કબુતર કથા

October 11, 2011 at 2:12 am 17 comments

કબુતર કથા

એક કબુતર હતું. પરિવાર તેમજ કબુતર જાતીના સૌ સાથે
એ આનંદ અનુભવતું.પણ, જ્યારે જ્યારે બીજા પક્ષીઓના
ટોળામાં જવાનું થતું ત્યારે એને કોઈ ગણતુ નહી.
અરે, કોઈ કોઈ પક્ષી તો એની ગમ્મત  કરી ખીજવતા. ત્યારે એ
દુઃખ અનુભવી થોડું રડી લેતું. કોઈક વાર એ પ્રભુએ
પુછતું ઃ “હે, પ્રભુ, આ તે કેવું છે આ જીવન ? પ્રભુ દયા કરી મારૂં
જીવન સુધારજે !”
એક દિવસ માનવ જગતમાંથી એક માનવી એની મુજવણો સાથે
જંગલમાં પક્ષીરાજ ગરૂડજીને મળવા આવ્યો. એણે ગરૂડજીને
કહ્યું કે મારે દુર દુર સંદેશાઓ મોકલવા પડે છે.
માનવીઓ સાથે મોકલતો પણ આજના જમાનામાં બીજા માનવીઓ પરથી
મને ભરોષો રહ્યો નથી. હવે દુર દુર સંદેશા
પહોચાડવા માટે મારી પાસે કાંઈ ઉપાય નથી.અને આવી વિગતો કહી એણે
ગરૂડજી પાસે મદદ માંગી.
પક્ષીના રાજા ગરૂડજીએ પક્ષીઓની એક સભા બોલાવી.
જંગલના સર્વ પક્ષીઓએ એમાં હાજરી આપી. માનવીની ચિન્તાઓનું વર્ણન
કરી, ગરૂડજીએ સૌને એક પ્રષ્ન કર્યોઃ”આ માનવીને
મદદ કરવા કોઈ તૈયાર છે ?”
બધા જ ચુપ રહ્યા.
થોડી મીનીટો થઈ…અને મોર નાચતો નાચતો પહેલો આગળ
આવ્યો અને બોલવા લાગ્યોઃ “મારી સુંદર પીછાભરેલી કાયા નિહાળી
જરૂર મને તો કેદ કરવા અનેક હોય શકે. અને હું જો
કેદ થાવું તો માનવ સંદેશો ઈચ્છા પ્રમાણે ના પહોચી શકે.”
પોપટ ત્યારે તરત બોલવા લાગ્યોઃ” “મારા મીઠા બોલથી
માનવી કેદ કરી એના ઘરે જ લઈ જાય. એથી અહી મારૂં કામ નહી.”
ત્યાં ચકલી એની ચતુરાય વાપરી કહેઃ” ‘ચી. ચી’
કરવાનો તો મારો સ્વભાવ રહ્યો.અને મને પકડવા અનેક દોડશે”
અને, એવા સમયે કાગડો ધીરેથી બોલ્યોઃ” હું તો
કાળો. કા, કા હું તો કરૂં. મારી વાચા જ સાંભળી લોકો મને મારવા
દોડે.”
આ પ્રમાણે, એક પછી એક બધા જ પક્ષીઓ ના કહેવા
લાગ્યા.
અને, ગરૂડજી અંતે કહેઃ ” હું તો અહીનો રાજા. રાજ
છોડી બહાર જવું એ મારા માટે યોગ્ય ના કહેવાય.”
અંતે, સભામાં ફક્ત શાન્તી હતી. સૌ એકબીજા તરફ જોઈ
રહ્યા હતા.
એવા સમયે, ડરતા ડરતા, કબુતર બોલ્યુંઃ” રાજાજી હું
તો એક નાનું પક્ષી છું. કદાચ નાના મુખે મોટી વાત લાગશે.
જો પરવાનગી હોય તો હું કંઈ
કહું.”
ગરૂડજી તો નિરાશ હતો. એ જરા આશા સાથે કબુતરને
કહેઃ” જરૂર તને બોલવાનો પુરો હક્ક છે. “
ત્યારે હિમંત સાથે કબુતર કહેવા લાગ્યુંઃ”હું આ કામ કરવા તૈયાર છું. હું દુર સુધી ઉડી શકું છું. તમે જો હું કહું તેમ
કરવા મંજૂરી આપો તો આ કાર્ય સરળ રીતે શક્ય હોય
શકે.”
તરત સૌ પક્ષીઓ વચૂ જાણવા માટે આતુર બની કહેઃ ”
કબુતરજી કહો કહો.તમે જે કહેશો તે પ્રમાણે રાજાજી અને અમે
સૌ માન્ય રાખીશું”
ત્યારે કબુતરના દીલમાં એક અનોખો સંતોષ હતો. અને એ
કહેઃ” તમે માનવીને કહેજો કે એ એનો સંદેશો એક નાના કાગળ
પર લખે. અને એ કાગળ મારી ડોકના પટાની અંદર
સંતાડીને મુકે. હું ઉડતું ઉડતું જ્યાં જવાનું હોય ત્યાં જઈ શકું. અને
જો
એ સંદેશો ત્યાં પહોંચ્યા બાદ એનો જવાબ પાછો લઈ
આવવાનો હોય તો એ પણ હું કરી શકું.”
આ સાંભળી ગરૂડજી તો એકદમ રાજી થઈ ગયા. સૌ પક્ષીઓ
ઉભા થઈને તાળીઓ પાડી કબુતરના વખાણ કરવા લાગ્યા.
ગરૂડરાજએ સંગીત સાથે કબુતરને “શાંતીના દુત”નું
તરીકે એવોર્ડ આપ્યો.
આજે પહેલીવાર, કબુતરને પક્ષી પ્રજા તરફથી માન
મળ્યું.
આ પ્રમાણે, કબુતરનું જીવન એકદમ બદલાય ગયું. એક
“શાન્તીના દુત ” તરીકે જાણે કબુતરને અમરતા મળી !
આ વાર્તાનું લખાણ ઃ તારીખ નવેમ્બર, ૫,
૨૦૧૦                                  ચંદ્રવદન.

બે શબ્દો…

આ સત્ય ઘટના નથી.
આ પણ એક બાળવાર્તા જ છે.
આ પ્રમાણે કબુતર વિષે વાર્તારૂપી લખાણ છે કે નહી
એની ખબર નથી.
આ એક બોધકથારૂપે કહેવાનો મારો હેતુ
છે.
જગતમાં થઈ ગયેલી ઘટનાઓ આધારીત “વિશ્વ યુધ્ધ”માં
કબુતર મારફતે સંદેશા મોકલાયાનો ઉલ્લેખ ઈતિહાસના પાને છે.
વિશ્વ યુધ્ધ પહેલા પણ કબુતરો મારફતે રાજાઓ દુર
સંદેશા મોલવાના દાખલાઓ ઘણા છે. ભારતના વડા પ્રધાન
જવાહર નેહરૂએ શાંતી નામે ધોળા કબુતરો આકાશમાં
ઉડાવ્યાનો ઉલ્લેખ સૌએ જાણ્યો જ છે.

અંતે મારે કહેવું છે કે આ બાળવાર્તામાં “બોધ”રૂપે શીખ એટલી જ કે….

જ્યારે જે વ્યક્તિના મનમાં એવું થાય કે એનું મુલ્ય કાંઈ જ નથી , ત્યારે

એની નિરાશાને દુર કરવા પ્રભુ એને પ્રેરણા આપે જ છે. અહી પ્રભુશ્રધ્ધાના

મહત્વનો ઉપદેશ છે ! …અહી, આત્મવિશ્વાસના બળનો મહિમા છે !

આ વાર્તા, અને આ “બોધ” સૌને ગમે એવી આશા
છે.
કોઈને આ વાર્તામાં એવી “શીખ” ના દર્શન સિવાય અન્ય
સમજ આવે તો, જરૂરથી પ્રતિભાવરૂપે જણાવશે એવી આશા.
વાર્તા લખાણમાં ભુલો હોય સુધારશો એવી વિનંતી
!
ડો. ચંદ્રવદન મિસ્ત્રી

 

Entry filed under: ટુંકી વાર્તાઓ. Tags: .

વાંદરો અને શિયાળ એક સાપ અને એક ડોશીમા !

17 Comments Add your own

  • 1. Capt. Narendra  |  October 11, 2011 at 2:54 am

    સરસ બાળવાર્તા અને એટલો જ સુંદર સંદેશ. કબુતરને શાંતિદૂત એટલા માટે જ તો કહહેવાય છે! નમ્રતા, નિરભિમાન અને સેવા!

    Reply
  • 2. himanshupatel555  |  October 11, 2011 at 3:03 am

    બોધપૂર્ણ બાળકથા,ગમી.

    Reply
  • 3. Ishvarlal R Mistry  |  October 11, 2011 at 5:45 am

    Very nice balkatha, Kabutar can do the seva.

    Ishvarbhai.

    Reply
  • 4. Hetal Gajjar  |  October 11, 2011 at 10:55 am

    શ્રી. ડૉ ચંદ્રવદનભાઈ,

    ખુબજ સરસ બાળવાર્તા અને સાથે સુંદર બોધપાઠ.

    વાર્તા માં પ્રભુપ્રેરણા અને આત્મવિશ્વાસ ના બળ સાથે તેમ પણ કેહવા માંગે છે કે જે પોતાના માં આવડત નથી તેમ વિચારીને બીજા ને મદદ કરવા પોતાના માં રહેલા ગુણ જેવા કે શાંતિ,કાર્યશ્રમતા,આત્મવિશ્વાસ,બીજા માટે કઈ કરવાની તમ્મના,લાગણી,નીડરતા અને બહુદારી સાથે જે આગળ આવે તે ચોક્કસ વિશ્વ વિખ્યાત થાય છે જેમ કે કબુતર.

    જયારે જે પોતાની જાત ની ચિંતા ,નબળાઈ,અભિમાન,કઈ ના કરવાની દાનત,સ્વાર્થ,…….આવા ગુણ હોય તેક્યારે કઈજ કરી શકતા નથી વિશ્વમાં જેમ કે બીજા પક્ષીઓ.

    ઉપર પ્રમાણે ની વાત મારી સમજ પ્રમાણે ની છે જો કઈ ભૂલ થતી હોય તો તમે વડીલ છો એટલે મોટું મન રાખીને અમોને માફ કરવા વિનંતી.

    હેતલ…

    Reply
  • 5. pragnaju  |  October 11, 2011 at 2:02 pm

    આદી કાળથી કબુતર કથા દ્વારા ગહન વાત સમજાવવામા આવે છે..
    રાજા શિબિ ની વૃતિ પરીક્ષામાં કબુતર -બાજની વાર્તા આવે છે.
    તે રીતે રાજા મેઘરથ કબુતર દ્વારા દૈવી ઊપદેશ બાદ રાજપાટ છોડીને તપસ્યા કરવા માટે જંગલમાં ચાલ્યા ગયાં.
    પૂ મોરારીબાપૂ કથામા ગવડાવે
    કબુતર બોલે..ઘું,
    ઘું.ઘું.ઘું.
    ચકલા બોલે..ચું. ચું.ચું.ચું.
    ભમરા બોલે..ભું. ભું.ભું.ભું.
    માણસ બોલે..હું. હું.હું.હું.હું..
    આ છે આપણો અહંકાર
    અને અહંકાર વીષે સહજ સમજાય
    ત્યારે હાલના જમાના પ્રમાણે–: Want to know the mystery behind Google’s success? Pigeon technology. Developed years ago, Pigeon Rank is a system for ranking web pages and is attributed for the speedy and reliable success of the search engine. Using low cost Pigeon Clusters, or PCs, Google is able to compute “the relative value of web pages faster than human editors or machine-based algorithms.” તો ઘણા એપ્રિલ ૧ તારીખ જોયા વગર આ વાત સાચી માની !
    પણ આજની કબુતર કથા અનોખી પ્રેરણાદાયી છે.હાલની ટેકનોલોજી વિકૃત થતી જાય છે.સંદેશા ખાનગી રહેતા નથી ત્યારે હવે સંદેશવાહક કબુતર કદાચ વધુ કામયાબ નીવડે

    અને
    “ગરૂડરાજએ સંગીત સાથે કબુતરને “શાંતીના દુત”નું તરીકે એવોર્ડ આપ્યો.
    આજે પહેલીવાર, કબુતરને પક્ષી પ્રજા તરફથી માન મળ્યું.
    આ પ્રમાણે, કબુતરનું જીવન એકદમ બદલાય ગયું. એક
    “શાન્તીના દુત ” તરીકે જાણે કબુતરને અમરતા મળી !”

    ગરુડ યુ એસ એ પણ તેને માન્યતા આપી!!
    હવે તેને કાવ્ય સ્વરુપે રજુ કરવા વિનંતિ

    Reply
  • 6. વિશ્વદીપ બારડ  |  October 11, 2011 at 2:47 pm

    beautiful children story with messege,

    Reply
  • 7. પરાર્થે સમર્પણ  |  October 11, 2011 at 7:33 pm

    આદરણીય ડો. શ્રી ચંદ્રવદનભાઈ,

    ખુબ સરસ એવા શાન્તિ દૂત એવા ભોળા કબૂતરો નિરાભિમાની અને નિખાલસ

    હોય છે. બસ આજ ગુણ માનવી કેળવે તો દુનિયામાં રામ રાજ્ય સ્થપાય. સરસ બોધ કથા.

    Reply
  • 8. nabhakashdeep  |  October 11, 2011 at 10:43 pm

    સુંદર બોધકથા , પક્ષી જગતનું કૌશલ્ય અને બાળ માનસને મજા પડે એ રીતે
    આપે વાર્તાની કથાને દીપાવી દીધી.

    રમેશ પટેલ(આકાશદીપ)

    Reply
  • 9. ડૉ. કિશોરભાઈ એમ.પટેલ  |  October 12, 2011 at 12:20 am

    આદરણીય ડો. શ્રી ચંદ્રવદનભાઈ

    સરસ બોધ વાર્તા આપે મુકેલ છે સાહેબ

    આપનો સંદેશો હતો સાહેબ

    અમારે ત્યાં હાલ પરીક્ષાઓ ચાલે છે તેથી હુ જવાબ ન આપી શક્યો

    ક્ષમા કરશોજી.

    હવે કાવ્ય તો ઉત્તમ કક્ષાના છે જ આવી બોધવાર્તા

    વધુ મુકતા રહો, અમારે શિક્ષણક્ષેત્રે વધુ કામ આવે.

    મજા પદી ગઈ સાહેબ

    આપનો કિશોરભાઈ પટેલ

    Reply
  • 10. Komal  |  October 12, 2011 at 1:06 pm

    શ્રી. ડૉ ચંદ્રવદનભાઈ,
    શ્રી. ડૉ ચંદ્રવદનભાઈ,
    આપ બાળ વાર્તાની સાથે સાથે બોધ આપો છો. તે વાંચીને બા-દાદાની યાદ આવી જાય. બાળપણમા તેઓ આવી વાર્તા કહેતા અને મર્મ સમજાવતા. બનતુ એવુ કે વાર્તા યાદ રહી જતીને બોધ લેતા પહેલા આંખો મીચાઇ જતી ..
    આપે એ સમયની યાદ અપાવી

    આભાર

    Komal
    http://ajvaduu.wordpress.com/

    Reply
  • 11. pravinshah47  |  October 15, 2011 at 12:43 pm

    દરેક માણસમાં કંઇક ને કંઇક શક્તિ છુપાયેલી હોય છે. તેનો ઉપયોગ કરી લેવો જોઈએ, એ આ વાર્તા પરથી શીખવા મળે છે. સરસ વાર્તા.
    પ્રવીણ શાહ

    Reply
  • 12. SARYU PARIKH  |  October 21, 2011 at 6:04 pm

    બહુ સરસ બોધકથા. દરેક વ્યક્તિને માન, સન્માન અને મહત્વ જોઈતુ હોય તો પરાર્થે કર્મ કરવાથી અનાયાસે લભ્ય થાય છે. પોતાની દયા ખાવાથી નહીં.
    બાળકોને સંભળાવીશ.
    સરયૂ પરીખ
    ભાઇશ્રી તમારૂ લખાણ ‘વિમોચનમાં’ http://www.saryu.wordpress.com જોયું હશે.

    Reply
  • 13. અક્ષયપાત્ર/Axaypatra  |  October 22, 2011 at 1:01 am

    બાળકોને કહેવા જેવી સરસ બોધવાર્તા!

    Reply
  • 14. Dilip Patel  |  October 22, 2011 at 4:11 am

    સુપેરે લખાયેલી આ પ્રેરક બોધકથામાં ચંદ્રપુકારનો શાંતિપુકાર પડઘાઈ રહ્યો હોય એવું લાગ્યા વિના રહેતું નથી. અભિનંદન અને આભાર. આવી રોચક અને પ્રેરક બોધકથાઓ આપ તરફથી મળતી રહે એજ આશા અને શુભેચ્છા. Do write this in English if you get time. It will be good service to our society Thank you Chandravadanbhai.

    Reply
  • 15. sapana  |  October 24, 2011 at 1:26 am

    સરસ બોધકથા…શાંતિનો સમ્દેશ જીવનમાં ઉતારી…દીવાળીની ખુશી મનાવિયે//દીવાળી બેસતું વર્ષ મુબારક..
    સપના

    Reply
  • 16. બીના  |  October 25, 2011 at 2:14 pm

    આદરણીય શ્રી ચંદ્રવદનભાઈ,
    આપ સહુને દિવાળી ની શુભકામના!
    નુતન વર્ષાભિનંદન!

    Reply
  • આદરણીય ડો.ચંદ્રવદનભાઈ,

    સરસ બોધ કથા, પક્ષી જગતની સુંદર માનસ ની વાત સાથે બાળકોને તેમજ મોટેરાઓને પણ સુંદર બોધ આપી શકાય તેવી વાત… જીવનમાં સંપી અને દરેકનું મૂલ્ય સમજતા શીખવું જોઈએ, આપણામાં એક કહેવત છે કે ચપટી ધૂળની પણ ખપ ગમે ત્યારે પડે, આમ, ધૂળ નું પણ અવમૂલ્યન ના કરવું જોઈએ… ક્યારે કોનો જીવનમાં ખપ પડે…!

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Enter your email address to subscribe to this blog and receive notifications of new posts by email.

Join 172 other followers

Recent Posts

Top Rated

Categories

અમી નજર ભરેલી મુલાકાત બદલ આભાર..ફરીથી પધારજો

Locations of visitors to this page <input type="button" value="Type Gujarati" onclick="win = window.open('','Comment', 'toolbar=0,menubar=0,location=0,width=550,height=550'); win.document.write(' var id='TEXTAREAID';'); win.focus();">

Blog Stats

  • 260,712 hits

Disclimer

October 2011
M T W T F S S
« Sep   Nov »
 12
3456789
10111213141516
17181920212223
24252627282930
31  

%d bloggers like this: