સંસારમાં ગુરૂની શોધ !

ડિસેમ્બર 3, 2013 at 1:02 એ એમ (am) 12 comments

સંસારમાં ગુરૂની શોધ !

સંસારમાં ના શોધો જીવતા જાગતા કોઈ ગુરૂ,

કળિયુગમાં અનેક ઢોંગીમાંથી મળશે કેમ એક સદગુરૂ ?  …….(ટેક)

ગીતા કે ગ્રંથો કહે ગુરૂ વગર જ્ઞાન નહી,

એવી ઘડીએ આશાઓ જાગે ગુરૂ તણી,

ત્યારે, મનને શાંત કરી, જગના જરા દર્શન કરો,

વહી દર્શનમાં પ્રભુ કે પ્રભુભક્તોનો જરા વિચાર કરો,…..સંસારમાં….(૧)

ભગવા કપડા કે તિલક માળાથી ના હોય ગુરૂ,

અતિ લોકો પ્રભાવિત હોય તો પણ ના હોય એ ગુરૂ,

તો, જરા થોભી, અંતરમાં ડુબકી મારી જરા વિચાર કરો,

વહી વિચારમાં પ્રભુ કે થઈ ગયેલા ભક્તોનું મનન કરો,…..સંસારમાં…..(૨)

જીવન ચરિત્ર ભક્તોનું નિહાળવા તમે પહેલ કરો,

અનેક ભક્તોમાંથી એકથી આર્કશાય તો એને જ ગુરૂ ગણો,

જે થકી, જનસેવા કે પ્રભુગુણલા જો તમ મનથી વહે,

તો, એવા મનપરિવર્તનમાં ગુરૂ દર્શન રહે !…..સંસારમાં ……(૩)

પ્રભુભક્તોને એક ગણતા, કોઈ ગુરૂ જો ના મળે,

તો, અંતર આત્માને મન ગુરૂ વિષે પ્રષ્ન કરતું રહે,

પ્રભુ કહેશે “હું જ છું ગુરૂ” શાને શોધે ગુરૂ સંસારમાં ?

ત્યારે, પ્રભુને ગુરૂ માની જીવન સફર કરો આ સંસારમાં !…..સંસારમાં…(૪)

કબીરે કહ્યું બુરાની શોધમાં ના મળે બુરા કોઈ,

પોતાને જ બુરા સમજી, સર્વ સારા ‘ને બુરા ના કોઈ,

એવી સમજમાં સર્વજીવમાં પ્રભુ નિહાળવાનું શીખવું,

તો, સર્વમાં કાંઈક “ગુરૂતત્વ” સમજી સ્વીકારવું,…..સંસારમાં …..(૫)

સંસારી જીવનમાં ચંદ્રે તો જીવતા જાગતા ગુરૂની શોધને છોડી,

“જલારામ”ને ગુરૂપદવી અંતર ખોલીને એણે દીધી,

જેના હૈયે “પ્રભુગુણલા” તે સૌને ગુરૂ સમાન એ ગણે,

ના જોય બુરૂ અને ફક્ત ભલું નિહાળી સૌને એ વંદન કરે !…સંસારમાં…..(૬)

કાવ્ય રચના ઃ તારીખ ડીસેમ્બર,૨,૨૦૧૩ ચંદ્રવદન

બે શબ્દો…

આજની કાવ્ય-પોસ્ટ છે “સંસારમાં ગુરૂની શોધ”.

આ પહેલા પોસ્ટ હતી જગતગુરૂ કૃપાલુજી મહારાજ વિષે.

એ પોસ્ટ માટે પ્રતિભાવો મળ્યા તેમાંથી એક પ્રતિભાવ દ્વારા જુદા દર્શનની વાત હતી. અને એક ચેતવણીરૂપે “અનેક ઢોંગીઓ ” ગુરૂપદ લઈ અનેકને ઠગે છે.

આ પ્રતિભાવો વાંચ્યા બાદ, મારૂં મન પણ અનેક વિચારોમાં હતું.

આ કળિયુગમાં “સાચા ગુરૂ” મેળવવા કઠીન બની જાય છે.

ત્યારે, હું એટલું જ કહું કે ગુરૂ સ્વીકાર માટે “જીવતા જાગતા” માનવની જગાએ પ્રભુધામે ગયેલા “પ્રભુભક્તો કે સંતો” પણ ગુરૂ હોય શકે. એવા મહાન માનવીના જીવનમાંથી અપવાવી સંસારમાં આગેકુચ કરી શકાય છે.

મેં પણ ગુરૂ શોધમાં “જલારામ”ને મારા ગુરૂ સ્વીકાર્યા છે.

આ ગુરૂતત્વનો મહિમા ગીતા અને ગ્રંથો કહે છે અને એથી જ આપણા ધર્મે “ગુરૂ”ની શોધમાં સૌ રહે છે.

કોઈની આ શોધ “સાચા ગુરૂ” પાસે લઈ પણ જાય છે અને અનેક “ખોટી ગુરૂચાલ”માં ફસાય પણ જાય છે.

આ પોસ્ટ પહેલા “ગુરૂ-તત્વ”ની સમજ આપવા મેં બે પોસ્ટો પ્રગટ કરી હતી તે નીચેની “લીન્ક” દ્વારા તમે ફરી વાંચી શકો છો>>>>

https://chandrapukar.wordpress.com/2013/11/05/%e0%aa%97%e0%ab%81%e0%aa%b0%e0%ab%82-%e0%aa%ae%e0%aa%b9%e0%ab%87%e0%aa%95/

https://chandrapukar.wordpress.com/2013/07/22/%e0%aa%97%e0%ab%81%e0%aa%b0%e0%ab%82%e0%aa%a4%e0%aa%a4%e0%ab%8d%e0%aa%b5-%e0%aa%ae%e0%aa%b9%e0%aa%bf%e0%aa%ae%e0%aa%be/

આજના કાવ્યમાં કબીરવાણીને ધ્યાનમાં લઈ, જગતમાં બુરાની શોધ કરતા “બુરા ના મીલા કોઈ” અને અંતર-આત્માને પૂછતા ” મુજસે બુરા ના કોઈ” ની સમજ મળી તેનો ઉલ્લેખ કર્યો….અને, અન્ય રીતે ગુરૂ પામવા માટે માર્ગદર્શન દેવાની તકો લીધી.

આશા છે આ “સંદેશો” અને “કાવ્ય રચના” બંને તમોને ગમે !

ડો. ચંદ્રવદન મિસ્ત્રી.

 FEW  WORDS…

In this Modern Age ( Kaliyug) it is difficult to find a TRUE GURU.

There are many who make the claim as the GURU….And in reality, they “do not practice what they preach” and are often on the path to CHEAT the Public.

When one wishes for a GURU….he/she can one desired in the SAINTS or the GOD’S DEVOTEES (BHAKTO)….Leading the Life on this ADOPTED GURU’S LIFE, one can march towards the SALVATION. If one does not find a Guru in the World then make GOD your Guru & march forward on this Earth.

If one is claiming as the Guru & CHEATING God will be the witness to his/her Acts…Just see GOOD in ALL. All SOULS are PURE !

Dr. Chandravadan Mistry

Advertisements

Entry filed under: કાવ્યો.

જગતગુરૂ કૃપાલુજી મહારાજને મારી વંદના !…My Salutations to Jagadguru Kripaluji Maharaj ! નેલસન મેંડેલાને અંજલી !

12 ટિપ્પણીઓ Add your own

  • 1. pragnaju  |  ડિસેમ્બર 3, 2013 પર 1:30 એ એમ (am)

    તમારે ગુરૂ શોધવાની જરુર નથી.

    સાધનાથી લાયક થાવ.ગુરૂ તમને શોધતા આવશે.

    સંસારસાગરમાં આપણી નૌકાને સહી-સલામત કિનારે પહોંચાડવાનું કાર્ય સદગુરુ કરે છે. જેવી રીતે બ્રહ્મા સર્જન કરે છે. એવી જ રીતે ગુરુ સાચા શિષ્યનું સર્જન કરે છે. વિષ્ણુ ભગવાનની જેમ શિષ્યનું લાલન-પાલન કરે છે. શિષ્યને સાચા સદગુણો આપે છે અને શિવની જેમ શિષ્યની અંદર રહેલા દુર્ગુણોનો સંહાર કરે છે. આમ ગુરુ બ્રહ્મા-વિષ્ણુ-શિવ સ્વરૂપ છે.

    જવાબ આપો
  • 2. Vinod R. Patel  |  ડિસેમ્બર 3, 2013 પર 4:16 એ એમ (am)

    ચંદનમ્ શીતલમ્ લોકે, ચન્દનાત્ અપિ ચંદ્રમા,

    ચન્દ્ર-ચન્દનયોઃ મધ્યે શીતલા ગુરૂ સંગતિઃ .

    અર્થાત્ આ જગતમાં ચંદન શીતળ છે, ચંદન કરતાં ચંન્દ્રની ચાંદની વધારે શીતળતા આપે છે. ચંદન અને ચંન્દ્રની ચાંદની કરતાં પણ ગુરૂસંગતિ એટલે કે ગુરૂનો સહવાસ વધારે શીતળતા આપે છે.

    સંતવાણીમાં ગુરુ મહિમા –Niranjan Rajyaguru·

    જવાબ આપો
    • 3. Vinod R. Patel  |  ડિસેમ્બર 3, 2013 પર 4:23 એ એમ (am)

      ઉપર વિડીયોની લીનક બીજી અપાઈ ગઈ છે એને બદલે ખરી લીનક નીચે આપેલ છે .( ડો. ચંદ્રવદનભાઈ ઉપરની લીનક ડીલીટ કરશો )

      સંતવાણીમાં ગુરુ મહિમા –Niranjan Rajyaguru·

      જવાબ આપો
  • 4. Atul Jani (Agantuk)  |  ડિસેમ્બર 3, 2013 પર 5:30 એ એમ (am)

    સંસારે ગુરુના તોટા નથી, સઘળા જ્ઞાની હોતા નથી
    આપે પંગુ આપે અંધા, કેને બેસાડી લે જાય કંધા (૬૭)

    દોનું દિશાંધ ગુરુ શિષ્ય, ક્યાં જાવું કશું ન દીખ
    ધ્યેય પોતાનું ક્યાંથી જડે, સઘળા જઈ કુવામાં પડે (૬૮)

    ગુરુ તણા દાવે ગાજે, તેની પાસે ભુલે ન જાજે
    જ્યાં ગયે સરે ન કામ, જાવાનું ત્યાં ન લેવું નામ (૬૯)

    ગુરુ માને માલ મળશે, શિષ્ય માને કામ સરશે
    બંનેના ભાવ મેલા, પરસ્પરમાં ઠેલમ ઠેલા (૭૦)

    બનાવ્યું કાગજ કેરું નાવ, સૌને કહે અહીં તું આવ
    ભુલ્યો ભુલાને ભમાવે, બેઠાં સૌને સાથે ડુબાવે (૭૧)

    વ્યાસ થઈને વાતો કરે, પરિવાર તણું પેટ ભરે
    ગુરુ ગાદીએ ગરજે બહુ, જાણે બહેરા બેઠા સહુ (૭૨)

    ગળું તાણીને ગાજે બહુ, સારૂં સારૂં કહે સહુ
    સારૂં નરસું કાઈ ન જાણે, પોત પોતાને મતે તાણે (૭૩)

    કામ પોતાનું તેથી ન થાયે, ભલે જનમ કરોડ ગવાયે
    અધુરા અંતે અધીરા થાશે, જેવા તેવા જણાઈ જાશે (૭૪)

    હરિમાં જો હોશ હશે, તો સાચા સંત મળી જાશે
    પછી કાંઈ ન કહેવાનું રહેશે, થવાનું નીત થાતું રહેશે (૭૫)

    http://bhajanamrutwani.wordpress.com/2010/02/19/gamathi-gyan-mala/

    જવાબ આપો
  • 5. dhavalrajgeera  |  ડિસેમ્બર 3, 2013 પર 12:30 પી એમ(pm)

    તમારે ગુરૂ શોધવાની જરુર નથી નથી. સાધનાથી લાયક થાવ.ગુરૂ તમને શોધતા આવશે.

    જવાબ આપો
  • 6. pravina  |  ડિસેમ્બર 3, 2013 પર 1:43 પી એમ(pm)

    તો, સર્વમાં કાંઈક “ગુરૂતત્વ” સમજી સ્વીકારવું,….

    It is very hard to find “Guru” . “Geeta” is wonderful Guru.

    જવાબ આપો
  • 7. pravinshastri  |  ડિસેમ્બર 3, 2013 પર 2:39 પી એમ(pm)

    તમારો ગુરુ આપણાં જ બેઠો છે. કદાચ દુન્યવી સ્વાર્થે એને કચડીને કશેક દબાવી દીધો હોય. સરસ કાવ્ય.

    જવાબ આપો
  • 8. ઇન્દુ શાહ  |  ડિસેમ્બર 4, 2013 પર 3:20 એ એમ (am)

    कोन बतावे बाट गुरुबिन
    बडा विकट यम घाट गुरुबिन
    ગુરુ શૉધવાની જરૂર નથી, તમારી નીષ્ઠાભરી સાધના હશે, આપોઆપ ગુરુ મળી જશે.

    જવાબ આપો
  • 9. Yashavant Shah  |  ડિસેમ્બર 4, 2013 પર 7:27 એ એમ (am)

    શિષ્ય જયારે લાયકાત કેળવે છે, ત્યારે તેને વગર પ્રયત્ને સાચા ગુરુ નો મેળાપ થાય છે. તે માટે આત્મશુદ્ધિ, વિચાર વાણી, વર્તનમાં એકતા, અને કામ,ક્રોધ,મોહ,માયા, અને અહંમ ત્યજવા અત્યંત જરૂરી છે. આવી લાયકાત કેળવ્યા વગરની વ્યક્તિ જયારે ગુરુની શોધમાં નીકળે છે, ત્યારે ની:શંક
    તેને કોઈ લેભાગુ ગુરુ ભટકાઈ જાય છે.

    જીવનમાં ગુરુ જરૂરી નથી, તે વાહિયાત વિચારધારા છે.કેવળ પુસ્તકો વાંચી કે બીજાને પરફોર્મ કરતો જોઈ,આજ સુધી કોઈ ડોક્ટર સર્જરી કરવા કાબેલ બન્યો
    છે ? કોઈ કથક નૃત્યકાર બન્યો છે કે ? શા માટે આપણે સૌ આપડા બાળકોને સ્કુલ/કોલેજમાં મોકલીએ છીએ તેને બદલે લાઈબ્રેરીમાં મોકલીએ તો નાં ચાલે ?

    અક્ષરજ્ઞાન માટે પણ જો શિક્ષક કહેતા ગુરુ જરૂરી હોય તો, આ જીવન અને
    જન્મ-મરણ શા માટે જેવો ગહન વિષય ગુરુ વગર કેમ શક્ય બને ?

    જવાબ આપો
  • 10. P.K.Davda  |  ડિસેમ્બર 5, 2013 પર 6:19 પી એમ(pm)

    અનુભવ એ સૌથી મોટો ગુરૂ છે. અનુભવે શીખાયલું કદી ભૂલાતું નથી.

    જવાબ આપો
  • 11. gujaratisampradayo  |  ડિસેમ્બર 8, 2013 પર 2:18 એ એમ (am)

    very good Kaavya.

    જવાબ આપો
  • 12. venunad  |  ડિસેમ્બર 8, 2013 પર 1:28 પી એમ(pm)

    क्रुष्णं वंदे जगतगुरुम
    માનનિય ડૉ. ચન્દ્રવદનજી,
    આપે સમયાનુસાર સરસ કાવ્ય રુપે આપની મનોભાવના રજુ કરી છે.

    “ભગવાં પહેરી ફરેએ જગામાં પણ અંદરથી જૂઠો

    આતમ જ્ઞાનીભલો સંસારી ભેદ કમળ નો લીધો.

    ભેદ ભેદ માં ભેદ ઘણા પણ અંતઃમુખ એક દીઠો,

    સત્ત ચિત્ત આનંદ સુખ મળે જેણે મન ગુરુ કરી લીધો”- ‘સાજ મૅવાડા
    ( મન મૌજીને મસ્ત ફકિર ભાઈ.. માંની પંક્તિઓ)

    હું તો માનું છુ કે જો યોગ્ય મન અને બુધ્ધીને સ્વિકાર્ય હોય એવા ગુરુ ના મળે તો આપણા આત્મા/મનને પૂછીને જીવન જીવવું.

    જવાબ આપો

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

Trackback this post  |  Subscribe to the comments via RSS Feed


Enter your email address to subscribe to this blog and receive notifications of new posts by email.

Join 174 other followers

તાજેતરની પોસ્ટ્સ

Top Rated

શ્રેણીઓ

અમી નજર ભરેલી મુલાકાત બદલ આભાર..ફરીથી પધારજો

Locations of visitors to this page <input type="button" value="Type Gujarati" onclick="win = window.open('','Comment', 'toolbar=0,menubar=0,location=0,width=550,height=550'); win.document.write(' var id='TEXTAREAID';'); win.focus();">

Blog Stats

  • 272,465 hits

Disclimer

સંગ્રહ

ડિસેમ્બર 2013
સોમ મંગળ બુધ ગુરુ F શનિ રવિ
« નવેમ્બર   જાન્યુઆરી »
 1
2345678
9101112131415
16171819202122
23242526272829
3031  

%d bloggers like this: