પ્રજાપતિ સમાજ

                              પ્રજાપતિ સમાજ પત્ર વ્યવહાર 

 

          ભારત તેમજ પરદેશ્માં ચાલી રહેલ અનેક પ્રજાપતિ જ્ઞાતિ સંસ્થાઓ સાથે પત્રો, ફોન દ્વારા સંપ્રક મેં વર્ષોથી રાખ્યો છે, અને આ કાર્યમાં મારો ઉંડો જ્ઞાતિ પ્રેમ સમાયેલ છે.
          મારા લેખો પ્રજાપતિ સંસ્થાઓના મુખપત્ર કે એનીવરસરી (ANNIVERSARY)બુકોમાં પ્રગટ થી ચુક્યા છે જેનો મને ગૌરવભર્યો આનંદ છે.
          અનેક પ્રગટ થયેલ લેખો દ્વારા મેં મારા વિચારો દર્શાવેલ કછે. એ બધા  લખાણમાંથી ઝલક રૂપે થોડા લેખો ચંદ્ર પૂકારની વેબસાઈટ પર “પ્રજાપતિ સમાજ પત્રવ્યવહાર” વિભાગે પ્રગટ ક્ર્યા છે. જે કોઈ વેબસાઈટ પર પધારે તે સૌને વાંચવા ભાવમર્યુ આમંત્રણ છે. તમો પધારી વાંચશો તો એનો જ ખુબ આનંદ હશે અને જો શક્ય હોય, વાંચી તમો તમારો પ્રતિભાવ (COMMENTS) પણ જરૂર થી આપશો. તમારો પ્રતિભાવ વાંચી હું હંમેશા આભારીત રહીશ.

                                                           ડો. ચંદ્રવદન મિસ્ત્રી

                                “ એક સાધના “

“પ્રજાપતિ સંદેશ” નો જુન-ઓગસ્ટનો અંક મળ્યો . કવર સુત્રો વાંચ્યા: “સ્નેહ-સંગઠન-સંપ-સહકાર-સેવા” ઉચ્ચ ભાવનાયુક્ત સૂત્રો મનને ક્ષણિક આનંદ આપી ગયા.

મારા જાણ મુજબ મુંબઈમાં રહેતા ખાસ કરીને દક્ષિણ ગુજરાતના પ્રજાપતિઓ દ્વારા ત્રણ સંસ્થાઓ, શ્રી લાડ પ્રજાપતિ સેવા સમાજ, શ્રી પ્રજાપતિ મિત્ર મંડળ અને શ્રી પ્રજાપતિ સહાયક મંડળ ચાલી રહી છે. ઉપરાંત બીજી સંસ્થાઓ પણ હશે. દરેક સંસ્થાની પોતાની પ્રવ્રુતિઓ છે. પણ એક અન્ય પ્રવ્રુતિ “પ્રજાપતિ ગૌરવ-રૂપી એકતા” હોય એક બીજા સાથે સારૂ સંકલન હોય તો મારો આનંદ ક્ષણિક ન હોત. ઉતર ગુજરાતના પ્રજાપતિઓ સોરઠિયા પ્રજાપતિ સમાજરૂપે આગેકુચ કરે છે તો આપણે માટે એ શું શક્ય નથી ?

          શ્રી લાડ પ્રજાપતિ સેવા સમાજ મુંબઈ, સારા એવા વર્ષોથી પ્રવ્રુત છે. અને પ્ર. સંદેશ એનું મુખપત્ર છે. ભારતમાં વંચાય પણ પરદેશમાં પણ એની મહેંક ઘણી  છે અને એ આનંદની વાત છે.

વર્ષો પહેલાં જ્ઞાતિજનોનુ સંગઠન એક સંસ્થારૂપે થતું ત્યારે આનંદ આનંદ હતો . પ્રેમભાવથી મળવાનું થતું, સમાજદ્વારા કાંઈક કરવુ, એવા વિચારો હતા. આજના યુગમાં વાર્ષિક સંમેલનમાં જ્ઞાતિજનોની ઘણી ઓછી હાજરી અને અપાતા કારણો “કામ બહુ જ છે, સમય જ નથી મળતો, સમાજ શું કરે છે ?” વિગેરે સામાન્ય છે.કોઈ વર્ગ પ્રજાપતિ તરીકે ઓળખ આપતાં સંકોચ અનુભવે છે. આ અનુમાનોમાં એક જ ચીજની ખોટ “પ્રજાપતિ ગૌરવ” ની ખોટ.

પાછલી વાતો યાદ કરતાં જ્યારે સંસ્થાની સ્થાપના થઈ ત્યારે લોકોની આવક કેટલી ઓછી હતી અને વાહનવ્યવહાર પણ કેટલો ઓછો હતો. અત્યારે જરૂરી પણ પાયાની વસ્તુ સમયનો ભોગ અને પ્રજાપતિ ગૌરવ માટે કંઈક કરી છુટવાની તમન્ના એ બે નો અભાવ હાલનાં યુગમાં સાલે છે. સેવાની વાત આવે ત્યારે સ્થાપના એ પૂરતી નથી પણ કાયમ માટે એનું સુપેરે સંચાલન પણ અગત્યનું છે, પૂર્વજોએ વાવેલા બી નું વિશાળ વ્રુક્ષ બનેલા સમાજરૂપી સંસ્થાને વિવિધ કાર્યક્રમો, આજના સમયને અનુરૂપ કાર્યો, આમ જ્ઞાતિજનોની હાલની જરૂરિયાતને ધ્યાન રાખી વિવિધ સેવા અને યુવાનો-બાળકો સાંકળી સામાજીક પ્રવ્રુતિઓ વિકસાવી તો સંસ્થા ચિરકાલીન ટકી શકે. વડીલોએ – માતાઓએ બાળપણથી સંતાનોને ઘરમાં મદદરૂપ થવા પ્રેરવા અને જે આગળ જતાં પડોશી, મિત્રો અને સમાજના કામમાં મદદરૂપ થવા પ્રેરશે. જે સંતાનો માટે આશિર્વાદ બનશે.

એટલું યાદ રહે કે સેવા ફક્ત પૈસાથી કરી શકાતી નથી. પૈસા વગર પણ સમાજરૂપી સંસ્થામાં મદદરૂપ થઈ શકાય એવા ઘણા કામો હોય છે.

કલ્પના કરો મુંબઈના દરેક જ્ઞાતિજનો તરફથી એક રૂપિયો દાનમાં મળે તો કેટલા પૈસા થાય. જેઓ સહાય લઈને પ્રગતિ કરી ચૂક્યા છે તેઓએ પણ સંસ્થાને ભૂલવી ન જોઈએ. આ જ તો સંગઠનની કમાલ છે. આ એક સેવા રૂપી “સાધના” વિષે શું કરી શકીયે એ ગંભીરતાથી લેવાની જરૂર છે અને તમો સફળ થશો એ મારા અંતરની પ્રાર્થના છે.

                                     – ડો. ચંદ્રવદન મિસ્ર્ત્રી

                                          (કેલીફોર્નિયા યુ . એસ . એ)                                       

                              ખરૂં સંગઠન શું ?
“કુંભકાર”  નામે પ્રજાપતિ સમાજનું મુખપત્ર જામનગરથી શરૂ થાય છે જેના સૂત્રો રહ્યા : “શિક્ષણ, જાગ્રુતિ અને સંગઠન”પ્રથમ વર્ષના પાંચમાં “કુંભકાર” અંકે “સંગઠન અને શક્તિ” નામે શ્રી વિજયભાઈનો સુંદર લેખ વાંચ્યો. તેમ છતાં સંગઠન ખરેખર શું છે ? મનો મંથન કરવુ જરૂરી છે.”સંગઠન” ને એક શબ્દ રૂપે નિહાળતા “અનેક વ્યકતિઓનું એક સાથે થવુ ”  એવો અર્થ સૌ કોઈને પ્રથમ આવે. આવા વિચારમાં માનવીઓનાં સંગઠનમાં અનેક માનવી દેહોને નિહાળી શકાય. તો શું સંગઠન ફક્ત દેહોનું મિલન ?પ્રજાપતિ જ્ઞાતિજનોને એક સાથે સમુહમિલને સંગઠન રૂપે ભેગા કરવા એ તો પ્રથમ પગલું છે. એ મિલન પહેલાં વ્યકતિગત દરેક પ્રજાપતિના હ્રદયમાં “પ્રજાપતિ ગૌરવ” છલકાવું જોઈએ. ઘણીવાર પોતાને પ્રજાપતિ તરીકે ઓળખ આપતા અચકાય છે. જેઓ જીવનમાં પ્રગતિ કરી સમ્રુધ્ધ બને છે તેઓ સમાજથી દૂર થતાં જાય છે. પરંતુ  હૈયે “પ્રજાપતિ ગૌરવ” ના બીજ ખીલ્યા હોય તો આવું ન બને. એ માટે દરેક જ્ઞાતિજને બાળકોમાં “પ્રજાપતિ ગૌરવ”ની ભાવના વિકસે એવા પ્રયત્નો કરવા જે સંગઠન પહેલાંનુ કાર્ય છે. “પ્રજાપતિ ગૌરવ”ની ભાવના લઈ જ્ઞાતિ મેળાવડાઓ થશે ત્યારે જ્ઞાતિજનોમાં આત્મીયતા વધશે – પ્રેમભાવ જાગ્રુત થાય – જ્ઞાતિ એકતા મજબૂત થશે . કિંન્તુ, આવા સમુહમિલન દ્વારા પ્રજાપતિ સમાજની ગરીબી-અંધકાર દુર થઈ શકે ? જ્ઞાતિ ગૌરવ હૈયે વસ્યુ હોય તો બીજાના દુ:ખનો અનુભવ કરી એનો ઉપાય કરવાની ઈચ્છા જરૂર જાગ્રુત થશે અને એજ ખરી જાગ્રુતિ !

પ્રજાપતિ જ્ઞાતિમાં ગરીબી કેમછે ? કેવી રીતે નાબૂદ કરી શકાય ? આવા પ્રશ્નો આપણી સમક્ષ મુખ્ય છે. અન્ય સમાજ તરફ નજર કરતાં ઉચ્ચશિક્ષણનું પ્રમાણ વધુ છે. શિક્ષણ સમાજમાં પરિવર્તનમાં અગત્યનો ફાળો આપે છે. અંગત મત પ્રમાણે શિક્ષણનો વ્યાપ વધે એ અંગે સહમત છુ. આર્થિક રીતે ખૂબ નબળા કુટુંબો શિક્ષણ માટે પૈસા ક્યાંથી કાઢી શકે ? અહીં પ્રજાપતિ સમાજ માટે શૈક્ષણિક જવાબદારી પૂરી કરવાની જવાબદારી ઉભી થાય છે. કેવી રીતે શિક્ષણ-સહાય રૂપી મદદ શક્ય કરવી ?

સંગઠન અને જાગ્રુતિ સાથે શિક્ષણ પર ભાર મુક્યો છે . બાળકે જો ઉચ્ચ શિક્ષણ મેળવ્યુ હોય તો આર્થિક રીતે સધ્ધર બનવાનો માર્ગ મળે ઉપરાંત “જ્ઞાનરૂપી ગંગા” નો લાભ સમાજના કે વિશ્વના અંધકારો દૂર કરવા પ્રેરણા મળે અને સમાજના કુરિવાજો વિષે સભાનતા આવે. ઉચ્ચ શિક્ષણ અને હૈયે “પ્રજાપતિ ગૌરવ” હોય તો અન્ય માટે સેવાભાવના, મદદરૂપ થઈ મદદરૂપ હાથ આપવાની ભાવના દ્વારા અન્યોમાં પણ સેવાભાવના વિકસાવે અને એણે જોયેલ ગરીબાઈના પ્રસંગો પણ વિસરી ન શકે.

શરૂઆતમાં શિક્ષણ-જાગ્રુતિ-સંગઠન શબ્દોનો ઉલ્લેખ કર્યો હતો તો સંગઠન ખરેખર શું છે ? જવાબ છે : પ્રજાપતિ ગૌરવભરી જાગ્રુતિ અને શિક્ષણરૂપી જ્ઞાનગંગા સહિત એકતા-પ્રેમભાવના ઝરણે પ્રજાપતિ જ્ઞાતિજનોનું સમૂહમિલન એજ ખરૂ પ્રજાપતિ સંગઠન !

પ્રશ્નોનો જવાબ મળી ગયો તો શું આપણે સૌ મન શાંતિ અનુભવશું ? ના-ના-ના આપણો સમાજ એવા પદ પર હજુ નથી. ગરીબી કે અજ્ઞાનતાને લીધે થતા કુરિવાજો, કોઈવાર થતી કરૂણ આત્મહત્યા અટકાવવાના પ્રયાસો – સમાજમાં શિક્ષણ સહાય વધારવાના પગલાઓ – આપણે સંગઠિત બની કંઈક કરવું એ સૌની ફરજ બની જાય છે. પ્રજાપતિ જનો, ઉઠો, જાગો અને એકતા-પ્રેમના સુત્રે પ્રજાપતિ સમાજ બનાવો ! સેવાભાવી પ્રજાપતિ સેવકોની – સમાજને ખાસ જરૂરત છે.!

                                     ડો. ચંદ્રવદન માધવભાઈ મિસ્ત્રી (યુ.એસ.એ)

* “એક સાધના” અને “ખરૂ સંગઠન શું ?” આ બે લેખો શ્રી લાડ પ્રજાપતિ સેવા સમાજ, મુંબઈ નું મુખપત્ર “પ્રજાપતિ સંદેશ” ના અંકોમાં પ્રગટ થયેલ છે.

                  પ્રજાપતિ જ્ઞાતિએ દિવડા પ્રકાશ

આપણી પ્રજાપતિ જ્ઞાતિ ઘણાજ કઠીન દિવસોમાંથી પસાર થઈ હતી. અને, હવે ધીરે ધીરે જ્ઞાતિમાં જે કંઈ થઈ રહ્યુ છે તે આનંદ માણવાની ઘડી છે. આ ઘટનાને ફક્ત “એક પળ” રૂપે જ નિહાળવું રહ્યુ કારણકે આપણે જે પર્વત પર ચડી રહ્યા છીએ તેના શિખરે હજું પહોંચી શક્યા નથી.પ્રથમ તો આપણે સૌ જ્ઞાતિજનોએ વિચાર કરવાનો રહે છે કે : શા કારણે આપણી જ્ઞાતિમાં દુ:ખ ? ઉંડો વિચાર કરીએ તો “જ્ઞાતિ ગરીબાઈ” નજરે આવે છે. અને ગરીબાઈના કારણે અન્ય તકલીફો જરૂર કિંતુ ફરી વધુ ઉંડો વિચાર કરીએ તો સમજાશે કે જોઈએ તેવી એકતા -સંપ નથી . ઘણીવાર ગરીબાઈ, હોય તો પણ સંપ-બળ દ્વારા એનો સામનો કરી શકાય, તો હવે પ્રશ્ન રહે : કેવી રીતે જ્ઞાતિમાં પરિવર્તન લાવીશું ?

જ્ઞાતિમાં ગરીબ હોય તે જ્ઞાતિજનોને ગુજરાન માટે તકલીફો…. એ તકલીફો સાથે બાળકોના ભણતર માટે ચિંતા કે અશક્યતા…. અને, ભણતરની “જ્ઞાનગંગા” વગર જ્ઞાતિ ફરી દુ:ખના ચક્કરમાં અને અંધકારમાં તો, જ્ઞાતિમાં પ્રકાશ કેવી રીતે વધે એવું જાણી કંઈક અમલમાં મુકવાની ફરજ જ્ઞાતિજનો-સમાજની બની જાય છે.

આપણે હવે એક પ્રજાપતિ કુટુંબનો દાખલો લઈએ એ કુટુંબ ગરીબ છે ? ગુજરાન માટે માટી કામ કે કંઈક નાનો ધંધો છે. કુટુંબમાં એક બાળક છે. એ બાળકને ભણવાની હોંશ છે. અહી, માતા-પિતા તરીકે પ્રથમ જવાબદારી રહે કે બાળકને શિક્ષણ માટે ઉતેજન આપવું. ઉતેજનરૂપી પાયો પણ ઘણીવાર બાળકને મળતો નથી. જે દુ:ખજનક વાત કહેવાય. એકવાર માતા-પિતા કે નજીકનાં સ્નેહી ઉતેજન આપવાનો નિર્ણય લે એટલે એઓને આત્મશક્તિ કંઈક પ્રેરણા આપેજ ! ઘરખર્ચમાં કંઈક કાપ, કે પછી બાળક માટે પૈસાની શોધ. આટલું જો કુટુંબે શક્ય થાય તો જરૂર પ્રભુ પણ ખુશી થાય. એ પછી , બાળકના ભણતર માટે પોતે પુરતા પૈસા ભેગા ન કરી શકે તો કદાચ પ્રભુ દ્વારા કોઈકને પ્રેરણા મળે. આથી મારો મત છે કે કુટુંબે શિક્ષણ ઉતેજનની જાગ્રુતિ ઘણી જ જરૂરી છે.

પ્રજાપતિ કુટુંબે કુટુંબે કંઈક જવાબદારીની શરૂઆત. તો, શું બધુ બરાબર થઈ ગયુ? શું એવો અભિપ્રાય પ્રજાપતિ સમાજે લેવો જોઈએ ? ના…ના….ના….પ્રજાપતિ બાળક એ પ્રજાપતિ સમાજનો ભવિષ્યનો તારલો છે. બાળકના ભણતર કે જ્ઞાતિજનોને સહાય કરવાની જવાબદારી સમાજને લાગે છે આ એક મોટી જ્વાબદારી છે. જ્ઞાતિમાં કોઈની સારી સ્થિતી હોય તે પણ સમાજને જાણ હોવી જોઈએ. જ્ઞાતિમાં સૌને એક તાંતણે બાંધતા સારી-નબળી સ્થિતીઓવાળા સર્વ એકતા-સંપ-પ્રેમભાવના પંથે હોય,. સમાજ કાર્યકર્તાઓ ઘર ઘરની માહિતી રાખી, જ્ઞાતિજનોને સહકાર માટે જાગ્રુત રાખે. એ પરમ ફરજ બની જાય છે. પ્રજાપતિ જ્ઞાતિ માટે ગૌરવનાં બીજ સમાજ/સંસ્થાએ રોપ્યાં હોય તો આ કાર્ય જરા સરળ બની જાય છે.

ભુતકાળ અને વર્તમાન કાળ બતાવે છે કે પ્રજાપતિ જ્ઞાતિજનોને અન્ય તરફથી ઘણું જ સહન કરવું પડ્યું છે. ખોટી ટીકાઓ-અપમાન જનક શબ્દો ! ગરીબાઈને કારણે અન્ય ખોટી ટીકા કે કંઈક ખોટી રીતે લાભ લેતા હશે, કિંન્તુ અહીં જ્ઞાતિમાં શિક્ષણ-રૂપી જ્યોતિ ન હોવાનું કારણ પણ અગત્યનું બની જાય છે. જ્ઞાતિ અંધકાર જરૂર ફાળો આપે છે. શ્રી અખિલ ગુજરાત પ્રજાપતિ સંઘ દ્વારા પ્રજાપતિ જ્ઞાતિને પોલીટીકલ વોઈસ ( POLITICAL VOICE) મળ્યો છે. સંઘે દરેક પ્રજાપતિજનોની સુતેલી “પ્રજાપતિ શક્તિ” ને જાગ્રુત કરી છે અને એકતાના પંથે ગુજરાતમાં જ્ઞાતિ માટે ઘણું જ કર્યું છે. સર્વ થતા લાભોમાં પ્રજાપતિ બાળકોને પણ સરકાર દ્વારા લાભ શક્ય થયા છે. ભલે, ઘણું થયુ છતાં, આ કાર્ય અધુરું છે. હજુ આગેકુચ કરવાની જ રહે છે. અહીં પ્રજાપતિ બાળકો ફરી ધ્યાનમાં આવે છે. અને વિશ્વ નિર્માતા પ્રજાપતિમાં તંત્રી સ્થાને પ્રગટ થયેલ લેખ : “જ્ઞાતિના ઘર દિવડા” પ્રજાપતિ ઘર ઘરે વધુને વધુ દિવડાઓ પ્રગટે અને જ્ઞાતિમાં “પ્રજાપતિ ગૌરવ” ના તેલ સહીત દિવડે-દિવડે પ્રકાશ દ્વારા મહાજ્યોતિ પ્રગટે એવી અંતરની આશા !

                                          લેખક – ડો. ચંદ્રવદન માધવભાઈ મિસ્ત્રી

                                                             લેંકેસ્ટર – યુ.એસ.એ.

                વિશ્વ નિર્માતા ૨૦૦મા અંકની કહાણી

કહાણી કહું છુ વિશ્વ નિર્માતા પ્રજાપતિના 200મા અંકની,

         અરે, ઓ ,  જ્ઞાતિજનો , સાંભળજો તમો સૌ ધાનથી ! (ટેક)

       આ સુંદર પુસ્તિકા નિહાળી તમે ?
            નિહાળી હોય એ પુસ્તિકા, તો વાંચી છે તમે ?
         એવું જો કાંઈ શક્ય ના થયું તો જે કહું છું તે સાંભળશો તમે?

                                               કહાણી….(૧)

         કલરમાં કવર પાન પ્રથમ તમો નિહાળો,
             મધ્ય્મે પ્રજાપતિ માત બ્રહ્માણીના દર્શન કરો,
         અને અંતે ગુજરાત સહીત વિશ્વના નકશાને ધ્યાને ધરો !

                                                          કહાણી… (૨)

 કવરે વિશ્વ નિર્માતા પ્રજાપતિ વિશ્વ પ્રજાપતિ વિશેષાંક લખાણ છે,
           એ જ જુન-૨૦૦૫નો ‘”વિશ્વ નિર્માતા પ્રજાપતિ” અંક છે,
           જે, અખિલ ગુજરાત પ્રજાપતિ સંઘ દ્વારા પ્રગટ થયો છે !

                                                           કહાણી…. (૩)

કવર ખોલતાં, સંપાદન સમિતિને પ્રથમ તમે જાણો,
          દલસુખભાઈ પ્રજાપતિ સહિત દામજીભાઈ સતાપરા,
         પુનમભાઈ પ્રજાપતિ અને મનોહર આચાર્યને જાણો !

અને,સાથે ગોદડભાઈ સાગરાસણીયા તેમજ
          શિવરામભાઈ અને જયંતિભાઈ પ્રજાપતિને જાણો !

                                                            કહાણી…. (૪)

પાન જ પર અનુક્રમણિકા આધારિત માહિતી ભર્યા

                     ૧૫૯ પુસ્તકપાન કહેવાય,
         કિન્તુ એડર્વટાઈસમેંન્ટ સાથે ૪૭૦થી વધુ પુસ્તકપાન કહેવાય,
         જે પ્રમાણે સામગ્રી પીરસાઈ, એવ પુસ્તક નહીં એક ગ્રંથ કહેવાય,

                                                             કહાણી…(.૫)

       મહામંત્રીની કલમે ટુંકમાં કહેવાયું છે,
                 ગોદડભાઈની પ્રસ્તાવનામાં ગુજરાત
                 પ્રજાપતિ અને વિશ્વ છલકાય છે,
               ત્યારબાદ, અનુક્રમણિકા વાંચતા લેખો
                        અને લેખકોનું સમજાય છે,

                                                              કહાણી…( ૬)

પ્રથમ ભારત રાષ્ટ્રપતિ કલામનો ફોટો સહીત સંદેશ વાંચો,
              પછી, સોનીયા ગાંધી, નવલકિશોર શર્માને વાંચી,
              ગુજરાતના મુખ્યમંત્રી નરેન્દ્ર મોદીનો સંદેશ વાચો,
         અને, ત્યારબાદ, અનેક સરકારી કાર્યકર્તાના સંદેશા પણ વાંચો !

                                                                કહાણી…. (૭)

પરદેશથી પણ આવેલાં સંદેશા વાંચવાનું ના ભુલતા,
          અમેરીકાથી ડો.ચંદ્રવદન, ઈંગ્લેંન્ડથી પ્રવિણભાઈ,
                        જમનાદાસભાઈ, વસંતભાઈ,
                  બાલુભાઈના સંદેશાઓ જોવા ના ભુલાય,
         અને, ઈંગ્લેંન્ડના પ્રજાપતિ સમાજના મહિલા તારાબેન
         તેમજ રેવાબેનને વાંચતા, પરદેશ સંદેશા પૂર્ણ વાંચ્યા કહેવાય,

                                                                  કહાણી..(.૮)

ગુજરાતની પ્રજાપતિ કહાણી કહેતાં નર્મદ સુત્ર
“જય જય ગરવી ગુજરાત કેમ ભોલાય ?

          પાન ૧૮ પર પ્રજાપતિનું સંઘ ગીત વાંચવાનું ન ભુલાય,
          પાન ૧૮ બાદ છે કલરમાં અંબાજીનું પ્રજાપતિ ભવન અને
                   વ્યક્તિગત કાર્યકર્તાઓનાં ફોટાઓ જોવાય,

                                                                   કહાણી…(૯)

પાન ૧૯ થી મનોહર આચાર્યના અનેક લેખ કંઈક સંદેશ છે,
                    “સમયચક્ર”થી શરૂઆત કરી, અનેક લેખો
            દ્વારા પ્રજાપતિ ઈતિહાસ સાર છે.,

         એ સર્વ વાંચવાનું ના ભોલશો તમો, વિનંતી મારી એટલી જ છે !

                                                                    કહાણી..(૧૦)

અખિલ ગુજરાત પ્રજાપતિ સંઘ બારે જાણવુ હોય જો તમે,
             તો, વાંચો પુસ્તિકા પાન ૨૪ થી ૩૫ જરૂર તમે,
                         જે પ્રમાણે પ્રગટ થયું તેમાં,
                   જરૂર નિહાળશો મહેનતનું પરિણામ તમે,

                                                                     કહાણી…. (૧૧)

         અખિલ ગુજરાત પ્રજાપતિ ફુલ ખીલી,
                   પરદેશ જ્ઞાતિજનો પર નજર કરે,
                   સંઘના કાર્યકર્તાઓનો યુકેના પ્રવાસનું
                      લેખ દ્વારા કંઈક જાણવા મળે,

                  એ વર્ણન શ્રી ગોદડભાઈ સાગરાસણીયાના
                      હસ્તે લેખરૂપે વાંચવા મળે,

                                                                     કહાણી…. (૧૨)

પાન ૪૨ પર સંઘની શિક્ષણ જ્યોતયાત્રા બારે વાંચો તમે,
         પછી, સંઘનુ પ્રથમ પ્રજાપતિ મહિલા સંમેલન બારે વાંચો તમે,
          ત્યારબાદ, ગુજરાતના જીલ્લે જીલ્લે થયેલ
                       સંઘ પ્રવ્રુતિઓ બારે પણ વાંચો તમે,

                                                            કહાણી… (13)

પાન ૬૧ થી સંઘના સર્વ કાર્યકર્તાઓની નામાવલી તો વાંચો,
                    તો, ખ્યાલ આવશે કે સંઘનો આધાર છે
                      એક નહીં પણ અનેક બંધુઓ,
           પ્રજાપતિ જ્ઞાતિ નથી ફક્ત ગુજરાતે પણ છે ભારતમાં,
                       લખ્યું છે બધુ તે તમો જાણો,

                                                                       કહાણી…(૧૪)

       આપણે પ્રજાપતિ કે કુંભાર ગોદડભાઈ
                પ્રશ્ન કરે છે એક લેખ રૂપે,
          એ વાંચી, જાણો પ્રજાપતિ જ્ઞાતિજનો છે અનેક અટકરૂપે,
                 પાન ૭૧ પર પ્રજાપતિ જાતિ પ્રદર્થક ગ્રંથોનું વાંચી,
                           છેલકાવો આનંદ જ્ઞાતિ ગૌરવ રૂપે,

                                                                        કહાણી… (૧૫)

પાન ૯૯ પર “પરદેશમાં પ્રજાપતિ વસવાટ” જરૂર વાંચશો તમે,
         વિશ્વમાં ક્યાં ક્યાં છે તમ જ્ઞાતિજનો તેનું ટુંકાણમાં જાણજો તમે,
            યુકે, કેનેડા. અમેરીકા વિગેરેની પ્રજાપતિ સમાજરૂપી
                         સંસ્થાઓનુ પણ જાણી લ્યો તમે,

                                                                          કહાણી…. (૧૬)

પ્રજાપતિ જ્ઞાતિએ સંતો અનેક, જાણવા એમને એ રહી તમ ફરજ,
            જાણો સતાધારના બાપુ, પીંપળીના વાસુદેવ મહારાજ
             અને દેવપુરના અભેદાનંદજી એ રહી મારી અરજ,

                                                                          કહાણી… (૧૭).

પાન ૧૧૪ થી ૧૩૮ સુધી છે પ્રજાપતિ વ્યક્તિ પરિચય લેખો,
                 પછી “કલાકાર કુંભાર અને તેની માટી કલા” અને
                      “પ્રજાપતિ સમુહ લગ્નોત્સવ” ના લેખો,
         અને, પ્રજાપતિ નારી સંબોધિત છે “માત્રુશક્તિ” એક લેખે,

                                                                          કહાણી…. (૧૮)

પાન  ૬૫ પર “જીવન એટલે શું ?” બાલુભાઈ મિસ્ત્રી પ્રશ્ન કરે,
                   પાન ૧૪૬ પર “સાચી નિ:સ્વાર્થ સેવા ”
                            બાલુભાઈ લેખરૂપે સમજાવે,
           પાન ૧૪૯ અને પાન ૧૫૪ નો અંગ્રેજી લખાણે
                             બાલુભાઈ ગજ્ઞાતિ-માનવ ધર્મ સમજાવે,

                                                                           કહાળી… (૧૯)

ભલે., પ્રજાપતિ સમાજ છે પ્રગતિના પંથે આજે,
                 છતાં, અંધકાર, અંધશ્ર્ધ્ધા દૂર કરવાની ઘડી
                       હજુ બાકી રહી છે આજે,
                 તો, પાન ૧૫૨ ૫રના લેખ દ્વારા “કંઈક”
                         કરવા અરજી કરી કછે આજે,

                                                                            કહાણી… (૨૦)

પાન ૧૫૫ પર “આજની યુવા પેઢીને” સંબોધિત લેખ છે,
          ત્યારબાદ, પાન ૧૫૭ અને પાન ૧૫૯ ના સુંદર લેખો છે,
          આટલું જો તમો વાંચશો તો હું માનું પ્રજાપતિ નારીને માન
આપવા તમો તૈયાર છો

                                                                            કહાણી…. (૨૧)

પાન ૧૫૯ પછી તો પ્રગટ થઈ છે એડર્વટાઈઝરે અનેક,
               એ પણ વાંચી જાણ જો કે સફળતા પામેલ
                પ્રજાપતિ જ્ઞાતિબંધુઓ છે અનેક,
                 આગળના લેખો, હવે એડર્વટાઈઝમેંન્ટો
       વાંચી તમે પુસ્તક પુરૂ કર્યું છે એક,

                                                                   કહાણી…. (૨૨)

લેખો રૂપી માહિતી અને એડર્વટાઈઝમેંન્ટ મેળવી,
              પુસ્તકરૂપે ગોઠવનાર સંપાદકો છે,
               ભલે, પુસ્તકરૂપે પ્રગટ કરવા માટે સંઘની ઈચ્છા
               પરવાનગી અને અનેકનો સહકાર હશે,
        કિંન્તુ, આ ગ્રંથરૂપી પુસ્તક તો ખરેખર સંપાદકોના ખંત
                   મહેનતનું પરિણામ છે !

                                                                             કહાણી…. (૨૩)

પુસ્તકના પાન ૧૫૬ પર “ગુજરાત પ્રજાપતિ જનોની કહાણી ” નામે એક કાવ્ય લખ્યું છે ચંદ્રે,

અનેક વિભાગો કરી, આ કાવ્ય જેવુ “વિશ્વ પ્રજાપતિ વિશેષાંક ” માટે લખ્યુ છે ચંદ્રે,           

કંઈક કહેવાનુ રહી ગયુ, ને વળી ભૂલો કરી ઘણી, તો તમો માફ કરશો ચંદ્રને

       

અખિલ ગુજરાત પ્રજાપતિ સંઘ અને પ્રજાપતિ જ્ઞાતિ જાગ્રુતિ

અખિલ ગુજરાત પ્રજાપતિ સંઘની સ્થાપના ૧૯૮૬ માં થઈ, અને આ ઘટના ગુજરાતના પ્રજાપતિજનો માટે એક ઐતિહાસિક ગૌરવગાથા કહેવાય. ૨૦ વર્ષના સમયગાળા દરમ્યાન સંઘ દ્વારા ઘણું જ થયુ છે, જેના કારણે પ્રજાપતિ જ્ઞાતિજનોને લાભ થયો છે એ ગઘણા જ આનંદની વાત છે.

સંઘની સ્થાપના શા માટે? આ પ્રશ્નનો જવાબ આપવો ઘણોજ અગત્યનો છે. ૧૯૮૬ પહેલાં ગુજરાતમાં અનેક નાની મોટી “પ્રજાપતિ સમાજ” રૂપી સંસ્થાઓ હતી જ. તો, આવી એક નવી સંસ્થાની શી જરૂરત? આ પ્રશ્નનો જવાબ આપતાં પહેલા જરા ગુજરાતનાં પ્રજાપતિ જ્ઞાતિના ઈતિહાસમાં ઉંડાણમાં જઈએ. ગુજરાતની પ્રજાપતિ જ્ઞાતિના એક વ્યક્તિ હતા. જેમણે વડોદરાના મેયરની પદવી લઈ જવાબદારી સંભાળી હતી, અને રાજકીય ક્ષેત્રે અનુભવ કર્યો હતો. એ વ્યક્તિ તે બીજું કોઈ નહી પણ શ્રી દલસુખભાઈ સી. પ્રજાપતિ, શ્રી દલસુખભાઈ તેમજ ગુજરાત પ્રજાપતિ જ્ઞાતિની અનેક આગેવાન વ્યક્તિઓએ ચર્ચાઓ કરતાં અનુભવ્યું કે ગુજરાતમાં ભલે અનેક નાની-મોટી પ્રજાપતિ સંસ્થાઓ છે છતાં રાજકીય ક્ષેત્રે કોઈ ઉત્સાહ લેતું નથી.. આ મુખ્ય હેતુ ને ધ્યાનમાં લઈ, પ્રજાપતિ જ્ઞાતિમાં એકતા લાવી, જ્ઞાતિમાં અનેક લાભો મેળવી જ્ઞાતિને પ્રગતિના પંથે મુકવાની ઈચ્છા સાથે નવી સંસ્થાનાં બીજ રોપાયાં…નવી સંસ્થા એ જ અખિલ ગુજરાત પ્રજાપતિ સંઘ.

૧૯૮૬ માં સંઘની સ્થાપના થયા બાદ સંઘના કાર્યકર્તાઓએ સંઘ બારે ગુજરાતમાં પ્રચાર કર્યો. પ્રજાપતિ જ્ઞાતિમાં એકતા સહિત રાજકીય ક્ષેત્રે ગુજરાત સરકાર સામે પડકાર કરવાથી જ્ઞાતિમાં અનેક લાભો શક્ય છે એવી સમજ આપી. જ્ઞાતિજનોએ પણ એ બધું સાંભળ્યું અને સૌને આ વાત યોગ્ય લાગી, અને સંઘના સભ્યો બન્યા. જ્યારે આવું પરિવર્તન શક્ય થયુ ત્યારે ગુજરાત સરકારે પ્રજાપતિ જ્ઞાતિજનોની માંગનો સ્વીકાર કર્યો, અને પ્રજાપતિ જ્ઞાતિને બક્ષીપંચમાં સામેલ કરી જે થકી પ્રજાપતિ બાળકોને ઉચ્ચ અભ્યાસ માટે એડમીશન લેવા માટે લાભો મળ્યા. એ પછી માટીકામ-ઈંટકામ માટે પણ સરકાર પાસે સહકાર મેળવ્યો. આ પ્રમાણે રાજકીય ક્ષેત્રે વિજય સાથે પ્રજાપતિ બાળકો માટે શિક્ષણ માટે લાભ શરૂ થયો.

રાજકીય ક્ષેત્રે એકતા તેમજ શિક્ષણ ઉતેજન સિવાય, સંઘે જ્ઞાતિમાં ‘સામાજીક પરિવર્તન” થાય તે માટે પણ કાર્ય ઉપાડ્યું. અનેક જ્ગ્યાએ જ્ઞાતિમાં સમુહલગ્નનું આયોજન સફળતાપૂર્વક કર્યુ અને હજુ પણ એ કાર્ય ચાલુ જ છે. જ્ઞાતિના કુરિવાજોને નાબુદ કરવા, તેમજ શિક્ષણ જ્યોત દ્વારા ગયાતિ ગરીબાઈ હટાવવા સંઘે કાર્ય હસ્તે લીધુ. મુખપત્ર “વિશ્વ નિર્માતા પ્રજાપતિ”માં અનેક લેખો દ્વારા જ્ઞાતિમાં જાગ્રુતિ લાવવા પ્રયાસ થયો. અને, વિશ્વ નિર્માતા પ્રજાપતિઁઆ6 શાળાની પરીક્ષામાં ચમકેલા પ્રજાપતિ તારલાઓની ફોટા સહીત વિગતો પ્રગટ કરી, ઉચ્ચ ડીગ્રી મેળવનારને જાહેર કરી, પ્રજાપતિ બાળકોમાં ગૌરવ સહીત ઉત્સાહ રેડ્યો. આ શિક્ષણ ઉતેજનનુ કાર્ય વધુ ખીલાવવા ગુજરાત રાજ્યમાં “શિક્ષણ જ્યોત યાત્રા” સંઘ દ્વારા થઈ અને જે થકી જ્ઞાતિજનોને ઘણી જ પ્રેરણા મળી. જ્ઞાતિમાં શિક્ષણનું મહત્વ ઘણું જ હોવાથી આ શિક્ષણ ઉતેજનના કાર્યને એક પગલે આગળ વધાવ્યુ. રાજ્યની શાળાઓમાંથી એસ.એસ.સી. તેમજ હાયર સેકંન્ડરી સ્કોલ (ધો. ૧૨ ) ની પરિક્ષામાં ઉચ્ચ માર્ક મેળવનારા બાળકો માટે એક ઈનામી યોજનાની શરૂઆત (ઈ.સ……) માં થઈ. આ યોજના દ્વારા એનામરૂપે રોકડા પૈસા સાથે એક સુંદર એવોર્ડ ટ્રોફી પણ વહેંચવાનુ શરૂ થયુ. આ ઈનામી યોજના દ્વારા અનેક પ્રજાપતિ બાળકોને પ્રેરણા મળી છે અને હજુ પણ મળતી રહે છે એ ખુબજ આનંદની વાત છે.

અખિલ ગુજરાત પ્રજાપતિ સંઘે ગુજરાતના પ્રજાપતિ સમાજના હિત માટે જ હંમેશા નિહાળ્યું છે. થોડું સામાજિક પરિવર્તન કર્યા બાદ, સંતોષ માન્યો ખરો….પણ બીજી કેવી રીતે જ્ઞાતિમાં લાભ મળે તે બારે વિચારણા કરી. આવી વિચાર ધારા દ્વારા પ્રજાપતિ ભવન, અંબાજી તેમજ પ્રજાપતિ ભવન, જુનાગઢનું કાર્ય ઉપાડી લીધું અને સફળતા સહીત પાર પાડ્યું. આજે અંબાજી તેમજ જુનાગઢે ભવ્ય પ્રજાપતિ ભવન રૂપી મકાનો છે જેનો અનેક પ્રજાપતિ જ્ઞાતિજનોએ લાભ લીધો છે. અને લઈ રહ્યા છે.

અખિલ ગુજરાત પ્રજાપતિ સંઘના કાર્યકર્યાઓએ સંકુચિત હૈયુ કદી રાખ્યુ ન હતુ, અને, જ્યારે ગુજરાત પ્રજાપતિ સમાજ જેવી વર્ષોથી ચાલતી સંસ્થા તેમજ અન્ય સંસ્થાઓ સાથે ચર્ચા કરી કંઈક સમુહમાં કરવાની વાત આવી ત્યારે હર્ષથી વધાવી લીધી. પ્રથમ સમુહ મિટિંગ બાદ સમૂહમાં શુ થશે એ તો ભવિષ્ય એનું કહેશે. કિંન્તુ, મારા હૈયામાં આશા છે કે ગુજરાતમાં પ્રજાપતિ એકતા સહીત પ્રેમ ખીલતો રહે અને વધુને વધુ ગૌરવભર્યા કાર્યો થતા રહે.

અખિલ ગુજરાત પ્રજાપતિ સંઘ દ્વારા ગુજરાતમાં જ્ઞાતિના ભલા માટે અનેક કાર્યો થયાં. સંઘના કાર્યકર્તાઓએ પરદેશ રહેતાં પ્રજાતિ જ્ઞાતિબંધુઓને પણ યાદ કર્યા. “વિશ્વ નિર્માતા પ્રજાપતિ” સંઘનુ મુખપત્ર પરદેશમાં વ્યક્તિગત કે સંસ્થાઓને પોસ્ટ દ્વારા મોક્લ્યું . અને સંઘ બારે જાણ પરદેશમાં થઈ. ત્યારબાદ, ૨૦૦૪ માં શ્રી દલસુખભાઈ પ્રજાપતિ અને શ્રી ગોદડભાઈ સાગરાસનીયાએ ઈંગ્લેંન્ડનો પ્રવાસ કર્યો. ઈંગ્લેંન્ડમાં પ્રજાપતિ સમાજના અનેક કાર્યકરોને મળી સંઘની પ્રવ્રુતિઓ બારે જાણ કરી અને પરદેશ રહેલા જ્ઞાતિબંધુઓ સાથે એક “સ્નેહસેતુ” સાધ્યો. એ ઘણીજ ખુશીની વાત છે. ઈંગ્લેંન્ડથી સંઘને સારો સહકાર પણ મળ્યો. આજે વિશ્વ નિર્માતા પ્રજાપતિ ઈંગ્લેંન્ડના અનેક શહેરોમાં તેમજ અમેરિકા, આફ્રિકા, ન્યુઝીલેન્ડ વગેરે દેશોમાં વંચાય છે. આવુ શક્ય કરનાર વિશ્વ નિર્માતા પ્રજાપતિ માસિકના તંત્રી અને સંઘપ્રેમી કાર્યકર્તા શ્રી ગોદડભાઈ સાગરાસણીયાનો ફાળો અમુલ્ય છે. આ ઘટનાને સંઘ પરદેશના પ્રજાપતિ સમાજ કાર્યકર્તાઓ કદી નહી ભૂલશે.

અખિલ ગુજરાત પ્રજાપતિ સંઘ દ્વારા શાળાના બાળકો માટે શરૂ કરેલ શિક્ષણ ઉતેજન માટેની એનામ એવોર્ડ યોજનાની સફળતા બાદ, સંઘના કાર્યકર્તાઓ કોલેજના અભ્યાસ કરી ઉચ્ચ ડીગ્રીઓ મેળવનાર પ્રજાપતિ બાળકોને કેવી રીતે માન આપવું એ બારે વિચારણાં કરી રહ્યા છે. જે કોઈ પ્રજાપતિ બાળક ઉચ્ચ ડીગ્રી મેળવે એ પ્રજાપતિ જ્ઞાતિ માટે ગૌરવભરી કહાણી છે આથી જ, ઉચ્ચ ડીગ્રી મેળવનાર માટે પ્રજાપતિ જ્ઞાતિ ગૌરવ મેડલ કે એવોર્ડ ટ્રોફી હોય તો કેવું ? એવા વિચારની પણ વધુ ચર્ચા થી રહી છે. ભવિષ્યમાં શું શક્ય હશે એ તો કહે વાય નહી પણ મારી અંતરની આશા હશે કે જેનો લાભ અનેક પ્રજાપતિ બાળકોને મળશે.

અખિલ ગુજરાત પ્રજાપતિ સંઘ દ્વારા ગુજરાતની પ્રજાપતિ જ્ઞાતિમાં રાજકીય જાગ્રુતિ આવી, એકતા-પ્રેમ વધ્યો, શિક્ષણ માટે ઉત્સાહ વધ્યો, થોડી જ્ઞાતિ ગરીબાઈ પણ દૂર થઈ, “પ્રજાપતિ ભવન” રૂપી ભવ્ય મકાનો થયાં, અને કંઈક સામાજિક પરિવર્તન થયું….એ આનંદભરી ગૌરવગાથા છે. કિંન્તુ હજુ જ્ઞાતિની ગરીબાઈ નાબુદ થઈ નથી., અને જ્ઞાતિ ગૌરવનો પ્રકાશ સૌ પ્રજાપતિ જનોને નજરે આવતો નથી. એક દિવસ હર પ્રજાપતિ કુટુંબે ગરીબાઈ નહી પણ આનંદ આનંદ હશે અને હર પ્રજાપતિ જ્ઞાતિજન મુખે પ્રજાપતિ કુળે જન્મ લીધાનો આનંદભર્યા ગૌરવ હશે…એવા “શોભ દિવસ” ભવિષ્યમાં જરૂર

                          ડો. ચંદ્રવદન મિસ્ત્રી લેંકેસ્ટર- યુ.એસ.એ.

ગુજરાતમાં ઈ.સ. ૧૯૮૬ માં “અખિલ ગુજરાત પ્રજાપતિ સંઘ” નામે સંસ્થાની સ્થાપના થયા બાદ મેં સંસ્થાના કાર્યકર્તાઓ સાથે પત્રવહેવાર શરૂ કર્યો અને સંસ્થાના મુખપત્ર “વિશ્વનિર્માતા પ્રજાપતિ” ના તંત્રી શ્રી ગોદડભાઈ સાગરસણીઆ સાથે મિત્રતા થઈ. વિશ્વનિર્માતા પ્રજાપતિ માસીકમાં લેખો/કાવ્યો પ્રગટ કરવાનો લ્હાવો મળ્યો. તેમાંથી આ વીણેલું લખાણ છે.

                                    ડો. ચંદ્રવદન

      ગુજરાત પ્રજાપતિ સમાજ માટે નવી જાગ્રુતિની જરૂરત

ગુજરાત પ્રજાપતિ સમાજ એટલે ગુજરાતની પ્રજાપતિ જ્ઞાતિની એક જુનામાં જુની સંસ્થા. જેની સ્થાપના ૧૯૨૬ માં થયેલ અને આજે પણ એ સંસ્થા ગુજરાતનાં અમદાવાદ શહેરથી જ્ઞાતિપ્રકાશ આપી રહી છે.

પરદેશ…ખાસ કરીને સાઉથ આફ્રિકામાં જ્યારે ગાંધીજી હતાં ત્યારે ત્યાં વસી રહેલ પ્રજાપતિ જ્ઞાતિજનોમાં જ્ઞાતિ એકતા અને પ્રેમનાં બીજ રોપાયા હતા….અને ૧૯૨૦માં શ્રી ટ્રાંન્સવાલ પ્રજાપતિ એસોસીએસન તેમજ ડરબન, નાતાલમાં શ્રી સુરત પ્રજાપતિ એસોસીયેસન નામે બે સંસ્થાઓની સ્થાપના થઈ. આ પ્રમાણે ૧૯૨૦માં પરદેશમાં પ્રજાપતિઓની પ્રવ્રુતિઓ શરૂ થયા બાદ ગુજરાતમાં પ્રથમ પ્રાંતિક પ્રજાપતિ મહાસભા થઈ અને જ્ઞાતિમાં એકતા લાવવાનાં હેતુ સાથે ગુજરાત પ્રજાપતિ સમાજ રૂપી સંસ્થાનો જન્મ થયો. આ ઘટના ગુજરાતનાં પ્રજાપતિજનો માટે એક ઐતિહાસીક અને ગૌરવભરી કહાણી છે અને આ ઘટના ઈતિહાસના પાને હંમેશ રહેશે.

શરૂઆતમાં ગુજરાત પ્રજાપતિ સમાજના કાર્યકર્તાઓ પરદેશના જ્ઞાતિબંધુઓ સાથે સંપ્રકમાં રહેતાં અને એના જ કારણે પદેશથી (સાઉથ આફ્રિકા ) નાથુરામ મોતીરામ મિસ્ત્રી તેમજ દેવજીભાઈ મિસ્ત્રી (બેરીસ્ટર) તેમજ અન્યે પ્રાંતિક મહાસભામાં હાજરી આપી હતી. તેમજ અન્ય રીતે ઉતેજન આપ્યુ હતું. કિન્તુ, સમયના વહેણઁઆં આ સંબંધો ધીરે ધીરે ઓછા થવા લાગ્યા. એ એક દુ:ખ્ભરી કહાણી છે.શા કારણે એવું થયુ એ ચક્રમાં ન પડી આપણે હવે શું કરવાનું એને મહત્વ આપવાનું રહે છે.

“પ્રજાપતિ” માસિક એ ગુજરાત પ્રજાપતિ સમાજનુ મુખપત્ર છે અને એ અનેક વર્ષોથી પ્રગટ થાય છે . ગુજરાતની અનેક નાની મોટી સંસ્થાઓના સમાચાર સાથે અનેક સુંદર લેખોથી ભરપૂર આ માસિક છે કે જે કોઈ વાંચે એ એનો ચાહક બની જાય છે. આવું શ્ક્ય થાય એ માટે અત્યારના તેમજ ભૂતકાળનાં તંત્રી પરિવારના સર્વને મારા અભિનંદન. અનેક વર્ષો પહેલાં “પ્રજાપતિ ના આજીવન ગ્રાહક થવા માટે ૨૦૦ રૂપિયા કે એવી નજીવી રકમ હતી…ત્યાર બાદ ફેરફારો કરી ફી માં વધારોથયો. આ ફેરફારોમાં પરદેશ્નાં ગ્રાહકો માટે એક જ રસ્તો…આજીવન ગ્રાહક બંનવુ રહે…અને અચાનક પરદેશ માટે ૮૦૦૦ રૂપિયા ઉપર (૨૦૦ ડોલર અગર ૧૦૦ પાઉંન્ડ ) ફી જાહેર થઈ જે અત્યારે ચાલી રહી છે. દેશ તેમજ પરદેશ માટે ફી વધારવાનું યોગ્ય જ કહેવાય. કિંન્તુ જે પ્રમાણે પરદેશ માટે ફી રાખવામાં આવી  તે યોગ્ય ન કહેવાય તે મારૂ માનવું છે . અત્યારે અખિલ ગુજરાત પ્રજાપતિ સંઘના મુખપત્ર વિશ્વ નિર્માતા પ્રજાપતિ માટે આજીવન ફી ૫૦ ડોલર કે 30 પાઉંડ છે. કદાચ ઓછી હોય તો માનો કે ૧૦૦ ડોલર કે ૫૦ પાઉંડની રકમ હોઈ શકે. આજીવન ગ્રાહક ફી પરદેશમાં કેટલી યોગ્ય એનો જવાબ તો અત્યારના સમાજના કાર્યતર્તાઓ આપી શકે. આશા છે કે ગુજરાત પ્રજાપતિ સમાજની કાર્યવાહી કમિટિ આ પ્રશ્ન પર ગૈભીરતાથી ચર્ચા કરે. મારૂ માનવું છે કે પરદેશમાં સમાજ માટે પ્રેમ-ભાવના સહિત પ્રસાર કરવા માટે આ પ્રથમ પગલું છે !

હવે પ્રશ્ન રહે છે કે પરદેશમાં રહેતાં જ્ઞાતિજનો ગુજરાત પ્રજાપતિ સમાજ માટે ફરી પ્રેમ કેમ જાગ્રુત થાય, તો, ગુજરાત પ્રજાપતિ સમાજના કાર્ય્તર્તાઓએ પરદેશની પ્રજાપતિ સંસ્થાઓ સાથે પત્રવ્યવહાર ચાલુ કરવો જોઈએ અને સાથે સાથે પરદેશના કાર્યતર્તાઓને “પ્રજાપતિ” વાંચવા લ્હાવો મણે એવું શક્ય કરવાનું રહે. આ છે ગુજરાત પ્રજાપતિ સમાજે લેવાનુ બીજુ પગલું !

ગુજરાત પ્રજાપતિ સમાજના કાર્યતર્તાઓ એકવાર અમદાવાદમાં ચાલી રહેલ બાળકોના છાત્રાલય (હોસ્ટેલ) તેમજ સમાજ મકાન માટે નવી જમીન ખરીદી એક સુંદર વ્યવસ્થા કરવા વિચારણા કરી રહ્યા હતા. કિંન્તુ કારણોસર, આ પ્રોજેકટ શરૂ થયો ન હતો. શું એ પ્રોજેક્ટ પ્રજાપતિ સમાજ તેમજ પ્રજાપતિ જ્ઞાતિ હીત માટે હતો ? જો આ પ્રશ્ન નો જવાબ “હા” માં હોય તો અત્યારે સમાજ કાર્યકર્તાઓને કમીટીમાં બેસી ફરી ચર્ચા કરવી જોઈએ. સર્વ કાર્યકર્તાઓની ફરજ બની જાય છે. જો આ પ્રમાણે મિતિંગ થાય, ખોલ્લા દિલે ચર્ચા થાય તો જરૂરથી કંઈક અમલમાં મુકવા માટે પગલાં લઈ શકાય. જો સર્વ એકતા જાળવી આ કાર્ય ઉપાડશે તો આપણી જ્ઞાતિમાં એવું શક્ય કરવાની શક્તિ જરૂર છે. આ કાર્ય માટે મોટા દાનવીરો પણ જરૂરથી મળી જશે એવો મારો પૂર્ણ વિશ્વાસ છે.

ગુજરાત પ્રજાપતિ સમાજજે જ્ઞાતિ ગરીબાય હટાવવા શું કર્યુ ? શિક્ષણ ઉતેજન ક્ષેત્રે શું કર્યુ ? તેમજ જ્ઞાતિના કુરિવાજો અને અંધકાર દૂર કરવાં શું કર્યું ? આ બધા પ્રશ્નોના જવાબ નીચે દર્શાવેલ ત્રણમાંથી એક જવાબ હોઈ શકે :

         (૧) આ બધા ક્ષેત્રે કંઈ જ કર્યુ નથી.
         (૨) આ બધા ક્ષેત્રે કંઈક કર્યું છે કિન્તુ પૂરતુ કર્યું નથી
         (૩) કોઈક ક્ષેત્રે કંઈક કર્યુ કિન્તુ બધા ક્ષેત્રે પ્રયાપ્ત કર્યા નથી.

હું જે નિહાળી રહ્યો છું તે આધારીત આ ત્રણે ક્ષેત્રે  (યાને ગરીબાય, શિક્ષણ ઉતેજન તેમજ જ્ઞાતિ અંધકાર અને કુરિવાજો હટાવવા માટેના પ્રયત્નો) ઘણું જ કરવાનું બાકી છે. મારી તો એક જ આશા કે ગુજરાત પ્રજાપતિ સમાજનાં કાર્યકર્તાઓ ચર્ચા કરી કંઈક અમલ કરવા પ્રયાસો વહેલી તકે શરૂ કરે.

શિક્ષણ ઉતેજનાના હેતુ સહિત ૧૯૯૩ માં એક ઈનામી યોજના “પ્રજાપતિ” માં પ્રગટ થઈ હતી. એ ઘણા જ આનંદની વાત કહેવાય. સમાજને પ્રજાપતિ બાણકોને શિક્ષણ માટે મળેલ સફળતાંને કદર કરવાની તક મળી. તે સમાજે ઝડપી લઈ ઈનામો આપવાના શરૂ કર્યા. શાળાના બાળકોને પ્રથમ શરૂઆત બાદ કોલેજ અભ્યાસ માટે ઈનામો શરૂ કરી બાળકોને આવા શિક્ષણ ઉતેજન દ્વારા ઉચ્ચ અભ્યાસ કરવા પ્રેરણા મળે. આપણી જ્ઞાતિમાં અનેક બાણકો ઉચ્ચ ડીગ્રી મેળવી સફળતાના શિખરે પહોંચે એવી મારી અંતરની પ્રાર્થના હંમેશ રહી છે.

ગુજરાત પ્રજાપતિ સમાજ કે અન્ય સંસ્થાઓ દ્વારા જ્ઞાતિમાં “સમુહ લગ્ન” ની પ્રથા શરૂ થઈ એ પણ જ્ઞાતિ માટે ઘણા જ આનંદની વાત છે. જ્યારે કોઈપણ પ્રજાપતિ કુટુંબ ગરીબીમાં હોય ત્યારે લગ્ન ખર્ચ એક બોજા રૂપ બને છે. જ્યારે પ્રજાપતિ સમાજ દ્વારા સમૂહ લગ્ન આયોજન હોય ત્યારે એવા સંજોગોમાં સપડાય છે. જ્ઞાતિજનોની ચિંતા દૂર થાય છે. અહીં સમાજ જ્ઞાતિની ગરીબાય લક્ષમાં લઈ આવું સમુહલગ્ન કાર્ય કરે છે. એ ગર્વ લેવા જેવી ઘટના છે કિન્તુ ગરીબાયને હટાવવા કાર્ય હજુ બાકી રહે છે.

પ્રજાપતિ જ્ઞાતિમાં નારીને જે સ્થાન મળવું જોઈએ તે હજુ મળ્યું નથી. અસલ તો ફક્ત પુરૂષોને શિક્ષણ મળે એવું વલણ હતું . નારી ત્યારે અભણ રહી ત્યારબાદ, નારીએ શાળામાં પ્રવેશ કર્યો. હવે નારીને કોલેજ તેમજ ઉચ્ચ ડીગ્રી અભ્યાસ માટે પણ ઉતેજન મળે છે ઘરમાં નારીને પુરૂષ ઘણીવાર માન આપવાનુ ચુકી જાય છે. કારણકે એ પોતાને ઉચ્ચ અને નારી નીચે ભ્રમમાં રહે છે. ખરેખર તો કોઈપણ સંસારનું ઘર નારી ગુણો કારણે જ મંદિર બને છે. પ્રજાપતિ જ્ઞાતિમાં નારી લાભાર્થે ઘણું થયું છે છતાં આ કાર્ય પણ અધુરું છે.

ગુજરાત પ્રજાપતિ સમાજના કાર્યકર્તાઓએ એક મોટી જવાબદારી હસ્તે લીધી છે. જ્ઞાતિ ગરીબાય એ જ એક મોટી દો:ખભરી કહાણી છે. આજે જે કોઈ જ્ઞાતિજન સુખી હોય કે ધનવાન હોય તેણે અન્ય જ્ઞાતિજનોને ભૂલવા ન જોઈએ. જ્યારે સર્વમાં “જ્ઞાતિ ગૌરવ” ના બીજ હશે તો “જ્ઞાતિ પ્રેમ” અને “જ્ઞાતિ એકતા” આપોઆપ જાગ્રુત થશે. આવા જ્ઞાતિ પરિવર્તનમાં જ્ઞાતિજનોને અન્યને સહકાર આપવાની પ્રેરણા મળશે, વિધવા નારી કે અનાથ બાળકોને સહકાર ભાવે જોવાની હૈયે ભાવના હશે. ગરીબાઈ કે માંદગીમાં પીડાતા જ્ઞાતિજન માટે સહકાર આપવા એ તૈયાર હશે. આવી જાગ્રુતિ સાથે શિક્ષણ ઉતેજન સહકારની ભાવનાનુ મિલન જો થાય તો આપણી પ્રજાપતિ જ્ઞાતિ જરૂરથી પ્રગતિનાં પંથે જશે, આવુ મહાપરિવર્તન જ્ઞાતિમાં લાવવા માટે ગુજરાત પ્રજાપતિ સમાજની ફરજ બની જાય છે.

પરદેશના જ્ઞાતિબંધુઓના ઉલ્લેખ સાથે આ લેખની શરૂઆત થઈ હતી. તો, પરદેશમાં રહેતા જ્ઞાતિજનો સાથે કેવી રીતે સંબંધો બાંધવા તે પર સમાજે વિચારણા કરવાની રહે. મારું માનવુ છે કે ગુજરાત પ્રજાપતિ સમાજના કાર્યકર્તાઓએ પરદેશમાં રહેતા….યાને ઈંગ્લેંન્ડ, અમેરિકા, કેનેડા, ફીજી, ઓસ્ટ્રેલિયા, ન્યુજીલેંન્ડ વગેરે આગળ પડતા જ્ઞાતિજનો સાથે વ્યક્તિગત તેમજ ત્યાની સમાજરૂપી સંસ્થાઓ સાથે પત્રવ્યવહારો કરવા જોઈએ. “પ્રજાપતિ” માસિકની સંસ્થા ભલે ગ્રાહકો ન હોય તો પણ :પ્રજાપતિ” માસિક તેઓને કોમ્પ્લીમેંન્ટરી મોકલવું જોઈએ કે જેથી ગુજરાત પ્રજાપતિ સમાજની પ્રવ્રુતિઓની પરદેશમાં જાણ થાય. અને શક્ય હોય તો પ્રજાપતિ માસિકના પદેશ માટે દર ઓછા કરી પરદેશમાં અનેક ગ્રાહકો બનાવવાનો પ્રયાસ હોય. ધીરે ધીરે આ પ્રમાણે ગુજરાત પ્રજાપતિ સમાજ ફરી “મિત્રતાનો સેતુ” પરદેશના જ્ઞાતિબંધુઓ સાથે બાંધે શકશે. આવા સ્નેહ સંબંધ તેમજ ગુજરાતમાં મહા જ્ઞાતિ પરિવર્તનની આશા મારા હૈયે છે અને હંમેશા રહેશે.

         ” ગુજરાત પ્રજાપતિ સમાજ” ની સંસ્થા છે જુની પુરાણી,
          ગુજરાત પ્રજાપતિ જનોની આ છે ગૌરવભરી કહાણી,
           હવે, આગેકુચ છે એકતા, પ્રેમ અને જ્ઞાતિ સહકારના પંથે,
           પરિવર્તન સહિત હશે પ્રજાપતિ પ્રગતિ અને સફળતા અંતે !

                        ડો. ચંદ્રવદન માધવભાઈ મિસ્ત્રી – લેંન્કેસ્ટર (અમેરિકા) 

                         પરદેશથી અગ્નિચક્રને શુભેચ્છા પત્ર:

અગ્નિચક્ર પોતાની ૧૦વર્ષની સફર પુર્ણ કરીને ૧૧મા વર્ષમાં પ્રવેશે છે. આ સમયે અમેરિકાથી ડો. ચંદ્રવદનભાઈ મિસ્ત્રીએ એક ભાવના-સભર પત્ર લખેલ છે, અને આ પત્રમાંની તેમની ભાવનાઓ દિલના તારને ઝણઝણાવી નાખે તેવી છે. અગ્નિચક્રના વાચકોને આ પત્ર જરૂર ગમશે !

અગ્નિચક્ર પરિવારને જય શ્રી ક્રુષ્ણ,

            માર્ચ ૨૦૦૭નો મહિનો પુરો થતા, અગ્નિચક્ર દસમુ વર્ષ પુરુ કરી ૧૧મા વર્ષમાં  પ્રવેશ કરશે એ ઘણાજ આનંદની વાત છે, અને પ્રજાપતિ જ્ઞાતિ માટે એક ઐતિહાસિક ગૌરવ ગાથા છે.

 એપ્રિલ ૧૯૯૭માં અગ્નિચક્ર માસીકનો જન્મ થયો હતો. પ્રજાપતિ જ્ઞાતિના સમાચાર આપવા, અને ખાસ કરીને સોરઠીયા પ્રજાપતિ જ્ઞાતિને જાગ્રુત કરવા આ શરૂઆત હતી. મુંબઈમાં શ્રી સોરઠીયા પ્રજાપતિ સમાજ તેમજ સમાજની શુભેચ્છા વ્યક્તિઓએ સહકાર-પ્રેરણા અગ્નિચક્રના તંત્રી શ્રી વિનોદભાઈ પ્રજાપતિને મળતા એમના હૈયે એક અનોખી શક્તિ મળી. એક મુંબઈના પ્રજાપતિ પત્રકાર શ્રી વિનોદભાઈને મનમાં પ્રજાપતિ જ્ઞાતિ માટે કંઈક કરવાનો વિચારો ફરી ફરી આવ્યા હતા. અને તે વિચાર મહાન સાહિત્યક શ્રી હિરજીભાઈ જગત્તિયા અને મસ્તરામ ગેહલોત સમક્ષ મુક્યો, અને તેમનો સહકાર મળતાં એમના વિચારો સાકાર થયા અને અગ્નિચક્રનો જન્મ થયો. વિનોદભાઈના ઉત્સાહ અને મહેનતને કારણે અગ્નિચક્ર ફક્ત મુંબઈના સોરઠીયા પ્રજાપતિ માટે નહી પણ ગુજરાતના સોરઠીયા પ્રજાપતિ સમાજ તેમજ ઉતર ને દક્ષિણ ગુજરાત પ્રજાપતિ સમાજના અનેક ઘરે વંચાકા લાગ્યું. અને ધીરે ધીરે સૌ જ્ઞાતિજનોનુ પ્રિય બની ગયુ. આ વાંચન દ્વારા મળેક જ્યોતિ પ્રકાશે ધીરે ધીરે પરદેશ પણ અનેક પ્રજાપતિ જ્ઞાતિજનોને આનંદિત બનાવ્યા. વિનોદભાઈની મહેનત અને ઉત્સાહના પરિણામ રૂપે આવું શક્ય બન્યું.

અગ્નિચક્રમાં જ્ઞાતિની ગરીબાઈ-દુ:ખોની વાતો છે. તથા કંઈક ગૌરવ ભરી કહાણીઓ પણ છે. પ્રજાપતિ બાળકોમાં શિક્ષણ માટે ઉતેજન મળે એવી ખુશીની વાતો પણ છે. જ્ઞાતિના બાળકોમાં અનેક ચમકેલા તારલા બારે પણ ઉલ્લેખ છે. આવા સમાચાર સહીત ધર્મ-ભક્તિ પંથ અપનાવવા ઉતેજન આપતા અનેક લેખો અગ્નિચક્રે પ્રગટ થયા છે. જ્ઞાતિ-સમાજમાં કંઈક ખોટું થતું હોય ત્યારે સંપાદકીય લેખમાં એ બારે ટીકા પડકાર હોય જ. સમાજ દ્વારા જ્યારે જ્યારે કંઈક સારુ થયું ત્યારે સંપાદકિય લેખોમાં એ ભુલાયું ન હતું. આવા અનેક કારણોને લીધે જ અગ્નિચક્ર વાંચકોમાં પ્રિય બન્યુ છે. આવા આ અગ્નિચક્રની દસમી એનીવર્સરી ઉજવવાની ઘડી આવે ત્યારે મારા હૈયે ઘણોજ આનંદ છે. જે હું શ્બ્દોમાં લખી શકતો નથી, કિન્તુ આ પત્ર દ્વારા મારા હાર્દિક અભિનંદન પાઠવું છુ, અને પ્રાર્થના કરૂ છું કે અગ્નિચક્ર પ્રગટ થતું રહે અને ૨૫ વર્ષની એનીવર્સરી કે વધુ વર્ષોનો ઉત્સવ પણ ઉજવે…અગ્નિચક્રની સફળતા માટે અનેકનો ફાળો છે, કિન્તુ શ્રી વિનોદભાઈ પ્રજાપતિનો ફાળો મહાન અને અગત્યનો છે. એમને એમના સ્વપ્નરૂપી…વિચારને અમલમાં મુકી સફળતાના શીખરે અગ્નિચક્રને પહોંચાડેલ છે. આ અગ્નિચક્ર સફળતાને કારણે વિશ્વભારતી પ્રકાશન કરવા શ્રી વિનોદભાઈને પ્રેરણા મળી અને એ પ્રકાશન દ્વારા અનેક પુસ્તકો પ્રકાશિત થયા અને જ્ઞાતિજનો તેમજ અન્યને વાંચવા લ્હાવો મળ્યો.

આપણી પ્રજાપતિ જ્ઞાતિ માં જે કોઈને સાહિત્ય માટે રસ હોય પણ પોતાના વિચારો પુસ્તક રૂપે પ્રગટ કરવા શક્તિ ન હોય ત્યારે વિશ્વભારતી પ્રકાશન દ્વારા કંઈક ઉતેજન મળ્યુ. અને અનેક ને કંઈક પ્રગટ કરવા લ્હાવો મળ્યો એ કંઈ નાની વાત નથી.

વિશ્વભારતી પ્રકાશન દ્વારા અનેક પુસ્તકો પ્રગટ થાય અને અગ્નિચક્રની જ્યોત હંમેશ જ્ઞાતિજનો અને અન્યને પ્રકાશ આપતી રહે એવી અંતરની પ્રાર્થના સહીત આશાઓમાં મારી ઈચ્છા એ છે કે ભવિષયમાં અગ્નિચક્ર જ્યોત દ્વારા પ્રજાપતિ જ્ઞાતિની ગરીબાઈ, કંઈક અંધશ્રધ્ધાઓ અને કુરિવાજો વગેરે દૂર થાય અને આપણી જ્ઞાતિ પ્રગતિનાં પંથે અનેક સફળતાઓ મેળવે.

                 લી. ડો.ચંદ્રવદન માધવભાઈ મિસ્ર્ત્રી- લેંકેસ્ટર, કેલીફોર્નિયા, યુ.એસ.એ.

 આભાર ! ખુબ ખુબ આભાર !!!

૧૯૯૭ની સાલ એટલે અગ્નિચક્રની શરૂઆત…એપ્રિલ ૧૯૯૭ની ના પ્રથમ અગ્નિચક્ર બાદ મને એક અંક અમેરિકા શ્રી વિનોદભાઈ પ્રજાપતિ તરફથી મળ્યો…અને ત્યાર બાદ હું અગ્નિચક્રનો આજીવન ગ્રાહક થયો. અને, શ્રી વિનોદભાઈ સાથે પત્ર વ્યવહાર કરતા કરતા મારી એક ઓળખાણ થઈ જે સ્નેહસંબંધ ખીલી ને એક પુષ્પ બની છે. તો, પ્રથમ હું અગ્નિચક્ર માસીકનો આભારીત છું.

અગ્નિચક્રમાં લેખો, કાવ્યો લખવાનો લહાવો મળ્યો. અગ્નિચક્ર દ્વારા મેં મારા વિચારો દર્શાવ્યા અને વિનોદભાઈ મારફતે જ શરૂ થયેલ વિશ્વભારતી પ્રકાશન દ્વારા મારા લખેલા કાવ્યો પુસ્તક રૂપે પ્રગટ થયા. અને એક ભજન પ્રાર્થના સંગ્રહ શ્રી ક્રુષ્ણ લીલામ્રુત પણ પ્રગટ કર્યાનો લ્હાવો મળ્યો. અહીં બે અજાણ માનવીઓની પ્રથમ ઓળખાણ એ ઓળખાણમાંથી થયેલ મિત્રતા અને એક ભાઈ-ભાઈ જેવા સ્નેહસંબંધો જેમાં શ્રી વિનોદભાઈ મને ઘણાજ મદદરૂપ થયા છે. તો, હું શ્રી વિનોદભાઈને આભાર પાઠવું છું. સાથે વિશ્વભારતી પ્રકાશનનો પણ આભારીત છુ !

અગ્નિચક્રને કારણે હું મુંબઈની સોરઠીયા પ્રજાપતિ સમાજ અને તેના કાર્ય્કરોને જાણી શ્ક્યો. જેઓએ મને સ્નમાન પણ આપેલ, વળી, પ્રજાપતિ કુંભાર વેલફેર એશોશિયેશન દ્વારા મારી શરૂ કરેલ પ્રથમ યોજના ડો. ચંદ્રવદન અને કમુબેન મિસ્ત્રી શિક્ષણ પ્રોત્સાહક યોજના પણ શક્ય થઈ. મને આનંદ છે એ યોજના દ્વારા અનેક પ્રજાપતિ બાળકોને શિક્ષણ માટે ઉતેજન મળ્યું છે, અને હજુ પણ મળતુ રહે છે. આથી હું શ્રી સોરઠીયા પ્રજાપતિ સમાજ કાર્યકર્તાઓ/જ્ઞાતિજનો તેમજ પ્રજાપતિ કુંભાર વેલફેર એશોશિયેશન અને એના કાર્યકર્તાઓને મારો આભાર દર્શાવું છું.

અગ્નિચક્રની શરૂઆત બાદ, શ્રી લુણાઈ એજુકેશન ટ્રસ્ટની શરૂઆત થઈ. અનેક જ્ઞાતિજનો એ ફુલ નહી તો ફુલની પાંખડી રૂપે દાન સહકાર કરી એક મોટું ફંડ શક્ય કર્યુ જે થકી એના વ્યાજમાંથી અનેક રીતે સહકાર થઈ રહ્યો છે તે ઘણાજ આનંદ ની વાત છે. લુણાઈ ટ્રસ્ટમાં મને પણ કંઈક સહકાર કરવાનો લ્હાવો મળ્યો હતો. આથી, જ્યારે જ્યારે અગ્નિચક્રમાં વાંચુ કે શ્રી લુણાઈ ટ્રસ્ટ દ્વારા આ થયું તે થયું ત્યારે મારા હૈયે પણ ઘણીજ ખુશી રહે છે. તો, એક શુભ કાર્યમાં મને ભાગીદાર બનાવનાર શ્રી લુણાઈ એજ્યુકેશન ટ્રસ્ટ અને તેના સર્વ કાર્યકર્તાઓનો હું આભાર માનું છું.

અગ્નિચક્રમાં પ્રજાપતિ જ્ઞાતિ બારે વાંચી મને સહકાર આપવા પ્રેરણા થતી રહી…ગરીબને સહાય, અનાથને સહાયકે પછી દર્દી હોય તેને સારવારમાં કંઈક સહકાર…કે પછી પ્રજાપતિ બાળકને શિક્ષણ માટે સહકાર…આવું કરતા, પ્રભુ પ્રેરણાથી જ બીજી યોજનાઓ. સાહિત્ય ટ્રસ્ટ યોજના તેમજ એજુકેશનલ એસીસ્ટન્ટ યોજના પણ શરૂ થઈ…અગ્નિચક્રના વાંચકો મારા કાવ્યો કે લેખ વાંચી ખુશીના શબ્દો લખ્યા કે દર્શાવ્યા…કોઈક તરફથી મારી પ્રગટ કરેલ પુસ્તિકાઓ (ત્રિવેણી સંગંમ, ભક્તિભાવના ઝરણા, શ્રી ક્રુષ્ણ લીલાંમ્રુત) વાંચી ખુશી દર્શાવી. કોઈકે પ્રભુપ્રેરણાથી કરેલ સહાય માટે આભાર કે ખોશી દર્શાવી…તો, નામોથી તો લખી શકતો નથી છતાં જે કોઈએ મારા માટે બે શબ્દો કહ્યા કે અંતરે અનુભવ્યા તે સૌનો હું આભારીત છું !

અનેક વર્ષો બાદ, હું તથા મારા પત્નિ કમુબેન ભારત આવી શક્યા…તો વિનોદભાઈ તથા અન્ય સંસ્થાના કાર્યકરો મને નવસારી આવી મળ્યા…કંઈક સન્માન આપ્યું. ત્યારબાદ, મુંબઈના ટૂંકા રોકાણ દરમ્યાન મુંબઈના કુંભારવાડાના  મહિલા કાર્યકર્તાઓ તરફથી ભેટ મળી, ત્યારબાદ, દ્વારકા અને સૌરાષ્ટ્રનો પ્રવાસ…દ્વારકામાં પ્રજાપતિ ગોર શ્રી કૌશિકભાઈ તેમજ એમના ભાઈ યજ્ઞેશભાઈનો સહકાર માર્ગદર્શન…જુનાગઢે દિવાળીબેન ભીલ તેમજ શ્રી પ્રાણલાલ વ્યાસ જેવી વ્યક્તિએ સમયનો ભોગ આપી બે ઘડી વાતો કરી, પુજ્ય શેરનાથ બાપુએ દર્શન આપ્યા. તેમજ જુનાગઢે શ્રી પ્રજાપતિ ભવનના મેનેજીંગ વ્યક્તિ શ્રી રસિકભાઈ પ્રજાપતિ અને રાજકોટઁઆં શ્રી વસંતભાઈ ચૌહાણનો ભાવભર્યો આવકાર, અને દારકાના સોરઠીયા પ્રજાપતિ સમાજના કાર્યકર્તાઓ તરફથી સન્માન તેમજ બેટ દ્વારકામાં પુજારી શ્રી ક્રુષ્ણકાંત દવેનું માર્ગદર્શન તેમજ ભાવભર્યું ભોજન તેમજ સૌરાષ્ટ્ર બધે કારમાં ફેરવનાર શ્રી કરસનકાકા જગતિયાને કેમ ભુલાય ? આ પ્રમાણે સૌરાષ્ટ્રની કરેલી ટ્રીપ કે તે પહેલા જે કોઈ એ મને તેમજ મારા પત્નિ કમુબેનને સહકાર આપ્યો તે સૌનો હું આભારીત છું.

અગ્નિચક્ર સિવાય મારો પત્રવ્યવહાર અને પરિચય સ્નેહસંબંધો અન્ય માસીકો દ્વારા સક્ય હતો. મુંબઈથી પ્રગટ થતા પ્રજાપતિ સંદેશના તંત્રી શ્રી કાંતિભાઈ મિસ્ત્રી તેમજ સમાજના વડીલ છોટુભાઈ ઈંટવાલા, અમદાવાદથી પ્રગટ થતા પ્રજાપતિ ના સહતંત્રી ડો. રમેશ્ભાઈ ઓઝા, તેમજ શ્રી અખિલ ગુજરાત પ્રજાપતિ સંઘના મુખપત્ર વિશ્વ નિર્માતા પ્રજાપતિના તંત્રી શ્રી ગોદડભાઈ સાગરાસણીયાએ સૌને ભારતની મુલાકાતે રૂબરૂ મળવાનું થયું. અમદાવાદના તૂંકા રોકાણમાં રમેશભાઈ ઘણાજ મદદરૂપ થયા સાથે ગુજરાત પ્રજાપતિ સંમાજના પ્રમુખ શ્રી કેશવભાઈ પ્રજાપતિને પણ મળવાનું થયુ અને જેમણે અમદાવાદમાં ફેરવ્યા. શ્રી ગોદડભાઈના આગ્રહથી અંબાજી-પાલનપુર જવાનુંથ્યું. અંબાજી-પ્રજાપતિભવનના કાર્યકર્તા શ્રી રમેશભાઈ પ્રજાપતિ ઘણાજ મદદ રૂપ થયા. પાલનપુરમાં ગોદડભાઈના પરિવાર તરફથી ભાવભર્યો સત્કાર હતો. અને ત્યાંના પ્રજાપતિ જ્ઞાતિજનોને મળવાનો લહાવો મળ્યો. વળી પાલનપુરમાં ગોદડભાઈના ઉત્સાહથી શરૂ થયેલ શ્રી પ્રજાપતિ કેળવણી મંડળની શાળા-બાળમંદિર જોવાનો લ્હાવો મળ્યો, બાળકોનું ભણતર, કળા વિગેરે નિહાળી આનંદ થયો અને શાળાના કાર્યતર્તાઓએ મારા તેમજ પ્ત્ની કમુબહેનના હસ્તે ઈનામ વહેંચણી કરવાની તક આપી….ઈનામ યોજના શરૂ કરી દીધી…પ્રભુપ્રેરણાથી એ શ્ક્ય થયું હતું કિન્તુ સ્વપને પણ ખ્યાલ નહોતો કે એક દિવસ અમારા હાથે ઈનામોની વહેંચણી થશે ! ગોદડભાઈના સંગાથે વડોદરા જવાનુ થયું જ્યાં અખિલ ગુજરાત પ્રજાપતિ સંઘના અધ્યક્ષ શ્રી દલસુખભાઈ પ્રજાપતિને રૂબરૂ મળવાનું થયુ, વાતો કરી ભાવભર્યું ભોજન એમની સાથે જમ્યા એ કદી ભોલાશે નહી., દલસુખભાઈ અનેક કાર્યોમાં બીઝી હોવા છતાં એમણે એમના કિંમતી સમયનો ભોગ આપી અમોને મળ્યા. આ પ્રમાણે મુંબઈ તેમજ ગુજરાતના પ્રજાપતિ સમાજના અનેક કાર્યકર્તાઓ મળેલ શુભેચ્છાઓ, સહકાર, માર્ગદર્શન માટે હું સૌ નો આભારીત છુ.

ઉપર મુજબના ઉલ્લેખ પ્રમાણ અગ્નિચક્ર કે પછી શ્રી વિનોદભાઈ ક્એ ગોદડભાઈ કે રમેશ્ભાઈ મારફતે અનેકને મળ્યો, સૌનો આભાર દર્શાવ્યો તેમજ નવસારીના શ્રી પ્રજાપતિ વિદ્યાર્થી આશ્રમના પ્રમુખ શ્રી બાલુભાઈ લાડ મારફતે આશ્રમના અતિથીગ્રુહમાં રહેવાની સગવડ શક્ય થઈ…અને તેમણે આણંદ શરૂ થનાર પ્રજાપતિ કુમારિકા માટેની હોસ્ટેલના ખાતમુરત સરેમનીનું આઁઅંત્રણ આપ્યુ, નવસારી આશ્રમે સભા કરી સમ્માન કર્યું, માર્ગદર્શન આપ્યુ એ કેમ ભુલાય ? બીલીમોરા ધામે પ્રથમ પ્રજાપતિ આતંરરાષ્ટ્રિય મહોત્સવ સમયે બે શબ્દો બોલવાની તક મણી તેમજ અન્યને સાંભળવાનો લ્હાવો મળ્યો એ માટે આવું આયોજન કરનાર સર્વ જ્ઞાતિજનોને કેમ ભુલાય ? વેસ્મા ગામે મારા પ્રજાપતિ મોહલ્લા-નામે ભુરીયા ફળિયાના ટ્રસ્ટ તરફથી સભા કરી સન્માન મળ્યું..વેસ્મા ગામના ધીમર સમાજના ભજન મંડળ તરફથી અગીયારસની ફેરી શરૂ થયાના ઉત્સવે સન્માન મળ્યું…વેસ્મા ગામની સાર્વજનીક હોસ્પીટલ, સાર્વજનીક પુસ્તકાલય, કુમારશાળા, નુતન શિક્ષણ સમાજ શ્રી રામચંદ્રજી મંદિર સેવામંડળ ટ્રસ્ટ, ધર્માદા આર્યુવેદિક દવાખાના તેમજ બાલેશ્વર મહાદેવના મંદિરના કાર્યકર્તા તેમજ અનેક વ્યકતિઓ વેસ્માવાસી તરફથી બે શુભ શબ્દો સહકાર માર્ગદર્શન મળ્યુ એ કેમ ભુલી શકાય ? મારી ભારતની ટ્રીપ દર્મ્યાન અમારા ઘ્રેજ રહેતો મારો ભાણેજ જગદીશભાઈ ભીખુભાઈ મિસ્ત્રી મારી સાથે જ રહીને બધી રીતે મને સહકાર આપ્યો એ પણ ઘણાંજ આનંદની વાત છે. વેસ્માની કુમારશાળાંમાં સાથે ભણતાં મિત્રો, જગદીશ ધીમર, ભગુ પટેલ, જયંતિ ચાંપાનેરીયા અને સગાસ્નેહી મિત્રો તરફથી શુભ શ્બ્દો સહકાર શક્ય થયો એ હંમેશા યાદગાર રહેશે. આ લખાણ દ્વારા મારો પ્રજાપતિ જ્ઞાતિ પ્રેમ…માનવ પ્રેમ સમાયેલ છે. કિન્તુ ખરેખર તો હું પ્રભુનો ખુબ આભારી ચું કે પ્રભુક્રુપાથીજ હું અનેકને જાણી શક્યો, સમજી શક્યો, અને કંઈક સ્નેહ સંબંધ બાંધી શક્યો અને પ્રભુક્રુપા દ્વારા જ મારો ભારતનો પ્રવાસ પણ સારી રીતે પૂર્ણ થયો.

_ ડો.ચંદ્રવદન માધવભાઈ મિસ્ર્ત્રી- અમેરિકા

  

અગ્નિચક્ર, દસમી સાલગીરા એ ચંદ્રવદન !!!

 અગ્નિચક્ર, ઓ અગ્નિચક્ર, દસમી સાલગીરાએ,

 શુભેચ્છા ભર્યા વંદન છે મારા, વંદન છે મારા !…(ટેક)

સોરઠિયા પ્રજાપતિ સમાજને જ્યોત આપવા જે જનમી,

બની એ તો જ્યોત અખિલ ગુજરાત પ્રજાપતિ જ્ઞાતિની !

કેવી છે આ ગૌરવ ગાથા !              અગ્નિચક્ર…. (૧)

મહેંક તારી ફક્ત ભારત કે ગુજરાતને ન રહી શકી,

એ તો પરદેશ જ્ઞાતિજનોને ખુશી કરતી રહી,

કેવી છે આ ગૌરવ ગાથા !                અગ્નિચક્ર… (૨)

જ્ઞાતિ ગરીબાય શબ્દોમાં કહી, તો જ્ઞાતિજનોના હૈયા હલી ગયા,

અને, કંઈક સહકાર આપવા અનેક જ્ઞાતિજનો આતુર થતા,

કેવી છે આ ગૌરવ ગાથા !                 અગ્નિચક્ર… (૩)

પ્રજાપતિ બાણ ને શિક્ષણ-ઉતેજન સહકાર અપાતા,

જ્ઞાતિએ અનેક તારલાઓ થયા ચમકતા,

કેવી છે આ ગૌરવ ગાથા !                  અગ્નિચક્ર… (૪)

દૂર કરવા જ્ઞાતિ કુરિવાજો, અંધશ્રધ્ધા આગેકુચ હવે એની હશે,

જરૂર પ્રગતિઓ સહિત જ્ઞાતિ પ્રકાશ વધશે, ચંદ્ર એવું કહે,

કેવી છે આ ગૌરવ ગાથા !!                  અગ્નિચક્ર… (૫)

કાવ્ય રચના

ફેબ્રુઆરી ૧૬, ૨૦૦૭                       ડો.ચંદ્રવદન

                    (માર્ચ 2007 માં આવતી અગ્નિચક્રની દસમી સાલગીરાને યાદ કરી)

મુંબઈથી પ્રગટ થતું “અગ્નિચક્ર” માસીક મુંબઈના સોરઠિયા પ્રજાપતિ સમાજ તેમજ ભારત અને પરદેસના પ્રજાપતિ જ્ઞાતિજનોને સંદેશ આપતું એક માસીક છે, જેની શરૂઆત ૧૯૯૭માં થી હતી, અને ત્યારથી એ માસીકમાં લેખો/કાવ્યો વિગેરે પ્રગટ કરવાનો લ્હાવો મને મળ્યો અને હજુ મળી રહ્યો છે. “અગ્નિચક્ર” ની ૧૦ મી એનીવર્સરી સમયે લેખ/કાવ્યો અહીં પ્રગટ કરી એક ઝલક આપી છે !

                                                                  ડો.ચંદ્રવદન

                               નારી અને પ્રજાપતિ જ્ઞાતિ સમાજ

આપણે સૌ નારીને હિન્દુ ધર્મના ઈતિહાસે નિહાળી તો જ નારીના મહત્વ બારે પૂરો ખ્યાલ આવે. આથી પ્રયાસ છે કે કંઈક ઝલકરૂપે હું પ્રથમ લખું.

વિશ્વનું સર્જન થયું ત્યારે અન્ય પ્રાણીઓ સંગે માનવીઓને ઉચ્ચ પદ મળ્યુ. પ્રભુની ઈચ્છા હતી કે નર અને નારીનું સ્થાન એક સરખું- ન કોઈ ઉંચું કે ન કોઈ નીચું. સંસારે નર માનવનુ કર્તવ્ય શું અને નારીનુ કર્તવ્ય શું એ ઘડતર નક્કી થયું તેમાં એક વ્યક્તિ (નર) બીજી વ્યક્તિ (નારી) વગર અધુરી હતી. બે એક સાથે પુર્ણત્વનું દર્શન કરાવતા હતા. આવી ઉચ્ચ ધર્મ પ્રથામાં નારી એક દીકરી તો કોઈની બહેન, એક પત્ની કે કોઈની માતા તરીકે પુજાતી હતી. જેમ જેમ સમયનું વહેણ થયું તેમ તેમ નર પોતાની જાતને મહાન ગણવા લાગ્યો અને નારીને એણે નીચી પદવી આપી. સંસારમા સમાજે સમાજે નારીનું અપમાન થવા લાગ્યુ. આ દુ:ખ ભર્યા પરિવર્તનમા પ્રજાપતિ નારીને પણ ઘણું જ સહન કરવાની ઘડી આવી.

એક સમયે જ્ઞાનથી ભરપૂર પ્રજાપતિ જ્ઞાતિજન હિન્દુ ધર્મ પ્રમાણે પ્રજામા ઉચ્ચ સ્થાન પર હતો, અને એથી જ પ્રજાપતિ તરીકે ઓળખાતો હતો.એ અજ્ઞાનતાના અંધકારમાં ગરીબાય વેઠી રૂદન કરતો હતો ત્યારે પ્રજાપતિ નારીને વધુ સહન કરવાની ઘડી આવી હતી. અને જ્યારે શિક્ષણના મહત્વ નું જ્ઞાન જ્ઞાતિમાં ફરી આવ્યુ ત્યારે પણ સ્ત્રીઓના ભણતર માટે ઉતેજન ન અપાયું. ઘરસંસારના કાર્યોમાં નારીઓને સલાહો આપવાનો હક્ક પણ છીનવી લીધો હતો. પુરૂષ વર્ગે નારીનું અપમાન કર્યું. નારી એના હ્રદયનાં ઉંડાણમાં રૂદન કરતી રહી. કિન્તુ એને સાંભળવા સમાજ તૈયાર ન હતો.

ભારતમાં અનેક રાજ્યો હતા. પરદેશઓ પણ રાજ્ય સતા કરી ગયા એમાં આપણને મોગલ રાજ્ય તેમજ અંગ્રેજ રાજ્યના સમયગાળામાં જે કંઈ થયેલું તેનો વધારે ખ્યાલ છે. એ સમયગાળા દરમ્યાન પ્રજાપતિ જ્ઞાતિ પર ઘણોજ અન્યાય થયો હતો. જ્ઞાતિ ગરીબાય સાથ જ્ઞાનરૂપી શિક્ષણ આપવા માટે અસંભવતા વધી ગઈ વળી, અંગ્રેજ રાજ્ય સમયે બીજી જ્ઞાતિઓએ લાભ લેતા હતા ત્યારે પ્રજાપતિ જ્ઞાતિજનોને વેઠ જેવી પ્રથાનો અન્યાય પણ સહન કરવો પડ્યો. અજ્ઞાનતાના અંધકાર હટાવવા જ્ઞાતિ વડીલોએ શિક્ષણને ઉતેજન આપ્યું. ત્યારબાદ જ્ઞાતિ જાગ્રુત થઈ અને પરિવારે પરિવારે દીકરીઓ પણ ભણવા લાગી. અનેક જ્ઞાતિપુરૂષોએ સમાજને પડકાર કર્યો અને પહેલાં મુંગા રહેલ પ્રજાપતિ સમાજમાં પરિવર્તન થયું. ધીરે ધીરે પ્રજાપતિ બાલિકાઓ પણ શિક્ષણ ક્ષેત્રે ચમકવા લાગી. આ પ્રમાણે ભારતમાં તેમજ પરદેશમાં ખાસ કરીને આફ્રિકા ખંડે પ્રજાપતિ નારીઓને શિક્ષણ મળતું થયુ. ઈગ્લેંન્ડ આવી સ્થાયી થયેલ પ્રજાપતિ જ્ઞાતિજનોએ શિક્ષણ પ્રેમના માર્ગે નારીઓને ઉતેજન આપ્યું અને ઈગ્લેંન્ડમાં તેમજ અન્ય જ્ગ્યાએ નારીઓએ ઉચ્ચ ભણતર મેળવી સારી પદવીએ નોકરીયો મેળવી. પ્રજાપતિ સમાજે પણ આ નારી પરિવર્તનની નોંધ લીધી અને પ્રેરણા માર્ગદર્શનનો પંથ અપનાવ્યો.

સંસાર નર અને નારીથી ચાલે છે. પુરૂષ કદાચ પરિવાર માટે ઘરરૂપી છત્ર આપી શકે કિન્તુ નારીજ એ ઘરને સંસ્કાર, ધર્મ, ભકતિ અને પ્રેમ લાગણીનું ખાતર રેડી ઘરને મંદિર બનાવે છે. પહેલા નારી ફક્ત ઘરકામમાં ગુંથાયેલી રહી બાળકોને સંભાળ રાખી જીવન જીવી રહી હતી. આજે એ જ નારી બહાર જઈ નોકરી કરી સંસારરી જીવનને સહાય કરે છે.

આવા પરિવર્તનમાં સમાનતાના ત્રાજવે નારીએ કંઈક અગ્ત્યનું ભુલવુ ન જોઈએ. આર્યનારી માટે પતિ એક સ્વામી રૂપે છે અને પુરૂષના હ્રદયમાં નારી એક દેવી સમાન છે. આવી ઉચ્ચ વિચાર ધારામાં એક બીજાને ઉંચી કે નીચી કક્ષામાં જોવાની તક જ કદી ન મળે. પરિણામે એકબીજા પ્રત્યે પ્રેમ અને માન, અને સમાનતા પણ સચવાય જાય. કોઈક વાર ભણતર કે નોકરી કારણે નારીએ કંઈક ગર્વ કરી પુરૂષ પ્રત્યે અન્યાય કર્યાના દાખલાઓ હશે. એવું વર્તન અને વાતાવરણ અંતે પતનના પંથે લાવે છે. એથી નારીએ એ ન ભુલવુ જોઈએ કે એ એક સંસ્કાર ભક્તિ પ્રેમભરી દૈવી શક્તિ છે. એ દૈવી શક્તિ તેજ પુજ્ય આર્યનારી.

આજે પ્રજાપતિ જ્ઞાતિમાં નારીઓએ એમનું સમાનતાનું સ્થાન કરી લીધું છે આજે સમાજ અનેક નારીઓને સામાજીક કાર્યો કરવા તક આપે છે. અનેક પ્રજાપતિ નારીઓએ ઉચ્ચ ડિગ્રી મેળવી ઉચી પદવી મેળવી, સેવા કરી ગૌરવતા વધારી છે. શ્રી પ્રજાપતિ સમાજ (યુ.કે.) જેવી સંસ્થાએફક્ત ઈંગ્લેંન્ડમાં નહી, પરંતુ ભારતમાં સહાય કરી પ્રજાપતિ બાળકોને શિક્ષણના પંથે લાવવા અનેક કાર્યો કર્યા એમાં પ્રજાપતિ નારીઓને પણ લાભ જ થાય છે એવી રીતે પ્રગતિના પંથે પ્રજાપતિ ગૌરવ વધતું રહે એવી અંતરની આશા.

                     નારી શક્તિ છે મહાન, ન કરો એનું અપમાન,

        નર નારીઓ ચાલો તમો એક સાથે, અને લાવો પ્રજાપતિ જ્ઞાતિને પ્રગતિના પંથે,

              શ્રી પ્રજાપતિ સમાજનું લક્ષ એવું રહે, કે નારીની કદર હંમેશ થતી રહે.

                                                  ડો.ચંદ્રવદન મિસ્ત્રી,કેલીફોર્નીયા,યુ.એસ.એ.

ઈંગ્લેંન્ડની શ્રી પ્રજાપતિ એસોસીએશન યુ.કે.નામની ચાલતી પ્રજાપતિ સંસ્થાના મુખપત્ર “પ્રજાપતિ સંદેશ” ના અંકે પ્રગટ કરેલ આ લેખ છે.

                                  શુભ સંદેશ

 

સ્નેહી શ્રી બાલુભાઈ, શ્રી પ્રજાપતિ વિદ્યારથી આશ્રમ, નવસારીના પ્રમુખશ્રી, તેમજ ઉપ-પ્રમુખ શ્રી નગીનભાઈ, મંત્રી શ્રી હરિભાઈ તેમજ આશ્રમના સર્વ ટ્રસ્ટીઓ અને કાર્યકર્તાઓ.

 

         લી. લેંન્કેસ્ટર, કેલીફોર્નીયા, યુ.એસ.એ. થી ડો.ચંદ્રવદનભાઈના સ્નેહવંદન.

 

આણંદ વિદ્યાનગરમાં શ્રી પ્રજાપતિ આશ્રમ નવસારીના કાર્યકર્તાઓએ અનેક વર્ષો પહેલાં આગમ બુધ્ધિ વાપરી જમીન ખરીદ કરી એક પ્રજાપતિ કુમારોની સગવડ માટે છાત્રાલય શરૂ કર્યું હતુ અને તે બાદ એ છાત્રાલયે સગવડો વધારી. ત્યારબાદ, પ્રજાપતિ સમાજમાં છોકરીઓને લાભ થાય તે માટે વિચારણા થઈ અને જ્યારે જમીન ખરીદી થઈ છાત્રાલય બાંધવાનો નિર્ણય લેવાયો ત્યારે મારા હૈયે ઘણોજ આનંદ થયો હતો. પ્રભુક્રુપાથી ભુમીપૂજન સમયે હું આણંદ હાજર હતો. આજે ૨૮ ડીસેંમ્બર ૨૦૦૭ ના રોજ છાત્રાલયનું બાંધકામનું કાર્ય પૂર્ણ થતાં, પ્રજાપતિ કુમારીકાઓ માટે છાત્રાલયનું ઉદઘાટન થઈ રહ્યું છે તે જાણી ઘણીજ ખુશી અનુભવું છુ. આ કાર્યની સફળતા માટે અનેક દાનવીરોનો સહકાર, આશ્રમ કાર્યકર્તાઓનો ઉત્સાહ સાથે વિજયદેવ રતનજી મિસ્ત્રીનું મહાદાન કદી ભુલાશે નહી.

 

નવસારી શહેરમાં ૧૯૩૪માં આશ્રમની સ્થાપના થઈ ત્યારે ફક્ત પ્રજાપતિ કુમારોને ધ્યાનમાં લીધા હતાં. સમયના વહેણમાં પ્રજાપતિ નારીઓમાં શિક્ષણ વધ્યું અને જ્યારે કુમારીકાઓ માટે છાત્રાલયનો સવાલ આવ્યો ત્યારે આશ્રમ કાર્યકર્તાઓએ એનું મહત્વ સમજી આશ્રમના પાછળનાં ભાગે કન્યા છાત્રાલય ઘર કર્યું. જુના મકાનને તોડી નવું કન્યા છાત્રાલય બાંધવા માટે ડીસેમ્બર  ૨૦૦૭માં ભુમીપુજન કરી શુભકાર્યોની શરૂઆત થશે એ પણ ઘણાંજ આનંદની વાત છે.

 

 

ઉપર ઉલ્લેખ કર્યો તે પ્રમાણે હવે આણંદ તેમજ નવસારીમાં કુમાર તેમજ કન્યા છાત્રાલયની સગવડ હશે અને અનેક પ્રજાપતિ કુમાર/કુમારીકાઓ ઉચ્ચ ડીગ્રી મેળવી સફળતાનાં શીખરે હશે. જે પ્રજાપતિ સમાજ માટે અને આશ્રમ માટે ગૌરવભરી કહાણી રહેશે.

 

શ્રી બાલુભાઈ લાડ તેમજ આશ્રમના અન્ય કાર્યકર્તાઓની મહેનત-ઉત્સાહ તેમજ અનેક જ્ઞાતિ દાનવીરોના કારણે આ બધું શક્ય થયું છે જે ભવિષ્યમાં આશ્રમનાં માર્ગદર્શને વડોદરા કે સુરત શહેરે પ્રજાપતિ કુમાર/કન્યાઓ માટે છાત્રાલય હશે કે જે થકી ઉચ્ચ અભ્યાસ કરવાની તક સાથે પ્રજાપતિ બાળકો એનો લાભ અનુભવશે.. આ મારી અંતરની આશા છે.

 

આજે આણંદમાં કન્યા છાત્રાલયના ઉદઘાટન તેમજ નવસારી આશ્રમે કન્યા છાત્રાલયના નવા મકાનના બાંધકામ માટે ભુમીપુજન છે તે જાણી મને ઘણોજ આનંદ છે અને આશ્રમ કાર્યકર્તાઓ અને જ્ઞાતિજનોને મારા હાર્દિક અભિનંદન પાઠવું છું. હું ભલે દુર છુ પણ મારા આંતરભાવથી હું આ શુભઘડીએ તમારી સાથેજ છુ અને પ્રાર્થના કરૂ છુ કે ભવિષ્યમાં આશ્રમ વધુ પ્રગતિ કરે અને પ્રજાપતિ જ્ઞાતિ ગૌરવ વધારે.

સૌને જયશ્રી ક્રુષ્ણ,

ડો. ચંદ્રવદન માધવભાઈ મિસ્ત્રી

 

નવસારી શહેરમાં શ્રી પ્રજાપતિ વિદ્યાર્થી આશ્રમની સ્થાપના ૧૯૩૪માં થઈ ત્યારબાદ દક્ષિણ ગુજરાતના પ્રજાપતિજનોને ઘણોજ લાભ થયો હતો એ ગૌરવ ભરી કહાણી છે.

 આશ્રમના કાર્યકર્તાઓ સાથે મારો પત્રવ્યવહાર ઘણાં વર્ષોથી ચાલી રહ્યો છે. એ દ્વારા મેં મારા વિચારો દર્શાવવાની તક લીધી છે. જ્યારે જ્યારે આશ્રમે પ્રગતિ થયેલી નિહાળી ત્યારે મને ઘણોજ આનંદ થયો છે. ૨૦૦૭માં કન્યા છાત્રાલયનું ઉદઘાટન થયું તે સમયે પત્ર અહીં પ્રગટ કર્યા છે.

                                                         ડો. ચંદ્રવદન

 

                 “પ્રજાપતિ ફૂલવાડીનું ગુલાબ “

 

આ સુંદર પ્રજાપતિ ફૂલવાડીમાં હું ભમરો,

નજર કરૂ અહીં, તહી, અને મારી નજરે ફૂલો હજારો

સૌ સુંદરતાથી ભરપૂર ફૂલોમાં જોઈ રહ્યો છું એક અતી સુંદર ફૂલ,

યહી ફૂલ છે “ગુલાબ”, મારૂ પ્યારૂ ફૂલ….

          આ સુંદર પ્રજાપતિ ફૂલવાડીમાં હું ભમરો,

          નજર કરૂ અહીં, તહી, અને મારી નજરે ફૂલો હજારો

ગુલાબ ! હા ગુલાબને નહી શોધી શક્યો કલીરૂપમાં,

જ્યારે ગુલાબે કરી શરૂઆત કલી રૂપે, સૌએ કર્યા વખાણ,

અને બન્યું ફૂલવાડીમાં સુંદરતાનું પ્રતિક,

પણ હું રહ્યો અંધ ને નહી લીધો દર્શન કેરો લાભ…આ સુંદર ફુલવાડીમાં…

ગુલાબ ફૂલ કલી ખીલી હર દિન, સાથમાં સુંદરતા ઔર વધી,

ત્યારેજ આવ્યું મારી નજરે ગુલાબફૂલ ને હું દોડ્યો નજીક ગુંજ  ગુંમતો,

પહેલીવાર સુંદરતા સાથે સચ્ચાઈની સુગંધનો ચાક્યો રસ,

                                  આ સુંદર પ્રજાપતિ ફૂલવાડીમાં….

હું થયો આનંદીત ‘ને આખી ફૂલવાડી છે મહેકી રહી

પણ ગુલાબને નથી ગર્વ અને બન્યુ સર્વનો “દાસ”,

”ગુલાબ-દાસ” રૂપી સેવાથી “પ્રજાપતિ આશ્રમ રૂપી ફૂલવાડી પ્રકાશી,

આ પ્રકાશથી હું અંજાયો ને કર્યો હર્ષભર્યો ગુંજગુંજાનટ,

                                    આ સુંદર પ્રજાપતિ ફૂલવાડીમાં….

થયા દિવસો પસાર અને ફૂલવાડીમાં ઉગ્યા ફૂલો અનેક,

હું શોધું છું ફૂલવાડીમાં સુંદરતાથી બરપૂર ગુલાબ,

પણ આજ મારી નજરે ગુલાબ નહીં,

થયો હું નારાજ ‘ને ગુંજતો આવી પડ્યો ગુલાબ છોડ નજીક

                                     આ સુંદર પ્રજાપતિ ફૂલવાડીમાં…

અચાનક આવ્યો આવાજ ને આંખ ખોલી

તો ગુલાબ ફૂલ બોલી રહ્યું છે,

”ભમરા ભૈયા, નારાજ મત થાવો,

દેખ છોટી કલીઓ આ છે આજ,

પણ સર્વ થશે ગુલાબ ફૂલવાડીનો” આ સુંદર પ્રજાપતિ ફૂલવાડીમાં…

હું પણ કેવો અંધ, “ગુલાબદાસ” ગયા પ્રભુધામ

પણ આ પ્રજાપતિ ફૂલવાડીમાં ખીલી રહ્યા છે સર્વ સુંદર ગુલાબો,

મહેંકી રહી છે આ ફૂલવાડી ‘ને સર્વે’ હંમેશા સાંભળશે મારી ગુંજગુંજાનટ,

                                      આ સુંદર પ્રજાપતિ ફૂલવાડીમાં…

 

                                                        – ડો.ચંદ્રવદન.

*

શ્રી પ્રજાપતિ વિદ્યાર્થી આશ્રમ નવસારી ની ૧૯૩૪માં સ્થાપના થયેલ ત્યારથી આશ્રમનું મંત્રીપદની જવાબદારી હર્તે લીધી અને એમણે એમનું આખું જીવન આશ્રમનાં કાર્ય માટે ગાળ્યું. એમનો ૧૮મી ફેબ્રુઆરી ૧૯૭૯માં સ્વ્રગવાસ થયો તે સમયે પ્રભુપ્રેરણાથી આ શ્રધ્ધાંજલી ભરી કાવ્ય રચના મોકલી હતી તેને આશ્રમના વર્ષ ૪૫ના વાર્ષિક હેવાલની બુકમાં પ્રગટ થઈ હતી.

 

                                                         – ડો.ચંદ્રવદન.

 

મંત્રીશ્રી બાબુભાઈ,

 

લેનકેસ્ટરથી ડો. ચંદ્રવદનભાઈના સ્નેહ વંદન,

થોડા દિવસ પહેલાં તમારા રજત જયંતિ મહોત્સવ વિષે ઉલ્લેખ કરતો પત્ર મળ્યો. પત્ર વાંચી વિગતો જાણી ઘણો આનંદ થયો. તમોએ મને પત્ર લખ્યો એ માટે હું પોતાને ભાગ્યશાળી સમજું છુ અને તમે સૌનો આભારીત છું.

 તમારા પત્ર દ્વારા જાણ્યું કે ૧૯૯૯ના વર્ષ દરમ્યાન તમારી કોવેંન્ટ્રી શાખા ૨૫વર્ષ પૂરા કરી   ૨૬માં પ્રવેશ કરશે….. એ ઘણી ખુશીની વાત ! તમારા પ્રજાપતિ સમાજ અને સૌ જ્ઞાતિજનો માટે ગૌરવ લેવાની ઘડી ! આ ઘડીને હંમેશ યાદગાર રાખવા માટે રજત જયંતી મહોત્સવ પ્રસંગે એક સ્મરણિકા પુસ્તીકા પ્રગટ કરવાનો નિર્ણય લીધો એ ઘણોજ ઉતમ વિચાર છે. પુસ્તીકા પ્રગટ કરવાનું કાર્ય ભગીરથ હોવા છતાં પુસ્તીકાની પુર્ણતા માટે તમો સૌ ઉત્સાહથી પગલાઓ લઈ રહ્યા છો એ જાણી મારા હૈયે એક અનોખો હર્ષ છે. એક સુંદર સ્મરણિકા પુસ્તક તમારા સમાજના જ્ઞાતિજનો તેમજ અન્ય જ્ઞાતિજનોને પ્રસાદી રૂપે તમે સમય સર અર્પણ કરી શકો એવી મારી અંતરની પ્રાર્થના.

હું તમારા કોવેંન્ટ્રી શહેરથી ખુબજ દૂર રહ્યો, તેમ છતાં મારા મન-હૈયેથી તમારી સાથેજ હોઈશ. તમારા આ ઐતિહાસીક મહોત્સવની અનેક પ્રવ્રુતિઓ તેમજ પુસ્તીકા પ્રકાશનના કાર્યો દ્વારા અન્ય પ્રજાપતિ સમાજોને પ્રેરણા મળે એવી આશા. વળી, આ રીતે તમારો સમાજ વધુ ને વધુ પ્રગતિ કરતો રહે અને અન્યને પ્રગતિના પંથે દોરવા પ્રેરણાદાયક બને.

 કોવેંન્ટ્રી શાખાના સર્વ કાર્યકર્તાઓ તેમજ જ્ઞાતિજનોને શુભેચ્છાઓ સહિત અભિનંદન.

 ડો. ચંદ્રવદન એમ. મિસ્ત્રી. લેન્કેસ્ટર યુ.એસ.એ.

 

             પ્રજાપતિ

 પ્રગતિનાં પંથે જે હંમેશા સફર કરતો હોય,

જાગ્રુતિમાં રહી જે હંમેશ અંધકાર હઠાવતો હોય,

પવિત્રતાનાં ઝરણામાં ડૂબકી મારી, જે હંમેશ પ્રભુ ભક્તિમાં,

સ્નાન કરતો હોય, તિર્થધામ અને વૈકુઠ હૈયામાં રાખી, જે

હંમેશ સંસારના ભવસાગરમાં આગે કુચ કરતો હોય. એ

માનવી તે પ્રજાપતિ

નોંધ : તીર્થધામ ને બદલે તિર્થધામ રૂપે લખવાનો હેતુ

એટલોજ કે જગતનાં તીર્થધામો નહિ કિન્તુ  મહાતીર્થ યાને મોક્ષધામનો

ઉલ્લેખ અહીં છે.

 

ડો.ચંદ્રવદન મિસ્ત્રી

 

 

                         અરે ઓ પ્રજાપતિ યુવાનો

 

અરે ઓ પ્રજાપતિ યુવાનો, જાગો ઉઠો, બનો સાવધાન,

                                  બનો સાવધાન (ટેક)

 

હટાવો જ્ઞાતિ-અંધકાર, ઓ યુવાનો તમે,

         પ્રગટાવો જ્ઞાન-દિપક, ઓ યુવાનો તમે,

સમય વહી જાય છે, હવે સમય ના બગાડો તમે,

બનો સાવધાન, બનો સાવધાન, અરે ઓ…..(૧)

 

શરમ શાને ? છો પ્રજાપતિ જન્મથી, ઓ યુવાનો તમે,

ડરો શાને ? લ્યો ગૌરવ પ્રજાપતિ નામે, ઓ યુવાનો તમે

સમય વહી જાય છે, હવે સમયના બગાડો તમે,

બનો સાવધાન, બનો સાવધાન, અરે ઓ…..(૨)

ભણી-ગણી બનજો સમાજ રત્નો, ઓ યુવાનો તમે,

સંસારી જીવન જીવતાં સમાજને ના ભુલશો, ઓ યુવાનો તમે,

સમય વહી જાય છે, હવે સમય ના બગાડો તમે,

બનો સાવધાન, બનો સાવધાન, અરે ઓ…..(૩)

ચંદ્ર કહે, તમ-જ્ઞાતિ છે, મુળ-સમાન આ સંસારમાં,

સમજી લ્યો મર્મ એનો, લઈ બધુ ધ્યાનમાં,

સમય વહી જાય છે, હવે સમય ના બગાડો તમે,

બનો સાવધાન, બનો સાવધાન, અરે ઓ…..(૪)

 

ડો. ચંદ્રવદન મિસ્ત્રી – અમેરીકા.

 

                     કોણ હશે ?

 એક માનવી બેઠો પાદરે, કોણ હશે કોણ હશે……(ટેક)

સસ્તો સાદો પહેરવેશ, છતાં શોભે એનું શરીર,

નથી ધનવાન, લાગે છે જરૂર એ ગરીબ,

વાચા મીઠી ને મુખ પર છે હસી,

ચહેરાનુ દર્શન થાતા, આવી મુજ હૈયે ખુશી,

કોણ હશે કોણ હશે પ્રશ્ન એવો મુજ મનમાં થયો,

                              એક માનવી….. ૧

 

પલપર દિવ્ય નયન મળ્યા મુજને દર્શન કરવા કાજે,

જે જોયું તેનું વર્ણન કરૂ છુ હું આજે,

પ્રેમભાવ, દયા લાગણી વહે છે, એના હૈયા મહીં,

મીઠી વાણી સહીત સચ્ચાઈ વહે છે એના શ્વાસો મહી

ભક્તિ-ભાવથી રંગાયેલ એક આત્મા દેખાય છે,

કોણ હશે, કોણ હશે, નું રહસ્ય મુજને સમજાય છે,

                                એક માનવી….. ૨

 ચંદ્ર કહે, અરે, એ માનવી છે પ્રભુ પ્યારો પ્રજાપતિ,

ધન્ય છે એને, જે જગમાં જનમ્યો પ્રજાપતિ

 ડો. ચંદ્રવદન મિસ્ત્રી – અમેરીકા.

* શ્રી પ્રજાપતિ સમાજ, યુ.કે. ની કોવેંન્ટ્રી શાખાની રજત જયંતિ સ્મરણિકા પુસ્તીકા ૧૯૯૯માં પ્રગટ થઈ તેમાં મારો મોકલેલ શુભેચ્છા સંદેશ તેમજ કાવ્યો પ્રગટ થયાં હતાં તે અહીં પ્રગટ કર્યા છે.

 

મારો ભારતનો પ્રવાસ ભાગ-બીજો પ્રજાપતિ જ્ઞાતિ પ્રેમ સાથે સમાજ સંબંધો પંથે

 ૧૬મી નવેમ્બર ૨૦૦૬ થી ૨૦મી જાન્યુઆરી ૨૦૦૭નો સમય ગાળો એટલે મારૂ ભારતમાં રહેવું અને એ દરમ્યાન મુંબઈ તેમજ ગુજરાતની પ્રજાપતિ સંસ્થાઓ કે જ્ઞાતિજનોને રૂબરૂ મળવાનો લ્હાવો અને સ્નેહ સંબંધો તાજા કરવાની તક. મેં પત્રો દ્વારા સ્નેહ સંબંધો બાંધ્યા હતા અને ઘણીવાર હૈયે થતું કે ખરેખર જેઓ સાથે મિત્રતા-ઓળખાણ થઈ તેઓ ને ક્યારે મળીશ ? ભારતના આ પ્રવાશે એ તક મને આપી.

 મુંબઈ એરપોર્ટ પર ૧૬મી નવેમ્બર ૨૦૦૬ના રોજ પહોંચ્યા બાદ એજ દિવસે ગુજરાત જવાનું થયું અને નવસારીના શ્રી પ્રજાપતિ જ્ઞાતિજનો માટે આશ્રમ એક ગૌરવ ગાથા છે. ૧૯૩૪માં પ્રજાપતિ બાળકોને શિક્ષણ ઉતેજન મળે એવાં હેતુથી શરૂ થયેલ આ સંસ્થા દ્વારા અનેક પ્રજાપતિ બાળકોએ લાભ લીધો છે. તેમાં એક હતાં મારા સ્વ.મોટાભાઈ નામે છગનલાલ માધવભાઈ મિસ્ત્રી, મારા પિતાશ્રી પણ આશ્રમના કાર્ય માટે હંમેશ કાર્યકર્તાઓને મદદરૂપ થતા એ મારી જાણમાં છે. અને હું પણ નાનો હતો ત્યારે આશ્રમના અરાલ જુના મકાનમાં ઘણી વાર આવ્યો હતો. જેથી અત્યારે આશ્રમનુ નવું મોટું મકાન હોવા છતાં પુરાણી યાદ ફરી ફરી આવે છે. હું ભલે આશ્રમે ભણ્યો ન હતો તેમ છતાં આશ્રમ માટે મને ઘણુંજ માન છે અને જ્યારે આ સફરે આશરમે રહેવાની તક મળી ત્યારે હૈયે થયું કે હું કેટલો ભાગ્યશાળી. અત્યારના આશ્રમના કાર્યકર્તાઓમાં પ્રમુખશ્રી બાલુભાઈ લાડ ને રૂબરૂ મળ્યો હતો અને પત્રો દ્વારા મિત્રતા બની હતી. એથી ફરી તેઓને આશ્રમે મળી ઘણોજ આનંદ થયો. બાલુભાઈ સાથે ચર્ચા કરતા આશ્રમે સુધાર કરવાં અનેક સુચનો આપવાની તક પણ મળી. નવસારી આશ્રમમાં થોડા દિવસનાં રોકાણ દરમ્યાન અનેકવાર મારા ગામ વેસ્મા જવાનું થયું. ભુરીયા ફળિયા નામના પ્રજાપતિ મહોલ્લે પ્રજાપતિ ટ્રસ્ટ મંડળના કાર્યકર્તાઓ તેમજ નવા ફળિયે નામના બીજા પ્રજાપતિ મહોલ્લે જ્ઞાતિજનોને મળી ખુશી અનુભવી. ભુરીયા ફળિયે ઘણીજ પ્રગતિઓ નિહાળી. ૧૯૭૬ બાદ બનેલ ફળિયાનું પ્રજાપતિ ભવનનું મકાન તો નિહાળ્યું હતુ. એ મકાન મારા સ્વ.પિતાશ્રી માધવભાઈ ગાંડાભાઈ મિસ્ત્રી તેમજ સ્વ.મોટાભાઈ છગનભાઈ માધવભાઈ મિસ્ત્રીના યાદગીરી રૂપે શક્ય થયુ હતું. ત્યારબાદ બાજુમાં બંધાયેલ બાળભવનનું મકાન જોયું ન હતું એ જોવાની તક મળી. બે ઘરગાળાની જમીન મારા સ્વ.મોટાભાઈના પરિવાર તરફથી દાન રૂપે મળી હતી. ખોડીયાર માતાનાં મંદિરે પણ આરસના પથ્થરો ચણી નવેસરથી રીપેરીંગ કાર્ય ચાલુ હતું એ નિહાળી પણ આનંદ થયો. શ્રી ભુરીયા ફળીયા પ્રજાપતિ ટ્રસ્ટના કાર્યકર્તાઓ દ્વારા એક દિવસ પાછળથી સભા થઈ જેમાં મને સ્નમાન આપવામાં આવ્યું એ કાંઈ નાની વાત નથી. મારા માટે એક ગૌરવભરી કહાણી છે.

 ૨૧મી નવેમ્બર ૨૦૦૬ના રોજ મુંબઈ જવાનું થયું. જે દિવસે યાને ૧૬મી નવેમ્બર ૨૦૦૬ના રોજ મુંબઈ એરપોર્ટે ઉતર્યો હતો ત્યારે સોરઠીયા પ્રજાપતિ સમાજનાં કાર્ય્કર્તા અને મારા મિત્ર વિનોદભાઈ પ્રજાપતિ સમાજના કાર્યકર્તાઓ સાથે એરપોર્ટે સન્માન આપવાના હતા પણ સંજોગોને કારણે એ શક્ય થયું ન હતું તો તેઓ કાર્યકર્તાઓ સાથે નવસારી આશ્રમે આવી મારૂ સન્માન કર્યું હતું. તેમ છતાં વિનોદભાઈની ઈચ્છા હતી કે હું તથા કમુ મુંબઈના કુંભારવાડે જ્ઞાતિજનો તેમજ સમાજ કાર્યકર્તાઓની મુલાકાત લઈ સૌને આનંદીત બનાવે. વિનોદભાઈ સાથે મુંબઈ શહેરમાં આવેલ એક મોટા કુંભારવાડ વિસ્તારે જવાનું થયું. માટીકામ નજરોનજર જોયું તેમજ મહિલામંડળના કાર્યકર્તાઓ તરફથી કંઈક માટીની ચીજ પણ ભેટરૂપે પણ મળી. અને વિનોદભાઈના ઘરે સાંજનું જમવાનું પણ થયુ. વિનોદભાઈ સાથેની ઓળખાણ ૧૯૯૮-૯૯ના સમયગાળા દરમ્યાન થઈ હતી. એમણે ૧૯૯૭માં અગ્નિચક્ર નામનું માસીક શરૂ કર્યુ ત્યારે એ માસીક મને મોકલતા હું આજીવન ગ્રાહક બન્યો હતો અને એમની સાથે પત્ર વ્યવહાર કરતાં મિત્રતા વધી હતી. વિનોદભાઈ પ્રથમવાર રૂબરૂ મળી એક ભાઈને મળ્યાનો આનંદ અનુભવ્યો. વિનોદભાઈના આગ્રહથી દ્વારકા અને સૌરાષ્ટ્રનો પ્રવાસ નક્કી થયો હતો. દ્વારકામાં સોરઠયા પ્રજાપતિ સમાજના કાર્યકર્તાઓ તરફથી કુલહાર-સન્માન થયું. ત્યારબાદ, જુનાગઢના અખિલ ગુજરાત પ્રજાપતિસંઘ દ્વારા બંધાયેલ પ્રજાપતિ ભવનમાં રહેવાનું થયું અને ત્યાંના દેખરેખ રાખનાર શ્રી રસીકભાઈ પ્રજાપતિ સાથે ઓળખાણ થઈ અને જ્યારે રાજકોટ ગયા ત્યાં સંઘના એક કાર્યકર્તા શ્રી વસંતભાઈ ચૌહાણને મળવાનું થયું. આ પ્રમાણે અનેક પ્રજાપતિ જ્ઞાતિજનો સાથે ઓળખાણ થઈ.

 ઉપર મુજબ, સૌરાષ્ટ્રનાં અનેક સાથે પરિચય બાદ, અમદાવાદ શહેરમાં રહેવાની તક મળી. ત્યાંના અનેક વર્ષોથી ચાલી રહેલ સંસ્થા ગુજરાત પ્રજાપતિ સમાજ સાથે મારો પણ વ્યવહાર અનેક વર્ષોથી ચાલુ હતો. સમાજનું મુખપત્રક “પ્રજાપતિ” ના તંત્રી ડો. રમેશભાઈ આત્મારામ ઓઝા સાથે મિત્રતા થઈ ચુકી હતી. પત્રો દ્વારા તેમજ ફોન દ્વારા કોંન્ટેક (Contact) હતો. પણ રૂબરૂ મળવાની ઈચ્છા હતી એ પ્રભુક્રુપાથી પુર્ણ થઈ. રમેશભાઈ અને એમના પરિવારને મળી વાતો કરી તેમજ સાથે જમી ઘણો જ સંતોષ અનુભવ્યો. શ્રી ગુજરાત પ્રજાપતિ સમાજના પ્રમુખ શ્રી કેશુભાઈ પ્રજાપતિને મળી શકાયું કિન્તુ અન્યને મળવા માટે સમય ન હતો. એથી જરા અફસોસ રહી ગયો. તો, હ્રદયને સમજાવ્યું કે ફરી ભારત આવવાનું થાય તો અમદાવાદમાં વધુ સમય ગાળી અનેક સમાજ કાર્યકર્તાઓને રૂબરૂ મળવા પ્રયાસ હશે.

 ભારતમાં અન્ય જગ્યાએ ફરી ગુજરાતમાં નવસારી શહેરે ૧૨મી ડીસેમ્બર- ૨૦૦૬ ના રોજ થી હતો.ત્યારબાદ પણ પ્રજાપતિ જ્ઞાતિજનોને મળવાનો લહાવો મળ્યો બીલીમોરામાં પ્રથમ પ્રજાપતિ (દક્ષિણ ગુજરાત) આંતરરાષ્ટ્રીય મહોત્સવનું ત્રણ દિવસનું સંમેલન હતું. ૨૩મી ડીસેમ્બર- ૨૦૦૬ થી શરૂથતાં સંમેલનમાં પ્રથમ દિવસે હાજરી આપવાની તક મળી. ત્યારે ગુજરાત તેમજ પરદેશથી આવેલ અનેક જ્ઞાતિજનોને મળવાની તક મળી. કેલીફોર્નીયામાં ચાલી રહેલ અમારી પ્રજાપતિ સંસ્થા-નામે પ્રજાપતિ એસોસીયેશન, સર્ધન કેલીફોર્નીયાને બે શબ્દો બોલવાની તક આપવામાં આવી ત્યારે કેલીફોર્નીયાથી આવેલ ડો.ચીમનભાઈ લાડ સાથે મને પણ સ્ટેજપર જવાની તક મળી એ માટે હું પોતાને ભાગ્યશાળી સમજું છું.આ સંમેલનમાં, પાલનપુરથી શ્રી અખિલ ગુજરાત પ્રજાપતિ સંઘના કાર્યકર્તા શ્રી ગોદડભાઈ સાગરાસનીયા તેમજ કોવન્ટ્રી ઈંગ્લેંન્ડ ના શ્રી બાલુભાઈ મિસ્ત્રી પણ આવ્યા હતા. ગોદડભાઈ સાથે મારી મિત્રતા અનેક વર્ષોથી ચાલુ હતી અને ગોદડભાઈ સંઘના મુખપત્રક “વિશ્વ નિર્માતા પ્રજાપતિ”ના તંત્રી હોવાને નાતે અમારા બે વચ્ચે ઘણા સમયથી પત્રવહેવાર થઈ ચુક્યો હતો અને આ પત્ર વહેવાર દ્વારા અમે એકબીજાના મિત્રો હતા. મેં ગોદડભાઈ સાથે ફોન પર વાતો કરી હોવા છતાં એમને રૂબરૂ મળવાની આશા હતી તો એ પ્રભુએ પાર પાડી. બાલુભાઈને હું ઈંગ્લેંન્ડ મળ્યો જ હતો છતાં ફરી એમને મળી આનંદ થયો. ગોદડભાઈની મુલાકાત વખતે ગોદડભાઈનો આગ્રહ હતો કે મારે જરૂરથી પાલનપુર તો આવવાનું જ અને સાથે સાથે અંબાજીમાતાના દર્શનનો  લ્હાવો પણ લેવાનો જ. એમના આગ્રહને વશ થઈ,બાલુભાઈની કંપની સાથે જાન્યુઆરી ૨૦૦૭ માં પ્રથમ અંબાજી ત્યારબાદ પાલનપુર જવાનું થયુ. અંબાજીએ અખિલ ગુજરાત પ્રજાપતિ સંઘ દ્વારા બંધાયેલ “પ્રજાપતિ ભવન’”માં રહેવાની તક મળી અને સાથે સાથે ત્યાં દેખરેખ રાખનાર શ્રી રમેશભાઈ પ્રજાપતિની પણ ઓળખાણ થઈ.પાલનપુરમાં શ્રી ગોદડભાઈના ઉત્સાહ માર્ગદર્શનથી ચાલી રહેલ શ્રી પ્રજાપતિ કેળવણી મંડળની શાળા જોવાનુ તેમજ પાલનપુરના પ્રજાપતિ જ્ઞાતિ કાર્યકર્તાઓને મળવાનું થયુ. વળી, શાળાના વિદ્યાર્થીઓને ઈનામો આપવાની તક મળી ! એ બધુ શક્ય થયાનો આનંદ કરતા વધુ આનંદ તો એ હતો કે હું ગોદડભાઈના ધર્મપત્ની, તેમજ પરિવારના સર્વેને મળી શક્યો અને એમના ઘરે ભોજન પણ કરી શક્યો. આથી, પ્રભુનો પાઠ માન્યો. જે મિત્ર-બંધુ-જ્ઞાતિ સેવક શ્રી ગોદડભાઈને મળવાની આશા હતી તે પ્રભુએ પુર્ણ કરી ! ગોદડભાઈ સાથે બે દિવસો રહ્યો અને ત્યારબાદ ગોદડભાઈની ઈચ્છા હતી કે એઓ નવસારી સુધી મને મુકવા આવે અને વચ્ચે વડોદરાનું રોકાણ કરી અખિલ ગુજરાત પ્રજાપતિ સંઘ શરૂ કરનાર અને અધ્યક્ષ શ્રી દલસુખભાઈ પ્રજાપતિને પણ રૂબરૂ હું મળું. તો, એમની સાથે કારમાં મુસાફરી કરી વડોદરા શ્રી દલસુખભાઈના ઘરે જવાનું થયુ. એમની સાથે બેસી જમવાનું થયું અને કંઈક ચર્ચા કરવાનો લહાવો મળ્યો એ માટે હું ઘણોજ આનંદ અનુભવું છુ.

 નવસારીના શ્રી પ્રજાપતિ વિદ્યાર્થી આશ્રમના કાર્યકર્તા અને પ્રમુખ શ્રી બાલુભાઈના આમંત્રણે હું વલ્લભ વિદ્યાનગર આણંદ પણ ગયો. ત્યાં પ્રજાપતિ બાળકો માટે Boys Hostel તો ઘણાં સમયથી ચાલુજ હતી પણ કુમારીકા માટે હોસ્ટેલ ( Girls Hostel) શરૂ કરવા જે જમીન લેવાય ત્યાં ભૂમીપુજન વેસ્મા ગામના શ્રી વિજયદેવ રતનજી મિસ્ત્રીના હસ્તે હતું તે માટે જવાનું થયું. મને તથા કમુને પણ પુજા કરવાની તક મળી ! એ સિવાય, ૧૬મી જાન્યુઆરી- ૨૦૦૭ ના રોજ આશ્રમે જ એક સભા ગોઠવાય જેમાં મારી સાથે પરદેશથી અન્ય જ્ઞાતિજન ભારત આવેલ તે સૌને માટે સન્માન હતું. ફૂલહારથી સન્માન બાદ ભાષણો થયાં, અનેક તરફથી આશ્રમનાં સુધારા માટે સૂચનો હતાં અને પ્રગતિ કરેલ તે બાદ વખાણ ભર્યા શબ્દો હતા… એ સમયે મને પણ બે શબ્દો બોલવાની તક મળી હતી !

 આ પ્રમાણે પ્રજાપતિ સમાજની સંસ્થાઓના કાર્યકર્તાઓનું કે પછી વ્યક્તિગત જ્ઞાતિજનોને મળી મારા હ્ર્દયના ઉંડાણમાં બરેલ જ્ઞાતિપ્રેમ છલકાઈ ગયો અને અંતે કહેવું છે

પ્રજાપતિ જ્ઞાતિજનો, એકતાના પંથે જઈ

          જ્ઞાતિપ્રેમ – સહકાર સહીત સંગઠન કરી

          કરો આગેકુચ તમો, જ્ઞાતિ ગૌરવ વધારી !

ડો. ચંદ્રવદન માધવભાઈ મિસ્ત્રી, લેંન્કેસ્ટર યુ.એસ.એ.

 

* છેલ્લો હું ૧૯૯૨માં ભારત ગયો હતો ત્યારબાદ અનેક વર્ષો બાદ, ફરી ભારતનો પ્રવાસ કરવાની તક મળી. ભારતમાં રહ્યો તે દરમ્યાન અનેક પ્રજાપતિ જ્ઞાતિ સંસ્થાઓ તેમજ વ્યક્તિઓ સાથે ચર્ચા કરવાનો લ્હાવો મળ્યો એ જ એક આનંદની વાત છે.

 મેં મારા ભારતના પ્રવાસના ચાર લેખો લખ્યા જે વિશ્વનિર્માતા પ્રજાપતિમાં પ્રગટ થયા, તેમાંથી પ્રજાપતિ સમાજનો ઉલ્લેખ કરતો આ લેખ વેબસાઈટ ચંદ્રપુકારના આ વિભાગે મુકતા મને આનંદ ભર્યો ગર્વ થાય છે.

 ડો. ચંદ્રવદન મિસ્ત્રી

 

          પ્રજાપતિ બાળ-પ્રાર્થના

 પ્રભુજી, અમો છીએ, પ્રજાપતિ બાળકો તમારા

સ્વીકારી લ્યો, સ્વીકારી લ્યો, વંદન આજ અમારા…(ટેક)

પ્રભુજી, અમો… વ્હેલા ઉઠી, ભણવા સ્કુલે જઈએ,

ભણતા, ભણતા,મોટા અમો તો થીએ !

                                       પ્રભુજી અમો… (૧)

ડેડી મમ્મી ને વ્હાલ કરી, ઘરકામો અમો કરીએ,

હસતા, હસતા, મોટા અમો તો થઈએ !

                                                 પ્રભુજી અમો… (૨)

 ધીરે ધીરે ભોજન કરી, ખેલી કુદી અમો રમીયે,

રમતા, રમતા, મોટા અમો તો થઈએ !

                                                  પ્રભુજી અમો… (૩)

 સાચુ બોલી, સેવા કરી, રાજી સૌને અમો કરીએ,

રાજી, રાજી, રહીને મોટા અમો તો થઈએ !

                                                  પ્રભુજી અમો… (૪)

 રોજ પ્રભુજીને યાદ કરી, સૌને જયશ્રી ક્રુષ્ણ અમો કહીયે,

 જયશ્રીક્રુષ્ણ, જયશ્રીક્રુષ્ણ કહેતા મોટા અમો તો થઈએ !

                                                  પ્રભુજી અમો… (૫)

 

                      – ડો. ચંદ્રવદન મિસ્ત્રી (યુ.એસ.એ.)

 

પરદેશમાં પ્રજાપતિ વસવાટ

 ભારત દેશમાં પ્રજાપતિ જન્મની વસ્તી અનેક પ્રાનતોમાં છે. તેમાંથી ગુજરાતના પ્રજાપતિ જન્મોને નિહાળીએ તો અનેક પરદેશી જઈને અનેક જગ્યાએ સ્થાયી થયા છે-જાણે કે આખા જગતમાં ગુજરાતના પ્રજાપતિઓ છે.

 ભારતમાં જ્યારે અંગ્રેજી સરકારની સતા હતી ત્યારે અંગ્રેજી રાજ દુનિયાના અનેક દેશોમાં હતું. ભારતમાં અંગ્રેજી રાજ નીચે વેઠ પ્રથા તેમજ અન્ય રીતે પ્રજાપતિ જનોને અન્યાય થયો હતો. અને પ્રજા મરીબાપમાં દુ:ખો સહન કરતી હતી. કોઈ કોઈ કુટુંબોની સ્થીતી જરા સારી હોવાના કારણે કે પછી શિક્ષણ મહત્વને જાણી બાળકોને શિક્ષણ ઉતેજન આપવા બનતો પ્રયાસ કર્યો અને જેથી અનેક જ્ઞાતિના બાળકોએ શિક્ષણરૂપી જ્ઞાન મેળવ્યુ. આવા સમયે અંગ્રેજી સતા નીચે ચાલ્વાય દેશોમાં કામ કરનારની ખાસ જરૂરત હતી.

 આફ્રિકા, ફીજી, કેરેલીખન આઈલેંન્ડ વિગેરેમાં ખાસ જરૂર હતી આથી, ગરીબાય હટાવવા અને ભવિષ્ય સુધારવા અનેક ગુજરાતનાં ગ્રામ્ય/શહેરમાંથી પ્રજાપતિજનો ઓગણીસમી સદીમાં પરદેશ જવાનું સાહસ કર્યુ. આફ્રિકા ખંડે સાઉથ આફ્રિકામાં અનેક પ્રજાપતિજનો-ખાસ કરીને દક્ષિણ ગુજરાતમાંથી- આવીને રહેવાનું શરૂ કર્યું. કોઈ સુથારી કામે લાગ્યા, કોઈ લારી ફેરવી ફળો, શાકભાજી વેચવા લાગ્યા તો કોઈએ દુકાન ખોલવાનું સાહસ કર્યું. પ્રથમ વસવાટ કરનારાઓની આ શરૂઆત હતી.ત્યારબાદ, આવેલ યુવાનો કંઈક શિક્ષણ મેળવી આવ્યા હોવાના કારણે નામુ લખવાનુ કામ કે પછી નોકરી/ધંધો કરી પ્રગતિના પંથે હતા.

 આ પ્રમાણે સાઉથ આફ્રિકામાં પ્રજાપતિ જ્ઞાતિજનોની વસ્તી વધી. ધીરે ધીરે ઈસ્ટ આફ્રિકાના દેશો (યુગાંન્ડા, કેનીયા,ટાન્ગાનીકા તેમજ ઝાન્ઝીબાર, ઈંન્ડોનેશીયા, મોઝામ્બીક, ઈથોપીયા વિગેરે આફ્રિકા ખંડના જુદા જુદા દેશોમાં તેમજ ફીજી, ન્યુઝીલેંન્ડ જેવા દેશોમાં વસવાટ કરનાર ભારતીયજનોમાં અનેક ગુજરાતના પ્રજાપતિજનો હોય.

 ઈ.સ. ૧૯૬૦ બાદ આફ્રિકામાં રાજકીય વાતાવરણ બદલાતા અનેક પ્રજાપતિજનોએ બ્રીટીસ સીટીજનસીપ કારણે ઈંગ્લેંન્ડ જઈ વસવાટ કર્યા તે સમયે ભારતમાંથી આખી વસતી થોડા પ્રજાપતિજનો ઈંગ્લેંન્ડમાં તથા ઈસ્ટ આફ્રિકા તેમજ અન્ય આફ્રિકાના દેશોની અનેક પ્રજાપતિજનો આવવાના કારણે ઉ.કે.મા પ્રજાપતિજનોની વસતી ઘણીજ વધી ગઈ અને સમાજ બનાવવા ઈરાદા અને જાગ્રુત થઈ છે. પ્રજાપતિ સંસ્થા શરૂ થઈ અને જેના હેડક્વાર્ટસ સાથે અનેક શહેરોમાં બ્રાંન્ચો શરૂ થઈ. આજે એ સંસ્થા દ્વારા ઈંગ્લેંન્ડની આખી પ્રજાપતિ જાતી શક્ય થઈ છે.

 ઉપર મુજબ ઈંગ્લેંન્ડમાં પ્રજાપતિજનોનો વસવાટ શરૂ થ્યો તે પ્રમાણે અનેક પ્રજાપતિજનોએ કેનેડા તેમજ અમેરીકા આવી સ્થાયી થયા. અહીં પણ ધીરે ધીરે પ્રજાપતિજનોની વસતી વધતા એક જગ્યાએ પ્રજાપતિ સમાજ આ સંસ્થામાં શરૂ થઈ જે દ્વારા પ્રજાપતિનો એકતા/પ્રેમભાવના બંધને પ્રગતીના પંથે રહ્યા.અનેક પ્રજાપતિજનો ઓસ્ટ્રેલીયા જઈ રહ્યા જ્યાં ધીરે ધીરે પ્રજાપતિજનોની વસ્તી વધે છે. કોઈ કોઈ પ્રજાપતિજનો યુરોપના જુદા જુદા દેશમાં રહેવા લાગ્યા તો કોઈ કોઈ મીડલ ઈસ્ટના દેશોમાં કે પછી હોંન્ટ કોના સીંગાપુર વિગેરે એશીયા ખંડના દેશોમાં તો કોઈ ટ્રીનીડાડ/જમૈકા જેવા કરેબીયન આયલેંન્ડ દેશોના કે પછી સાઉથ અમેરીકાના પનામા જેવા દેશોમા પણ આવી રહેવા લાગ્યા.

 ગુજરાતના પ્રજાપતિજનો અત્યારે દુનિયાના દરેક ખંડોમા વસી રહ્યા છે. આ એક આનંદની વાત છે. આ પ્રજાપતિજનોની સાહસ ભરી ગૌરવ ગાથા છે. સૌ પરદેશ વસી રહેલ પ્રજાપતિ જ્ઞાતિજનો ભારતમાં, ગુજરાતમાં વસતા પ્રજાપતિજનો સાથે પ્રેમ તાંતણે બંધાય રહે એવી અંતરની આશા !

                                            – ડો. ચંદ્રવદન મિસ્ત્રી

 

ગુજરાતમાં પ્રગટ થતા એક પ્રજાપત્જ્ઞાતિ ન્યુઝ પેપર મા એક બાળપ્રાર્થના તેમજ એક લેખ પ્રગટ કરવાની તક ૨૦૦૫મા મળી હતી. જે પ્રગટ થયેલુ તે અહી ‘વેબ’ પર મુક્યુ છે.

                                             – ડો. ચંદ્રવદન મિસ્ત્રી

 

 

 

             નવા ફળીયા, કુંભાર સુથાર પંચ, વેસ્મા સાથે કરેલ પત્રવ્ય્વહાર 

                                                         તા: ૨૦-૦૨-૨૦૦૬.

પ્રતિ,

માનનીય ડો. ચંદ્રવદન માધુભાઈ મિસ્ત્રી અને  

શ્રીમતિ કમુબહેન ચંદ્રવદન મિસ્ત્રી તથા પરિવાર

 

            નવા ફળીયા, કુંભાર સુથાર પંચ, વેસ્મા સાથે કરેલ પત્રવ્ય્વહાર

                                                         તા: ૨૦-૦૨-૨૦૦૬.

પ્રતિ,

માનનીય ડો. ચંદ્રવદન માધુભાઈ મિસ્ત્રી અને  

શ્રીમતિ કમુબહેન ચંદ્રવદન મિસ્ત્રી તથા પરિવાર

 

કુશળ હશો

લી. ગામ વેસ્માથી યાદ કરનાર નવા ફળીયા કુંભાર સુથાર પંચ વેસ્માના ટ્રસ્ટીઓ, સ્ભ્ય્શ્રીઓના સાદર પ્રણામ

            ૨/-  વિશેષમાં જણાવવાનુંકે હમો નવા ફળીયા કુંભારવાડમાં આપણા પ્રજાપતિ સમાજનો હોલ/વાડીનું બાંધકામ હવે ટુંક સમયમાં શરૂ કરવાનો એક પ્લાન છે. જે વાડી/હોલના બાંધકામનો પ્લાન, ફોટોકોપી તથા જાહેર વિજ્ઞપ્તિ પત્રની એક નકલ આ સાથે સાદર કરીયે છીએ જે નિગાહમાં લઈ હમારા આ ભગીરથ કાર્યને પૂર્ણ કરવા આપશ્રી તન, મન, ધનથી યથા યોગ્ય આર્થીક સહાય આપશો એવી અભિલાષા સેવીએ છીએ.

 ૩/- હમોએ રજુ કરેલ પ્લાનમાં જો ક્ષતિ જણાય તો તે નિવારવા માટે હમોને જરૂરથી માર્ગદર્શન આપવા નમ્ર વિનંતી છે. પત્ર મળે પત્રનો જવાબ આપવા વિનંતી છે. પ્રમક્રુપાળુ પરમાત્માની અસીમ ક્રુપાથી આપ સૌ સંપૂર્ણ તંદુરસ્ત હશો અને રહેશો એવી વિભુ પ્રાર્થના સહ આ પત્ર વિરમું છું.

 આપનો વિશ્વાસુ

એન.આર.મિસ્ત્રી.

શ્રી નારણભાઈ રતનજી મિસ્ત્રી,

મંત્રી, નવા ફળીયા કુંભાર સુથાર પંચ,

વેસ્મા જીલ્લા નવસારી

ગુજરાત.

                                                              તારીખ એપ્રિલ ૧૪,૨૦૦૮

 સ્નેહી શ્રી નારણભાઈ, તથા નવા ફળીયા કુંભાર સુથાર પંચના સર્વ કાર્યકર્તાઓ,

       લી. લેન્કેસ્ટર, કેલીફોર્નીયાથી ડો. ચંદ્રવદનભાઈના સ્નેહવંદન.

               ૨૦૦૬માં સંસ્થા તરફથી તમારો પત્ર મને મળ્યો હતો. એ પત્ર સાથે ફળીયાના બાંધકામ બારે વિગતો હતી. તમો ફળીયામા પ્રજાપતિ વાડી રૂપે હોલ તેમજ સાથે ગેસ્ટ રૂમો બાંધવા વિચારણા કરી રહ્યા હતા. આ કાર્ય માટે જમીન પણ પંચના હક્કે થઈ ગઈ હતી. એ સમાચાર જાણી મેં ઘણીજ ખુશી અનુભવી હતી.

                તમારો પત્ર આવ્યો ત્યારબાદ મેં તમોને એક વિગતવાર પત્ર લખ્યો હતો અને પ્રોજેક્ટ માટે દાન ઉઘરાણા બારે મેં મારા વિચારો લખ્યા હતા, અને તમારાકાર્યની શુભ શરૂઆત માટે ૫૦૦૦ રૂપીયા દાન રૂપે તમોને મોક્લ્યા હતા. ત્યારબાદ ઘણો સમય વહી ગયો. તમારો પત્ર નથી. ફળીયાના બાંધકામ બારે શું થયુ તેની ખબર નથી….તો, જરૂરથી એક પત્ર લખી જાણ કરવા વિનંતી. ફળીયામાં સૌ સારી મઝામાં હશે. સૌને યાદ.

 લી. ચંદ્રવદનભાઈના સ્નેહવંદન

  

        રજત જયંતી ખુશી….

વલસાડના શ્રી પ્રજાપતિ પ્રગતિ મંડળને રજત જયંતીના અભિનંદન

                        દૂરથી ચંદ્રહ્રદયના સ્વીકારજો આ વંદન ! (ટેક)

   સંવત ૨૦૩૬ ના જેઠ વદના રવિવારનો દિવસ હતો એ,

         ૨૯મી જૂન સને ૧૯૮૦ ના સાલની તારીખ હતી એ,

      થઈ સ્થાપના વલસાડમાં શ્રી પ્રજાપતિ પ્રગતિ મંડળ તણી,

         ધન્ય છે એ શુભ ઘડી !….વલસાડના…. (૧)

બની પ્રથમ કાર્યવાહી મંડળ કમીટી, જ્ઞાતિજનોના ઉત્સાહ થકી,

    ફરી ચૂટાયા નવા કાર્યકર્તાઓ, જ્ઞાતિજનોની ઈચ્છાઓ થકી,

           થઈ જાગ્રુતિ પ્રજાપતિ જ્ઞાતિ તણી,

         ધન્ય છે એ શુભ ઘડી !….વલસાડના…. (૨)

પ્રજાપતિ સમાજ વિકાસ એવો હંમેશ મંડળ ધ્યેય રહ્યો,

     સામાજિક – શૈક્ષણિક ક્ષેત્રે મંડળે વિકાસ કર્યો,

            થઈ પ્રગતિ પ્રજાપતિ સમાજ તણી,

         ધન્ય છે એ શુભ ઘડી !….વલસાડના… (૩)

હવે તો,  ૨૦૦૪ ની સાલે ૨૫ વર્ષ મંડળે પૂરા કર્યા,

    જે, અનેક શુભકાર્યોથી ભરપૂર રહ્યા,

  થઈ, ગૌરવ ખુશી પ્રજાપતિ જ્ઞાતિજનોને, મંડળ તણી,

ધન્ય છે એ મંડળ રજત જયંતી ઘડી !…વલસાડના.. (૪)

કાવ્ય રચના

ઓગષ્ટ ૧૦, ૨૦૦૪                  Dr. C.M. Mistry Family

                                                                44011 Halcom Ave.

                                                               Lancaster, CA 93536

• તુલસી ક્યારે દીવો કરી જો ઘરમાં હોળી જ પ્રગટાવતા હો તો…એ તુલસીદીવામાં દમ નથી

શ્રી પ્રજાપતિ પ્રગતિ મંડળ, વલસાડ ની સંસ્થા સાથે સમય સમયે મારો પત્રવ્યવહાર ચાલુ જ હતો. સંસ્થાની “રજત જયંતિ“  ઉત્સવ સમયે પત્ર લખી એક કાવ્ય રચના મોકલી તે પ્રગટ કરી છે.

                                            ડો. ચંદ્રવદન મિસ્ત્રી 

 

      *  શ્રી પ્રજાપતિ ઉત્કર્ષ મંડળ, કિલ્લા – પારડી  *

       ઉદઘાટન સમારંભ પ્રસંગે રજૂ થયેલ કાવ્ય રચના

                  પારડી ધામે પ્રજાપતિ વાડી

 

એક પ્રજાપતિ વાડી પારડી ધામે બની,

            એ તો મને બહુ ગમી, બહુ ગમી …(ટેક)

        શ્રી પ્રજાપતિ ઉતકર્ષ મંડળ હૈયે એક આશા રહી,

                પ્રજાપતિ વાડી બાંધવાની એ આશા રહી

પ્રજાપતિ વાડી હવે તો બની,

                એ તો મને ગમી (2)…   …. એક પ્રજાપતિ વાડી..

પ્રજાપતિ વાડી અતિ સુંદર લાગે,

                એ તો પારડી ધામ શોભાવે,

                પ્રજાપતિ વાડી જોવી છે મારે,

                એ આશા છે હૈયે મારે (2)… … એક પ્રજાપતિ વાડી…

          પ્રજાપતિ જ્ઞાતિને લાભ છે વાડી કાજે,

                પારડીવાસીઓને લાભ છે વાડી કાજે,

                ગુણલા પ્રજાપતિ વાડીના સૌ ગાવે,

                એ જાણી હૈયે મારા હરખ જ આવે (2)…એક પ્રજાપતિ વાડી..

           પ્રજાપતિ રત્નો પારડી ધામે ને ગામે ગામે

      ભણતર માટે સહકાર સૌ માંગે,

      પ્રજાપતિ વાડી એ સહકાર સૌને આપે,

      વાડી તો માવડી પ્રજાપતિ રત્નોને લાગે (2)… …એક પ્રજાપતિ વાડી…

      ચંદ્ર કહે જલાગુરૂ પ્રતાપે…

      સમાજ કામ કર કર…

      પ્રજાપતિ વાડી તો સેવા જ્યોત જલાવે…

                                                                ડો. ચંદ્રવદન

                                                                    (લેન્કેસ્ટર)

શ્રી પ્રજાપતિ ઉત્કર્ષ મંડળ, કિલ્લા પારડી ની સંસ્થાએ વ્યારે પારડી ગામે એક સુંદર પ્રજાપતિ વાડી બનાવી ત્યારે એ ખુશીમાં પત્ર લખ્યો અને સાથે સાથે મોકલેલ કાવ્ય રચના અહીં પ્રગટ કરી છે.

ડો.ચંદ્રવદન મિસ્ત્રી

    

 JAMNADASBHAI MISTRY

SPAUK ( SHRI PRAJAPATI ASSOCIATION, UK)

26, CARLISLE CRESCENT,

ASHTON-UNDER-LYNE OL6 8UJ

ENGLAND (UK)

 

                                                                  તારીખ: ફેબ્રુઆરી ૨૦, ૨૦૦૮

સ્નેહી જમનાદાસભાઈ, તેમજ શ્રી પ્રજાપતિ એસોસીએસન યુ.કે. ના સર્વ કાર્યકર્તાઓ,

           લી. લેંન્કેસ્ટર,કેલીફોર્નીયાથી ડો.ચંદ્રવદનભાઈના સ્નેહવંદન,

આગળ તમોને બે પત્રો લખ્યા અને ત્યારબાદ, તમો તથા ઉત્તમભાઈએ ગુજરાતમાં પ્રજાપતિ બાળકો માટે સ્કોલરશીપ સહકાર શરૂ કરવા સંસ્થાને વિચારણા કરવા વિનંતી કરી અને, આશા છે કે શ્રી પ્રજાપતિ એસોસીએસન યુ.કે.ની સંસ્થા આ માટે કંઈક ચર્ચાઓ કરી યોજના કરે.

જમનાદાસભાઈ તમારી સાથે ફોન પર વાતો કર્યા બાદ, તમારો ઈ-મેઈલ ( EMAIL ) મળ્યો જે થકી જાણ્યુ કે તમારા તેમજ મારા વિચારો એક સરખા છે. તેમ છતાં, એ બારે વધુ વિચારો કરતા મારા અભિપ્રાયો એક ડાયાગ્રામરૂપે બીડ્યા છે તેનો સાર નીચે મુજબ છે :-

તમારી શ્રી પ્રજાપતિ એસોસીએસન, યુકે. ની સંસ્થા દર વર્ષે બે લાખ રૂપીયા નો સહકાર ગુજરાતના જ્ઞાતિજનોને આપવા નિર્ણય કરે તો એ નીચે મુજબ હોય શકે :-

(a) દક્ષિણ ગુજરાતના ત્રણ જીલ્લે સહકાર ત્રણ વિભાગે હોય શકે

                 (1) ઉચ્ચ શિક્ષણ માટે સ્કોલરશીપો (2) વિધવા નારીઓને સહકાર (3) નેત્ર

        ઓપરેશન કે બીજો મેડીકલ સહકાર અને અન્ય રીતે જ્ઞાતિમાં રાહત.

• (b) જો જીલ્લા દીઠે બે બાળકોને સ્કોલરશીપ ગણતા, કુલ્લે દર વર વર્ષે ૬

બાળકોને સહાય હોય અને એક બાળકને  ૧૦,૦૦૦ રૂપીયા આપતા ૬૦,૦૦૦ રૂપીયા દર વર્ષે હોય.

            (c)     વિધવા નારી ને એક સીવણકામ મશીન દાનરૂપે ગણતા ૬ નારીને ૬

 મશીનો આપતા કુલ્લે ૩૦,૦૦૦ રૂપીયા હોય.

• (d) એક નેત્ર ઓપરેશન નો ખર્ચ ૨૦૦૦ રૂપીયા ગણતા, ૨૫ વ્યક્તિઓને દર વર્ષે સહકાર આપવાના નિર્ણયે કુલ્લે ૫૦,૦૦૦ રૂપીયા થાય.
• (A) ઉપર મુજબ ૧૪૦,૦૦૦ રૂપીયા બાદ કરતા, બાકી રહેલી રકમ (૬૦,૦૦૦ રૂપીયા) દ્વારા અન્નદાન, લગ્નખર્ચ સહકાર તેમજ બ્લડ કે દવાનું ડોનેશન વિગેરે શક્ય થાય.
• (B) ઉપર મુજબ બે લાખ રૂપીયાનો સહકાર દર વર્ષે સંસ્થા તરફથી હોય….કિંન્તુ, જો એવું લાગે કે ૧૦,૦૦૦ રૂપીયાની બાળક દીઠ સ્કોલરશીપ ની રકમ ઓછી હોય તો એ રકમને ૧૫ કે ૨૦ હજાર કરી શકાય અને એ પ્રમાણે થાય તો દર વર્ષે બે ને બદલે ત્રણ લાખ નું દાન કરવાનો નિર્ણય લેવો પડે.
• (B)
• (C) જો મોકલેલ ડાયાગ્રામ પ્રમાણે શ્રી પ્રજાપતિ એસોસીએસન યુકેની સંસ્થા દક્ષિણ ગુજરાતના ત્રણ જીલ્લા યાને સુરત, નવસારી અને વલસાડ માં થી જીલ્લા દીઠ બે સંસ્થા સાથે વહીવટ કરી શકે ( DIRECT CONTACT)…અને એ પ્રમાણે ન કરવું હોય તો એક સંસ્થા દાખલા રૂપે નવસારીનો પ્રજાપતિ વિદ્યાર્થી આશ્રમ મારફતે કાર્ય કરી શકે.
• (C)
• (D) ઉપર ઉલ્લેખ કર્યો ( SECTION C ) તે પ્રમાણે જે કંઈ થાય તે પહેલાં શ્રી પ્રજાપતિ એસોસીએસન, યુકેના કાર્યકર્તાઓ સાથે મળી ને યોજના બારે વિગતે ચર્ચા કરે અને નિયમો વિગેરે સમજાવે. દર વર્ષે એ જુદી જુદી સંસ્થાઓ શ્રી પ્રજાપતિ એસોસીએસન યુકેને વિગતે કોને કોને મદદ થઈ વિગેરેની પૂરી માહિતી આપે.

 

જમનાદાસભાઈ, મારા મનમાં જે વિચારો આવ્યા તે મેં દર્શાવ્યા છે. પ્રથમ, તમો વાંચશો અને યોગ્ય લાગે તો સંસ્થાના પ્રમુખ/મંત્રીને જાણ કરશો….અને, ત્યાર બાદ, આશા છે કે આ વિચારો પર સંસ્થાની કમીટી મીટીંગે ચર્ચા થાય. દર્શાવેલ વિચારોમાં યોગ્ય ફેરફાર કરવા લાગતાં હોય તે પ્રમાણે કરી કંઈક અમલમાં મૂકાય તો મારા હૈયે ઘણોજ આનંદ થશે.

આ મારો પત્ર મળતા જરૂરથી મને ઈમેઈલ થી જાણ કરશો અને, ત્યારબાદ, સંસ્થાની કમીટીમાં ચર્ચા થયા બાદ એક પત્ર જરૂરથી લખશો. તમો પત્ર ન લખો તો સંસ્થા તરફથી ઓફીસીયલ

(Official) પત્ર મળે એવી આશા.

લી. ચંદ્રવદનભાઈના સ્નેહવંદન

Shri De. Chandravadanbhai Namaskar

I have received your letter dated 20^th Feb and very pleased to see that you have made detail proposals. Your letter has been circulated to other members of ITF committee and will be considered at the next meeting.

Once again many thanks to keep in touch.

Jay shri Krishna,

Jamnadas.

શ્રી પ્રજાપતિ એસોસીએસન યુકે. ના કાર્યકર્તા શ્રી જમનાદાસભાઈ મિસ્ત્રીને મે ફેબ્રુઆરી ૨૦, ૨૦૦૮

ના પત્ર લખેલ તેના જવાબ રૂપે અંગ્રેજીમાં ઈમેઈલ આવ્યો તે ઉપર છે અને એનુ ગુજરાતી ભાષાંતર ની ચે મુજબ છે.          

શ્રી ચંદ્રવદનભાઈ, નમસ્કાર !

મને તમારો ફેબ્રુઆરી ૨૦ નો પત્ર મળ્યો અને મને ઘણોજ આનંદ થયો કે તમોએ વિગતવાર પ્રોપોઝલો મોકલ્યા.તમારો પત્ર બીજા આઈ ટી એફ કમીટી

( INTERNATIONAL TRUST FUND COMMITTEE ) સભ્યોને મોકલવામાં આવ્યો છે અને એ બારે કમીટીની બીજી મીટીંગે ચર્ચા થશે.

ફરી તમોને ખુબ આભાર અને સંપર્કમાં રહેશો.

જય શ્રી ક્રુષ્ણ

જમનાદાસ.

            આ છે મારો પત્રવ્યવહાર શ્રી પ્રજાપતિ એસોસીએસન, યુકે. ની સંસ્થાના કાર્યકર્તા શ્રી જમનાદાસભાઈ મિસ્ત્રી સાથે.

ડો. ચંદ્રવદન

                  શ્રી લાડ સમાજ સેવા ટ્રસ્ટ, અમદાવાદ સાથે કરેલ પત્રવ્યવહાર

 

SHRI PUROSOTTAMABHAI LAD,

PRESIDENT, SHRI LAD SAMAJ SEVA TRUST

B-15 AGAAMAN AVE.

NEAR SHREYAS PARK SOCIETY

BEHIND ESRO SATELITE

AHMEDABAD 380 015

                                                                                                         તારીખ એપ્રિલ ૧૪,૨૦૦૮

 સ્નેહી પ્રમુખશ્રી પુરૂસોતમભાઈ લાડ, તેમજ મંત્રીશ્રી દિનેશભાઈ પ્રજાપતિ તેમજ સમાજના સર્વ કાર્યકર્તાઓ,

લી. લેન્કેસ્ટર, કેલીફોર્નીયાથી ડો. ચંદ્રવદનભાઈના સ્નેહવંદન.

ઈંગ્લેન્ડમાં ૨૦૦૬માં તમારી સંસ્થાના કાર્યકર્તા શ્રી મગનભાઈને મળવાનું થયુ અને તમારી

સંસ્થા બારે પ્રથમવાર જાણ્યું. મગનભાઈ સંસ્થાના બાંધકામ પ્રોજેક્ટ માટે દાન-સહકારની

અપીલ કરી કંઈક ઉઘરાણુ ભેગા કરતા હતા.તે સમયે મને પણ કંઈક “ફુલ નહીં તો ફુલની પાંખડી” રૂપે સહકાર આપવાની તક મળી હતી તે માટે હૈયે આનંદ છે.

                 ૨૦૦૬માં ઈગ્લેન્ડની કરેલ સફરબાદ અમેરીકા આવી મેં તમોને એક વિગતવાર પત્ર લખ્યો હતો. તમો સંસ્થા દ્વારા પ્રજાપતિ વાડી/બાળકો માટે છાત્રાલય તેમજ ગેસ્ટ રૂમો બાંધવા વિચારણા કરી રહ્યા હતા તે બારે મે મારા વિચારો દર્શાવ્યા હતા. મારો અભિપ્રાય એવો હતો કે સંસ્થા પ્રથમ અમદાવાદમા મકાન માટે જમીન ખરીદે અને ત્યારબાદ મકાન બાંધકામ માટે દાન-સહકાર માટે અપીલ કરે તો યોગ્ય હશે. તમારો જવાબરૂપી પત્ર મળશે એવી આશા હતી કિન્તુ એ બારે મને નિરાશા મળી.

                  આજ રોજ ફરી પત્ર લખી રહ્યો છુ. જાણવુ છે કે મકાન બારે શું થયું ? મકાન માટે જમીનનો પ્લોટની ખરીદી થઈ ? આશા છે કે તમો મને જરૂરથી પત્ર લખશો.

સંસ્થાના સર્વ કાર્ય્કર્તાઓને જયશ્રી ક્રુષ્ણ.

લી. ચંદ્રવદનભાઈના સ્નેહવંદન.

                      શ્રી પ્રજાપતિ કેળવણી મંડળ, પાલંનપુર

                             ( છાસઠનો ગોળ ) 

 

                                                               તારીખ:- ૧૪-૩-૦૮

પ્રતિ,

માનનીય,

સ્નેહી શ્રી ચંદ્રવદનભાઈ તથા માનનીય કમુબહેન

સર્વેની કુશ્ળતા ચાહું છુ.

આપના જાન્યુઆરી માસના બંન્ને પત્રો મળ્યા તથા શાળા માટે ત્રણ સંચાનો ચેક પણ મળ્યો.

          આપના તરફથી મળેલ સંચાના નાણાંમાંથી ત્રણ બહેનોને સંચા આપેલ છે તથા બે બહેનોને ક્રેચીઝ સ્ટીલની આપી છે, બાકીની ત્રણ જોડ ક્રેચીઝ પડી છે, જે જરૂરીયાતવાળાને આપીશું. તેમના ફોટા આ સાથે સામેલ છે, તેમજ વિશ્વનિર્માતા પ્રજાપતિમાં પ્રગટ કર્યા છે. પરિણામે કોઈને પ્રેરણા મળે મદદ રૂપ થઈ શકે.

          શ્રી દલસુખભાઈ સાથે ઉચ્ચ સિક્ષણ માટે એવોર્ડની ચર્ચા કરી છે. હમળાં લગ્નની સીઝન ચાલતી હોવાથી એપ્રિલ માસની મીટીંગમાં ચર્ચા કરીને આપને જાણ કરીશું. આપની સંમતી આવ્યા પછી વિશ્વનિર્માતા પ્રજાપતિમાં જાહેરાત કરીશું ૨૦૦૮ ના માર્ચ એપ્રિલના પરિણામોના આધારે એવોર્ડ આપીશું.

          સીવણ કેન્દ્ર અંગેનો વિચાર ઉત્તમ છે. તેજ રીતે નેત્રયજ્ઞ અંગેનો વિચાર પણ ઉત્તમ છે. ગુજરાતમાં ઘણા દાતાઓ તરફથી નેત્રયજ્ઞોનું આયોજન થાય છે. ડીસેંમ્બર ૨૦૦૭માં રગ્બી પ્રજાપતિ એસોસીએશન દ્વારા અંબાજીમાં નવસારી રોટરી કલ્બની સહાયથી નેત્રયજ્ઞ થયો હતો. બધો ખર્ચ રગ્બી પ્રજાપતિ એસોસીએશને ઉપાડ્યો હતો. લગભગ પાંચ થી છ લાખ થયા હતા. અંબાજી પ્રજાપતિ ભવનમાં તમામ કાર્યકર્તા તથા મેડીકલ સ્ટાફ માટે રહેવા જમવાની વ્યવસ્થા અખિલ ગુજરાત પ્રજાપતિ સંઘ તરફથી કરવામાં આવી હતી.

            આ બંન્ને કેન્દ્રો અંગે તથા ડો.શશીકાંન્તની સહાયની ચર્ચા કરીશ.

(૧) અમે સીવણ કેન્દ્ર એપ્રિલથી શરૂ કરીયે છીએ ફક્ત ટોકન માસિક રૂ/ ૨૫ રાખવાનુ વિચાર્યું છે.

(૨) નેત્રયજ્ઞ અંગે પણ અમે વિચારીશું. પાલનપુરમાં આંખના બધા ડોક્ટરો મારા વિદ્યાર્થી છે. એટલે કદાચ વધુ સરળતા રહેશે.

 સમગ્ર ગુજરાત કરતાં બનાસકાંઠામાં ત્રણ રોગના દર્દીઓની સંખ્યા વધુ છે.(૧) ટી.બી (૨)પેશાબમાં પથરી, (Stone) (૩) અંધાપો- આંખના દર્દીઓ.

             ધોરણ ૧૦ અને ૧૨ ના જે વિદ્યાર્થીઓને આપના તરફથી ઈનામ મળ્યા છે, તેઓ અત્યારે શું કરે છે તેની માહિતી એક્ત્ર કરી અને એકાદ માસમાં મોકલી આપીશું.

             ચાલુ વર્ષ  ૧૨-૨-૦૮ ના રોજ અબ્રાહમ લિંકનની  ૨૦૦મી જન્મ જયંતી હતી તેનો જન્મ ૧૨-૨- ૧૮૦૯માં થયો હતો. ૧૨-૨-૦૮ થી ૧૨-૨-૦૯ સુધી આખું વર્ષ દ્વિશતાબ્દી વર્ષ હશે. અમેરિકામાં આ અંગે કોઈ કાર્યક્રમો થવાના છે ? સ્પેશીયલ કવર કે ટિકિટો બહાર પડવાની છે? શાળાઓમાં આ અંગેના કાર્યક્રમો થવાના છે ?

              મેં  ૧૯૬૩-૬૪માં અમેરિકાની સીવીલ વોરને ૧૦૦  વર્ષ પુરાં થતાં હોવાથી મેં અબ્રાહમ લિંકનનો પ્રોજેક્ટ શાળામાં કર્યો હતો. ત્યારબાદ પણ મેં અબ્રાહમ લિંકન અને ગાંધીજીના સંયુક્ત પ્રોજેક્ટ ત્રણથી ચાર વાર કર્યા છે. ચાલું સાલે આપણી શાળામાં વર્ષ દરમ્યાન અબ્રાહમ લિંકન ગુલામોના મુક્તિ દાતાનો પ્રોજેકટ લેવાનું આયોજન કરેલ છે. ૪થી જૂલાય અમેરિકા સ્વાતંત્રદિન, ૨ ઓક્ટોમ્બર ગાંધીજી જન્મદિન, ૩૦ જાન્યુઆરી ૨૦૦૯ ગાંધીજીની પુણ્યતિથિ અને ૧૨-૨-૦૯ ના રોજ પ્રોજેકટની પુર્ણાહુતિ થશે.

            વર્ષ દરમ્યાન અબ્રાહમ લિંકનના જીવન કાર્ય અંગે વાર્તાલાપ, પ્રોજેકટ, પ્રદર્શન વગેરેનું આયોજન કરેલ છે. ત્યાં કોઈ શાળામાં આ પ્રવ્રુતિ થવાની છે? થવાની હોય તો જાણ કરવા વિનંતી. અમારી શાળા અને ત્યાંની શાળા વચ્ચે અબ્રાહમ લિંકનના માધ્યમ દ્વારા સેતુ સ્થપાય તેવું ઈચ્છુ છું.

             લાકડાની કોટડીમાં જન્મેલા, વિધિસરનું શિક્ષણ ન્અપામેલા, રખડપટ્ટી તથા વિવિધ કામગીરી બજાવીને રાષ્ટ્રના પ્રમુખ બનીને અમેરિકાના ભાગલા પડતા અટકાવનારનો જીવન પરિચય દરેકને પ્રેરણા આપતો બની રહેશે. ચાંપાનેરની માહિતી મોકલું છું. વધુ માહિતી મેળવીને મોકલીશ.

             અબ્રાહમ લિંકનના પ્રોજેકટનો વિગતવાર કાર્યક્રમ આ સાથે મદ્રાસ ફિલાટેનિક સંસ્થા દ્વારા પ્રગટ થયેલ અબ્રાહમ લિંકનના સ્પેશિયલ કવરની ઝેરોક્ષ સામેલ છે.

                                                                   લિ.

                                                       ગોદડભાઈ સાગરાસણીયા

ગોદડભાઈ બી. સાગરાસણીયા

કાર્યકર્તા, શ્રી અખિલ ગુજરાત પ્રજાપતિ સંઘ

તંત્રી “વિશ્વનિર્માતા પ્રજાપતિ”

કાર્યકર્તા, શ્રી પ્રજાપતિ કેળવણી મંડળ, પાલનપુર,

પાલનપુર ગુજરાત

સ્નેહી ગોદડભાઈ

તેમજ અખિલ ગુજરાત પ્રજાપતિ સંઘ અને શ્રી પ્રજાપતિ કેળવણી મંડળ, પાલનપુર ના સર્વ કાર્યકર્તાઓ તેમજ જ્ઞાતિજનો અને સર્વ યાદ કરનાર.

                        મુ. પાલનપુર

 લી. લેન્કેસ્ટર, કેલીફોર્નીયા, યુ.એસ.એ.થી ડો. ચંદ્રવદનભાઈના જયશ્રીક્રુષણ. ત્રણ-ચાર દિવસ પહેલાં તમારો ૧૪-માર્ચ ૨૦૦૮ નો લખેલ પત્ર મળ્યો અને ત્યારબાદ “વિશ્વનિર્માતા પ્રજાપતિ” નો માર્ચ/એપ્રિલ ૨૦૦૮ નો અંક મળ્યો.

 ગોદડભાઈ, તમોને મેં આગળ વિગતવાર લખેલ પત્રમાં થોડા સુચનો કર્યા હતા તે બારે અખિલ ગુજરાત પ્રજાપતિ સંઘની કાર્યવાહી કમીટી ચર્ચા કરી નિર્ણય લેશે એ જાણી ઘણીજ ખુશી અનુભવી. સંઘ દ્વારા “પ્રજાપતિ ગૌરવ” નો ઉચ્ચ ડીગ્રી એવોર્ડ શરૂ થાય કે સીવણ કેન્દ્ર કે હેલ્થ અગર નેત્રકેન્દ્ર શરૂ થાય ત્યારે મારા હૈયે જે ખુશી હશે તેને શબ્દોમાં કેવી રીતે કહી શકું ? હવે તો હું તમારા બીજા પત્રની વાટ જોઈશ.

 “વિશ્વનિર્માતા પ્રજાપતિ” ના અંકમાં અખિલ ગુજરાત પ્રજાપતિ સંઘના છેગે અને શ્રી પ્રજાપતિ કેળવણી મંડળ, પાલનપુર દ્વારા સંચાઓનું દાન તેમજ ક્રેચીઝનુ દાન અપાયુ તે સમયે પાડેલ ફોટાઓ સહીત વિગતો પ્રગટ થયેલ તે વાંચી આનંદ…અને પત્ર સાથે મોકલેલ કલર ફોટાઓ મોક્લ્યા તે બદલ આભાર. “વિશ્વનિર્માતા પ્રજાપતિ”મા આ હેવાલ વાંચી અનેક જ્ઞાતિજનોને દાન-સહકાર આપવા પ્રેરણા મળે એવી આશા ભરી પ્રાર્થના.

 અમેરિકાના ભુતપુર્વ પ્રમુખ અબ્રાહમ લિંકનની ૨૦૦મી જન્મ જયંતિ નિમિતે તમો પ્રોજેક્ટ, પ્રદર્શન વિગેરેનું આયોજન કરી રહ્યા છે તેનો આનંદ. બાળકોને પ્રેરણા મળે એવી આશા. અમેરિકામાં કંઈક પ્રવ્રુતિઓ હશે તો જાણ કરીશ. સૌને યાદ.

લી. ચંદ્રવદનભાઈ ના જયશ્રીક્રુષ્ણ સહીત જયજલારામ.

શ્રી પ્રજાપતિ વિદ્યાર્થી આશ્રમ, નવસારી સાથે કરેલ પત્રવ્યવહાર

તા. ૦૯/૦૫/૦૭

સ્નેહીભાઈશ્રી ચંદ્રવદનભાઈ તથા કમુબેન,

 લી. પ્રજાપતિ વિદ્યાર્થી આશ્રમ નવસારીથી સંસ્થાના પ્રમુખ બાલુભાઈ, ઉપપ્રમુખ નગીનભાઈ, નાથુભાઈ, મંત્રીશ્રી હરીભાઈ, ટ્રસ્ટીમંડળના સભ્યો, કારોબારી સભ્યો તથા છાત્ર-છાત્રઓના સ્નેહવંદન સ્વીકારશો.

 તમારા તા. ૩૧/૦૧/૦૭ તથા ૨૧/૦૩/૦૭ના બંન્ને પત્રો મળ્યા છે. શ્રી જગદીશભાઈ ભીખાભાઈ મીસ્ત્રી વેસ્મા દ્વારા મોકલેલ રકમ રૂ. ૨૫,૫૦૧/-મળ્યા છે. જેની રસીદ નં. ૦૧૪૬૦૦ તા ૧૫/૦૩/૦૭ શ્રી જગદીશભાઈને આપવામાં આવી છે. આપના વખતો વખતની અમૂલ્ય દાન બદલ સંસ્થા આભાર માને છે. સંસ્થાને મળતું કોઈ પણ નાનું મોટું દાન સંસ્થાને મન બહુ મોટી અમીરાત છે.

 લી. બાલુભાઈ  લાડ

પ્રમુખશ્રી, શ્રી વિદ્યાફંડ વ્યવસ્થાપક કમિતિ,

નવસારી.

શ્રી બાલુભાઈ વી. લાડ

પ્રમુખશ્રી, શ્રી વિદ્યાફંડ વ્યવસ્થાપક કમીટી

શ્રી પ્રજાપતિ વિદ્યાર્થી આશ્રમ

નવસારી  ગુજરાત

                                                                   તારીખ એપ્રિલ  ૧૫,૨૦૦૮

સ્નેહીશ્રી બાલુભાઈ, તેમજ શ્રી પ્રજાપતિ વિદ્યાર્થી આશ્રમ, નવસારીના સર્વ કાર્યકર્તાઓ,

 લી. લેન્કેસ્ટર, કેલીફોર્નીયા, યુ.એસ.એ.થી ડો. ચંદ્રવદનભાઈના સ્નેહવંદન. અમો કુશળ, તમો સૌ કુશળ હશો :

 થોડા દિવસો પહેલા જ તમોને એક પત્ર લખ્યો. તે પહેલા આશ્રમ સાથે મારો પત્ર વ્યવહાર અનેક વર્ષોથી ચાલુ છે. જ્યારે જ્યારે આશ્રમ દ્વારા કંઈક શુભકાર્ય કે પ્રવ્રુતિઓ થઈ ત્યારે મેં હંમેશા ખુશી અનુભવી છે.

 આશ્રમે સુધારા માટે કે પછી બીજા વિષયો પર મેં મારા વિચારો હંમેશા દર્શાવ્યા છે.જ્યારે જ્યારે આશ્રમ તરફથી દાન-સહકારની અપીલ થઈ ત્યારે મેં મારી શક્તિ પ્રમાણે સહકાર આપ્યોજ છે.અને ભવિષ્યમાં પણ આપતો રહીશ.

 બાલુભાઈ, તમોએ પણ મારા પત્રોનો જવાબ આપ્યો જ છે જેથી મને આનંદ થાય છે. આશ્રમે થતી પ્રવ્રુતિઓનું જાણી મને ખુશી થાય છે. આશ્ર\મ પ્રગતિના પંથે આગળ વધતો રહે એવી અંતરની પ્રાર્થના.

સૌ કાર્યકર્તાઓને યાદ,

લી. ચંદ્રવદનભાઈના સ્નેહવંદન

સમુહ લગ્ન મહોત્સવ

                    સમુહ લગ્ન મહોત્સવ આ જગના સંસારમાં એક પવિત્ર શુભ કાર્ય છે. માનવી તરીકે જન્મ લેતા નર-નારીનુ સ્વરૂપ સહીત સંતાન સુખનુ ભાગ્ય પણ માનવીના નસીબે આવ્યુ. સંતાનો યોગ્ય વયના થતા દરેક માતા-પિતાની ફરજ સંતાનોના લગ્ન કરવા એ એક કર્તવ્ય બની જાય છે.એ કર્તવ્ય પાલન એટલે લગ્ન મહોત્સવ.

 ઉપર મુજબ ઉલ્લેખ કર્યો તે પ્રમાણે એક માનવી તરીકે વ્યક્તીગત ફરજ રૂપે લગ્નનો અવસર આવે કિન્તુ, જ્યારે એ પવિત્ર

કાર્યને એક સમુહ કાર્યરૂપે ગણી સમુહ લગ્ન મહોત્સવ થાય ત્યારે આ શુભકાર્યનો મહિમા અનેક ગણો વધી જાય છે.

 લગ્ન પ્રસંગ એટલે સ્ત્રી-પુરૂષનું વીધીસર કાયદેસર થયેલું મીલન. જેનો સ્વીકાર જ્ઞાતિ-સમાજ અને જગત કરે છે. માનવ જાતીની સફર જગતમાં શરૂ થઈ ત્યારથી જુદા જુદા રીતરીવાજો, પ્રાર્થના-પુજા સમાવેશ જગતના સર્વ ધર્મમા જોવા મળે છે. રીતરીવાજો ધીરેધીરે વધતા લગ્નના મુખ્ય હેતુ જરા ભુલાય ગયો છે. આ ઘટનાના કારણે વ્યવહારીક ચીજો, પૈસા તેમજ ભેટો વિગેરે પણ મહત્વ અપાય છે. જે થકી, લગ્ન પ્રસંગ એટલે ‘મોટા કર્ચ’નો દિવસ. જ્યારે ગરીબાય ઘરમાં હોય ત્યારે આ કર્તવ્ય પાલનની ઘડી માત-પિતા રૂપી માનવ હૈયે ઘણીજ ચિંતાઓ લાવે છે.

 ભારતમાં વધી જતા લગ્ન ખર્ચ અને પરિવારોમા મુંજવણો બારે જાણતા હોવા છતાં કોઈ એના સામે પડકાર કે ઉપાય લાવવા તૈયાર ન હતુ…કિન્તુ સમયના વ્હેણમાં કોઈક વ્યકતીએ કે જ્ઞાતિ સમાજે કંઈક સુધારો લાવવા નિર્ણય કર્યો અને આજે એના પરિણામે પ્રથમ સમુહ લગ્ન મહોત્સવ અને ત્યારબાદ અનેક મહોત્સવો શક્ય થયા. એ ખુબજ આનંદની વાત છે.

 અન્ય જ્ઞાતિમાં સમુહ લગ્ન મહોત્સવની શરૂઆત થતા, પ્રજાપતિ જ્ઞાતિને પણ કંઈક પ્રેરણા મળી. પ્રથમ,ઉતર ગુજરાતની પ્રજાપતિ સંસ્થાઓએ શરૂઆત કરી…ત્યારબાદ સૌરાષ્ટ્ર, મધ્ય અને દક્ષિણ ગુજરાતમાં પણ અનેક સમુહલગ્ન મહોત્સવો થઈ ચુક્યા છે. આજે, સમગ્ર ગુજરાતની પ્રજાપતિ જ્ઞાતિમા સમાજરૂપી સંસ્થાઓ દર વર્ષે સમુહ લગ્નમહોત્સવો કરે છે તે ખુબજ આનંદની વાત છે.

 સમુહલગ્નના કાર્ય માટે ગુજરાત કે અન્ય આજ્યમા કેન્દ્ર કે રાજ્ય સરકાર તરફથી સહકાર પણ મળે છે. “પ્રજાપતિ” માસીકમા વાંચ્યું કે મહારાષ્ટ્ર રાજ્યના સોસીયલ જસ્ટીસ ડીપાર્ટમેન્ટ તરફથી યોજેલ અનેક સમુહ લગ્નોમા ‘પરણેલા ફરી પરણ્યા” અને “લગ્ન ખર્ચની ચીજોમા ભાવ વધારો” વિગેરે ઘટનાઓનું વાંચી હૈયે ઘણુંજ દુ:ખ થયુ. અહી થયેલ ભ્રષ્ટાચારમાં માનવ સ્વાર્થ અને લોભ સમાયેલ છે. આ ઘટના પ્રજાપતિ સમાજ રૂપી સંસ્થાઓ માટે એક ચેતવણી છે. પ્રજાપતિ સમાજ સંસ્થા જ્યારે પણ સમુહ લગ્ન મહોત્સવ કરે ત્યારે સમાજ કાર્યકર્તાઓ સચ્ચાઈના પંથ અપનાવી, સમાજના હિતનું ધ્યાનમાં રાખી, આ કાર્ય હસ્તે લેવાનો નિર્ણય કરીનેજ આ શુભકાર્ય આરંભ કરશે તો લગ્ન કાર્યની પવિત્રતા જળવાય રહેશે, જ્ઞાતિજનોને લાભ થશે અને પ્રભુની ક્રુપા સમાજ કાર્યકર્તાઓ તેમજ અન્ય પર વરસસે.

 અંતે મારે વધુમાં લખવું છે કે પ્રજાપતિ જ્ઞાતિ સમાજ રૂપી સંસ્થાઓ તેમજ વડીલો લગ્ન પ્રસંગના કાર્યને ઉંડાણથી તપાસી, ખોટા રીતરીવાજો નાબુદ કરે….કે જેથી લગ્ન પ્રસંગે ખર્ચ ઓછો, હૈયાના લાગણી ભાવો વધારે અને સાચા ભાવથી પ્રભુપ્રાર્થના ભરી પુજા વીધીઓ આવું પરિવર્તન જ્ઞાતિમાં જ્યારે પણ શક્ય થશે તો વ્યક્તીગત પરિવારીક લગ્ન કે સમુહ લગ્ન મહોત્સવ એક આનંદભરી ધન્ય ઘડી હશે.!

                                  ______

 આ ‘સમુહ લગ્ન મહોત્સવ“ નો લેખ મેં અખિલ ગુજરાત પ્રજાપતિ સંઘના મુખપત્ર “વિશ્વનિર્માતા પ્રજાપતિ“ મા તેમજ ગુજરાત પ્રજાપતિ સમાજના મુખપત્ર “પ્રજાપતિ“માં પ્રગટ કરવા મોક્લ્યો છે. પ્રગટ કરવાનો ફક્ત એક જ હેતુ કે જ્ઞાતિજનોમાં પ્રેમ, સહકાર ભાવના અને એકતા વધે.

                                                  ડો. ચંદ્રવદન મિસ્ત્રી.

                                 શ્રી ગણેશાય નમ: 

 

                                                                    તારીખ જાન્યુઆરી ૨૬,૨૦૦૮

સ્નેહી ખંડુભાઈ –  શ્રી ભુરીયા ફળીયા પ્રજાપતિ ટ્ર્સ્ટના પ્રમુખશ્રી, તેમજ ત્રુસ્તના સર્વ તેમજ ફળીયાના સર્વ. મુ. વેસ્મા

                    લી.લેંન્કેસ્ટરથી ચંદ્રવદનભાઈના સ્નેહવંદન સહીત જયજલારામ.

                    શ્રી ભુરીયા ફળીયા પ્રજાપતિ ટ્રુસ્ટ સાથે ઘણા વર્ષોથી હું પત્રવ્યવહાર કરતો રહ્યો છુ અને, આજે અનેક વિચારોનાં રહી આ એક પત્ર લખી રહ્યો છુ. આશા છે કે આ પત્ર તમો વાંચી, ટ્રુસ્ટની મીટીંગમાં પણ વાંચવા ક્રુપા કરશો.

                     ભુરીયા ફણીયાનો વહીવટ પહેલાં શ્રી ભુરીયા ફળીયા પ્રજાપતિ પંચ દ્વારા થતો. અને અત્યારે શ્રી ભુરીયા ફળીયા પ્રજાપતિ ટ્રુસ્ટ દ્વારા થઈ રહ્યો છે. અનેક વર્ષોના વહીવટમા ફળીયામા અનેક પ્રવ્રુતિઓ થઈ ચૂકી છે એ ખુબજ આનંદની વાત છે.

                     અનેક વર્ષો પહેલા વેસ્મા ગામના સર્વ પ્રજાપતિ કુટુંબો ભુરી ખાડી વિસ્તારે રહેતાં હતા. સંજોગો કારણે સો વર્ષો કે વધુ સમય પહેલા ભુરી ખાડી છોડવાનો સવાલ આવેલ ત્યારે થોડા કુટુંબો અત્યારના ફળીયાના વિસ્તારે સ્થાયી થતા ભુરીયા ફળીયાનો જન્મ થયેલ , અને બીજા પ્રજાપતિ કુટુંબોએ “નવું ફળીયુ” શરૂ કરેલું. અને, પ્રથમ શરૂઆતમાં ફળીયામાં કાચી માટીના મકાનો હતા. ધીરેધીરે પાકી ઈંટની દિવાલો તેમજ નળિયાવાળા ઘરો બંધાયા અને, ત્યારબાદ હવેલી જેવું મકાન પણ ફળીયે થયુ. આજે તો અનેક નવા પાકા મકાનો ફળીયાની શોભા વધારે છે. આ પ્રમાણે ઘરોનો સુધારો થયો તે દરમ્યાન નાનુ ખોડીયાર માતાના મંદિરમાં થી આજે એક ભવ્ય મંદિર ફળીયા નાકે ફળીયાની શોભા વધારે છે.

                      ફળીયાની શરૂઆતમા ફળીયા નાકે મંદિર સામે ખુલ્લી જમીન પંચના હક્કે હતી…ત્યાં આજે ભુરીયા ફળીયા પ્રજાપતિ ભવન છે. એની બાજુના બે ગાળા જમીન ના ઘરો તોડી એક સુંદર “બાળભવન”નુ મકાન છે અને એની સામે સ્વ. નથ્થુ વસંતજી મિસ્ત્રી પરિવારની શુભભાવના કારણે એક સુંદર “બાળવિહાર” શોભે છે. આ બધુ કાર્ય થયું તે દરમ્યાન ફળીયે એક “વારીગ્રહ”દ્વારા નળનું પાણી ઘરે ઘર મળે છે. આજે, ફાનસ દિવાની જગ્યાએ વિજળી-યાને ઈલેક્ટ્રીક લાઈટથી ઘરે ઘરે પ્રકાશ છે. આ બધી પ્રગતિઓમાં સમાયેલ છે “બાળમંદિર” ની ગૌરવભરી કહાણી.

                       ઉપર ઉલ્લેખ કર્યો તે બારે થોડુ વધુ લખવુ છે. જ્યારે હું નાનો હતો ત્યારે ફળીયા નાકે પંચની ખુલ્લી જમીન હતી તે મે પોતે નિહાળી હતી….ત્યારે સાંભળ્યુ હતું કે પ્રજાપતિભવન કે હોલ જેવુંકંઈક બાંધવુ- પણ અનેક વર્ષો વીતી ગયા છતાં આ સ્વપન જેવો વિચાર સાકાર થયો ન હતો. ૧૯૭૫ માં હું ભારત આવ્યોત્યારે સ્વ.પરસોતમભાઈ સુખાભાઈ મિસ્ત્રી ફળીયે રહેતા હતા. એક દિવસ ફળીયાના રહીશો ભેગા બેઠા હતા ત્યારે ફરી આ પ્રજાપતિભવન ની ચર્ચા થતા, અને પ્રભુની ક્રુપાથી ત્યાં આજે “પ્રજાપતિભવન”નું સુંદર મકાન છે…ત્યારબાદ પ્રભુની ક્રુપાથીજ “બાળભવનનું ભવ્ય મકાન ફળીયે છે. પણ, જ્યારે કંઈ કરવાનો પ્રશ્ન આવે ત્યારે સ્વાભાવિક છે કે આટલો બધો ખર્ચ કરી જે જે કંઈ શક્ય થશે તેની સંભાળ કોણ રાખશે ? આવા વિચારમાં ડૂબી ન જતા પ્રભુનામે હિમ્મત મેળવતા અશક્ય કાર્ય શક્ય થાય છે. આ એક હકીકત છે.અને એના પૂરાવા રૂપે ફળીયે બાળભવન અને પ્રજાપતિભવન છે.

                  હવે, આપણે ફરી ફળીયે નજર કરીએ તો ફળીયે ઘણીજ પ્રવ્રુતિઓ થઈ ચુકી છે. કોઈ આ બધુ નિહાળી અનુમાન કરે કે હવે કંઈ વધુ કરવાની જરૂર નથી. તો, કોઈ એવું અનુમાન કરે કે જે છે તેમાં ઉમેરો કરી ફળીયે વધુ પ્રગતિ કરીયે. આવા વિચારો દ્વારા જ “મનોરંજનહોલ” તેમજ “ગેસ્ટરૂમો” બાંધકામનો જન્મ થયો છે. આજે ટ્ર્સ્ટ દ્વારા એ બારે વધુ ચર્ચા પણ થઈ ચુકી છે અને કાચુ પ્લાનીંગ પણ થઈ ગયુ છે અને ફરી સવાલ આવે કે આવા ભગીરથ કાર્ય માટે પૈસા ક્યાંથી હશે ? આ પ્રશ્નમા ડુબી નિરાશાના પંથે જઈ શકીયે કે પછી આગેકુચ કરવાનો નિર્ણય કરી આશાના કિરણો તરફ વળીયે. શું કરવું એ તો ફળીયાની ટ્રસ્ટ તેમેજ ફળીયા રહીશો જ નિર્ણય લઈ શકે. કિન્તુ, જો નિર્ણય કરી આવું કાર્ય હાથે ઉપાડે તો બે પરીણામો હોય શકે :-

        (૧) દાનની યોજના સાથે પત્રીકા પ્રગટ કરી મકાનનુ પ્લાનીંગ સર્વેને મોકલે…કોઈને

               પ્રભુ પ્રેરણા આપે તો મોટું દાન જલ્દી મળી જાય તો આ કાર્ય સફળતા સાથે ટૂંક    સમયમાં શક્ય થાય.

         (૨)   ઉપર મુજબ, આગેકુચ કરે તો મોટુ દાન જલ્દી ના મળે પણ નાની રકમના દાનો દ્વારા કંઈક મોટુ ફંડ થાય અને પાછળથી કોઈને પ્રભુપ્રેરણા મળતા મોટા દાન મળવાની પણ શક્યતા જાગ્રુત રહે….ધીરે ધીરે કાર્ય પુર્ણ થાય કે પછી…કોઈનો પુરતો સહકાર ન મળે અને જે કાર્યની આશા હતી તે પ્રમાણે શક્ય ન બને.

              ઉપર મુજબ કાર્ય દ્વારા મનોરંજન હોલ થાય તો જે પ્રજાપતિ વદીલો દ્વારા ફળીયુ બનેલુ તેઓના ફોટા હોલમાં મુકી સૌની અમરતા ભરી યાદ ફળીયે હંમેશા રહે અને હોલમા અનેક કાર્યો/કાર્યક્રમ કરી આપણે સફળતાને ચાખતા રહીયે. આટલુ લખ્યુ તેમ છતાં છેલ્લે લખવુ છે કે માતાજી-પ્રભુની ક્રુપા હશે તો આ કાર્ય જરૂર થશે.

               હવે, મારે એક બીજો વિચાર દર્શાવવો છે. જ્યારે બાળભવનનું મકાન થયું ત્યારે ‘બાળમંદિર’ સાથે ‘પુસ્તકાલય’ કરવાનો વિચાર હતો. મારા માતુશ્રી તેમજ મોટાભાઈ છગનભાઈ ના નામે જમીન સાથે થોડી રકમનું દાન પણ ટ્રસ્ટને મળ્યું હતુ.ઈચ્છા પ્રમાણે એક બાજુ પુસ્તકાલય (નાનુ) ચાલે. અત્યારના હોલમા નીકળીજાય તેવું પાર્ટીશન જેવું હોય જે થકી જરૂરત પ્રમાણે પાર્ટીશન કાઢી મોટો હોલ હોય… ૨૦૦૬ માં હું વેસ્મા આવ્યો ત્યારે ફળીયે અત્યારનો જે પ્રમાણે હોલ છે તે નિહાળતા અનુમાન કર્યું કે એક દિવાલ પર તકતીઓ છે જેથી આ હોલનો પુસ્તકાલય રૂપે ઉપયોગ શક્ય ન હોય શકે. આથી મેં વધુ વિચારો કર્યા અને નીચે મુજબ મારો અભિપ્રાય છે.

(૧) જો મનોરંજન હોલ નો પ્રોજેકટ હાથ પર ના લેવાય તો અત્યાર”પ્રજાપતિભવન”

     ના રૂમો છે તેમાં એક જગ્યાએ કબાટો રાખી કામચલાવ પુસ્તકાલય શરૂ કરાય કે જેનો લાભ ફળીયાવાસી લઈ શકે. અહીં કાંઈ મોટા પુસ્તક સંગ્રહની જરૂર નથી. ફક્ત “પ્રજાપતિ ઈતિહાસ” લગતા અને થોડા ધાર્મીક પુસ્તકો વગેરે હોય તેમજ ન્યુઝપેપર/માસીકો વાંચવાની તક મળે

(૨)   જો મનોરંજન હોલનું કાર્ય હાથ પર લેવાય તો પુસ્તકાલય (નાનુ રૂમનુ) આ પ્રમાણે

(a) અત્યારે બાળભવનના હોલની પાછળની હદ બહાર એક બાજુ નાનો રૂમ હોય જેને પુસ્તકાલયનું નામ કરણ મળે.

(b) ઉપર મુજબ ન કરવું હોય તો, અત્યારના હોલના આગળના ભાગે જે હોલવે/વરંડો છે ત્યાં એકબાજુ બંધ કરી એક રૂમ જેવું હોય જ્યાં પુસ્તકો તેમજ ટેબલ ખુરશીઓ હોય.

ઉપર મુજબના વિચારો પર ટ્રસ્ટ વિચારણા/ચર્ચા કરે એવી આશા.

              અંતે એક બીજો વિચાર લખવો છે.જે બારે મેં ટ્રસ્ટને ઉલ્લેખ કર્યોજ છે. એ વિચાર છે શ્રી પ્રજાપતિ સમાજ, વેસ્મા નામે ભુરીયા ફળીયા તેમજ નવા ફળીયા બે વચ્ચે સંપ/વાર્તાલાપનો સેતુ. અસલ ભુરી ખાડીના રહીશો એ થકી એકતાના સુત્રે રહે અને અત્યારના બે ફળીયાની સ્વતંત્રતા પણ ન ગુમાવે. આવુ કંઈ શક્ય થશે તો મને ઘણોજ આનંદ થશે. આ વિચાર બારે જરૂરથી ફળીયાની મીટીંગે ચર્ચા કરશો, અને આશા રાખુ છુ કે નવા ફળીયે પણ એ બારે ચર્ચા થાય. બે ફળીયા એકમત થાય તો આ કાર્ય પણ શક્ય હોય શકે !

                અંતે મારે એટલુંજ લખવુ છે કે ફળીયા વાસી કદાચ એવા વિચારમા પડી ગયા હશે, કે આ વ્યક્તી (હું) તો ફળીયે રહેતો નથી તેમ છતાં શા માટે ફળીયામા શું અને શુ નહી ભર્યા અભિપ્રાયો જણાવે છે. તો એના જવાબ રૂપે એકજ વાક્ય લખવું છે :- મારો જન્મ ભુરીયા ફળીયે થયો હતો અને ફળીયા માટે મારા હૈયે ઘણોજ ઉંડો પ્રેમ છે એટલા માટે હું મારા વિચારો દર્શાવતો રહ્યો છુ અને દર્શાવતો રહીશ.

                ખંડુભાઈ, મનોરંજન હોલ/ ગેસ્ટ રૂમોનો પ્રોજેક્ટ કરવો કે નહી એ બારે તો ટ્રસ્ટ/ફળીયાના રહીશોજ નિર્ણય લઈ શકે. જે કંઈ નિર્ણય લેવાય તેની જાણ જરૂરથી કરશો. આ મારો પત્ર એક ઓફીસીયલ ( Official ) પત્ર તરીકે ગણી ટ્રસ્ટની મીટીંગે જરૂરથી વાંચશો એવી નમ્ર વિનંતી.

ટ્રસ્ટના સર્વને વધુ ઉત્સાહથી ફળીયાના કાર્યો કરવા પ્રભુ શક્તિ બક્ષે : ફળીયાના સર્વ જ્ઞાતિજનોને મીઠી યાદ.

         લી.

ડો. ચંદ્રવદન મિસ્ત્રીના જય જલારામ

* જરૂરથી આ પત્ર મળ્યા બાદ, મીટીંગમાં ચર્ચા થયા બાદ મને એક સંસ્થા તરફથી પત્ર જવાબ રૂપે લખશો.

વેસ્મા ગામે અત્યારે શ્રી ભુરીયા ફળીયા પ્રજાપતિ ટ્રસ્ટ નામે સંસ્થા ચાલે છે. એ પહેલાં ટ્રસ્ટને બદલે ફળીયા પંચ તરીકે વહીવટ થતો.

ભુરીયા ફળીયામાં મારો જન્મ થયો હતો અને ૩૦-૩૫ વર્ષથી હું સમય સમયે પત્ર વ્યવહાર કરતો રહુ છુ અને મારા વિચારો દર્શાવતો રહું છુ. જાન્યુઆરી ૨૬,૨૦૦૮ ના રોજ લખેલ પત્રની કોપી અહીં પ્રગટ કરી છે.

ડો. ચંદ્રવદન મિસ્ત્રી   

ચન્દ્રકાંતભાઈ લાડ
એક્ઝુકેટીવ ડાયરેક્ટર અને કમીટી સભ્ય
શ્રી પ્રજાપતી એજ્યુકશનલ ફાઉન્ડેશન
કાલગરી આલબ્રટા કેનેડા.
સ્નેહી ચન્દ્રકાન્તભાઈ,
           લી. લેન્કેસ્ટર કેલીફોર્નિઆથી ચન્દ્રવદનભાઈના નમસ્તે.
તમારી ચાલી રહેલ સંસ્થાની સ્થાપના થઈ એ જ આંનદની વાત છે. આ કાર્ય શક્ય કરવા માટે તમારો ફાળો ઘણ છે.
ડીસેમ્બર ૨૦૦૬માં બીલીમોરા ગુજરાતમાં પ્રથંમ પ્રજાપતી (દક્ષિણ ગુજરાત )આંતરરાશ્ટ્રીય મહોત્સવ શક્ય થયો તે માટે પણ તમારો ફાળો અગત્યનો છે. તમારી સંસ્થા દ્વારા દક્ષિણ ગુજરાતના પ્રજાપતી બાળકોને શિક્ષણ માટે સહકાર ઉત્તેજન મળી રહ્યું છે એ આંનદની વાત છે. આ શુભ કાર્ય થતું રહે એવી પ્રાથના.
ચન્દ્રપુકાર નામે એક વેબસાઈટ છે જે પર પધારવા ભાવભર્યુ આમંત્રણ છે.
લી. ચન્દ્રવદનભાઈ

Chandrakantbhai This is my 1st coommunication  (official ) to SPEF of Canada. It is in Gujarati & I hope you can see the message.

 

તારીખ; મે ૮ ૨૦૦૮
નાથુભાઈ મિસ્ત્રી
પ્રમુખ પ્રજાપતી એસોસીએશન
પોસ્ટ બોક્ષ ૧૦૦૭
મેરીટન ન્યુ જર્સી અમેરીકા
સ્નેહી નાથુભાઈ..
         લી. લેન્કેસ્ટરથી ચન્દ્રવદનભાઈના નમસ્તે…
તમારી સાથે અનેક વાર ફોન કે ઈમેઈલથી ચર્ચા થઈ છે કિન્તુ તમારી સંસ્થા સાથે આ મારો પ્રથંમ પત્ત્રવ્યવાર છે.
તમારી સંસ્થા અનેક વર્શોથી ચાલે છે અને જે થકી પ્રજાપતીજનો સમુહમિલને મળી  આંનદ અનુભવી શકે છે. તમારો પ્રેમ સંપ વધે એવી પ્રાથના.
આપણે સૌ જેઓ અમેરીકામાં સ્થાયી થયેલા છે તેઓ સૌનો વંશવેલો ગુજરાતમાં શરુ થાય છે. ગુજરામાં રહેતા પ્રજાપતીજનોને આપણે ભુલી ના જઈએ એ  અગત્યનું છે. ગુજરાતમાં શિક્ષણ ઉત્તેજન કે અન્ય સહકાર આપવા આપણા ભવિષ્યના પ્રયાશો હશે એવી આશા.
ચન્દ્રપુકાર નામે એક વેબસાઈટ શરુ કરી છે તો એ પર પધારવા સૌને આમંત્રણ. એ સાઈટ પર પ્રજાપતી સમાજ નામે એક વિભાગ છે…તમે પધારી તમારા અભીપ્રાયો આપશો એવી આશા.
લી. ચન્દ્રવદનભાઈ

Nathubhai..This is my 1st communication (official ) with your Prajapati Samaj. I had coveyed my best wishes to you all & made a suggestion for keeping our community members in our minds so that we can think of some assistnce to them.

I also took the opportunity to introduce ALL to my website for FUTURE DISCUSSINS.

With Regards…..Chandravadanbhai

 

તારીખઃ મે ૯ ૨૦૦૮
નવયુગ પ્રજાપતિ સમાજ,
પ્રમુખ,નારણભાઈ લાડ
મહાત્મા ગાંધી રોડ
બારડોલી જિલ્લા;સુરત ગુજરાત
સ્નેહી નારણભાઈ,….તેમજ મંત્ત્રી શંકરભાઈ તેમજ અન્ય કાર્યકર્તાઓ.
           લી. લેન્કેસ્ટર,કેલીફોર્નીઆ અમેરીકાથી ચન્દ્રવદનભાઈના નમસ્તે.
આ મારો પ્રથંમ પત્ર છે જે મળતા અને વાંચતા અચંબો થશે.
ડીસેમ્બર ૨૦૦૬માં બીલીમોરામાં પ્રથંમ પ્રજાપતિ આંતરરાષ્ટ્રીય મહોત્સવ થયેલ તેની પુસ્તીકા વાંચતા તમારી સંસ્થાની વિગતો વાંચી આ પત્ર લખવા વિચાર કર્યો છે.
તમારી સંસ્થા પ્રજાપતિજનોના લાભ માટે સમુહલગ્ન મહોત્સવો, શિક્ષણ ઉત્તેજન વિગેરે પ્રવ્રુતીઓ કરે છે તે આંનદની વાત છે. સંસ્થા દ્વારા પ્રેમ સંપ વધે અને તમે વધુ પ્રગતીઓ કરો એવી મારી પ્રાથના.
ચન્દ્રપુકાર નામે એક વેબસાઈટ શરુ કરી છે જેમા પ્રજાપતી સમાજ નામે એક વિભાગ છે. તો શક્ય હોય જરુરથી એ પર પધારી તમારા અભીપ્રાયો જરુરથી આપશો.
લી, ચન્દ્રવદનભાઈ.

Naranbhai…This is my 1st official communication with your Samaj & I covey my BEST WISHES to you all. I have also sent you the INVITATION to visit my website & view the Prajapati Samaj Section & if possible post your comments on the site. PLEASE inform of this site to others,

www.chandrapukar.wordpress.com

Yours, Chandravadanbhai

                                                             

 તારીખ; મે ૨૧ ૨૦૦૮
સંદીપ બુધીઆ
પ્રમુખ પ્રજાપતી એસોસીએશન સથ્રન કેલીફોર્નીઆ
કેલીફોર્નીઆ અમેરીકા
પ્રિય સંદીપ…તેમજ સંસ્થાના સર્વ કર્યકર્તાઓ..
          લી. લેન્કેસ્ટરથી ચન્દ્રવદનભાઈના નમસ્તે.
          આપણી પ્ર્જાપતી સંસ્થાની સ્થાપ્ના ૧૯૯૩ જન્યુઆરીમાં થઈ ત્યારે મને કંઈક ફાળો આપવાની તક મળી હતી તે માટે હું પ્રભુનો પાડ માનું છું. આજે આપણી સંસ્થાએ ૧૫ વ્રષ પુરા કર્યા અને સારી રીતે ચાલી રહી છે એ જ ઘણા આન્નદની વાત છે.
          આપણી સંસ્થાએ એક વેબસાઈટ શરુ કરી એ પણ ખુશીની વાત કહેવાય.આ સાઈટ પર મેં બે શબ્દો મુકવાની તક લીધી હતી. જણાવવાનું કે મેં પણ ચન્દ્રપુકાર નામે એક વેબસાઈટ શરુ કરી છે તો આશા છે કે પ્રજાપતીબન્ધુઓ સાઈટ પર પધારી પજાપતી વિભાગે વાંચી એમનો પ્રતીભાવ જરુરથી મુકશે. આવા વિચારો દ્વારા આપણી અને બીજી પ્રજાપતી સંસ્થાઓ આપણા ગુજરાતના પ્રજાપતી બન્ધુઓ માટે સહકાર આપવા પ્રેરણા મેળવે.
         ગિજરાતમાં તેમજ મુંબઈમાં પ્રજાપતી સંસ્થાઓના માસીકો પ્રગટ થાય છે તેમા સમય સમયે મેં આપણી સંસ્થા બારે માહિતીઓ પ્રગટ કરી છે અને ભવિષ્યમાં પણ પ્રગટ કરતો રહીશ્.
 લી.ચન્દ્રવદનવભાઈ

Dear Sandip….This is my 1st official communication with PASC in Gujarati. In this communication I had expressed my joy at the establishment of PASC officially in January 1993 & that our Assocaition had completed 15 years.I mentioned of visitng PASC website at>> www.pascofla.org   I hope many of the community members visit this site & leave their comments. I also hoped that we all get the inspirations to assist our Prajapati community members of Gujarat.

With Regards,…..Chandravadan (Kaka )

Chandravadanbhai Website – Dinesh Mistry proposal for the intro text for Prajapati Vyavehar Section of the Chandrapukar website:

OVERVIEW:

As parts of this section of my ‘Chandrapukar’ website is written in Gujarati, some of you may find difficulty understanding my thoughts fully. Therefore, I am writing this overview in English.

Whilst I may give you a ‘Birds-Eye View’ of this section, it is my opinion that those of you who are unable to read Gujarati, should view the website with the help of a friend, who could read Gujarati and who may convey the messages related to the Prajapati Community.

This section named ‘Prajapati Patra Vyavehar’ (Prajapati Correspondence), is a record of my correspondences over the years with the many Prajapati organisations around the globe; particularly Gujarat India, Mumbai, UK etc. As you read the correspondences, you are made aware of my feelings and deep love for the Prajapati Community at large. Along with the publications of my letters, I have also published my Kavyo (Poems), Lekho (Short Articles) on this website.

My intention is that any Prajapati Community member visiting the ‘Prajapati Vyavehar’ section of the website will learn about the activities amongst the Prajapati Organisations around the globe, their individual thoughts and issues that may either come to surface either now or has always been there, but never raised as topics for debate in public domain. As a result it is hoped that visiting community member will be inspired and proud to be a Prajapati. And God willing, if atleast one Prajapati member will get the desire to assist the needy within our community, or that if one reader to this website will feel this way, then I will be the happiest person and will thank God for that transformation.

Your Points of View!

Now that I have laid the foundation, let me invite you all to visit the ‘Prajapati Patra Vyavehar’ section of the Website to give your comments about activities of Prajapatis, your Points of View on how we can uplift the Prajapati Community as a whole, and jointly focus our efforts for the needy in India where our roots are!

Let me open up the debate by suggesting a few areas which we can explore:

1.      Education Assistance

2.      Medical / Health Related Assistance

3.      Widow Assistance

4.      Handcraft / Technical Assistance, eg Sewing Machine Donations

5.      Other Assistance as suggested

Now, the stage is set. The floor is open for debate. I look forward to your points of view.

 

Dr Chandravadan Mistry