શરદ પુનમની રાતે કાનો રાસ રમે

 

 

 

 

 

શરદ પુનમની રાતે કાનો રાસ રમે

શરદ પુનમની રાતલડીએ…કાનો મારો તો રાસ રમે, રાસ રમે,

કાનો તો વ્રંદાવનમાં જાય રે રાધા સંગે,

એ તો રાસ રમે રાધા સંગે, રાધા સંગે,

હાલો….જોવાને જઈએ, જોવાને જઈએ !…..શરદ…૧

કાનો તો વ્રંદાવનમાં હવે ગોપ-ગોપીઓ સંગે,

એ તો રાસ રમે ગોપ-ગોપીઓ સંગે, ગોપ-ગોપીઓ સંગે,

હાલો…જોવાને જઈએ, જોવાને જઈએ !…શરદ….૨

આવ્યું છે જોવાને સારૂ ગોકુળીયુ ગામ રે

આવ્યા છે જોવાને દેવ-દેવીઓ આજ રે,

હાલો…જોવાને જઈએ, જોવાને જઈએ !….શરદ….૩

જાશો તમે તો કાનો મારો રમશે તમારી સંગે,

અને, ચંદ્ર કહે…તરશો તમે આ ભવસાગર કાના સંગે,

હાલો….જોવાને જઈએ, જોવાને જઈએ !….શરદ….૪

કાવ્ય રચના…ઓકટોબર, ૮, ૨૦૦૮   ચંદ્રવદન

 

 

બે શબ્દો

આજે શરદ પુનમના દિવસે આ પોસ્ટ પ્રગટ કરતા આનંદ થાય છે.

નવરાત્રી બાદ, આ શુભ દિવસ મારા હૈયામાંથી કદી ભુલાય તેમ નથી.

એનું શું કારણ એ આજે કહેવું નથી.

આ કાવ્ય રચનામાં શરદ પુનમ સાથે કાનાને જોડી મેં આપ સૌને

કૃષ્ણ- ક્રુપા મેળવવા બોલાવ્યા છે….તો, જરૂર વેબસાઈટ પર આવી

રચના વાંચી હૈયે કૃષ્ણ-સ્મરણ કરશો તો મને ખુબ જ ખુશી હશે.

જય શ્રી કૃષ્ણ સૌને ! …….ચંદ્રવદન