ચંદ્રવિચારો શબ્દોમાં (૪ )

 

 

 

 

            

 

ચંદ્રવિચારો શબ્દોમાં (૪ )

ઉપરના નામકરણે, પ્રથમ પોસ્ટ જુલાઈ ૨૦૦૮માં પ્રગટ કરી, અને ત્યારબાદ, ઓગસ્ટમાં બીજી બે પોસ્ટો પ્રગટ કરી.

ઘણો જ લાંબો સમય વહી ગયો અને મનમાં વિચાર આવ્યો,….” ૨૦૦૮નું વર્ષ પૂરૂ થાય તે પહેલા કંઈક તો લખવું

રહ્યું ” તો, આજે આ પોસ્ટ્ પ્રગટ કરી રહ્યો છું,

નવેમ્બર, ૨૨. ૨૦૦૭માં ” ચંદ્રપૂકાર “ની સાઈટની શરૂઆત થઈ ત્યારે સવંત ૨૦૬૪નું વર્ષ હતુ અને પછી ૨૦૦૮ની

શરૂઆત અને આજે ૨૦૦૮ના ડીસેમ્બરની ૩૦મી તારીખનો દિવસ અને એથી આ ૨૦૦૮ની છેલ્લી પોસ્ટ છે. કિન્તુ,

શું લખું એ એક મોટો પ્રશ્ર રહે છે.

ચાલો…..તો ૨૦૦૮માં શું શું થયું હતું તેનુ વર્ણન કરીએ…યાને જેટલું યાદ આવે તે ! વિશ્વમાં તો અનેક ધટનાઓ

થઈ, જેમાં કોઈક ” કુદરતી ” તો કોઈક “માનવીઓ આધારીત”. પ્રથમ, કુદરતી કોપરૂપી ધટનાઓમાં ચાઈનામાં

થયેલ મોટા ધરતીકંપના કારણે અનેકના મ્રુત્યુ અને ભારી નુકસાન, કેલીફોર્નીઆ, અમેરીકામાં આગોના કારણે

અનેક ઘરો બરી ગયા અને ભયંકર નુકસાન થયું, અને અમેરીકામાં અન્ય જ્ગ્યાએ વરસાદ કે પવન ( ટોરનેડો ) થકી

નુકસાન અને કોઈકના મ્રુત્યુ. આવી ઘટનાઓથી માનવીઓના હૈયા હલી ગયા !

માનવીઓ- આધારીત અનેક ઘટનાઓ થઈ તેમાં કોઈક વાર આનંદ તો ઘણી વાર મહાન દુઃખનો અનુભવ થયો.

આતંકવાદીઓ વિશ્વમા અશાંતીભર્યું વાતાવરણ કરી રહ્યા છે એ એક દુઃખભરી કહાણી છે.એમ્ણે ભારતમાં ગુજરાતમાં

અને અન્ય શહેરોમાં બોબ્બો ફોડ્યા અને અંતે મુંબઈમાં  હોટેલો વિગેરે સ્થાને હુમલ કર્યો જે થકી અનેક નિર્દોષ

માનવીઓએ જાન ગુમાવી…આ દુઃખભારી કહાણી છે, પેલેસ્ટાઈન, ઈરાક તેમજ અફગાનીસ્થાનમાં જે યુધ્ધ

ચાલી રહ્યું છે અને અનેક માનવીઓ મ્રુત્યુ પામે છે એ દુઃખભરી કહાણી છે.

૨૦૦૭ની આખરીથી તે ૨૦૦૮માં  ટીવી કે ન્યુઝ્પેપરોમાં એક મુખ્ય વાત.. અમેરીકાના પ્રેસીડંટની ચુંટણીની વાત !

અંતે, બે ઉમેદવારો, મેકેઈન અને ઓબામા, અને નવેમ્બર ૨૦૦૮ના જનરલ ઈલેકશનમાં ઓબામા જીતી ગયા.

અમેરીકાના ઈતિહાસમાં પહેલી વાર એક કાળા માનવીને પ્રેસીડંટ બનવાની તક મળી…અને  જાન્યુઆરી ૨૦ ૨૦૦૯માં

જ્યારે ઓબામા અમેરીકાના પ્રેસીડંટ બનશે ત્યારે એક ઐતિહાસીક ઘટના હશે !

થાઈલેન્ડમાં જનતાએ વિરોધ કર્યો અને નવા પ્રધાનમંત્રી ગાદી પર આવ્યા…આ ખુશીની વાત અને જનતાબળનો દાખલો

છે..જ્યરે બર્મામાં જનતાના વિરોધને સરકારે તોડી નાખ્યો, કે પછી ટીબેટમાં ચાઈનાએ માંગેલ હક્ક ના આપ્યો એવી ઘટનાઓ

હૈયે દુઃખ આપે છે. અમેરીકામાં થયેલ ” ઈકનોમીક ક્રાઈસીસ ” કે જેની અસર વિશ્વભરમાં નજરે પડે છે એ પણ દુઃખ આપે

છે.ગોર્જીઆના દેશ પર રસીઆનો કરેલ હુમલો દુઃખ આપે ત્યારે ચાઈનામા થયેલ ઓલમ્પીક જે પ્રમાણે ઉજવાય તે હંમેશા

યાદ રહેશે. અને, ભારતનું સ્પેઈસ-ક્રાફ્ટ “ચંદ્રવાન ” ચંદ્ર પર પહોંચ્યું એ ઘટના ભારત માટે એક ગૌરવભરી કહાણી છે.

આ પમાણે, અનેક ગમતી/નાગમતી  ” કુદરતી ” કે માનવ- આધારીત  ઘટનાઓ ૨૦૦૮માં થઈ હતી તેમાંથી થોડી જ

ઘટનાઓનું વર્ણન કર્યું…અને હવે, પ્રભુને પ્રાથના કે ૨૦૦૯માં ગમતી અને સારી ઘટનાઓ બને !

 ” કુદરતી ” કે ” માનવાઅધારીત ” ઘટનાઓ બારે લખ્યું છતા આ પોસ્ટ અધુરી છે કારણ કે મેં મારી સાઈટ

“ચંદ્રપૂકાર ” બારે જરા ના કહ્યું……૨૦૦૭ના નવેમ્બર માસે શરૂઆત કર્યા બાદ ૨૦૦૮ના નવેમ્બરમા સાઈટની

પહેલી એનીવરસરી ઉજવાય, અને અનેકના પ્રેમ્ ઉત્તેજનથી ચંદ્રપૂકાર ખીલી રહી છે…..આ હોમ પર ૮૫મી પોસ્ટ છે

અને, કુલ્લે ૨૩,૦૦૦થી વધ મહેમાન બની અમીનજરે નિહાળી. આ ખુબ જ આનંદની વાત છે, અને સર્વને વિનંતી

કે ૨૦૦૯માં પધારી પ્રતિભાવો પણ આપતા રહેશો !

અંતે ચંદ્રવિચાર્……

કુદરતી ઘટનાઓ પ્રભુઈચ્છાઓ થકી.

કરૂણ હોય તો ભેદ એનો સમજાય નહી,

માનવીઓ આધારીત ઘટનાઓ જો થાય,

અને, જો કરૂણ હોય તો ફરીયાદ માનવીઓને જ થાય

અંતે તો,”હવે સારૂં થશે “એવી આશાઓ કરી,

માનવે જીવન જીવવા પ્રભુપ્રાર્થના કરી !

ચંદ્રવદન