હડતાલના જુદા જુદા સ્વરૂપો !

  WE DEMAND

હડતાલના જુદા જુદા સ્વરૂપો !

જગમાં સૌ હડતાલ કરે છે

સૌ એને પોતાનો હક્ક કહે છે !….(ટેક)

રાજ નેતાઓ લોકોને કહે ઃ

જે થકી એમને ફાયદો કે ના ફાયદો,

હડતાલને કહે ગેરકાયદો કે કાયદો,

એથી,હડતાલ તો રાજનિતીની ઢાલ બને !……જગમાં…(૧)

ફેકટરીઓમાં કામો કરનારા કહેઃ

જગ્યા સુધારો, ‘ને પગાર વધારો,

નહી તો, ધંધો તમારો બંધ જાણો,

એથી, હડતાલને તો એક ધમકી જાણો !……જગમાં….(૨)

કિસાનો કંટાળી  સરકાર ‘ને વેપારીઓને કહે ઃ

અન્ન અમે પકાવીએ અને ભાવો તમે વધારો,

ફાયદો ના મળે જરા એ તે ન્યાય છે કેવો ?

એથી, હડતાલ કરી, એ સૌ ન્યાય માંગે !……જગમાં….(૩)

ભ્રષ્ટાચારથી ત્યાસી જનતા કહેઃ

કામો કરતા, શ્વાસો લેતા જીવ ગુંગળાય છે,

હટાવો આવા અધર્મને, હવે તો પ્રાણ જાય છે,

એથી, એવી હડતાલમાં જાગૃતિ દેખાય છે !…જગમાં……(૪)

અંતે….ડોકટરોના ટોળામાંથી ચંદ્ર કહેઃ

પાટિયાનું લખાણ પ્રીસ્ક્રીપ્સન જેમ, વંચાય  કે ના વંચાય,

દર્દીઓને પ્રભુ સહારે રાખી, જાહેર કરીશું સરકારી અન્યાય,

એથી, એવી હડતાલમાં માનવ હક્ક માટે પડકાર છે !…જગમાં….(૫)

પ્રભુએ જ ઘડેલા સૌ માનવીઓ જગમાં રહે,

ન્યાય અને અન્યાયના ત્રાજવે, કંઈક માંગો કરે,

જ્યારે માનવ માનવ હૈયે “માનવતા” ખુટે,

એથી,હડતાલ તો માનવ જન્મરૂપી એક હક્ક છે !…..જગમાં…(૬)

કાવ્ય રચના ઃ તારીખ ફેબ્રુઆરી,૧૯, ૨૦૧૩                   ચંદ્રવદન

બે શબ્દો…

આજે ( ૧૯મી ફેબ્રુઆરી, ૨૦૧૩) ના દિવસે, એક ઈમેઈલ…એ ફરી હતો શ્રી દાવડા સાહેબનો.

કોણ જાણે કેમ મોકલેલ પીકચર નિહાળી…ડોકટરોને યાદ કર્યા. જ્યારે મેડીકલ સ્ટુડન્ટ હતો ત્યારે એવી “સ્ટ્રાઈક” યાને “હડતાલ” થઈ હતી.

ત્યારે સરકાર અને જનતાના અનેકે અનુમાન કર્યું હતું કે “ડોકટરો તો માનવીઓની સેવા જ કરે, અને દર્દીઓની પરવા કરવા વગર આવી રીતે હડતાલ પર જાય તે યોગ્ય ના કહેવાય”

આ મોકલેલ પીકચરમાં હડતાલ કરી રહેલા ડોકટરો હતા..એથી જ જુની યાદ તાજી થઈ.

પણ મે જગના સર્વ માનવીઓને નિહાળવા પ્રયાસ કર્યો.

જગના સર્વને ન્યાય હંમેશા મળે જ એવી આશાઓ્માં જ્યારે “નિરાશા” મળે ત્યારે અન્યાય સામે પડકાર કરવો એ જ ખરેખર તો “હડતાલનું મૂળ”.

આ બધા તો મારા વિચારો !

કોઈક કહી શકે કે હડતાલ કોઈ પણ સંજોગોમાં હોવી જ ના જોઈએ.

તમે શું કહો છો ?

ડો. ચંદ્રવદન મિસ્ત્રી.

FEW WORDS…

Today’s Post is on PUBLIC STRIKE.

Why Humans protest ?

Is it right to protest in mass ?

These are the QUESTIONS.

After seeing a picture of the DOCTORS on STRIKE, I saw the HUMANS in the different fields of Life….who had participited in the PUBLIC PROTESTS.

When there is an INJUSTICE, it is the BIRTHRIGHT to PROTEST.

This is my VIEW.

What do you think ?

Dr. Chandravadan Mistry