લખાણ મારૂં કાવ્ય બન્યું કે નહી ?

ફેબ્રુવારી 13, 2011 at 2:48 એ એમ (am) 15 comments

 

 

 https://i1.wp.com/www.business-clipart.com/business_clipart_images/graphic_showing_a_pen_and_paper_writing_a_report_0515-0909-2722-3528_SMU.jpg

લખાણ મારૂં કાવ્ય બન્યું કે નહી ?

લખાણ મારૂં કાવ્ય બન્યું કે નહી ?

એવું જાણવાની ચિન્તા નથી મને !

લખાણ દ્વારા હ્રદયભાવો પ્રગટી શક્યા કે નહી ?

એવું જાણવાની ઈચ્છાઓ છે મને !……………………(ટેક)

સાહિત્યકારો અને કવિઓની પરિષદ હતી,

હાથમાં લખાણભર્યા કાગળો સહીત હાજરી મારી હતી,

કોઈએ થક્કો માર્યો તો, હું હતો સ્ટેજ પર જરા,

કોણ જાણે કેમ બીક ના હતી મુજ હૈયે જરા !

કાગળના લખાણોને કાવ્યરચનાઓ માની,

પીસરી દીધો મુજહ્રદયભાવોનો ખજાનો જાણી સૌ જ્ઞાની !

તો,અચાનક તાળીઓના બદલે હતો સભામાં હાહાકાર,

હસી કોઈ કહેઃ”કાવ્ય જેવો નથી કોઈ આકાર !”,

તો,કોઈ કહેઃ”નથી આને જરા પણ ભાષાજ્ઞાન”,

“નહી કાવ્યની આવડત તો શાને કવિ પરિષદમાં કરે અભિમાન ?”

શબ્દો આવા સાંભળી, સભા બહાર હતો હું ઉંડા વિચારે,

હ્રદયભાવો મારા કેમ કોઈ ના સ્વીકારે ?…….લખાણ મારૂં……(૧)

નિરાશામાં બેઠો હતો, ત્યાં લોકોનું ટોળું થયું,

“ભાઈ, હ્રદયનું કંઈક કહો, સાંભળવું છે અમે એવું !”

શબ્દો આવા સાંભળી, નિરાશા મારી દૂર ભાગી,

ફરી મારા લખાણોભર્યા કાગળો હાથમાં રાખી,

શબ્દે શબ્દે હ્રદયનો ભાવ છલકાવી, વાચા મારી ફૂટી,

લખાણોમાં ન ફેરફારો હતા, છતાં લઈ લીધા સૌના હૈયા લુટી !…..લખાણ મારૂં….(૨)

“કાવ્ય નિયમોનું પાલન નથી”કહે કોઈ સાહિત્ય જ્ઞાની,

પણ સાથે ઉમેરી કહેઃ “હ્રદયભાવના પ્રસાદનો અસ્વીકાર કરનાર છે અજ્ઞાની”

“ખરેખર આ બધા કાવ્યો જ છે”કહે અનેક સાધારણ માનવીઓ,

“સરળ શબ્દોમાં  સત્ય કહેવું છે કઠીણ”કહે સૌ માનવીઓ !

સંવાદ એવો સાંભળી, હૈયું મારૂં ખુશીમાં ન્રુત્ય કરે,

“છંદ, અછંદ કે પધ,ગધની ચિન્તાઓ મારી દૂર રહે,

“ચંદ્રપૂકાર”માં કાવ્ય કે અકાવ્યરૂપે તમે જરૂર વાંચતા રહેશો,

“ચંદ્ર”ના હ્રદયભાવોની પ્રસાદી જરૂર સ્વીકારતા  રહેશો !……લખાણ મારૂં …..(૩)

 

કાવ્ય રચના…..તારીખ ફેબ્રુઆરી,૫, ૨૦૧૧                          ચંદ્રવદન

 

બે શબ્દો…

“મારે એક કવિતા લખવી છે !” નામે એક કાવ્ય પોસ્ટ તારીખ ૨૬મી જાન્યુઆરી,૨૦૧૧ના દિવસે  પ્રગટ કર્યા બાદ, એ પોસ્ટ માટે

અનેક પ્રતિભાવો મળ્યા…અને એ સર્વમાં એક પ્રતિભાવ માં “કાવ્ય રચનાના નિયમો ” વિષે જરા ઉલ્લેખ હતો. એ પ્રતિભાવ આપનારને

મેં એમની શીખમાં “ગુરૂતત્વ”નિહાળ્યું….પણ એમણે એમાં ભરેલી “મિત્રતા” વિષે લખ્યું.

એમના જવાબમાં એમણે એક મિત્ર તરીકે હાથ લંબાવ્યો, અને મેં એને પકડી લીધો…..આ “પ્રેમપુષ્પ”ના છોડ પર  અત્યારે અમારી

“મિત્રતા”ની કળી છે..એ કળી સમયના વહેણમાં એક “સુંદર પુષ્પ ” બને એવી આશાઓ મારા હૈયે છે !

બસ, એ પ્રતિભાવ બાદ, મારા મનમાં “કાવ્ય કેમ હોય શકે ?”ના વિચારો રમવા લાગ્યા…અને એક દિવસ એવા જ વિચારોમાં હતો ત્યારે

થોડા શબ્દો વહી ગયા….ફરી વિચારતા, થોડા બીજા શબ્દો..અને ફેબ્રુઆરી ૫, ૨૦૧૧ના દિવસે એક રચના “લખાણ મારૂં કાવ્ય બન્યું કે નહી? “

શક્ય થયું. આ રચના હું સીડનીમાં હતો અને શક્ય થઈ..એકવાર તો મનમાં થયું કે આજે જ પોસ્ટરૂપે પ્રગટ કરૂં…પણ ત્યારે યાદ આવ્યું કે

“સંસારના પાત્રો” રૂપી પોસ્ટ પ્રગટ કરવાનો નિર્ણય લીધો હતો..અને એક પોસ્ટ “શાને કહો છે આવું ?” તારીખ ફેબ્રુઆરી,૭, ૨૦૧૧ના

દિવસે પ્રગટ કરી. …અને, અમેરીકા જઈશ ત્યારબાદ, આ રચના પોસ્ટરૂપે પ્રગટ કરીશ.

આજે લેન્કેસ્ટર, કેલીફોર્નીઆથી  આ રચના પ્રગટ કરતા ખુબ આનંદ થાય છે !

મારી આ રચનામાં મેં શબ્દોની ગોઠવણ કરતા “હદયભાવો”ને મહત્વ આપ્યું છે…પણ એનો એ અર્થ એ કે જે કોઈ નિયમોનું “પાલન”કરી.

“ભાષા ભંડાર”માંથી સુંદર રચનાઓ કરે એ પણ યોગ્ય કહેવાય.

આજની આ પોસ્ટ સૌને ગમે એવી આશા !

 જે કોઈ આ પોસ્ટ વાંચે તે “બે શબ્દો” લખી અભિપ્રાય પણ આપે એવી આશા !

ડો. ચંદવદન મિસ્ત્રી.

FEW WORDS

Today. it is 12th February.Today’s Kavya-Post is “LAKHAN MARU KAVYA BANYU KE NAHI?”…It is a question asking the Readers whether my Creations are Kavya OR Poems or not . The message here is that “the feeling from the Heart” can be expressed “in any format”& even if not “following the Norma or the rules” of the Poetry..it can still be a Poem……I hope those of you who can read the Poem in Gujarati will like my message.

DR. CHANDRAVADAN MISTRY

Advertisements

Entry filed under: કાવ્યો.

શાને કહો છો આવું ? લાલ ફુલોભર્યો ડ્રેસ

15 ટિપ્પણીઓ Add your own

  • 1. pragnaju  |  ફેબ્રુવારી 13, 2011 પર 3:14 એ એમ (am)

    આ પ્રયત્નમા અમારી શુભેચ્છાઓ
    ભારતીય ઉપખંડમાં વાલ્મિકિએ રામાયણ તથા વેદ વ્યાસજીએ મહાભારત જેવાં મહાકાવ્યોના દળદાર ગ્રંથોની રચના કરી હતી, જે આજે પણ બેજોડ છે.ગુજરાતી સાહિત્યમાં પણ નરસિંહ મહેતા તેમ જ મીરાં બાઈ જેવા આદ્યકવિઓથી લઇને વર્તમાન સમય સુધીમાં અનેક કવિઓએ ગુજરાતી પદ્યમાં પોતાની રચનાઓનું યોગદાન આપી ગુજરાતી ભાષાને ગૌરવ અપાવ્યું છે…આવા જ ભક્તિભાવથી કાવ્યનો પ્રતત્ન કરનારને પ્રભુકપા થાય ત્યારે સહજરીતે થવા લાગશે.
    આપનો પ્રયત્ન ચાલુ રાાખશો.ભાવભીની રચનાઓથી
    સ્વાંતસુખ તો પ્રાપ્ત થશેજ થશે..

    જવાબ આપો
  • 2. venunad  |  ફેબ્રુવારી 13, 2011 પર 2:37 પી એમ(pm)

    All good poetry is the spontaneous overflow of powerful feelings.
    -William Wordsworth

    Carry on my friend, this is the only way to grow and reach the summit.

    જવાબ આપો
  • 3. Dilip Gajjar  |  ફેબ્રુવારી 13, 2011 પર 3:09 પી એમ(pm)

    કોઇને આમ લાગે છે કોઇને તેમ લાગે છે
    સદા જોતો રહેજે તું પ્રભુને કેમ લાગે છે
    કાવ્ય સ્ફૂરણા થાય છે તે જ સારી વાત છે પછી ..શીખવાનુંય મળી રહે છે..બેન્ને કામ સાથે થાય છે
    મારગ દર્શન માટે ઘણું સાહિત્ય ઉપલબ્ધ છે જ..આપ લખતા રહેજો..બધા માર્ગ જેમ વિઘ્ન અહી પણ આવે પણ..તે દૂર થાય તે જ ભાવના સાથે..નીજાનંદ માટે શુભ જ છે લખવું..

    જવાબ આપો
  • 4. ishvarlal r. mistry  |  ફેબ્રુવારી 13, 2011 પર 5:55 પી એમ(pm)

    Very good poem every one has his opininon but as long it has good meaning behind that is better than not having a poem.Keep up the good work Chandravadanbhai.

    Ishvarbhai R. Mistry.

    જવાબ આપો
  • 5. himanshupatel555  |  ફેબ્રુવારી 13, 2011 પર 7:06 પી એમ(pm)

    વિશ્વમાં મજાની વાત એ છે કે કવિતા emotionથી લખાય છે પણ વ્યાકરણના
    નિયમોથી તપાસાય છે,તમારુંકામ લખવાનું છે તપાસવાનું નહીં લખતા રહેજો
    બાકીની ફીકર જ્યાં છે ત્યાં જ રહેવા દો અચિંત…

    જવાબ આપો
  • 6. Pragna  |  ફેબ્રુવારી 13, 2011 પર 7:17 પી એમ(pm)

    લખાણ મારૂં કાવ્ય બન્યું કે નહી ?
    ચિન્તા નથી મને !.એવું જાણવાની.

    તમારા લખાણમાં સત્ય કહેવાની હિંમત છે .એ બહું મોટી વાત છે
    આપનો પ્રયત્ન ચાલુ રાખશો .
    ભાવભીની રચનાઓથી
    સ્વાંતસુખ તો પ્રાપ્ત થશેજ થશે..

    જવાબ આપો
  • 7. pravina Avinash  |  ફેબ્રુવારી 13, 2011 પર 8:16 પી એમ(pm)

    You cannot please everybody.
    well, You are writeng real good stuff.

    જવાબ આપો
  • 8. Pancham Shukla  |  ફેબ્રુવારી 13, 2011 પર 8:45 પી એમ(pm)

    મનનીય ચિંતન. બસ જેમ લખાય એમ લખવું. આનંદમાં રહેવું અને સહૃદયોને આનંદમાં રાખવા.

    આપણો બ્લોગ જ આપણી પરિષદ.

    કાવ્ય બનવું દુષ્કર છે – કોઈથી પણ.

    જવાબ આપો
  • 9. Rekha Sindhal  |  ફેબ્રુવારી 13, 2011 પર 10:40 પી એમ(pm)

    હ્રદયમાંથી ભાવો વહે તે જરૂરી અને મુખ્ય બાબત છે તેને જે નથી સ્વીકારી શક્તા તેને માટે કરૂણા જાગે તેવું ઈશ્વર પાસે માંગીને તમને વધુ કવિતાઓ લખવા માટે શુભેચ્છાઓ.

    જવાબ આપો
  • 10. તપન પટેલ  |  ફેબ્રુવારી 14, 2011 પર 12:10 એ એમ (am)

    સરસ….

    જવાબ આપો
  • 11. Ramesh Patel  |  ફેબ્રુવારી 14, 2011 પર 4:08 એ એમ (am)

    આજે લેન્કેસ્ટર, કેલીફોર્નીઆથી આ રચના પ્રગટ કરતા ખુબ આનંદ થાય છે !
    ઑસ્ટ્રેલીયામાં પુત્રી ને દોહિત્ર સાથે ,જીવનની સુખદ પળો માણી આપ પાછા આવી ગયા ના
    સમાચારથી ખૂબ જ આનંદ થયો. ભાવ ભરેલી ઉર્મિઓ એ જ કવિતા. કાવ્યની સીમાઓ
    ભલૅ ઊંચી હોય , તે દિવાલના આપણે પણ એક થર છીએ ..એવા આનંદ સાથે ઝૂમતા રહીએ.
    રમેશ પટેલ(આકાશદીપ)

    જવાબ આપો
  • 12. પરાર્થે સમર્પણ  |  ફેબ્રુવારી 14, 2011 પર 5:08 એ એમ (am)

    આદરણીય ડો.શ્રી ચન્દ્રવદનભાઈ

    દિલની સચ્ચાઈ અને મનના ભાવો જયારે કાગળ પર શબ્દ

    સ્વરૂપે પ્રગટે એટલે એને કાવ્ય જ કહેવાય.આપણે તો મનના

    ભાવો પ્રસરાવવાના ગુજરી બ્લોગના મિત્રો એને જરૂર સમજશે

    ભગવાન માટે ભોગ નહી ભાવના મહત્વની છે….માટે જ…

    “નથી છંદ, વ્યાકરણ ને પ્રાસની સમજ પણ લખવું વિષય મારો છે

    આપ જ નક્કી કરજો મારા પરિવાર મિત્રો આ વિષય તમારો છે “

    જવાબ આપો
  • 13. Piyuni no pamrat( પિયુનીનો પમરાટ )  |  ફેબ્રુવારી 14, 2011 પર 9:33 એ એમ (am)

    expression of thoughts and feelings is the real soul of a poetry !
    what remains is the body …which is a grammatical concern.
    But for us.. sensitive and emotional people ..soul is always important.
    Keep writing mama… I like it.

    જવાબ આપો
  • 14. અશોકકુમાર -'દાદીમા ની પોટલી '  |  ફેબ્રુવારી 14, 2011 પર 1:12 પી એમ(pm)

    ડૉ. ચંદ્રવદનભાઈ,

    થોડા સમય પહેલા એક ભાવિક કે જે ભજનિક છે તેમની પાસે વાત સાંભળેલ કે આજના સમયમાં ભજન કે કાવ્ય કે રચનાઓ લખનાર બુદ્ધિથી લખે છે એટલે કે પ્રાશ મેળવવા, જરૂરીયાત સમજવી અને તેને બંધ બેસાડવી. પરંતુ ભાવ જે વ્યક્ત પહેલા થતો, જે હેતુ હતો તે રહ્યો નથી. પહેલા કોઈ રચના તૂરત જ લખવી આસાન નોહતી જ્યારે આજે એક બેઠકે અનેક રચના બની જતી હોય છે.
    કોઈપણ રચનામાં હૃદયના ભાવ જરૂરી છે, જે મોટેભાગે લખનારને અથવા જેના માટે રચના લખવાની તેને પ્રેરણા થઇ હોય તેને જ ખબર પડતી હોય છે, બાકી તો સૌ પોતાના અર્થ અને સમજ પ્રમાણે વાત કરતાં હોય છે તેમ લાગે છે.

    મને નથી લાગતું કે હૃદયના ભાવમાં વ્યાકરણ શુદ્ધિકરણની જરૂરત હોય! ?

    જવાબ આપો
  • 15. chandravadan  |  ફેબ્રુવારી 16, 2011 પર 5:09 પી એમ(pm)

    SO HAPPY to read 14 Comments for this Post.
    Thanks to ALL !
    There were 7 who clicked “Like the Post” of these 5 posted comments too.
    …& only “like the Post” by VEDANT THAKAR and HARSHAD/MADHAV
    Thanks !
    Chandravadan.

    જવાબ આપો

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

Trackback this post  |  Subscribe to the comments via RSS Feed


Enter your email address to subscribe to this blog and receive notifications of new posts by email.

Join 175 other followers

તાજેતરની પોસ્ટ્સ

Top Rated

શ્રેણીઓ

અમી નજર ભરેલી મુલાકાત બદલ આભાર..ફરીથી પધારજો

Locations of visitors to this page <input type="button" value="Type Gujarati" onclick="win = window.open('','Comment', 'toolbar=0,menubar=0,location=0,width=550,height=550'); win.document.write(' var id='TEXTAREAID';'); win.focus();">

Blog Stats

  • 272,662 hits

Disclimer

સંગ્રહ

ફેબ્રુવારી 2011
સોમ મંગળ બુધ ગુરુ F શનિ રવિ
« જાન્યુઆરી   માર્ચ »
 123456
78910111213
14151617181920
21222324252627
28  

%d bloggers like this: