મ્રુત્યુનો ડર શાને ?

જૂન 17, 2011 at 4:54 એ એમ (am) 21 comments

 

Click here for full size original image 

 

મ્રુત્યુનો ડર શાને ?

મ્રુત્યુનો ડર શાને, ઓ માનવી ?
 
જીવન જીવતા શીખજે તું , ઓ માનવી !…..(ટેક)
 
 
જગતમાં જન્મ લીધો, તો મ્રુત્યુ નિશ્ચીત છે,
 
આવા સ્વીકારમાં મ્રુત્યુ ડર દુર થાય છે,
 
આવી શરૂઆત કરી,
 
જીવન જીવતા શીખજે તું , ઓ માનવી !…..મ્રુત્યુનો…(૧)
 
 
મ્રુત્યુ સ્વીકાર જો કર્યો, તો મ્રુત્યુ-ડર નથી,
 
વહે હૈયે આનંદ આનંદ, જો ચિન્તાઓ નથી,
 
આવી સમજ ખીલવી,
 
જીવન જીવતા શીખજે, ઓ માનવી !…..મ્રુત્યુનો..(૨)
 
 
કહેવાથી કદી કાયમ ડર ના દુર ભાગશે,
 
મન સ્થીર કરી, આત્મબળ તારૂં વધારજે,
 
આવું પરિવર્તન કરી,
 
જીવન જીવતા શીખજે તું, ઓ માનવી !…..મ્રુત્યુનો…(૩)
 
 
આત્મબળ હશે જ્યારે,
 
પ્રભુ  તારી નજીક ત્યારે,
 
આવી પવિત્રતા મેળવી,
 
જીવન જીવતા શીખજે તું , ઓ માનવી !…..મ્રુત્યુનો…(૪)
 
 
માન પ્રભુનો પાડ કે માનવ જીવન મળ્યું તને,
 
યાદ હંમેશા કર, કેવું જીવન જીવવું છે તને ,
 
આવી યાદ કરી,
 
જીવન જીવતા શીખજે તું , ઓ માનવી !….મ્રુત્યુનો…(૫)
 
 
 
કાવ્ય રચના..તારીખ સેપ્ટેમ્બર, ૨૪ , ૨૦૧૦        ચંદ્રવદન.
 

બે શબ્દો…

આજની કાવ્ય-પોસ્ટ છે “મ્રુત્યુનો ડર શાને ?”.
 
માનવી જાણે છે કે એક દિવસ મ્રુત્યુ જરૂર છે, છતાં એ એનો સ્વીકાર કરી શકતો નથી.
એ માયાનો કેદી બની, એમ માનવા લાગે કે એ આ જગતમાં કાયમના માટે છે.
 
પણ જ્યારે….
 
એ ફરી વિચારો કરે….કે પછી જીવનમાં એવી ઘટનાઓ થાય ત્યારે “મ્રુત્યુ જરૂર છે”ની યાદ ફરી આવે.
 
એવા સમયે એ જો એવો “સ્વીકાર” કરે તો, “મ્રુત્યુ ડર” હટાવવા માટે પહેલું પગલું છે.
 
ત્યારબાદ, જો એ “ચિંતન અને આત્મબળ”નો સહારો અપનાવે તો એ બીજું પગલું લેય છે.
 
અને, ત્યારબાદ, એ એના વિચારને “પરમ તત્વ” શક્તિ સાથે જોડે તો, “મ્રુત્યુ ડર” કાયમ માટે નાબુદ થાય
કારણ કે ત્યારે એને પરમ સત્ય જ્ઞાન “એ જ કર્તા, એ જ પાલનહાર, એ જ સંહાર કરનાર”ની પ્રપ્તિ થાય.
આ માનવી જીવનમાં એનું ત્રીજુ અને અંતિમ પગલું છે !
 
આ કાવ્ય દ્વારા આ જ “વિચારધારા” દર્શાવવા મેં પ્રયાસ કર્યો છે !
 
આશા છે આ પોસ્ટ સૌને ગમે !
 
ડો. ચંદ્રવદન મિસ્ત્રી.
 
 
FEW WORDS…
 
Today’s Post is a Poem asking a Question” Why do you Fear Death?”
The Answer is….Accept yourself as a Mortal Being….then, do the Meditation & the Soul Searching..and then finally accept the “Universal Supreme” as the Doer….and the Fear of Death vanishes.
 This is the Message in this Poem.
Dr. Chandravadan Mistry
Advertisements

Entry filed under: કાવ્યો.

ભ્રષ્ટાચારની સમજણ ! ઈંગલેન્ડ સફરની મીઠી યાદ !

21 ટિપ્પણીઓ Add your own

  • 1. Dilip Gajjar  |  જૂન 17, 2011 પર 8:18 એ એમ (am)

    શ્રી ચંદ્રવદનભાઈ આપની રચના આધ્યાત્મિક વિકાસ તરફ સુચન કરે છે
    જગતમાં જન્મ લીધો, તો મ્રુત્યુ નિશ્ચીત છે,
    આવા સ્વીકારમાં મ્રુત્યુ ડર દુર થાય છે,
    આવી શરૂઆત કરી,
    જીવન જીવતા શીખજે તું , ઓ માનવી !…..મ્રુત્યુનો…(૧)
    સ્વીકારભાવ બહુ મોટી વાત છે અસ્વીકાર , નાસ્તિકતા છે અને ઝઘડા ને દુખુનું મૂળ છે સર્વ ધર્મ સ્વીકાર માત્ર થી દૃષ્ટિ બદલાય જાય ભલે પછી સમભાવ શક્ય ન હોય ..તેમજ માનવ સુખ નો સ્વીકાર કરે પણ દુઃખ નો નથી કરતો કોઈ આપનું સારું કામ કરે તો ભૂલી જઈ કૃતઘ્ની બની શત્રુ બની જાય છે ..સ્વીકાર્ભાવ હોય તો ?

    માનવી જીવન વિવિધ ડરથી ભરલું છે આજીવિકાનો દર, માનહાનીનો ડર, સત્તાનો ડર, સંપત્તિનો ડર, સ્વાસ્થ્યનો ડર, રોગનો ડર, વ્રુધ્ધાવસ્થાનો ડર, અજ્ઞાનનો ડર, સંરક્ષણ્નો ડર, ભવિષ્યનો ડર, અને મૃત્યુનો ડર..આમ “સર્વે નૃણાં ભયાન્વિતમ” કહ્યુ છે તે સાચું છે..જ્ઞાનિને અને મુક્ત ને આમાંનો કોઈ ડર નથી તેમ વિદ્વજનો કહે છે..માટે કહ્યુ કે, વિષ્ણોર્પદમ નિર્ભયમ…
    માનવે રોજ જન્મ મૃત્યુ જરા વ્યાધી વિષે અનુ દર્શન કરવું જોઈએ એમ આ શ્લોક માં કૃષ્ણ ગીતામાં કહે છે, ‘જન્મ મૃત્યુ જરા વ્યાધી દુઃખ દોષનું દર્શનમ ‘

    જવાબ આપો
  • 2. Arvind Adalja  |  જૂન 17, 2011 પર 8:53 એ એમ (am)

    જીવનમાં એક જ વાત નિશ્ચિત છે અને તે છે મૃત્યુ કે જે અત્યંત અનિશ્ચિત છે ! અને કદાચ માનવી તેથી જ મૃત્યુથી ભય/ડર પામતો હશે ! જે વાત બનવાની જ છે તેનો ભય/ડર શા માટે ? કદાચ સ્વજન પ્રત્યેનો અનુરાગ કે લાગણી સૌને છોડી હમેંશ માટે અલ વિદા લેવાની અનિચ્છા હોઈ શકે ! મૃત્યુનો ભય/ડર રાખવા છતાં તે અનિવાર્ય રીતે આવવાનું જ હોઈ નિર્ભય બની તેના સ્વીકાર માટે તત્પર રહેવું તે જ સાચું જીવન છે.

    જવાબ આપો
  • 3. અશોકકુમાર -'દાદીમા ની પોટલી '  |  જૂન 17, 2011 પર 9:01 એ એમ (am)

    આત્મબળ હશે જ્યારે,

    પ્રભુ તારી નજીક ત્યારે,

    આવી પવિત્રતા મેળવી,

    જીવન જીવતા શીખજે તું , ઓ માનવી !…..મ્રુત્યુનો…

    મૃત્યુનો ડર દરેક ને હોવો જોઈએ, હા, પણ રીત અને સમજણ તેની અલગ છે. નહિ કે હું મરી જઈશ તો શું? મને મોત આવશે તો ? વગેરે ડર ના રાખતા એ રાખવો જરૂરી છે કે આ માનવ દેહ જે પ્રભુએ આપ્યો છે, જો હું તેનો ઈશ્વરનાં કામમાં ઉપયોગ નહિ કરું તો જ્યારે પ્રભુ મારી જીવનલીલા શકેલી લેશે ત્યારે હું તેને શું જવાબ આપીશ ? માટે જે કાર્ય કરો તે આવું કરો કે કોઈપણ સમયે મોત આવે તો પોતાની કાર્ય કરણીની ચિંતા ના રહે કે મેં શું કર્યું હતું અને હજુ તો મારે ગહનું કરવાનું બાકી છે.

    જવાબ આપો
  • 4. pravina  |  જૂન 17, 2011 પર 11:28 એ એમ (am)

    Life is a journy.Death is a final destination.

    આત્મબળ હશે જ્યારે,

    પ્રભુ તારી નજીક ત્યારે,

    you will be so peaceful at that time.

    જવાબ આપો
  • 5. hemapatel  |  જૂન 17, 2011 પર 1:00 પી એમ(pm)

    પૃથ્વિ એ મૃત્યુ લોકથી ઓળખાય છે , એટલે અહિયાં આવ્યા એટલે મૃત્યુ નિશ્ચિત છે.
    મોતનો ડર નહિ, પરંતુ ઉચ્ચત્તમ જીવન જીવીને મૃત્યુને ભવ્ય બનાવવાનુ છે .અને
    આપે આ પોષ્ટમાં આ વાત બહુજ સુન્દર રીતે કરી છે .

    જવાબ આપો
  • 6. himanshupatel555  |  જૂન 17, 2011 પર 3:21 પી એમ(pm)

    સનાતન અનુભવ વિશે કુમળુ ચિંતન.

    જવાબ આપો
  • 7. SAMIR R DHOLAKIA  |  જૂન 17, 2011 પર 3:50 પી એમ(pm)

    WAH WAH. BAHU SARAS…

    જવાબ આપો
    • 8. chandravadan  |  જૂન 18, 2011 પર 4:24 એ એમ (am)

      Samirbhai…Thanks a lot for your 1st visit & this 1st comment.
      I am happy that you liked this Post.
      Please do revisit my Blog !
      DR. CHANDRAVADAN MISTRY

      જવાબ આપો
      • 9. SAMIR R DHOLAKIA  |  જૂન 18, 2011 પર 5:54 એ એમ (am)

        yes very much….. Just excellent…

  • 10. ishvarlal mistry.  |  જૂન 17, 2011 પર 5:02 પી એમ(pm)

    Very nice poem about death Chandravadanbhai,They say after birth death is eminent, we should do what we have to do ,taking care is important ,but this body will stop functioning one day, donot worry something you cannot control.

    જવાબ આપો
  • 11. nabhakashdeep  |  જૂન 18, 2011 પર 2:13 એ એમ (am)

    આત્મબળ હશે જ્યારે,

    પ્રભુ તારી નજીક ત્યારે,

    આવી પવિત્રતા મેળવી,

    જીવન જીવતા શીખજે તું , ઓ માનવી !…..મ્રુત્યુનો…(૪)

    માન પ્રભુનો પાડ કે માનવ જીવન મળ્યું તને,

    યાદ હંમેશા કર, કેવું જીવન જીવવું છે તને ,

    આવી યાદ કરી,

    જીવન જીવતા શીખજે તું , ઓ માનવી
    ……………………………………………………………
    બહુજ સુન્દર and comment of shri Dilipbhai
    ગીતામાં કહે છે, ‘જન્મ મૃત્યુ જરા વ્યાધી દુઃખ દોષનું દર્શનમ ‘
    Thanks for sharing such thoughts.

    Ramesh Patel(Aakashdeep)

    જવાબ આપો
  • 12. Arvind Adalja  |  જૂન 18, 2011 પર 8:40 એ એમ (am)

    શ્રી ચન્દ્રવદનભાઈ
    મૃત્યુ ઉપર એક સુંદર કાવ્ય વાંચવા મળેલું જે અત્રે પ્રસ્તુત કરું છું. અલબત્ત કવિનું નામનું વિસ્મરણ થઈ ગયું છે જો કોઈને યાદ આવે તો જણાવવા વિનંતિ !

    મૃત્યુ ઉપરનું સુંદર નિરૂપણ

    જનની ખોળામાં બોલાવે એમાં ડરવાનું શું હોય ?
    માતા વસ્ત્રો મુજ બદલાવે,
    એમાં રડવાનું શું હોય ?
    તાજોમાજો કરે ફરીથી, મોકલે જગ આંગણમાં
    રહે સંગમાં ચેતન રૂપે, જીવનની ક્ષણક્ષણમાં ଒
    ભવસાગરમાં એ તારે છે,
    મારે ડરવાનું શું હોય ?
    થાક્યાનો વિસામો મૃત્યુ, લોક કહે છે અંત જીવનનો ના અંત કદીયે, જીવન છે અનંત
    માધવ મળવાને બોલાવે,
    રુદન કરવાનું શું હોય ?
    કરણીનો અહેવાલ આપવા પ્રયાણ ઈશ્વરદ્વારે
    કર્યું જગતમાં કામ પ્રભુનું ના ગભરાતું મારે હૈયું ખોલું હિસાબ આપું,
    કૈં સંઘરવાનું શું હોય ?

    સ-સ્નેહ
    અરવિંદ

    જવાબ આપો
    • 13. chandravadan  |  જૂન 18, 2011 પર 3:42 પી એમ(pm)

      અરવિન્દભાઈ….

      તમે પધારી જે પ્રતિભાવ આપ્યો તે માટે આભાર.

      પ્રતિભાવમાં એક્ કાવ્ય યાદ કરી લખ્યું તે વાંચી ખુબ જ ખુશી થઈ.

      જે કોઈએ એ લખ્યું હશે તેણે ખુબ જ “ઉચ્ચ” વિચાર દર્શાવી “શીખ” આપી છે.

      મને ગમ્યું !,,……અન્યને પણ ગમશે એવી આશા !

      >>>>>ચંદ્રવદન.

      જવાબ આપો
  • 14. Suresh Jani  |  જૂન 18, 2011 પર 12:00 પી એમ(pm)

    જીવવાની એક રીત એવી છે કે, રોજ રાતે મરી જવું.. રોજ સવારે નવો જન્મ.

    જવાબ આપો
  • 15. sapana  |  જૂન 18, 2011 પર 3:57 પી એમ(pm)

    ચંદ્રવદનભાઈ ..આજની પોસ્ટ ખૂબ ગમી….જ્યારે હ. અલીને પૂછવામાં આવ્યું કે મૃત્યું કેવું હોય છે તો એમણે જવાબ આપ્યો કે શહદથી પણ મીઠું ..તો સવાલ થયો એ કેવી રીતે? તો જવાબ મળ્યો કે અગર આ શ્વાસ છોડી દેવાથી અલ્લાહ મળતો હોય તો અને મારાં અને અલ્લાહ વચે મૃત્યુ જ દીવાર હોય તો આ દીવાર પાર કરતા મને આનંદ થશે..એતલે મૃત્યુથી એ લોકો ડરે છે જેણે જીવનમાં ખૂબ પાપ કર્યા હોય અને પ્રભુને શું મોઢું બતાવશે એવો ડર હોય..પણ હા મત્યુથી એટલા માટે ડરવાનું કે એ અંત છે અને પછી તમને સત્કાર્ય કે ગુનાહની માફીનો સમય નહીં રહે એતલે સત્કાર્ય કરવાનો ચાન્સ હોય તો આજે જ મોકો ઝડપી લેવો કારણ કાલે મૃત્યુ કાલે એ તક નહીં આપે અને ગુનાહની માફી પણ કરી લેવી કદાચ કાલે એ મોકો ના મળે…મારા બ્લોગમા પધારવા માટે અને મને બહેન કહેવા માટે આભાર..
    સપના વિજાપુરા

    જવાબ આપો
  • 16. Valibhai Musa  |  જૂન 18, 2011 પર 5:22 પી એમ(pm)

    શ્રી ચન્દ્રવદનભાઈ,

    આપના કાવ્યની પ્રત્યેક ટેકની આગળની કડીએ નીચેના શબ્દસમૂહો ….

    આવી શરૂઆત કરી,
    આવી સમજ ખીલવી,
    આવું પરિવર્તન કરી,
    આવી પવિત્રતા મેળવી,
    આવી યાદ કરી ……
    સાચે જ ભાવચમત્કૃતિ સર્જે છે.

    ભાવસભર આ કાવ્યમાં મૃત્યુથી ન ડરવા માટેની એક જ ગુરુચાવી પ્રત્યેક ટેકમાં છે તે મુજબ મનુષ્યે જીવન જીવતાં શીખવું જોઈએ.

    મૃત્યુનો ડર આમેય મિથ્યા છે જ, કેમકે ડરવાથી મૃત્યુ દૂર હડસેલાતું નથી. વળી કદાચ થોડુંક દૂર હડસેલાય તો પણ મૃત્યુ આપણને છોડનાર નથી. જ્યારે જીવનદોરી આપણા હાથમાં હોય જ નહિ તો પછી તેની વ્યર્થ ચિંતા શા માટે? Sooner or later, the death is at the end.

    જવાબ આપો
  • 17. પરાર્થે સમર્પણ  |  જૂન 18, 2011 પર 8:14 પી એમ(pm)

    આદરણીય ડો. શ્રી ચંદ્રવદનભાઈ,
    મ્રુત્યુ સ્વીકાર જો કર્યો, તો મ્રુત્યુ-ડર નથી,

    વહે હૈયે આનંદ આનંદ, જો ચિન્તાઓ નથી,

    આવી સમજ ખીલવી,

    જીવન જીવતા શીખજે, ઓ માનવી !…..મ્રુત્યુનો..(૨)
    જીવન સરળ અને શાંત રીતે વહેતું રહે તે કઈ રીતે શક્ય
    બને તે આપે કાવ્ય રસમાં આબાદ ઝીલ્યું છે

    હમણાં આંખની અને બીજી તકલીફને લીધે કોમ્પ્યુટર પર બેસવાનું ઓછુ
    થતું હોઈ આપના કે અન્ય મિત્રોના બ્લોગ પર જઈ શકતો નથી તે બદલ દિલગીર છુ

    જવાબ આપો
  • 18. ડો. કિશોરભાઈ એમ. પટેલ  |  જૂન 19, 2011 પર 7:45 એ એમ (am)

    આદરણીય ડો. શ્રી ચંદ્રવદનભાઈ

    મૃત્યુ નિસ્ચિત છે,

    દરેક દિવસ માનવે છેલ્લો દિવસ

    સમજીને કાર્ય કરવું જોઈએ.

    જવાબ આપો
  • 19. P U Thakkar  |  જૂન 19, 2011 પર 2:17 પી એમ(pm)

    એક દિવસ આપણે બધાએ મરી જ જવાના છીએ, તો પછી મૃત્યુનો ડર કેવો? દરરોજ સૂઇ જઇએ ત્યારે શારીરિક ચેતના ગુમાવીએ જ છીએ ને? તો પછી મૃત્યુ પછી શારીરિક ચેતના ગુમાવવાની કલ્પનામાં લાચારી શું અનુભવવી? આત્મા અમર છે; એમ કહેવામાં આવે છે અને એની અનુભૂતિ તો મૃત્યુ સિવાય કેવી રીતે કરી શકાય? તેનો ડર કેવો? ખરેખર ચંદ્રવદનભાઇએ સાચી વાત કરી છે.‘‘જગતમાં જન્મ લીધો, તો મ્રુત્યુ નિશ્ચીત છે,

    આવા સ્વીકારમાં મ્રુત્યુ ડર દુર થાય છે,

    આવી શરૂઆત કરી,

    જીવન જીવતા શીખજે તું , ઓ માનવી !…..મ્રુત્યુનો…(૧)’’ મૃ
    ત્યુ પરનું થોડું ચિંતન @http://puthakkar.wordpress.com/

    જવાબ આપો
  • 20. DR. CHANDRAVADAN MISTRY  |  જૂન 20, 2011 પર 3:18 પી એમ(pm)

    This is to ALL>>>>>>

    આ પોસ્ટ માટે અનેક્ના પ્રતિભાવો વાંચી ખુબ આનંદ થયો…અને એ સૌને આભાર…એ સિવાય, જે કોઈએ આ પોસ્ટ વાંચી આનંદ માણ્યો તેઓ સૌને પણ આભાર આપું છું…અને હવે પછી જે કોઈ પધારી, વાંચશે કે પ્રતિભાવ આપશે તેઓ સૌને પણ “અડવાન્સ”માં આભાર !>>>ચંદ્રવદન.
    DR. CHANDRAVADAN MISTRY

    જવાબ આપો
  • 21. dhavalrajgeera  |  જૂન 21, 2011 પર 9:15 એ એમ (am)

    મ્રુત્યુનો ડર શાને, ઓ માનવી ?
    Mrutyu Mari Gaurelol.

    જવાબ આપો

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

Trackback this post  |  Subscribe to the comments via RSS Feed


Enter your email address to subscribe to this blog and receive notifications of new posts by email.

Join 176 other followers

તાજેતરની પોસ્ટ્સ

Top Rated

શ્રેણીઓ

અમી નજર ભરેલી મુલાકાત બદલ આભાર..ફરીથી પધારજો

Locations of visitors to this page <input type="button" value="Type Gujarati" onclick="win = window.open('','Comment', 'toolbar=0,menubar=0,location=0,width=550,height=550'); win.document.write(' var id='TEXTAREAID';'); win.focus();">

Blog Stats

  • 280,962 hits

Disclimer

સંગ્રહ

જૂન 2011
સોમ મંગળ બુધ ગુરુ F શનિ રવિ
« મે   જુલાઈ »
 12345
6789101112
13141516171819
20212223242526
27282930  

%d bloggers like this: