Archive for ઓક્ટોબર 7, 2013

મંદિરે પધારજો તમે !

SouvenirInv
મંદિરે પધારજો તમે !
એન્ટેલોપ વેલીમાં આવી, પધારજો રે તમે અમારા મંદિરે !…(ટેક)
આજ તો ભુમી ખોદાય છે,
દર્શને ભુમી તો બદલાય છે,
અહી, કંઈક સુંદર થનાર છે !…..એન્ટેલોપ….(૧)
નથી જે જોવામાં અહી આજે,
હશે કંઈક જોવા જેવું અહી કાલે,
કરજો તમે તૈયારી એવા દર્શન કાજે !…..એન્ટલોપ…(૨)
કરી પ્રાર્થના પ્રભુને, કહું છું આજે,
શોભશે એક અહી એક મંદિર જ્યારે,
પધારજો અહી તમે પ્રભુદર્શન કાજે !….એન્ટલોપ…..(૩)
મુર્તિઓમાં પ્રભુને નિહાળજો તમે,
હ્રદયભાવે, ભુમીને પવિત્ર માનજો તમે,
ચંદ્ર-વિનંતી એટલી, જરૂર પધારજો તમે !….એન્ટેલોપ….(૪)
કાવ્ય રચના..તારીખ માર્ચ,૯,૨૦૧૩ ચંદ્રવદન
હિન્દુ ટેમ્પલ ઓફ એન્ટેલોપ વેલી
અમેરીકાના કેલીફોર્નિઆ પ્રાન્તના દક્ષિણ વિસ્તારે, આશરે ૭૦-૭૫ માઈલ લોસ એંજીલીસ શહેરથી ઉત્તરે આવેલી રણ જેવી જગ્યાનું નામ છે “એન્ટેલોપ વેલી”. આ જગ્યાએ બે મુખ્ય શહેરો છે ..(૧) લેન્કેસ્ટર અને (૨) પામડેલ નામે, અને એની સાથે નાના મોટા અનેક ગામડાઓ. અહી, અમેરીકાના વતનીઓ ( યુરોપથી સ્થાયી થયેલા “વાઈટ” તેમજ “બ્લેક” પ્રજા) સાથે વસી રહે છે અનેક જગ્યાએથી આવેલા “એસીયનો”. આ એસીયન પ્રજામાં છે અનેક ભારત અને શ્રી લંકાના હિન્દુઓ.
૧૯૬૦ પછી જ એસીયનો અહી આવ્યા. ૧૯૮૦ બાદ, આશરે ૨૦૦ ઉપર હિન્દુ કુટુંબો હશે.જ્યારે પણ હિન્દુ કે અન્ય ધર્મી પરદેશમાં સ્થાયી થાય ત્યારે પ્રભુને ભજવા માટે વિચારે તે પ્રમાણે હિન્દુઓના હૈયે “મંદિર”ના વિચારો રહે એ સ્વભાવીક છે. લોસ એંજીલીસ શહેરના વિસ્તારે અનેક મંદિરો હોવાના કારણે સૌ ત્યાં જઈ, પ્રભુ દર્શનનો લ્હાવો લઈ આનંદ માણતા.પણ અનેકના મનમાં એન્ટેલોપ વેલીમાં જ મંદિર હોય એવા સ્વપનાઓ રહેતા.
૧૯૯૨માં ગુજરાતીઓએ એક સમાજરૂપી સંસ્થા કરી, અને જેનું નામ રાખ્યું “ગુજરાતી સમાજ ઓફ એન્ટેલોપ વેલી”. ટુંક સમય બાદ, “ઈન્ડીયન કલચરલ અસોસીએશન ઓફ એન્ટેલોપ વેલી”નામે એક બીજી સંસ્થાની સ્થાપના થઈ. ૧૯૯૦ બાદ થોડા વર્ષોમાં મુશલમાનોએ પામડેલ શહેરમાં એક “મોસ્ક” યાને “મસજીદ”બાંધી ત્યારે ફરી મંદિર માટે વિચારો અનેકના મનમાં હતા.અને ૨૦૦૦ બાદ, વધતી જતી શીખ પ્રજાએ “ગુરૂદ્વારા”બાંધવાની વાતો કરી. અનેક સાથે આ લેખકના હૈયે પણ મંદિર જલ્દી બને એવા વિચારો હતા.આ વિસ્તારે રહેતા અનેક હિન્દુઓ ડોક્ટરો કે એણ્જીનીઅરો હતા, અને સારી કમાણી કરતા હતા અને એથી મંદિર બંધવવા માટે શક્તિમાન હતા. છતાં કોઈએ હિમંત કરી આ કાર્ય ના ઉપાડ્યું.
૨૦૦૮ની સાલે, ભારતના અસલ મધ્ય પ્રદેશના અને અહી અમેરીકા સ્થાયી થયેલ એક ડો. અનિલ કુમારના હૈયામાં પ્રભુપ્રેરણાઓ જાગૃત થઈ. મંદિર બાંધકામનો વિચાર અન્યને દર્શાવ્યો. એ સમયે, આ લેખકે ખુબ જ ઉત્સાહ બતાવ્યો. એક દિવસ, ડો. કુમારે જાહેર કર્યું કે લેન્કેસ્ટર શહેરમાં આવેલી એમની માલીકીની જમીનમાંથી મંદિર બાંધવા માટે થોડી જમીન દાનરૂપે આપવા એઓ તૈયાર છે. આ જાણી અનેકના મનમાં થયું કે હવે જરૂરથી આ વિસ્તારે એક મંદિર હશે જ !
મંદિર બાંધવું એ નાની વાત નથી. મોટો ખર્ચ સાથે એક આ એક ભગીરથ કાર્ય કહેવાય.ડો. કુમાર જાણતા હતા કે આ માટે અનેકનો “દાન સહકાર” ખુબ જ અગત્યનો છે. એથી એમણે ૧૦0૦૦૦ ડોલર કે વધુ રકમ આપનારાને “મંદિર કમીટીના ડયરેકટર”તરીકે નિહાળી અપીલ કરી..અનેકને મળ્યા..અનેકને પ્રેરણાઓ મળી અને સારો દાન સહકાર નોંધયો. એથી ખુશી અનુભવી આવી મોટી રકમથી નીચેના દાન માટે અપીલ કરી. ૨૫૦૦૦થી ૫૦૦૦૦ ડોલરના દાતારો અને ત્યારબાદ, ૫૦૦૦થી ૧૦૦૦૦ અને અંતે ૧૦૦૦ કે એવી રકમ અનેક દાતારો પાસે મેળવી.જ્યારે લાગ્યું કે થતા ખર્ચ જેવી રકમ દાનરૂપે હશે ત્યારે જ બાંધકામ માટે વ્યક્તિ શોધ તેમજ અન્ય વિચારણા અનેકની બનેલી “બોર્ડ ઓફ ડાયરેકર્સ”ની મીટીંગો દ્વારા કરી કાર્યને આગે વધાર્યું.
૨૦૧૨નું વર્ષ એટલે મુખ્ય કાર્ય વિચારણાનો સમય. અને, આ મંદિરની ડીઝાઈન ચીકાગો રહીશ અર્ચીટેક સાઈરસ સુબાવાલા (Cyrus Subawalla)ની નક્કી કર્યા બાદ બાંધકામનું કામ લોકલ કંપની નામે “ટોનમેન કોનસ્ટ્રકશન ઓફ લેન્કેસ્ટર” (Toneman Construction of Lancaster)ને આપવાનો નિર્ણય લેવાયો. ત્યારબાદ, સોમવાર અને તારીખ ૧૪મી જાન્યુઆરી ૨૦૧૩ના શુભ દિવસે “ભુમીપુજન”નું નક્કી કર્યું.
આ દિવસે ખુબ ઠંડી હતી, છ્તાં લગભગ ૧૦૦થી વધુએ હાજરી આપી. એ સમયે, અરૂણ દિવેદીના હસ્તે બાંધેલા ટેન્ટમાં થઈ. એ બાદ, લોસ એંજીલીસ શહેરથી પધારેલા ચિનમયા મીશનના સ્વામી ઈશ્વરાનંદે તેમજ ડો પીલાઈએ મંદિર, હિન્દુ વિચારો પર શુભ શબ્દો કહ્યા તે સૌએ શાંતીથી સાંભળ્યા. ૧૦ વાગે સવારે શરૂ થયેલી પુજાનુ કાર્ય પુર્ણ થતા પ્રસાદ આરોગી સૌએ આનંદ સહીત વિદાય લીધી. આ શુભ ઘડીએ આ લેખક ( ડો. ચંદ્રવદન મિસ્ત્રી) એમના પત્ની કમુબેન સાથે હાજર હતા…એ પ્રભુ કૃપાથી જ શક્ય થયું કારણ કે જાન્યુઆરી ૧૧, ૨૦૧૩ સુધી તો એઓ ભારતમાં હતા. ચંદ્રવદનના હૈયે આ એક ખુબ જ આનંદભર્યો દિવસ હતો. એ સમયે એના મનમાં એક જ વિચાર હતો….”૨૦૧૩ની આખરીએ કે પછી ૨૦૧૪માં તો આ હિન્દુ મંદિર લેકેસ્ટર શહેરની શોભા જરૂર વધારશે”. એ ઘડી સૌ હિન્દુઓ તેમજ અન્ય ધર્મપ્રેમીઓ માટે એક યાદગાર ઘટના હશે !
ડો. ચન્દ્રવદન મિસ્ત્રી,
લેન્કેસ્ટર, કેલીફોર્નીઆ, અમેરીકા
FEW WORDS…
This Poem in Gujarati was  created  after an article for the publication about our TEMPLE was written for JAN FARIYAD ..a weekly newspaper from GANDHINAGAR, GUJARAT.
I hope you like this Post too.
Dr. Chandravadan Mistry

ઓક્ટોબર 7, 2013 at 1:24 પી એમ(pm) 9 comments


Enter your email address to subscribe to this blog and receive notifications of new posts by email.

Join 179 other followers

તાજેતરની પોસ્ટ્સ

Top Rated

શ્રેણીઓ

અમી નજર ભરેલી મુલાકાત બદલ આભાર..ફરીથી પધારજો

Locations of visitors to this page <input type="button" value="Type Gujarati" onclick="win = window.open('','Comment', 'toolbar=0,menubar=0,location=0,width=550,height=550'); win.document.write(' var id='TEXTAREAID';'); win.focus();">

Blog Stats

  • 395,699 hits

Disclimer

સંગ્રહ

ઓક્ટોબર 2013
સોમ મંગળ બુધ ગુરુ F શનિ રવિ
 123456
78910111213
14151617181920
21222324252627
28293031