શાને કહો છો આવું ?

February 7, 2011 at 1:00 am 20 comments

Woman with headscarf  stacking chapati bread. Jodhpur, Rajasthan, India

શાને કહો છો આવું ?

શાને કહો છો આવું ?

ચા,દાળ, કે બાયડી શું ખરેખર બગાડે છે જીદંગી તમારી ?…..(ટેક)

ચા સવાર બગાડે એવું ઉલટું ના કહો,

ચા બનાવતા ના આવડે, તો વાંક તમારો કાઢજો,

અરે, ચા પીતા, હ્રદયમાં તમ બાયડીને યાદ કરજો,

હવે,તમારી જિદંગી છે તમારા હાથમાં !…….શાને કહો…..(૧)

દાળ દિવસ બગાડે એવું ઉલટું ના કહો,

દાળ બનાવતા ના આવડે, તો વાંક તમારો કાઢજો,

અરે,દાળનો સ્વાદ માણી, હ્રદયમાં તમ બાયડીને યાદ કરજો,

હવે,તમારી જીદંગી છે તમારા હાથમાં !…..શાને કહો….(૨)

બાયડી જીદગી બગાડે એવું ઉલટું ના કહો,

બાયડી સાથે જીવન જીવતા ના આવડે, તો વાંક તમારો કાઢજો,

અરે,બાયડીને જીવનસાથી બનાવી, પ્રેમ એના પ્રત્યે હંમેશા રાખજો,

હવે,તમારી જીદંગી છે તમારા હાથમાં !….શાને કહો….(૩)

અને, અંતે ચંદ્ર કહે…..

ભલે, બાયડીની બનાવેલી ચાનો આનંદ માણી, ચા જાતે બનાવતા શીખજો,

અને,…એક દિવસ પ્રેમથી એને ચા બનાવી પીવડાવજો !

ભલે,બાયડીની બનાવેલી દાળનો સ્વાદ માણજો,

અને,…એક દિવસ દાળ કેમ બને જાણી, પ્રેમભરી તમ ખુશી જણાવજો !

ભલે,બાયડીને જીવનસાથી બનાવી,તમારી ભુલો સાથે એની ભુલો માફ કરજો,

અને,…એક દિવસ બાયડીનો ફાળો તોલી,ખુશીભર્યો આભાર દર્શાવજો !

જો,…આટલા પ્રયત્નો હશે, તમ જીવનમાં,

તો,….હંમેશા ખુશી આનંદ હશે તમ જીવનમાં !……શાને કહો…..(૪)

કાવ્ય રચના….ડીસેમ્બર,૨૮,૨૦૧૦               ચંદ્રવદન

સીડની, ઓસ્ટ્રેલીઆમાં, અને મિત્રના ઈમેઈલ દ્વારા એક રમુજ ભાવે લખાયેલી

એક રચના વાંચવાનો લ્હાવો મળ્યો..અને “નારી”ને પુરૂષ તરફથી માન મળતું રહે

એવા ભાવ સાથે આ રચનાને સ્વરૂપ મળ્યું છે …”ઓરીજીનલ” રચના નીચે મુજબ છે>>>>

મિત્રો,
સંજોગવસાત ચા અને દાળ બગડે તો વાંધો નહિ
પણ,પણ,

વાચો…..

ચા બગડી
ચા બગડી એની સવાર બગડી,

દાળ બગડી એનો દિવસ બગડ્યો,
બાયડી બગડી એની જિંદગી બગડી.
ત્રણેયમાં ચકાચૌંધ કરી દે
એવું સામ્ય છે.
ત્રણેય પડ્યાં પડ્યાં ઊકળે!
ઊકળવું એમનો સંદેશ.
ઊકળે નહિ ત્યાં સુધી જામે નહિ.
પરફોર્મન્સ ના આપે.
ઊકળે તો પરસનાલીટીમાં નિખાર આવે.
નિખાર એટલે કેવો?
ચા ઊકળે તો લાલ થાય,
દાળ ઊકળે તો પીળી થાય અને
બાયડી ઊકળે તો લાલપીળી થાય !
ત્રણેયના કલર પકડાય તો ખામી ચૂલામાં સમજવી!
એક સવાર બગાડે,
બીજી દિવસ બગાડે,
ત્રીજી જિંદગી બગાડે.
ચાની ચૂસકી, દાળનો સબડકો અને બાયડી ફડકો !
ત્રણનું કોમ્બીનેશન તો જુઓ!
ત્રણેય સ્ત્રી જાતિ,
અને સુધારવુંબગાડવું પણ એના હાથમાં !!!
માટેજ
મિત્રો બાજી સુધારી લ્યો

બે શબ્દો…

આજની “કાવ્ય-પોસ્ટ”છે “શાને કહો છો આવું ?”.


તમોને યાદ છે આગળ પ્રગટ કરેલી પોસ્ટ “ડોશીએ ચિંતાઓ મટાડી !” ? એ પોસ્ટ હતી કોઈની ઈમેઈલ દ્વારા મળેલી એક રચના

આધારીત હતી  “નવા સ્વરૂપ”માં મારી રચના. ત્યારે ડર હતો. પણ….તમે સૌએ એ વાંચી, તમારા પ્રતિભાવો દ્વારા મને ઉત્તેજન

આપ્યું હતું. એ હંમેશા યાદ રહેશે !


આજની પોસ્ટમાં પણ એવી જ કહાની છે !

મારા પર એક મિત્રનો ઈમેઈલ આવ્યો. એમાં હતી એક રચના “ચા બગાડી !”

આ કાવ્ય રચનારનું નામ ન હતું.

એ રચનામાં પત્ની સ્વરૂપમાં નારી માટે “હાસ્ય” શબ્દો હતા.

હા, જાણું કે એ ફક્ત મજાકમાં હતી.


છતાં, મારા હૈયે થયું કે આ રચનાને “નવું સ્વરૂપ” આપી, નારીને “પત્ની સ્વરૂપ”માં માન મળતું રહે, એવા હ્રદયભાવ સાથે, પ્રભુ

પ્રેરણાથી આ કાવ્ય “શાને કહો છો આવું ?”શક્ય થયું.

આજે એ પોસ્ટરૂપે પ્રગટ કરતા મને “ડર” નથી.


આશા છે કે સૌને આ પોસ્ટ ગમે !


ડોકટર ચંદ્રવદન મિસ્ત્રી.

 

FEW WORDS…


Today’s Kavya-Post is ” SHANE KAHO CHHO AVU?”.

It is based on a Original Rachana of “some fun words” for A Wife.

I had turned the thought “upside down” & tried to tell the “sacifices of a Woman as a Wife”…..and thus in a way tried to give the RESPECT to the WOMEN.

I hope you READ the ORIGINAL HASYA KAVITA along with MY RACHANA.

 

I hope you like this Post !

 

DR. CHANDRAVADAN MISTRY


Entry filed under: કાવ્યો. Tags: .

મહાત્મા ગાંધીની છે આ કહાણી ! લખાણ મારૂં કાવ્ય બન્યું કે નહી ?

20 Comments Add your own

  • 1. pravina  |  February 7, 2011 at 2:01 am

    ‘ચા, દાળ અને બાયડી’ ત્રણેય સ્ત્રી જાતી.
    ચા ક્યારે બગડેલી લાગે જ્યારે મુડ ખરાબ હોય ત્યારે. બાકી બાયડીના હાથની ચા સરસ જ હોય.
    દાળ બગડેલી ક્યારે લાગે જ્યારે ‘મા’ની બનાવેલી દાળ સાથે સરખામણી કરો ત્યારે.
    બાયડી હંમેશા બીજાની જ સારી લાગે .
    ,માટે જે મળે અને હોય તેમાં આનંદ માણૉ. જીંદગી ખુબ સુહાની લગશે!

    Reply
  • 2. praheladprajapati  |  February 7, 2011 at 2:42 am

    સરસ ,
    હું માનું છું ત્યો સુધી
    જીવન મો સમાધાન એજ સાચું શુખ આપી શકે છે

    Reply
  • 3. પરાર્થે સમર્પણ  |  February 7, 2011 at 3:14 am

    આદરણીય ડો. શ્રી ચંદ્રવદનભાઈ,

    વાહ ચા, દાળ અને બાયડીનો સંવ્ય સાધ્યો છે.

    અને જો ચા ,દાળની ફરિયાદ કરીએ તો બાયડી થાય વાયડી.

    ચા અને દાળ વેચાતી મળે, કોઈની પાસે માગી લવાય પણ બાયડી

    વેચાતી ના લવાય કે ના માગી શકાય. સમજે આ વ્યવસ્થા રાખવી

    જોઈએ ( ગમ્મત ) ખુબ સરસ રચના રચી છે સાહેબ.

    Reply
  • 4. ishvarlal r. mistry  |  February 7, 2011 at 6:07 am

    Hello Chandravadanbhai,
    Very good saying and song it is worth remembering what you have written i agree it is very true, thanks for sharing i enjoy reading, best wishes.
    Ishvarbhai R. Mistry.

    Reply
  • 5. pragnaju  |  February 7, 2011 at 6:15 am

    ચા ઊકળે તો લાલ થાય,
    દાળ ઊકળે તો પીળી થાય અને
    બાયડી ઊકળે તો લાલપીળી થાય !
    આ ત્રણેયના કલર ન પકડાય તો ખામી ચૂલામાં સમજવી!
    એક સવાર બગાડે,
    બીજી દિવસ બગાડે,
    ત્રીજી જિંદગી બગાડે.
    ચાની ચૂસકી, દાળનો સબડકો અને બાયડી ફડકો !
    આ ત્રણનું કોમ્બીનેશન તો જુઓ!
    ત્રણેય સ્ત્રી જાતિ,
    અને સુધારવું-બગાડવું પણ એના હાથમાં !!!
    માટેજ
    મિત્રો બાજી સુધારી લ્યો
    સરસ ,
    ગંમ્મતમા કહેવાતી આવી રમુજી વાતોની ક્ષણો પણ માણવાની હોય છે અને તેને રમુજ તરીકે લેવાની હોય છે.બાકી તેને બદલે જીવનનનો આનંદ ંઆણવા મનગમતી ધૂન સાંભળવી અથવા શાંત રહીને આસપાસ દોડી જતી ખિસકોલીને નિહાળવી અથવા પક્ષીઓના કલરવને ઘડીક પ્રસન્નતાપૂર્વક માણવો – આ બધું ભાગ્યશાળીઓને મળે છે. સ્નેહીજનો કે પડોશી સાથે બે ઘડી સુખ-દુઃખની વાતો કરી લેવી, જેથી માનવી માનવીની વધારે નજીક આવે છે. આ બધી સાવ સામાન્ય લાગતી અને નાની વાતો છે, પરંતુ જીવનનું ઘડતર એનાથી જ થતું હોય છે. મસમોટા મશીનને નાનકડા સ્ક્રુ જ જોડી રાખતા હોય છે ! આથી, જો જીવનમાં પ્રસન્નતા ભરવી હોય તો આ નાનકડી ક્ષણોને આનંદસભર બનાવવા સમય કાઢી લેવો જોઈશે

    Reply
  • સરસ…રમુજ માણવાની મજા આવી ગઈ, …..
    ‘બાયડીઓ’ Be positive ! …..માનવું કે એક નવું હથિયાર મળ્યું… ‘ભાયડાઓને caution કરવાનું … જો બાયડીને બગડી તો જિંદગી બગડશે …માટે બાયડીઓને સાચવીનેજ રાખવી !!!!

    Reply
  • ડૉ ચંદ્રવદન મિસ્ત્રી,

    જ્હાસ્ય-વ્યગ સાથે માર્મિક ચેતવણી પણ પુરુષોને આપી ઉત્તમ કાર્ય કરેલ છે, હકીકતમાં પત્નીને બાયળી જ્યારે સમજવામાં આવટી હોય છે ત્યારે જ આવી ગરબડ ઊભી થતી જણાય છે.

    હકીકતે જોઈએ તો પત્ની અને બાયડી ના ભાવાર્થમા ઘણોજ ફરક રહેલો છે, હવે, આપને જ જોવાનું છે કે આપણે પત્નીને પત્ની સમ્જીઈ છીએ કે બાયડી?

    સુંદર રચના !

    Reply
  • 8. himanshupatel555  |  February 7, 2011 at 5:14 pm

    મને લાગે છે કે ” બાયડી” જેવો નિમ્ન કક્ષાનો શબ્દ જ સૌથી પહેલા તો બગાડની શરુઆત છે કારણ તેમાં ઉતારી પાડવાનો રણકો છે. બાયડી અને ભાયડો એ અપભ્રંશ અભિગમ છે ભલેને એ ગામઠી બોલીના રહ્યા.
    બાકી તમારો વ્યંગ તાર્કિક છે, ગમ્યો.

    Reply
  • 9. Harnish Jani  |  February 7, 2011 at 7:58 pm

    તમારો જવાબ બહુ સુંદર છે-ગમ્યો.

    Reply
  • 10. Ramesh Patel  |  February 8, 2011 at 4:29 am

    અને,…એક દિવસ બાયડીનો ફાળો તોલી,ખુશીભર્યો આભાર દર્શાવજો !
    જો,…આટલા પ્રયત્નો હશે, તમ જીવનમાં,
    તો,….હંમેશા ખુશી આનંદ હશે તમ જીવનમાં
    ………………
    ખૂબ જ ઉમદા ભાવ સાથે કવિતા મારફત સોનેરી સંદેશ.
    જગતને નિર્દોશ જોતા થયા તો બેડો પાર.
    રમેશ પટેલ(આકાશદીપ)

    Reply
  • 11. readsetu  |  February 8, 2011 at 6:24 pm

    બધું સરસ પણ ‘બાયડી’ શબ્દ રદ કરવો જ પડે !!

    લતા જ. હિરાણી

    Reply
    • 12. chandravadan  |  February 8, 2011 at 10:07 pm

      લતાબેન,

      તમે પધારી પ્રતિભાવ આપ્યો તે માટે આભાર !

      તમે “બાયડી” શબ્દ વિષે કહો છો તે યોગ્ય છે.

      મે જ્યારે રચના કરી ત્યારે એક લાઈન વધારી….”પન્તીને બાયડી કદી ના કહો ” કે “બાયડી શબ્દને ગુજરાતી ભાષામાંથી કાઢો ” ….કે કંઈક એવા ભાવે લખવું હતું.

      >>>>ચંદ્રવદન

      Reply
  • 13. બીના  |  February 8, 2011 at 10:26 pm

    આદરણીય ડો. શ્રી ચંદ્રવદનભાઈ,
    I agree with Lataben. ‘બાયડી’ શબ્દ રદ કરવો જ પડે .
    I liked your creation and the picture you have put is awesome. Wonderful!

    Reply
  • 14. ડો. કિશોરભાઈ એમ. પટેલ  |  February 8, 2011 at 11:37 pm

    ડૉ. સાહેબ

    ખુબ જ સરસ રચના

    આજની મુલાકાત કદાચ કાયમી બની જશે.

    વાહ…ભાઈ…વાહ…મઝા પડી ગઈ

    ડૉ.કિશોર પટેલ

    સમયની અનુકુળતા હોય તો મારા બ્લોગ પર આપના પાવન પગલા પાડશોજી.

    Reply
  • 15. Capt. Narendra  |  February 9, 2011 at 1:21 am

    કોઇ ચીજ એની મેળે બગડતી નથી. ભલે તે ચા હોય, દાળ હોય કે…..
    ચા બગડવાનું કારણ?
    દાળનું કારણ? અને છેલ્લે….?
    આ બધાના મૂળમાં પહેલો શબ્દ છે – “જેની” એટલે પુરુષની – એટલે આ કહેવતનું જડ પુરુષમાં જ હોય છે! આ તેની દૃષ્ટીનો દોષ છે, બાકી ચા, દાળ કે સ્ત્રીમાં મૂળભૂત કોઇ દોષ નથી હોતો! તેથી, પ્રિય મિત્રો, જે પુરૂષની દૃષ્ટી બગડી તેના ત્રણે બગડ્યા!

    Reply
  • 16. chandravadan  |  February 9, 2011 at 1:30 am

    Photo

    Harshad / Madhav
    This is Posted as a COMMENT from HARSHAD/MADHAV..who visited & read this Post & Clicked “LIKE” & his Photo gave the LINK to him.
    THANKS !
    DR. CHANDRAVADAN MISTRY

    Reply
  • 17. ishvarlal r. mistry  |  February 9, 2011 at 6:14 am

    Hello Chandravadanbhai,
    It is good you have changed the word Baydi, it is not very respectful ,there is a nice way of saying so why not, we should respect them they do a lot for us. Otherwise the poem is nice and meaningful.
    Ishvarbhai R. Mistry.

    Reply
  • 18. Dr P A Mevada  |  February 9, 2011 at 10:16 am

    અવનવું શોધીને લખોછો એજ તમારી લક્ષણિકતા કહી શકાય.

    Reply
  • 19. Rajul Shah  |  February 9, 2011 at 4:07 pm

    નારી તાડન કે અધિકારી માનનારા અને હંમેશા પોતાના જ આધિપત્ય નો આગ્રહ રાખનારા અધિપતિઓ દ્વારા જ્યાં આવુ સન્માન મળે ત્યાં લક્ષ્મીનો વાસ હોય , સ્વર્ગનો આનંદ હોય.

    Reply
  • 20. hema patel  |  February 12, 2011 at 12:05 am

    બહુજ સરસ વિચારો આ કૃતિ દ્વારા પ્રગટ કર્યા છે.
    પત્નિને માન આપવાથી જીવન મહેકી ઉઠે છે .
    અને ઘરમાં સુખ શાંતિ બની રહે છે .

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Enter your email address to subscribe to this blog and receive notifications of new posts by email.

Join 172 other followers

Recent Posts

Top Rated

Categories

અમી નજર ભરેલી મુલાકાત બદલ આભાર..ફરીથી પધારજો

Locations of visitors to this page <input type="button" value="Type Gujarati" onclick="win = window.open('','Comment', 'toolbar=0,menubar=0,location=0,width=550,height=550'); win.document.write(' var id='TEXTAREAID';'); win.focus();">

Blog Stats

  • 260,514 hits

Disclimer

February 2011
M T W T F S S
« Jan   Mar »
 123456
78910111213
14151617181920
21222324252627
28  

%d bloggers like this: