેવાય. એ પ્રમાણે, સંસારી માનવી, એના પરિવાર બારે મહેનત કરે તો એનું ઘર જ સંભાળી રહ્યો કહેવાય….અને, અને પછી, જગતની સંભાળ લેવા કે માનવસેવાના કાર્યોમાં આગેકુચ કરે તો એ યોગ્ય જ કહેવાય….બસ, અહી મેં ” એક સમજ “ની વાત કરી છે
મારા જીવને પ્રભુની ક્રુપા ખુબ જ થઈ છે…..પરિવારની સંભાળ બાદ કંઈક વધુ કરવા માટે શક્તિ….હ્રદયમાં પ્રેરણાઓ……જે થકી. મારી જીવન-સફરે “જનકલ્યાણ કાર્યો” તકો મળી, અને કઈક શક્ય થયું. મારા માતા પિતા આજે આ જગતમાં નથી તેમ છતાં એમની યાદ તાજી છે…..મારા મોટાભાઈ આજે આ જગતમાં નથી છતાં એમની યાદ મારા હ્દયમાં છે. આજે પત્ની અને સંતાનો સાથે જગતમાં સફર કરી રહ્યો છું. તમોને કાવ્ય કે આ લખાણ ગમશે એવી આશા,……..પ્રતિભાવ લખશો તો વાંચીશ>>>>>>>ચંદવદન.
 
 
FEW WORDS
 
 
Today it is the BHADARVA SUD AGIARARAS & it is MONDAY AUG. 31st 2009… & I am publishing a New Post ” PARVARIK KARTVYA PALAN ” meaning TAKING CARE of the FAMILY as a DUTY, & this is the STARING POINT of my JOURNEYof JANKALYAN KARYO…..I hope you like this Post…….Whether you agree with me or not, I thank you all for READING this Post…Your COMMENTS appreciated !>>>CHANDRAVADAN. 

ઓગસ્ટ 31, 2009 at 12:54 પી એમ(pm) 15 comments

કરૂં હું તો માનવ સેવા !

 

 

 
 
કરૂં હું તો માનવ સેવા !

માનવ થઈ,
જનકલ્યાણના કાર્યો કરી,
કરું હું તો માનવ સેવા !…..(ટેક )
પરિવારને સંભાળતા,
કર્તવ્ય-પાલન કરી,
કરૂં હું તો માનવ સેવા !…..મનવ…..(૧)
ડોકટર બની,
દર્દીઓની સારવાર કરતા,
કરૂં હું તો માનવ સેવા !…..માનવ….(૨)
જ્ઞાતિ ગરીબાય નિહાળી,
શિક્ષણ ઉત્તેજનનો યજ્ઞ કરી,
કરૂં હું તો માનવ સેવા !…..માનવ…..(૩)
જ્ઞાતિ બહાર માનવીઓને નિહાળી,
ભણતર-જ્ઞાન શ્રેષ્ઠ માની,
કરૂં હું તો માનવ સેવા !……માનવ….(૪)
નારી છે મહાન માની,
નારી સેવાના કાર્યો કરતા,
કરૂં હું તો માનવ સેવા !…..માનવ….(૫)
તંદુરસ્તી છે સૌને વ્હાલી,
મેડીકલ સહાયના કાર્યો કરતા,
કરૂં હું તો માનવ સેવા !…..માનવ….(૬)
લગ્ન એ નર-નારીનું પવિત્ર બંધન સમજી,
સમુહ લગ્નનું મહત્વ જાણી,
કરૂં હું તો માનવ સેવા !….માનવ….(૭)
ગરીબાય તો છે એક મોટી બિમારી,
ભુખ્યાને અન્ન, ‘ને તરસ્યાને પાણી આપી.
કરૂં હું તો માનવ સેવા !…..માનવ….(૮)
વાંચનથી જ જ્ઞાન ગંગા બને,
સમજી એવું, પુસ્તકાલય સહકારનો ધ્યેય ધરી,
કરૂં હું તો માનવ સેવા !…..માનવ…(૯)
ભક્તિ પંથે સફર કરી,
પ્રભુ સેવામાં જન સેવા સમાવી,
કરૂં હું તો માનવ સેવા !…..માનવ…..(૧૦)
જન્મયો જે ધરતી પર કે જે જ્ઞાતિમાં એ ના ભુલી,
જનસેવાના યજ્ઞમાં સૌને સમાવી,
કરૂં હું તો માનવ સેવા !…..માનવ……(૧૧)
માનજો કે જે લખ્યું તે નથી કર્યું મેં,
કર્યું એ તો સર્વ પ્રભુએ જ !
ચંદ્ર કહે, એવા ભાવે  માનવીઓમાં માનવતા નિહાળી,
કરૂં હું તો માનવ સેવા !….માનવ….(૧૨)
 
 
કાવ્ય રચના…..ઓગસ્ટ, ૧૨,૨૦૦૯             ચંદ્રવદન. 
 
 
 

મારી જીવન સફર અને જનકલ્યાણના કાર્યો

આજે  એક કાવ્યરૂપે તમે મારા જીવનની “ઝલક “નિહાળી. અને, એ “ઝલક”માં મેં ફક્ત “જનકલ્યાણ કાર્યો”ના વિષયે પ્રગટ કર્યું હતું…..તમે “કાવ્યરૂપે “તો બધું જાણ્યું જ છે અને એથી મારે “વધુ શબ્દો” માં કહેવાનું રહેતું નથી…..છતાં, મને થયું કે શબ્દો-લખાણે કાંઈ ના હશે તો આ પોસ્ટ અધુરી હશે….કારણ કે જે કોઈને “કાવ્યરૂપે ” સુંદર કાવ્યની આશા હોય તેઓ સૌ નિરાશ થાશે, અને એટલા માટે કે મારી રચના તો છંદ/જોડણી વગરની એક ” શબ્દોની ગોઠવણી ” જ છે. અનેક તો કહેશે કે “આ તે કેવું કાવ્ય ? ” વળી . કોઈને કાવ્યમાં રસ ના હોય તેઓ “લેખ ” રૂપે વાંચવાની ઈચ્છા રાખતા હોય તેઓ ફક્ત કાવ્યથી નિરાશ હોય શકે. બસ, આવા વિચારો કારણે, આજે આ પોસ્ટ હું લખી રહ્યો છું. 
કોઈ પણ માનવી આ ધરતી પર એના જન્મથી શરૂઆત કરે,અને મ્રુત્યુ થકી એ એનો અંત મેળવે…..આ બે બિંદુઓ વચ્ચે રહે છે એની “જીવન સફર “.
મેં જે કુળે/જ્ઞાતિએ કે જે જન્મભુમી પર જન્મ લઈ આ સંસારમાં જીવવાનું શરૂ કર્યું  એ હું કદી ભુલી શકું તેમ નથી. કાવ્યમાં કર્તવ્ય-પાલનમાં મેં “જન સેવા ” જ નિહાળી છે. બચપણ વિતાવી અભ્યાસ કારણે હું એક ડોકટર બન્યો, અને દર્દીઓની સેવા કરતા ફરી મેં માનવ સેવા ચાલુ રાખી. બચપણમાં નિહાળેલી “જ્ઞાતિ ગરીબાય” ને હું કદી ભુલી શક્યો નહી. જ્યારે જ્યારે કોઈ પણ માનવી ની ગરીબાય નિહાળું ત્યારે ત્યારે હું ખુબ જ દુઃખ અનુભવું, અને મારી આંખોમાં આંસુઓ હોય છે…આવા ભાવે મારી શક્તિ પ્રમાણે કંઈક કરતો રહ્યો…..આ પમાણે, દર્દીઓના દુઃખોથી મારા હ્રદયમાં વેદના અનુભવી કંઈક કરવા પ્રભુએ જ પ્રેરણા રેડી, કંઈક શક્ય કરાવ્યું. અને મારા હ્રદય્ભાવ સાથે, “મેડીકલ સહકાર “,” નારીઓને સહકાર”તેમજ “શીક્ષણ-ઉત્તેજન કે પુસ્તકાલય સહકાર ” માટે મારો યજ્ઞ ચાલુ જ છે. ભક્તિ પથે હુ છું પણ એમાં હું જનસેવામાં પભુ જ નિહાળું છુ અને પ્રભુસેવામાં જનસેવા જ નિહાળું છું.
હવે પછી, અનેક પોસ્ટો દ્વારા આ વિષયે હું જે કંઈ વર્ણન કરૂં તેમાં તમે ફક્ત મારો “હ્દય ભાવ ” જ નિહાળશો…..જુદા કાર્યોના વર્ણનમાં ” હું કંઈ જ નથી કરતો ” એવો ભાવે નિહાળશો….અને, લખાણમાં થયેલી ભુલો સુધારશો એવી નમ્રવિનંતી.
મારૂં કાવ્ય કે આ લેખ તમોને ગમે એવી આશા ! મને ઉત્સાહ આપવા “પ્રતિભાવ” રૂપે લખશોને ?>>>>>ચંદ્રવદન.
 
 
 
 
FEW WORDS …
 
Today, it is the auspicious day of GANESH CHATURTHI…..and you are viewing this Post of my Life’s Journey & the JANSEVA Karyo. It is a a Poem in Gujarati & within that Poem I had tried to enlist different ways I had executed my ACTIONS to BENEFIT OTHERS and these include FAMILY…EDUCATION…WOMEN…..HEALTH…..WEDDINGS…..POVERTY…LIBRARY… GUJARATI LITERATURE ( Sahitya )….GYATI/BIRTHPLACE…..DEVOTIONAL PATH….and  above al to touch the l HUMANITY ( MANAVTA ) within ALL…I hope you like this Post & that you will come back to VIEW the OTHER POSTS too>>Chandravadan.
 

ઓગસ્ટ 23, 2009 at 3:50 પી એમ(pm) 20 comments

ચંદ્રવિચારો શબ્દોમાં (૧૦)

 
     
 
 
 

ચંદ્રવિચારો શબ્દોમાં (૧૦)

 

જનકલ્યાણના કાર્યો યાને જનસેવા

ચંદ્રવિચારો શબ્દોમાં (૯)ની પોસ્ટ એક પત્રરૂપે તારીખ, ઓગસ્ટ, ૫, ૨૦૦૯ના રોજે પ્રગટ કરી હતી. ત્યારબાદ, તો તમે “સુવિચારો ” અને “ચંદ્રભજનમંજરી” પર એક ભજન સાંભળ્યું. …..યાદ છે કે એ ઓગસ્ટ,૫, ૨૦૦૯ની પોસ્ટના અંતે મેં લખ્યું હતું કે ” હવે પછી કયા વિષયે પોસ્ટો હશે એની ખબર નથી…વિચારો કરતા, પ્રભુ જ પ્રેરણા આપશે, એવીમારી પુર્ણ શ્રધ્ધા છે “….અને, આજે, પ્રભુપ્રેરણાથી જ “જનકલ્યાણના કાર્યો/ જનસેવા “ના વિષયે પોસ્ટૉ લખવાનો નિર્ણય લીધો છે.
આ વિષયે હું કેવી રીતે લખું ? આ પ્રશ્ર્નનો જવાબ મેળવવા અનેક વિચારો આવ્યા, કિન્તુ, અંતે થયું કે મારી જ જીવન-સફર તરફ નજર કરી, આ વિષયે કંઈક લખું. જ્યારે આ પ્રમાણે નિર્ણય લીધો તો ફરી બીજો વિચાર આવ્યો,..”પણ, તો તો કોઈ એવું માનશે કે આ માનવી પોતાના જ વખાણ કરે છે “….હું જરા અચકાયો…અને ત્યારે મારા હ્રદયમાં જાણે પ્રભુ જ બોલી રહ્યા હતા..”એવી ચિંતા મત કર ! હ્રદયભાવથી ફક્ત સત્યનો પ્રકાશ આપ ! ” બસ, આટલી પ્રેરણાથી મને આત્મબળ મળ્યું, અને આજે આ “જન-સેવા”ના વિષયે શુભ શરૂઆત કરી રહ્યો છું.
એક માનવ તરીકે જન્મ લેતા મારી જીવન-સફર શરૂ થઈ….અને, બાળજીવનથી યુવાની, અને ત્યારબાદ,ઘડપણ તરફ નિવ્રુત્તિજીવન. આ સમયગાળા દરમ્યાન, મેં મારા જીવને “પરિવર્તન ” નિહાળ્યું છે. દરેક સંસારી માનવી જીવન જીવતા બદલાય છે, એ સનાતન સત્ય છે !કોઈ મોહમાયામાંથી છુટવાનો પ્રયાસ કરે છે, તો કોઈ મોહમાયાની જાળમાં વધુ ફસાય છે..તો કોઈ કહે “હું નાસ્તિક છું ” તો કોઈ કહે “હું તો પ્રભુ-ભક્ત છું “..અને, કોઈ કહે ” આ મારૂં , આ મારૂં  ” ત્યારે કોઈ કહે “આ બધુ જ પ્રભુનું છે “, અને વળી કોઈ કહે ” હું તો મુર્તિપુજામાં ના માનું , પ્રભુ મારા હ્રદયમાં છે “તો કોઈ કહે ” હું તો મુર્તિમાં પ્રભુ જ નિહાળૂ છું, અને સતસંગથી મને આનંદ થાય છે ” આ બધા જ માનવ-પરિવર્તનના જુદા જુદા રૂપો છે…પણ, આ બધામાં ફક્ત એક જ તત્વ છુપાયેલું છે…અને એ છે “માનવતા “જ્યારે પણ આ માનવતા માનવ-હ્રદયે ખીલે ત્યારે “જનસેવા”નો યજ્ઞની શરૂઆત થાય છે, એવું મારૂં મનવું છે.
હવે પછીની પોસ્ટ હશે એક કાવ્ય, એ કાવ્ય દ્વારા હું જનકલ્યાણના કાર્યોની મારી જીવન સફર બારે થોડી “ઝલક “આપીશ, અને ત્યારબાદ, આ વિષયે તમે બીજી પોસ્ટૉ વાંચશો. આજની આ પોસ્ટ વાચી, તમે જરૂર તમારો પ્રતિભાવ આપી મને ઉત્સાહ આપશો, આપશોને ?……….ચંદ્રવદન.
 
FEW WORDS
 
 
On Thursday,August,20th.2009 it is SHRAVAN VAD AMAAS…& so the Holy Month of SRAVAN as per the Hindu Calender ended. As of today, Friday,August,21st 2009 the month of BHADARVO starts. You are today viewing a Post “CHANDRAVICHARO SHABDOMA (10) ” which introduces the New subject of “JANKALYANna KARYO/ JANSEVA ” with the reference to my own JOURNEYon this EARTH. I hope you enjoy reading this Post & ALL the Posts that will follow & on this subject.
>>>CHANDRAVADAN.
 

ઓગસ્ટ 21, 2009 at 12:40 એ એમ (am) 13 comments

ચંદ્રભજન મંજરી (૬)

 

ચંદ્રભજન મંજરી (૬)

 

જમવા પધારો રે, ગિરધારી, મોહનજી

જમવા પધારો રે ગિરધારી, મોહનજી,
જમવા પધારો….જમવા પધારો….
વાટુ જોયે ભક્તો તમારી, મોહનજી,… જમવા પધારો…..(ટેક)
ભાત ભાતના પકવાન રે કીધા….
જમવાને જલ્દી રે આવો, મોહનજી,… જમવા પધારો,……(૧)
જમવા માટે મેં તો થાળ રે સજાવી,….
મીઠા મીઠા ભોજન ધરાવી, મોહનજી,..જમવા પધારો….(૨)
જમવા માટે, વહાલા, કિશન કાજે….
વળી, ભર્યું છે મીઠું રે નીર, મોહનજી,…..જમવા પધારો….(૩)
મોહન, ભુલશો ના કુટીયા અમારી,….
ચંદ્ર કહે, પ્રેમથી રે જમજો, મુરારી,મોહનજી,…..જમવા પધારો…(૪)
 
                                        ચંદ્રવદન.
 
 

બે શબ્દો

આજે તમે “ચંદ્ર ભજનમંજરી”વીસીડીનું થાળરૂપી ભજન કુમારી કવિતાબેન ઝાલાના સ્વરે સાંભળી રહ્યા છો. જે પ્રમાણે આ ભજન ( કે અન્ય )લખાયું તેમાં થોડો શબ્દ ફેરફાર સૂરની યોગતા માટે હશે…પણ ભજનનો ભાવ તે જ રહ્યો છે…આશા છે કે તમોને આ ભજન આ ભજન ગમ્યું. વીડીયો ક્લીપ બરાબર સાંભળી શક્યા ના હોય તો માફ કરશો, એવી વિનંતી. પ્રતિભાવ આપશોને ?>>>>ચંદ્રવદન.
  
FEW WORDS
Today, it is Friday, August,14th, 2009 and Shravan Vad Aatham and so it is the JANMASHTMI Day Or Shree Krishna Jayanti Day or the Birthday of Lord Krishna as per the Hindu Sciptures, So, a very auspicious Day as per the Hindu beliefs.
I had chosen this day to publish yet another Bhajan from the VCD of ” CHANDRA BHAJAN MANJARI “.It is a Devotional Song written by me & recorded in the sweet voice of Kavita Zala. You had already heard Kavita on other Bhajans & I am sure you will love to listen to her again.
If you experience any problem hearing this Bhajan on this Video-Clip, I am SO SORRY, but please let me know. I am ONLY a “new Kid ” in this Computer World. Even with the difficulties, I hope you enjoy the “feelings ” expressed. I will be HAPPY to read your COMMENTS for this Post.>>>>Chandravadan Mistry.

ઓગસ્ટ 14, 2009 at 1:02 એ એમ (am) 20 comments

સુવિચારો

 
        
 
 
 

સુવિચારો

 

આચરણ

>> જ્ઞાનરૂપી પ્રકાશનું આચરણ કરતા, જીવનમાં સદગુણો ખીલે છે……જ્યારે, અજ્ઞાનરૂપી અંધકારથી અવગુણો વધી, માનવીનું પતન કરે છે !
 
>>જ્ઞાનથી માનવ વિચારોમાં શુધ્ધી……ત્યારબાદ, એવા શુધ્ધ વિચારોનું આચરણ દ્વારા માનવ ચારિત્રનું ઘડતર થાય !
 
>> માનવીનું મુલ્ય એના ચારિત્ર પર નભે……અને, ચારિત્રનો આધાર છે સદગુણોનું આચરણ !
 
બે શબ્દો
 
 
આજે તમે “આચરણ ” વિષયે “ચંદ્રસુવિચારો ” જાણ્યા…..જ્ઞાન, સદગુણો, ચારિત્ર, માવવ-મુલ્ય, વિચાર-શુધ્ધી આ બધા જ શાથે આચરણનું મહત્વ ઘણુ જ છે…..આચરણ વગર એ ચારેય અધુરા છે. ભલે, માનવ પાસે જ્ઞાન હોય અને એ મહાજ્ઞાની હોય કિન્તુ, જો એ જ્ઞાનને આચરણરૂપી જ્યોત ના આપે તો એનો શો અર્થ ? આ વિષયે, હવે હું તમારા વિચારો જાણવા માંગુ છું..તો, પધારી, તમે તમારો “પ્રતિભાવ ” આપશોને ? એ વાંચી , મને આનંદ થશે !>>>>ચંદ્રવદન
 
 
FEW WORDS
 
Today’s Post is ” SUVICHARO ” meaning ” PEARLS of WISDOM “.
The topic is Aacharan or Putting into Actions…..Knowledge,virtues,character,value as a Human, and the the Right Thoughts…..ALL of these have a LINK to the TRANSLATION into the ACTIONS. Without any Action all the GOODNESS of the HUMAN is valueless. Therfore, remember the saying ” Practice what you preach ! “
I hope you like my message !>>>>>Chandravadan.

ઓગસ્ટ 10, 2009 at 2:44 એ એમ (am) 20 comments

ચંદ્રવિચારો શબ્દોમાં (૯)

 
 
 
 

ચંદ્રવિચારો શબ્દોમાં (૯)

 
 

એક પત્ર

તારીખઃ ઓગસ્ટ,૫,૨૦૦૯
સ્નેહી મિત્રો,બ્લોગ પર પધારેલા મહેમાનો,
આજે હું “ચંદ્રવિચારો શબ્દોમાં” નામકરણની પોસ્ટને તમોને “એક પત્ર ” રૂપે પ્રગટ કરી રહ્યો છું. આજે બુધવાર, શ્રાવણ સુદી પુનમ,એટલે “રક્ષાબંધન”નો શુભ દિવસ, અને ઓગસ્ટ મહિનાની પાંચમી તારીખ, ૨૦૦૯. પ્રથમ તો સૌને રક્ષાબંધનની શુભેચ્છાઓ !
જુલાઈ,૧,૨૦૦૯ના રોજ મેં “ચંદ્રવિચારો શબ્દોમાં (૮)”નામે એક પોસ્ટ કરી હતી. એ પોસ્ટમાં ઉલ્લેખ કર્યો હતો કે હવે પછીની બધી જ પોસ્ટો”સંસારી માનવ જીવને બનતી ઘટનાઓ” ના વિષયે હશે. અને, એ જ પ્રમાણે, પ્રથમ પોસ્ટ હતી “જુગ જુગ જીવો, શશીભાઈ મારા ! “ જે મેં જુલાઈ, ૫. ૨૦૦૯ના રોજ પ્રગટ કરી હતી……ત્યારબાદ, બીજી પોસ્ટ હતી “નિર્મળાને અંજલી” જે જુલાઈ,૧૦, ૨૦૦૯ના રોજ પ્રગટ થઈ હતી….અને, ત્યારબાદ, “ગરીબાયના આંસુ “ની પોસ્ટ જુલાઈ,૨૦. ૨૦૦૯ના રોજ, અને “કોણે બોલાવી માંદગી ? “ની પોસ્ટ હતી જુલાઈ, ૨૫, ૨૦૦૯ના રોજ….અને, અંતે, જુલાઈ,૨૯,૨૦૦૯ના દિવસે હતી “હ્રદય દર્દની તુલના “.
આ પ્રમાણે, માનવ-જન્મ અને માનવ-મત્યુ ની  બે મુખ્ય ઘટનાઓ વિષે પ્રથમ બે પોસ્ટો દ્વારા ઉલ્લેખ, અને એ પછી માનવ જીવને “ગરીબાય ” “માંદગી” અને “હ્રદય દર્દ ” જેવી દુઃખભરી ઘટનાઓ બારે ઉલ્લેખ થયો હતો. અંતે, આ વિષયે પોસ્ટ હતી “મન અને વિશ્વાશ “જે મેં  ઓગસ્ટ, ૨. ૨૦૦૯ના રોજ પ્રગટ કરી હતી, આ છેલ્લી પોસ્ટ પ્રગટ કરવાનો એટલો જ હેતુ હતો કે માનવ જીવને બનતી ઘટનાઓનો સામનો કરવા કે બદલવા માટે ” મન અને વિશ્વાશ”નો ભાગ અગત્યનો છે.
મારા “કાવ્યજેવા”રૂપે વિચારો સાથે તમોએ ગુજરાતીમાં “બે શબ્દો “વાંચ્યા, અને પોસ્ટોના અંતે “FEW WORDS ” રૂપે અંગ્રેજીમાં થોડું લખાણ પણ વાંચ્યું.
આ બધી જ પોસ્ટો એક વિષયે પ્રગટ કરતા જુલાઈ મહીનો પુરો થઈ ગયો,અને ઓગસ્ટ શરૂ થઈ ગયો…..આગળ પધારેલા મિત્રો, નવા મહેમાનો…એવી રીતે અનેકે મારી પોસ્ટો વાંચી, અને તે માટે મને આનંદ છે….અનેક તરફથી “પ્રતિભાવો”મળ્યાનો વધુ આનંદ. હું સૌનો આભારીત છું !
મેં તો પોસ્ટો દ્વારા મારા વિચારો જ દર્શાવ્યા હતા…પણ, મળેલ પ્રતિભાવો થકી મને ઘણું જ જાણવા મળ્યું, ઘણી જ પ્રેરણાઓ મળી છે.હવે, મારૂં એવું અનુમાન છે કે એક વિષયે એક વ્યક્તિ પાસે કંઈક વિચાર હોય તો તેને જાહેર કરવાથી એને અન્ય તરફથી “નવા વિચાર-રૂપી રંગ ” મળે છે…એની વિચારધારામાં સમજ વધે છે, ભુલો સમજાય છે…અને, આવું પરિવર્તન એ જ “જ્ઞાન “. આથી , તમારા પતિભાવો દ્વારા મને જે જ્ઞાન મળ્યું તે માટે હું સૌનો આભારીત છું , અને આ પ્રમાણે જે કંઈ શક્ય થયું તે માટૅ પ્રભુનો પાડ માનું છું.
હવે પછી, કયા વિષયે પોસ્ટો હશે એની ખબર નથી…વિચારો કરતા પ્રભુ જ પ્રેરણા આપશે, એવી મારી પુર્ણ શ્રાધ્ધા છે !
લી. ચંદ્રવદનભાઈના વંદન.
 
HAPPY RAXABANDHAN to EVERYONE !
May the Sister-Brother Love be Eternal on this Earth  !
Those of you do not have a Sister ( like me ) see a Sister in Someone you love or somebody who loves you as her Brother !
Let us long for the Coming of this auspicious Day again & may the Brotherly protection/prayers fot the Sister be showered today as the Sister ties the RAKHADI ( Raxa ) on the wrist of her dear Brother with her payers to God for her Brother !..>Chandravadan.

ઓગસ્ટ 5, 2009 at 1:17 એ એમ (am) 18 comments

મન અને વિશ્વાસ

https://i2.wp.com/i90.photobucket.com/albums/k241/agochar/TunnelOfColours.gif 

મન અને વિશ્વાસ

” છે માનવી લાગણીઓવાળો, મનનો વિશ્વાસ છે આવો !
છે એ તો આત્મબળવાળો, મનનો વિશ્વાસ છે આવો !
છે એ મને સમજનારો, મનનો વિશ્વાસ છે આવો !”
ત્યારે, વિશ્વાસ કહે મનને……..
“મારી લાગણીઓમાં હ્રદયઝરણું  તું જ છે !
મારા આત્મબળમાં શક્તિનીર તું જ છે !
મારી સમજમાં જ્ઞાનગંગા તું જ છે !
અરે, મન વગર આ વિશ્વાસ છે અધુરો ! ” અંતે વિશ્વાસ મનને કહે,
“વિશ્વાસ, તારા વગર હું પણ છે અધુરી ! ” અંતે મનનો જવાબ રહે,
નિહાળી મન-વિશ્વાસનું મિલન આવું,
ચંદ્ર કહે, “ખુશીઓમાં હું તો હવે નાચું ! “
  
કાવ્ય રચના,,,જુન, ૨૦, ૨૦૦૯            ચંદ્રવદન.
 

 

બે શબ્દો

આજે તમે ” મન અને વિશ્વાસ ” ના નામકરણે એક કાવ્યરૂપી પોસ્ટ વાંચી રહ્યા છો. માનવમાં રહેતા આ બે તત્વો છે,,,,મન અને વિશ્વાસ આ બન્નેનું મિલન થાય તો ચંચળ મન સ્થીર થાય છે, અને આ સ્થીરતાના કારણે વિશ્વાસ પણ દ્રઢ થાય છે. ચાલો, આપણે આ બન્નેને માનવ સ્વરૂપ આપીએ…તો,  વિશ્વાસ એ નર, મન એ નારી ! સંસારમાં જો પતિ-પત્ની આવા તત્વો ખીલવી, જીવનમાં આગેકુચ કરે તો “પ્રેમ ” આપોઆપ ઝરી બન્નેને રંગે છે, અને એમની જીવન-સફર આનંદમાં જાય છે. આ મારો મત છે ! તમારો મત જુદો છે ? જરા કહેશો ? અને, જો તમે મારી સાથે સહમત હોય તો એ પણ જાણવા માટે હું અતુર છું.>>>>>>>ચંદવદન
 
 
FEW WORDS
 
Today’s Post is entitled “MAN ane VISHVAS “meaning ” MIND and TRUST “. The Gujarati Poem is as a conversation between the “MIND ” and ” TRUST ” and the within that poem is the message to the Humanity that one can be a Person of ” Affection/Love, Selfconfidence, and Understanding, provided the MIND is made STABLE & is prepared for the TRUST in others.
The qualities of “mind & Trust ” are naturally embedded within ALL HUMANS, BUT…..only a FEW can UPLIFT these qualities to the higher levels with the BHAKTI-PANTH which with the focus in the “PARAM TATVA ” brings the stabilitity of the Mind and  then ultimately leads to “Trust/Love” for the others.
I hope you like this message.>>>>>Chandravadan. 

ઓગસ્ટ 2, 2009 at 5:23 પી એમ(pm) 11 comments


Enter your email address to subscribe to this blog and receive notifications of new posts by email.

Join 174 other followers

તાજેતરની પોસ્ટ્સ

Top Rated

શ્રેણીઓ

અમી નજર ભરેલી મુલાકાત બદલ આભાર..ફરીથી પધારજો

Locations of visitors to this page <input type="button" value="Type Gujarati" onclick="win = window.open('','Comment', 'toolbar=0,menubar=0,location=0,width=550,height=550'); win.document.write(' var id='TEXTAREAID';'); win.focus();">

Blog Stats

  • 270,804 hits

Disclimer

સંગ્રહ

ઓગસ્ટ 2009
સોમ મંગળ બુધ ગુરુ F શનિ રવિ
« જુલાઈ   સપ્ટેમ્બર »
 12
3456789
10111213141516
17181920212223
24252627282930
31