વૃધ્ધમાનવ પૂકાર

 

વૃધ્ધમાનવ પૂકાર

એક વૃધ્ધ માનવી પૂકારી રહ્યો…….

શાળામાં ભણતો હતો, ત્યારે કોલેજ જવાની ચીંતાઓ હતી,

કોલેજમાં ભણતો હતો, ત્યારે નોકરીની ચીંતાઓ હતી,

સારી નોકરી મળી, ત્યારે પરણવાની ચીંતાઓ હતી,

પરણી ગયો, ત્યારે સંતાનોની ચીંતાઓ હતી,

સંતાનો થયા, ત્યારે સંતાનો મોટા ક્યારે એની ચીંતાઓ હતી,

સંતાનો મોટા થયા, ત્યારે એમને પરણાવવાની ચીંતાઓ હતી,

સંતાનો પરણાવ્યા, ત્યારે પૌત્ર-પૌત્રીઓની ચીંતાઓ હતી,

પૌત્ર-પૌત્રીઓને રમાડતા, નોકરીમાંથી ક્યારે નિવૃત્તિ હશે એની ચીંતઓ હતી.

અને, ત્યાં અચાનક, માનવી જગ્યો, અને વિચારતો રહ્યો……

અરે, આવી ચીંતાઓમાં હું તો માનવી તરીકે જીવન જીવવાનું જ ભુલી ગયો,

અરે, પૈસા ભેગા કર્યા પણ અન્યને સહાય કરવાનો જરા વિચાર ના કર્યો,

અરે, જીવન એવું  જીવ્યો કે તંદુરસ્થી મારી જ ગુમાવી બેઠો,

અરે, ભક્તિપંથથી દુર રહી, પ્રભુ-સ્મરણ પણ ભુલી ગયો,

અરે, આ તે કેવી જીંદગી હું જીવ્યો ?

અરે, “મૃત્યુ કદી ના આવશે “એવા પાગલપણામાં જાણે જીવ્યો !

ત્યારે ચંદ્ર અંતે કહે એને…….

અરે, મુરખ માનવી, અમુલ્ય છે આ જીવનની એક એક ઘડી,

કર્તવ્ય-પાલન કરતા, શુભ કાર્યોમાં હોય તારી હર ઘડી,

જે સમયે જે મળ્યું તે માટે પ્રભુ-ઉપકાર માનવાની છે ઘડી,

સંતોષી જીવને, ભક્તિરસથી પ્યાસ તારી બુજાવી લેવી હર ઘડી,

બસ, આટલું ધ્યાનમાં લઈ, હવે, હંકાર આ જીવન-નૈયા તારી,

“કરશે ભવસાગર પાર તું ” એવી શ્રધ્ધાભરી છે આ ચંદ્રવાણી !

 

કાવ્ય રચના…..જુન, ૫. ૨૦૦૯              ચંદ્રવદન.

( આ રચના છે એક ઈમેઈલમાં મળેલી અંગ્રેજી લખાણ આધારીત છે…લખનાર “એક વૃધ્ધ” )

 

બે શબ્દો

તારીખ, જુન, ૫. ૨૦૦૯ અને મારા સ્નેહી તરફથી એક ઈમેઈલ આવ્યો. એમાં, અંગ્રેજીમાં એક લખાણ હતું, જેમાં શબ્દો હતા એક વૃધ્ધના. લેખક કોણ એની જાણ ન હતી. છ્તા, મારા સ્નેહીએ ભલામણ કરી કે આ વિચારો “ચંદ્રપૂકાર ” પર એક પોસ્ટરૂપે પ્રગટ કરો…….જે વાંચ્યું તે મને પણ ગમ્યું, અને પ્રભુપ્રેરણાથી એક કાવ્યરચના શક્ય થઈ, આથી, આ રચના માટે એ ઈમેઈલના લેખકનો હું આભારીત છું.અને, આ કાવ્ય લખાણ બાદ, હું વિજયભાઈ શાહના બ્લોગ “વિજયનુંચિંતન જગત “પર ગયો તો એક ઈમેઈલરૂપી પોસ્ટ વાંચવા ક્લીક કર્યું તો અચંબો થયો……મારા સ્નેહીએ મોકલેલી માહિતી હતી, અને જાણ્યું કે ઈમેઈલ મોકલનાર હતા અક્બર અલી નરસી……વિજયભાઈને રચેલ કાવ્ય પોસ્ટરૂપે પ્રગટ કરવાની ઈચ્છાની જાણ કરી. તો, આજે તમે એ કાવ્ય વાંચી રહ્યા છો તેનો મને આનંદ છે…તમે જરૂરથી તમારો પ્રતિભાવ પણ આપશો.>>>>>ચંદ્રવદન.

 

 

FEW WORDS

This Post with the Poem in Gujarati is because of an Email wih an attachment in English which coveyed the FEELING of AN OLD MAN…..It seems that the message originated from AKABAR ALI NARSIH…..I only wrote “those feelings ” in a Poem in Gujarati. The actual Email message is published here>>>>>

 

 

 

 

How true !!!!!!!!!! -Email from-Akbar ali Narsi