મિત્રતાના સ્નેહસબંધે

 

 

મિત્રતાના સ્નેહસબંધે

મિત્રતાના સ્નેહસબંધે, વહે જીવન મારૂં,

ઈચ્છું એટલું કે હોય હંમેશા ભલું સૌનું !…(ટેક)

જગતમાં તમે એક માનવી બની સફર કરો,

અને, માનવતાના ગુણે, બીજા માનવીઓને મળો,

કદી કરશો આવું, તમ હ્રદયદ્વાર ખોલી,

તો, ભરાશે તમ મિત્રતાની ઝોલી !……..મિત્રતા….(૧)

જીવન સફરે, સુખમાં હોય મિત્રો ઘણા,

દુઃખભર્યા દિવસોમાં રહે સાથ તે જ મિત્રો ખરા,

ધ્યાનમાં રાખજે, હકીકત આવી હમેંશા,

અને, અનુભવોનું ભાથુ રહે સાથ તારી હમેંશા !…….મિત્રતા…(૨)

માનવ છે તો, તો થાય ભુલો, કબુલાત એવી કર,

શત્રુ બનેલ મિત્રને પણ ભેટી ક્ષમા કર,

વર્તન તારું  હશે આવું તો, માનવી ખરેખર તું,

હશે તુજ પર કૃપા અપાર પ્રભુની, એવું કહું હું !……મિત્રતા…..(૩)

 

કાવ્ય રચના….મે, ૨૨. ૨૦૦૯            ચંદ્રવદન

 

 

બે શબ્દો

આજે તારીખ મે, ૨૫,૨૦૦૯ અને આ વર્ષનો ” મેમોરીયલ ડે ” (Memorial Day ). અને, “સંસાર અને સબંધો ” ના વિષયે  આજની પોસ્ટ છે “મિત્રતાના સ્નેહસબંધે “……મનુષ્ય-મનુષ્ય વચ્ચે મિત્રતા થાય છે…..સાચા હ્રદય્ભાવ સાથે થયેલી મિત્રતા એ હંમેશા રહે છે……માનવી રહ્યો એટલે ભુલો કરવી એ શક્ય છે….અને, જો ભુલો માટે ખરા હદયભાવે માફી હોય તો મિત્ર-મિત્રે ભેટી પ્રભુનો પાડ માનવો રહ્યો……..આ સંસાર રંગીલો છે, અને છે જુદી જુદી વિચારધારાના માનવીઓ, કોઈક ખોટા વિચારો સાથે……..સુખ્-દુઃખે મિત્રતાનું પારખું છે…….સાચો મિત્ર સુખ કે દુઃખના સમયે સાથે જ રહે છે, અને માંગ્યા વિના સહાય કરે છે. જો  આપણે સૌ મિત્રતાના ભાવે સૌને નિહાળીએ તો આ જગત જ સ્વર્ગ છે ! મિત્રતા બારે કે આ કાવ્ય બારે તમે તમારા વિચારો “પ્રતિભાવો ” રૂપે લખશોને ?…………..ચંદ્રવદન

 

 

FEW WORDS

Today’s post is a Gujarati Poem entitled ” Mitrata na  Snehsabandhe ” meaning  Loving Realationship in Friendship. This is yet another post on the  topic of  ” Sansaar ane Sabandho ” meaning the Human Relationships in the World. The Poet encurages all to make friends…..then warns that one must recognise who are the “true friends ” ……a true friend will be there in Good or Bad times ! I hope you like the  message !>>>>>CHANDRAVADAN.