ઘડપણનું ગાડું !

July 4, 2012 at 1:01 pm 18 comments

ઘડપણનું ગાડું !

ઘડપણનું ગાડું હંકારું ..
હો..જી …હું તો ઘડપણનું ગાડું  હંકારું, મેરે ભાઈ ! (૨)……………(ટેક)
જોડ્યા છે બે બળદો ઘરડા ઘરડા,
ધીરે, ધીરે ચાલે ગાડું મારૂં, ના આવે કોઈ સંગાથે !
અરે, ભાઈ….ના આવે કોઈ સંગાથે (૨)……..ઘડપણનું ગાડું ….(૧)
ના દીકરા કે દીકરી રહે મારી સાથે,
શક્તિ ના રહી, અને ઘરના સૌ દે છે મુજને ગાળો રે !
અરે, ભાઈ….ઘરના સૌ દે છે મુજને ગાળો રે ! (૨)…….ઘડપણનું ગાડું..(૨)
હવે વાળ ધોળા, અને દુઃખે હાડકા મારા,
મારા મરવાની વાટ જોઈ રહે,  ઘરના સૌ નાના ‘ને મોટા !
અરે, ભાઈ….મરવાની વાટ જોનારા છે સૌ મારા (૨)…..ઘડપણનું ગાડું..(૩)
અંત સમયે, ઘરે સૌ આંસુડા લાવે,
મૌન રહી, જોઈ રહું સૌનું નાટક એવું !
અરે ભાઈ….જોઈ રહું સૌનું નાટક એવું (૨) …….ઘડપણનું ગાડું (૪)
સંસારી જીવનમાં,  છે આ તો મોહમાયા સગાઈ,
ચંદ્ર કહે, ઘડપણનો આધાર છે કૃષ્ણ મોરારી મારો !
અરે, ભાઈ….ઘડપણનો આધાર છે કૃષ્ણ મોરારી મારો (૨)…ઘડપણનું ગાડું..(૫)
કાવ્ય રચના..તારીખ મે,૮,૨૦૧૨                         ચંદ્રવદન

બે શબ્દો…

થોડા દિવસ પહેલા સાઉથ આફ્રીકાથી એક મિત્ર (શશીભાઈ)નો ઈમેઈલ આવ્યો.
એમણે નરસીંહ મેહેતાના “ઘડપણ”વિષે રચેલા કાવ્ય જાણવાની ઈચ્છા દર્શાવી.
પહેલા પ્રજ્ઞાજુબેન વ્યાસે અ રચના શોધી મોકલી..ત્યારબાદ, સુરેશભાઈ જાનીએ “એ કાવ્યની “લીન્ક” કહી .
બસ, આટલું થયું…..
અને મારા મનમાં “ઘડપણ”ના વિચારો રમવા લાગ્યા !
સરળ શબ્દોમાં કંઈક લખવા પ્રયાસ કર્યો છે.
સૌને ગમે એવી આશા !
ડો. ચંદ્રવદન મિસ્ત્રી.

FEW WORDS…

Today’s Post is a Gujarati Poem on “OLD AGE”
Those who were near you ( loving you ) seem to IGNORE & INSULT you when you are old.
They feel you are the BURDEN….& as if they WAIT for your DEATH.
The Poem gives the WARNING….The Relations in the LIFE are NOT ETERNAL, your ONLY TRUE SAVIOUR is GOD ( Lord Krushna).
Enjoy !
Dr. Chandravadan Mistry

Entry filed under: કાવ્યો. Tags: .

માનવ તંદુરસ્તી (૨૫)..ડોકટરપૂકાર (૧૦) સીસ્ટમીક લુપસ એરીથમાટોસીસ (Systemic Lupus Erythematosis or SLE) ઘડપણને યુવાની માનો તમે !

18 Comments Add your own

  • 1. સુરેશ જાની  |  July 4, 2012 at 1:12 pm

    Don’t worry, Be happy in all circumstances.

    Reply
  • 2. dhavalrajgeera  |  July 4, 2012 at 1:13 pm

    આધાર છે કૃષ્ણ મોરારી મારો !
    So,Don’t worry, Be happy i

    Reply
  • 3. pragnaju  |  July 4, 2012 at 1:49 pm

    સુંદર કાવ્યમય રચના યાદ આવ્યો નરસૈયો
    ઘડપણ કોણે મોકલ્યું જાણ્યું જોબન રહે સૌ કાળ – ઘડપણ. – ટેક.

    ઉંબરા તો ડુંગરા થયા રે, પાદર થયાં રે પરદેશ,
    ગોળી તો ગંગા થઈ રે, અંગે ઊજળા થયા છે કેશ. — ઘડપણ

    નહોતું જોઈતું તે શીદ આવિયું રે, નહોતી જોઈ તારી વાટ,
    ઘરમાંથી હળવા થયા રે, કહે ખૂણે ઢાળો એની ખાટ. — ઘડપણ

    નાનપણે ભાવે લાડવા રે, ઘડપણે ભાવે સેવ,
    રોજ ને રોજ જોઈએ રાબડી રે, એવી બળી રે ઘડપણની ટેવ. — ઘડપણ

    પ્રાતકાળે પ્રાણ માહરા રે, અન્ન વિના અકળાય,
    ઘરના કહે મરતો નથી રે, તેને બેસી રહેતા શું થાય. — ઘડપણ

    દીકરા તો જૂજવા થયા રે, વહૂઅરો દે છે ગાળ,
    દીકરીઓને જમાઈ લઈ ગયા રે, હવે ઘડપણના શા હાલ. — ઘડપણ

    નવ નાડીઓ જૂજવી પડી રે, આવી પહોંચ્યો કાળ,
    બૈરાંછોકરાં ફટ ફટ કરે રે, નાનાં મોટા મળી દે છે ગાળ.– ઘડપણ

    આવી વેળા અંતકાળની રે, દીકરા પધાર્યા દ્વાર,
    પાંસળીએથી છોડી વાંસળી રે, લઈ લીધી તેણી વાર. — ઘડપણ
    એવું જાણી સૌ હરી ભજો રે, સાંભળજો સૌ સાથ,
    પરઉપકાર કરી પામશો રે, જે કંઈ કીધું હશે જમણે હાથ. — ઘડપણ

    એવું નફટ છે આ વૃદ્ધપણું રે, મૂકી દો સૌ અહંકાર,
    ધરમના સત્ય વચન થકી રે મહેતો નરસૈં ઊતર્યો ભવપાર. — ઘડપણ
    ત્યારે સુરેશભાઇના વિચારો પ્રમાણે થોડા વધુ વિચારો
    ૧મનને ઘરડું ન થવા દો: એટલે કે હવે મારી ઉંમર થઈ ગઈ. મારાથી આ ન થાય. જેવા વિચારો ને વાતો કરી નાસીપાસ ન થાઓ. જીવંતતા જાળવી રાખો.
    ૨ચાલશે, ફાવશે, ગમશે, ભાવશે: સંયુક્ત કુટુંબમાં અળખામણા થવાથી ઉગરશો તો આ ઉત્તમ શરતો છે. બધાંને સાનુકૂળ થવાથી સુમેળ સારો જળવાઈ રહે. આપણી જાતને જરૂર પડ્યે આ માટે કેળવવી.

    ૩નિયમિત કસરત કરો: વૃદ્ધાવસ્થાની કસરત એટલે સાંધાના લોક ખોલવાં, ચાલવું, પ્રાણાયામ વગેરે જે તે શરીરની પ્રકૃતિ અને ક્ષમતા મુજબ-સ્ફૂર્તિ જળવાઈ રહે એવું કરો.

    ૪પોઝિટિવ થિકિંગ અપનાવો: વિચારો અનેક પ્રકારના હોય છે. જરૂરી, ફાલતુ, પોઝિટિવ, નેગેટિવ વગેરે. આમાંથી રચનાત્મક કે હકારાત્મક વિચારો જ વાતાવરણને જીવંતતા બક્ષી શકે, પોઝિટિવ થિકિંગસર્વત્ર આવકારદાયક!

    ૫કમ ખાઓ અને ગમ ખાઓ: આહાર-વિહારની કાળજી રાખો. મેંદો, મીઠું, ખાંડ, તેલ, માખણ, ઘી, ઓછાં કરો. હવેભાવતું નહીં ફાવતું ખાઓ. સાદો, સરળ, સુપાચ્ય ખોરાક તે પણ ભરપેટ નહીં.
    ૬ તમારા વર્તુળમાં વિવાદી ન બનો. સાંભળો વધુ, બોલો ઓછું. સામાન્ય
    સ્વમાનને છંછેડો નહીં.

    ૭ નવી પેઢી સાથે તાલમેળ જાળવો:
    નવી પેઢીની લાઈફ સ્ટાઇલ સાથે સુમેળ સાધા. વડીલશાહીનો ડગલો ખીંટીએ
    ટિંગાડી દો. નાની વાતોમાં ટકટક ન કરો.

    સંપત્તિ સોંપવાની ઉતાવળ ન કરો: તમારા અવસાન બાદ તમારું સઘળું તમારાં સંતાનો કેવારસોને જ મળવાનું છે. એ અગાઉથી સોંપી દઈને પરાવલંબી ન બનો. જીવો ત્યાં સુધી પગભર રહી સ્વમાન સાચવો. સુખથી સંધ્યાકાળ જોવાનાં આ સાત

    Reply
  • 4. ishvarlal Mistry  |  July 4, 2012 at 5:15 pm

    Very nice poem about old age,it is true old age is hard, that is what we here, but keep the mind strong and think positive and say i feel great thank God and move along that is what we can do.Like the comments .Thankyou Chandravadanbhai for sharing your thoughts.

    Ishvarbhai R. Mistry.

    Reply
  • 5. nabhakashdeep  |  July 4, 2012 at 10:03 pm

    ડોશ્રી ચંદ્રવદનભાઈ …જીવન દર્શન કરાવતું સુંદર ભજન. સુશ્રી પ્રજ્ઞાબેને
    આ લોકપ્રિય ભજન યાદ કરાવી ધન્ય કરી દીધા..મને આ ભજન જ્યારે
    સાંભળવા મળતું ખૂબ આનંદ થતો.

    રમેશ પટેલ(આકાશદીપ)

    Reply
  • 6. sapana53  |  July 4, 2012 at 11:44 pm

    વાહ ચંદ્રકાંતભાઈ ઘડપણની મારી કવિતા વાંચ્યા પછી આ કવિતા વાંચ્યાં પછી નીરાંત થઈ..હું એકલી નથી આ ગાડાના બીજા ઘણાં સવારો છે ….ભગવાનની વાત બરાબર કહી

    Reply
  • 7. Vinod R. Patel  |  July 5, 2012 at 1:43 am

    ચંદ્રવદનભાઈ, ઘડપણના દુખોને વાચા આપતી તમારી કાવ્ય રચના ગમી.

    ઘરડી ઉંમર થાય એટલે ઘડપણની ચિંતાઓ,શારીરિક અને માનસિક

    ઉભી થાય.એક વખતના જુવાનીના તરવરાટમાં ઓટ આવવા લાગે.

    ઇન્દ્રિયો એક પછી એક જાકારો આપવા લાગે. એટલે જ નરસિંહ મહેતાનું

    ઘડપણ પરનું ભજન ઘરડા માણસોને ગમતું હોય છે.

    ઘડપણ ઉપર મેં પણ એક કાવ્ય રચના મારા બ્લોગમાં અગાઉ મૂકી હતી

    એને નીચે રજુ કરું છું.

    આવીને ઉભો રહ્યો દ્વારે, અડીયલ આ બુઢાપો !

    આયુ વૃક્ષની વિવિધ ડાળીઓ ઉપરથી, “

    ખરી રહ્યાં પર્ણો આજે જીવનની પાનખરમાં .

    એક વણનોતર્યા મહેમાન સરીખો,

    આવીને ઉભો રહ્યો દ્વારે, આ અડીયલ બુઢાપો.

    હતો એક સમો જ્યારે ગર્જતા’તા સિંહ સમા

    વૃધ્ધાવસ્થાના એક થપાટે, બની ગયા આજે,

    એક દુર્બલ લાચાર મેઢા ઘેટા સમા .

    શરીર, ઇન્દ્રિઓમાં ભલે ન રહ્યો એ જોમ ને જુસ્સો

    કરી મનને મક્કમ,બાકી સમય અને શક્તિઓ વડે,

    જીવનનો ખરો આનંદ માણવાની છે આ વેળા.

    જીવન-ચાદરને ઉજળી રાખી, શ્રધ્ધા અને ભાવથી,

    પ્રભુ ચરણે એને અર્પણ કરવાની છે આ વેળા.

    વીતેલ કાળની ખેતીમાં વાવેલ સૌ પાકોને,

    હોંસથી લણીને સૌમાં વહેંચવાની છે આ વેળા.

    જીવનની સંધ્યાએ ગણેલા શ્વાસો બાકી છે ત્યારે

    હૃદય મન મક્કમ કરીને કરીએ આ પ્રાર્થના કે,

    મારા આ બુઝાતા દીપકની વાટ સંકોરી આપી,

    મારા ડગમગતા ચરણોને સ્થિર રાખી .

    મારો હાથ ગ્રહી,મારી પડખે રહીને ,

    તારા એ મંગલ મંદિરના દ્વાર સુધી મને,

    સુખેથી પહોંચાડવાની પરમ કૃપા કરજે, હે પ્રભુ !.

    —- વિનોદ આર. પટેલ

    Reply
  • 8. Dilip Gajjar  |  July 5, 2012 at 7:59 am

    અંત સમયે, ઘરે સૌ આંસુડા લાવે,
    મૌન રહી, જોઈ રહું સૌનું નાટક એવું !..
    Sunder Chandravadanbhai..saru kaavya raju karyu..
    pahele thi j naatakiya hoy ..chhelee aansu sare ke n saare..
    aam pan jivi javaayu tem pan jivi javaayu..
    bhaktiras uttam chhe..

    Reply
  • 9. Arvind Adalja  |  July 5, 2012 at 8:19 am

    મને તો પ્રજ્ઞાજુની વાત ગમી અલબત્ત સુરેશભાઈની સાથે પણ 10૦% સહમત !
    ” ૧મનને ઘરડું ન થવા દો: એટલે કે હવે મારી ઉંમર થઈ ગઈ. મારાથી આ ન થાય. જેવા વિચારો ને વાતો કરી નાસીપાસ ન થાઓ. જીવંતતા જાળવી રાખો.
    ૨ચાલશે, ફાવશે, ગમશે, ભાવશે: સંયુક્ત કુટુંબમાં અળખામણા થવાથી ઉગરશો તો આ ઉત્તમ શરતો છે. બધાંને સાનુકૂળ થવાથી સુમેળ સારો જળવાઈ રહે. આપણી જાતને જરૂર પડ્યે આ માટે કેળવવી.

    ૩નિયમિત કસરત કરો: વૃદ્ધાવસ્થાની કસરત એટલે સાંધાના લોક ખોલવાં, ચાલવું, પ્રાણાયામ વગેરે જે તે શરીરની પ્રકૃતિ અને ક્ષમતા મુજબ-સ્ફૂર્તિ જળવાઈ રહે એવું કરો.

    ૪પોઝિટિવ થિકિંગ અપનાવો: વિચારો અનેક પ્રકારના હોય છે. જરૂરી, ફાલતુ, પોઝિટિવ, નેગેટિવ વગેરે. આમાંથી રચનાત્મક કે હકારાત્મક વિચારો જ વાતાવરણને જીવંતતા બક્ષી શકે, પોઝિટિવ થિકિંગસર્વત્ર આવકારદાયક!

    ૫કમ ખાઓ અને ગમ ખાઓ: આહાર-વિહારની કાળજી રાખો. મેંદો, મીઠું, ખાંડ, તેલ, માખણ, ઘી, ઓછાં કરો. હવેભાવતું નહીં ફાવતું ખાઓ. સાદો, સરળ, સુપાચ્ય ખોરાક તે પણ ભરપેટ નહીં.
    ૬ તમારા વર્તુળમાં વિવાદી ન બનો. સાંભળો વધુ, બોલો ઓછું. સામાન્ય
    સ્વમાનને છંછેડો નહીં.

    ૭ નવી પેઢી સાથે તાલમેળ જાળવો:
    નવી પેઢીની લાઈફ સ્ટાઇલ સાથે સુમેળ સાધા. વડીલશાહીનો ડગલો ખીંટીએ
    ટિંગાડી દો. નાની વાતોમાં ટકટક ન કરો.

    સંપત્તિ સોંપવાની ઉતાવળ ન કરો: તમારા અવસાન બાદ તમારું સઘળું તમારાં સંતાનો કેવારસોને જ મળવાનું છે. એ અગાઉથી સોંપી દઈને પરાવલંબી ન બનો. જીવો ત્યાં સુધી પગભર રહી સ્વમાન સાચવો. સુખથી સંધ્યાકાળ જોવાનાં આ સા “

    Reply
  • 10. chandravadan  |  July 5, 2012 at 11:24 am

    This was an Email from U.K….It was about the Gadpan OR Old Age & is posted as a Comment>>>>

    ઘડપણ સડવા માટે
    FROM: Vasant Mistry
    TO Dr. C.M. Mistry

    Thursday, July 5, 2012 3:19 AM

    Date: Wed, 4 Jul 2012 17:30:37 +0100
    Subject: Fwd: FW: ઘડપણ સડવા માટે નથી

    ઘડપણ સડવા માટે નથી

    > માણસ સાઠ વટાવે પછી થોડાક ડરામણા શબ્દોનું બ્લેકમેઈલ શરુ થઈ જાય છે:
    > બ્લડ–સુગર, કૉલેસ્ટરોલ, બ્લડ પ્રેશર, આરથ્રાઈટીસ, બાયપાસ, ઘડપણ અને
    > મૃત્યુ.. ઘણા લોકો ઘડપણમાં દુ:ખી થવા માટે યુવાનીમાં રોગના ખાતામાં
    > દુ:ખની થાપણ મૂકી રાખે છે. પાછલી ઉંમરે દુ:ખ એમને વ્યાજમુદ્લ સાથે પાછું
    > મળે છે.
    >
    >

    > જ્યાં જ્યાં નજર કરીએ ત્યાં એડવાન્સ બૂકિંગ કરાવીને ઘડપણમાં રોગોનું
    > મ્યુઝિયમ બનીને ખાટલે પડેલા ખોળિયા જોવા મળે છે. એમના જિગરજાન દોસ્તનું
    > નામ છે, ગળફો. એમની ગર્લફ્રેન્ડનું નામ છે, થૂંકદાની. એમની પ્રિયતમાનું
    > નામ છે, પથારી. રવિશંકર મહારાજ વારંવાર કહેતા કે ઘરડમાં ચાલે તે ઘરડો.
    > ઘડપણનું સર્જન સડવા માટે નથી થયું. માણસે ઘરડા નથી થવાનું, પણ વૃધ્ધ
    > થવાનું છે. જે વૃધ્ધિ પામ્યો એ વૃધ્ધ.
    >
    > પાછલી ઉંમરે સુખી થવાના સચોટ ઉપાયો કયા ? ગમે એ ભોગે યુવાનીમાં બેઠાડુ
    > બનવાનું ટાળવું રહ્યું.. જેટલું ચલાય એટલું ચાલવું અને વળી ઝડપથી
    > ચાલવું..
    >

    > ચલના જીવનકા નામ
    >
    > ચલતે રહો શુબહ શામ

    >
    > પરસેવાના બે પ્રકાર છે. એક છે હરામનો પરસેવો અને બીજો છે ખરી કમાણીનો
    > પરસેવો. મુંબઈમાં ભેજ એટલો કે આળસુના પીરને પણ પરસેવો વળે. એ હરામનો
    > પરસેવો ગણાય. શિયાળામાં કોઈ માણસ એકાદ કલાક કસરત કરે અને શરીરે પરસેવો
    > વળે એ ખરી કમાણીનો પરસેવો ગણાય. એ પરસેવો રોગમુક્તિ(healing)નો ખરો ઉપાય
    > છે. કમાણીનો પરસેવો ઉંમરને ખાઈ જાય છે.
    >
    > પાછલી ઉંમરે દુ:ખી થવાના ઘણા રસ્તા છે. ઓફિસની ખરશીમાં પોટલું થઈને
    > બેસવું એ પહેલો ઉપાય છે. વ્યસનો વિનાની યુવાની ઘણા લોકોને નથી ગમતી. પૈસા
    > કમાવા સિવાય અન્ય કોઈ વાતમાં રસ ન લેવાની ટેવ યુવાનીને કદરૂપી બનાવે છે.
    > સાહિત્ય, સંગીત, કળા, નાટક અને કવિતા જેવી ‘ફાલ્તુ’ બાબતોથી દૂર રહેનારા
    > ઝટ ઝટ સડે છે. આવા લોકોને તાણ નામની વૅમ્પ અકાળે ઘરડા બનાવે છે. કેવળ
    > પૈસો કમાનારી વ્યક્તિને સાચી મૈત્રી સાંપડતી નથી. પરિણામે જીવન ઝટ કટાઈ
    > જાય છે.
    >

    > પુસ્તક વાંચવાની ટેવ હોય એવો સ્ફૂર્તિમંત વૃદ્ધ કંટાળતો નથી. સંગીતમાં રસ
    > લેનારો વૃદ્ધ નવરાશને શણગારતો જોવા મળે છે. મૈત્રીવૈભવ ધરાવનારા દાદા
    > ખાસા રળીયામણા જણાય છે.. અન્ય માટે કશુંક કરી છૂટવા તત્પર એવાં દાદીમા
    > આદરણીય જણાય છે. પારકી પંચાતથી દૂર રહીને નિજાનંદમાં મસ્ત રહેનારા દાદાને
    > ખાલીપો પજવતો નથી. ઘરના સંતાનો એમનાથી કંટાળતા નથી. પુત્રવધુને એમની
    > હાજરી ખટકતી નથી. કેટલાક વડીલોથી પરિવાર કંટાળે છે.. એ કંટાળો સાબિત કરે
    > છે કે વડીલ હજી જીવે છે. આવું ઘડપણ અભિશાપ ગણાય.
    >
    > જે વૃધ્ધ છે એ તબિયતનો રાંક નથી હોતો. પુસ્તકપ્રેમ, કળાપ્રેમ, મનોરંજન,
    > મૈત્રી અને પ્રસન્ન સ્મિતથી શોભતો કરચળિયાળો ચહેરો એમના સમગ્ર જીવનનું
    > ઓડિટ પ્રગટ કરતો રહે છે. આવો વૃધ્ધ છેક સુધી પોતે સ્થાપેલી કે ઉછેરેલી
    > સંસ્થાની ખુરશી પર ફૅવિકોલ (અમેરીકામાં Crazy Glue) લગાડીને ચોંટી રહેતો
    > નથી. શંશોધનોએ સાબિત કર્યું છે કે નિયમિતપણે ચર્ચમાં જનારા લોકો લાંબું
    > જીવે છે. ભગવાન નામનું ટ્રાન્ક્વિલાઈઝર જબરી રાહત સાવ ઓછી કિંમતે
    > પહોંચાડે છે. ડ્રગને રવાડે ચડવા કરતાં કૃષ્ણને રવાડે ચડવું સારું.
    >

    > જે બાલ્દી કટાઈને કાણી નથી થતી એને છેક છેલ્લે સુધી કોઈ ભીનો સ્પર્શ મળી
    > રહે છે. એ સ્પર્શ જીવનદાયી છે. લાંબા આયુષ્યના શાસ્ત્રને gerontology કહે
    > છે. આપણા ઘરડા નેતાઓ ઝટ નિવૃત્ત થતા નથી. સત્તા ન છોડવાની એમની ચીટકુ
    > વૃત્તિને gerentocrazy કહે છે. કટાઈ જવા માટેનો શ્રેષ્ઠ સમય યુવાની છે.
    > ઘરડા થવું એ ગુનો છે. વૃદ્ધ થવું એ વિશેષાધિકાર છે. સતત સમૃધ્ધ થતો રહે
    > તે વૃદ્ધ. વિચારની વૃદ્ધિ
    >
    > ખિસકોલી ઘરડી થાય તોય દોડવામાં ધીમી પડતી નથી. પુષ્પ ખરવાની અણી પર હોય
    > તોય સુગંધ આપવામાં પાછીપાની કરતું નથી. હરણ ગમે એટલું ઘરડું હોય તોય એની
    > દોડવાની ગતિ જળવાઈ રહેતી હોય છે. ઘરડા હાથીનું ગૌરવ પણ છેલ્લી ક્ષણ સુધી
    > અકબંધ રહેતું હોય છે. જે માણસ મોટી વયે પણ નવું નવું વાંચવાનું,
    > વિચારવાનું અને નિર્મળ આનંદ પામવાનું વ્યસન છોડવા તૈયાર નથી એ ખરા
    > અર્થમાં વૃદ્ધ છે. એવા માણસને ‘ઘરડો’ કહેવો એ એનું અપમાન છે. અમેરિકાના
    > બનોર્ડ બારુચ કહે છે :
    >
    > ઘરડા થવાની ઉંમર
    >
    > હું આજે છું એનાં
    >
    > પંદર વર્ષ પછીની જ હોય છે.
    >
    > લેખકના ‘વૃક્ષમંદિરની છાયામાં’ પુસ્તકમાંથી સાભાર
    >>>>>>>>>>>>>>>>>>>>>>>>>>>>>>>>>>>>>>>>>>>>>>>>>
    Vasantbhai,
    Your Email brought the FORWARDED Message on the “Old Age” & as the Post was on GADPAN too, I took the liberty od posting it as a Comment.
    Thanks !
    Chandravadan

    Reply
  • 11. chandravadan  |  July 5, 2012 at 7:07 pm

    This was an Email from Shree Ataji>>>>>>>
    Re: ghadpan

    FROM: • himatlal joshi
    TO: • chadravada mistry

    Thursday, July 5, 2012 8:53 AM

    પ્રિય ચંદ્રકાંત ભાઈ
    તમારું ઘડપણ નું ગાડું ગીત મને બહુ ગમ્યું મેં લખી રાખ્યું છે.
    તમારો ઘણો આભાર આતા

    Ataai
    ~sacha hai dost hagiz juta ho nahi sakta
    jal jaega sona firbhi kaalaa ho nahi sakta
    Teachers open door, But you must enter by yourself

    >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

    AND BY ANOTHER EMAIL ATTAJI sent this >>>>>.

    વહાલા સ્નેહીઓ
    ઘડપણ વિશેનું એક ગીત મને યાદ આવ્યું જે મેં મારી માંપસેથી સાંભળેલું
    જયારે પુતરનો જનમ થઈરે ત્યારે ગામ માં પેંડા વેંચાય રે
    જયારે પુતર ભરતા પગલી રે ત્યારે માવતર ગણતાં ડગલીરે
    જયારે પુતરને આવી મુછ્યું રે ત્યારે માબાપને નાં પૂછ્યું રે
    જયારે પુતર ચડતા ઘોડે રે ત્યારે માબાપ જોવાને દોડે રે
    જયારે પુતરને આવી લાડી રે ત્યારે માબાપ મેલ્યા કાઢી રે
    દીકરા આવું અમે નોતું જાણ્યું રે નકર ગાંઠે રાખત નાણું રે
    માતા હાથમાં લ્યોને દીવોરે હવે કાંતો વિછો ને જીવોરે અર્થ નો સમજાય તો આપ મને વિના સંકોચે પૂછી શકો છો. આતા નાં રામ રામ
    >>>>>>>>>>>>>>>>>>>>>>>>>>>>>>>>>>>>>>>>>>>>>>>>>
    પુજ્ય આતાજી,

    નમસ્તે !

    તમે પોસ્ટ વાંચી…તમોને ગમી એથી ખુશી !

    આભાર !

    ફરી નવી પોસ્ટ હશે ત્યારે તમોને પુરી પોસ્ટ ગુજરાતી લખાણમાં ઈમેઈલથી મોકલીશ.

    …..ચંદ્રવદન.

    Reply
  • 12. Dr P A Mevada  |  July 6, 2012 at 2:48 pm

    Dear Dr Chandravadan,
    This is a really nice poem on old age & its problems to some people! The rhythmic lyrics are excellent! Kudos to you!

    Reply
    • 13. chandravadan  |  July 6, 2012 at 11:19 pm

      સ્નેહી પ્રવિણભાઈ કે ડો. માવડાસાહેબ,

      સમય પહેલા, તમે અનેકવાર મારા બ્લોગ પર આવ્યા હતા, અને તમારા પ્રતિભાવો દ્વારા પ્રેરણા આપી હતી.

      લાંબા સમય બાદ, તમે આવી, આ પોસ્ટ વાંચી જે પ્રતિભાવ આપ્યો તે વાંચી ખુબ જ ખુશી…અને આભાર !

      મને કાવ્ય લખાણનું કાંઈ જ્ઞાન નથી..જે લખું એ હ્રદયભાવ સાથે શબ્દો મુકી રચનાઓ કરૂં છું…આ રચના તમોને ગમી, એનો આનંદ !

      આ પોસ્ટ માટે અનેકે પ્રતિભાવો આપ્યા તેમાં “પોઝીટીવ” વિચારો તેમજ “યુવાની”છે એવું માનવું,,,,તો, ઘડપણ સારી રીતે જાય છે !

      એ ધ્યાનમાં લઈ, હવે પછી, “ઘડપણને યુવાની માનો તમે !”નામે એક રચના કરી તે પોસ્ટરૂપે વાંચવા પધારશો !

      >>>>ચંદ્વવદન.

      Reply
  • 14. ડૉ. કિશોરભાઈ એમ.પટેલ  |  July 6, 2012 at 5:02 pm

    ડો શ્રી ચંદ્રવદનભાઈ

    અંત સમયે, ઘરે સૌ આંસુડા લાવે,

    મૌન રહી, જોઈ રહું સૌનું નાટક એવું !

    અરે ભાઈ….જોઈ રહું સૌનું નાટક એવું (૨) …….ઘડપણનું ગાડું (૪)

    હવે સાચે જ ઘડપણ યાદ આવે છે, મારા સ્નેહી ભાઈ

    Reply
  • 15. nabhakashdeep  |  July 10, 2012 at 11:57 pm

    ઘડપણની વ્યથા ભરી કથા ને ઉગરવાના રસ્તા એ સુપેરે જાણવા અને
    સમજવા મળ્યું. સમાજમાં અનેક ઉદાહરણો આ સત્યના સાક્ષી થતા નિહાળવા
    મળેછે.

    રમેશ પટેલ(આકાશદીપ)

    Reply
  • 16. nilam doshi  |  July 13, 2012 at 12:27 am

    so nice..and true too..
    congrats dr. saheb..
    you r doing great work thro this..

    Reply
  • 17. hemang savjani (anjaan)  |  July 30, 2012 at 6:09 am

    wah khub j sundar rachana chhe.
    jivan ma jyre ghadpan avastha ave chhe tyreni paristhiti nu vedhak varnan kryu chhe.

    Reply
  • 18. પરાર્થે સમર્પણ  |  August 1, 2012 at 11:51 pm

    આદરણીય ડો. શ્રી ચંદ્રવદનભાઈ,
    ઘડપણનું ગાડું આપે શબ્દોના સહારે બરાબરનું હંકાર્યું છે.
    કોમ્પ્યુટરમાં ખામીના કારણે સંદેશ પાઠવવામાં મોડો પડ્યો છું તે બદલ ક્ષમા કરશો.

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Enter your email address to subscribe to this blog and receive notifications of new posts by email.

Join 172 other followers

Recent Posts

Top Rated

Categories

અમી નજર ભરેલી મુલાકાત બદલ આભાર..ફરીથી પધારજો

Locations of visitors to this page <input type="button" value="Type Gujarati" onclick="win = window.open('','Comment', 'toolbar=0,menubar=0,location=0,width=550,height=550'); win.document.write(' var id='TEXTAREAID';'); win.focus();">

Blog Stats

  • 260,156 hits

Disclimer

July 2012
M T W T F S S
« Jun   Aug »
 1
2345678
9101112131415
16171819202122
23242526272829
3031  

%d bloggers like this: